Luqa Youth Centre

Kien is-16 ta' Lulju 2003 meta' Dun Norman Zammit (il-Viċi Kappillan ta' dak iż-żmien) ħareġ bl-idea li titwaqqaf għaqda speċifikament għaż-żgħażagħ. Wara diversi laqgħat li kienu saru fis-sajf tal-istess sena, l-Luqa Youth Center (LYC) ra il-bidu tiegħu nhar l-Erbgħa 24 ta’ Settembru 2003 billi, matul l-ewwel laqgħat ta' kumitat, ġew approvati l-istatut u l-karigi rispettivi sabiex din l-għaqda t

ibda taħdem. Dun Norman Zammit żamm il-kariga ta' direttur spiritwali, Antoine Muscat bħala chairman, Ian Ellul bħala segretarju, James Aquilina kaxxier u Lorretta Spiteri PRO. It-twaqqif ta’ l-għaqda kien pass importanti peress li għal żmien twil ma kien hawn l-ebda għaqda għall-formazzjoni taż-żgħażagħ f'din il-parroċċa. Wara li n-numru ta’ żgħażagħ beda jiżdied, l-LYC bdiet torganizza sensiela ta’ laqgħat bis-sehem prinċipali tad-direttur spiritwali. Inizjalment dawn kienu jsiru kull nhar ta’ Tlieta iżda l-ġurnata ma damitx wisq biex tinbidel f'nhar ta’ Ġimgha biex l-attendenza miż-żghazagh tkompli tiżdied. Il-bidu seħħ fil-kappella taċ-Ċentru Parrokkjali iddedikata lill-Madonna tal-Karmnu. Iżda f’ Lulju tal-2005, il-Kappillan Dun Karm Camilleri ta l-post preżenti li ftit xhur qabel kien qiegħed iservi ta' skola. Matul dan iż-żmien li ilha mwaqqfa l-għaqda kompliet torganizza attivitajiet kemm ta' natura spiritwali - bħall-eżerċizzi tar-Randan - kif ukoll ta' natura rikreattiva - fosthom hikes, bar-bee-ques, discos, car washes, picnics u diversi attivitajiet oħra. L-ikbar attivita' hija l-Lejla Sajfija li tittella' f'Awwissu. Illum il-ġurnata l-LYC hija mmexxija minn kumitat ta’ disgħa persuni. Ic-chairperson responsabbli mill-grupp hija Nicolette Aquilina filwaqt li Fr Franco Fenech huwa d-direttur spiritwali. Barra minn hekk l-LYC għandha rappreżentanza permanenti fil-Kunsill Pastorali Parrokjali, kif ukoll hija membru fi ħdan il-Kummissjoni Adolexxenti u Żgħażagħ tal-Parroċċa.