06/09/2026
Inħarsu lura lejn il-live-in li kellna għall-grupp ta’ bejn it-13 u s-17-il sena! 🌿🌍
It-tema li mexxietna matul dawn il-jiem kienet ID-DINJA TA’ MADWARI stedina biex noħorġu ftit mir-ritmu mgħaġġel tal-ħajja ta’ kuljum u nagħtu aktar kas ta’ dak kollu li ħafna drabi nieħdu bħala ovvju.
Skoprejna mill-ġdid il-ġmiel tan-natura, il-kobor tal-bniedem, it-talenti u l-kapaċitajiet li kull wieħed u waħda minna għandu. Fuq kollox, irrealizzajna kemm hu prezzjuż ir-rigal li għandna b’xulxin. 🤍
Permezz ta’ attivitajiet, diskussjonijiet, talb u mumenti sbieħ flimkien, dan il-live-in tana ċ-ċans nieqfu
Nieqfu biex nisimgħu
Nieqfu biex nosservaw
Nieqfu biex napprezzaw
Tlaqna minn dawn il-jiem b’għajnejna aktar miftuħa għal dak kollu li jagħmel il-ħajja sabiħa — in-natura, in-nies li jaqsmu l-vjaġġ magħna, it-talenti li għandna u dawk il-mumenti żgħar li kultant jgħaddu mingħajr ma nindunaw bihom.
Għax xi drabi, kulma hemm bżonn hu li nnaqqsu ftit il-pass, inħarsu lejn id-dinja ta’ madwarna u niftakru kemm għandna għalxiex ngħidu…
GRAZZI. 🌍💚
