27/10/2026
Х.НЯМБААТАРЫН ГҮТГЭЛГҮҮДЭД НЯЦААЛТ
1. Монгол Улсын Ерөнхийлөгчийг Австрали улсад хувийн хаустай мэтээр гүтгэсэн.
Түүний араас цахим орчинд тодорхой байшингийн зураг тарсан байдаг. Нягталж үзэхэд тус зураг нь Австралийн property.com,au сайт дээрх зарын зургийг ашиглан хуурамч мэдээлэл түгээсэн болох нь тогтоогдсон.
2. Ерөнхийлөгчийг хувьдаа Андууд тауэр хэмээх олон давхар барилгын эзэн гэж гүтгэсэн.
Шалгаад үзтэл тус барилга нь Сүхбаатар дүүргийн 6-р хорооны нутаг дэвсгэрт байрлах Сүхбаатар дүүргийн ЗДТГазрын эзэмшлийн барилга буюу Нийслэлийн өмчид бүртгэлтэй байна. Концессын гэрээгээр барилга барьж буй компани нь Асар өргөө ХХК. Эзэмшигч нь Ардчилсан намаас НИТХ-н төлөөлөгч болж байсан иргэн Лхамсүрэнгийн Наранбаатар болон түүний ах дүү нар болох иргэн Лхамсүрэнгийн Ганзориг, Лхамсүрэнгийн Зоригт нар болохыг opendata.mn сайт дээрээс харж болно.
3. Ерөнхийлөгчийг United mall гэх хувийн их дэлгүүртэй гэж гүтгэсэн.
Шалгаж үзэхэд тус их дэлгүүр нь 6147291 тоот регистрийн дугаартай Юнайтед молл ХХК-ийн үл хөдлөх хөрөнгө байна. Компанийг эзэмшигч нь Б.Даваадорж, захирал нь Сосорбурамын Ганбаатар гэж хүн болохыг мөн opendata.mn сайт дээрээс харж болно.
4. Гачууртад олон зочид буудлуудтай гэж гүтгэсэн.
Ерөнхийлөгчид ийм зочид буудлууд байхгүй. Харин Тэрэлжид байршилтай 10 дүнзэн байшин, 10 гэр бүхий жуулчны бааз ажиллуулдаг “Илт хан” ХХК -ийн 58 хувийг эзэмшдэг. Тус компани нь 10 гаруй жил үйл ажиллагаа явуулж байгаа бөгөөд уг хувь эзэмшил нь Ерөнхийлөгчийн Хөрөнгө орлогын мэдүүлэг дээр сүүлийн 10 жилийн туршид тогтмол тэмдэглэгдэж ирсэн байдаг.
5. Бага тэнгэрт 30-40 сая доллар буюу тус бүр 140 тэрбумаар үнэлэгдэх хаусууд бүхий хороолол, хотхонтой гэж гүтгэсэн.
Тараасан бичлэг дээрх хаусууд нь Грийн ресурс ХХК болон иргэн Г овогтой С, С овогтой Б нарын байшингууд байна.
Дашрамд дурдахад Монгол Улсын Ерөнхийлөгч нь Бага тэнгэрийн байршилд 1 амины орон сууц захиалсан байдаг. Үүний мөнгөн дүн Ерөнхийлөгчийн Хөрөнгө орлогын мэдүүлэг дээр хасагдаж бүртгэгдсэн байгаа. Бага тэнгэр орчимд 164 айлын амины орон сууц, 280 орчим айлын нийтийн орон сууц байдаг юм байна. Үүнийг мушгин гуйвуулж гүтгэсэн байна.
6. Тансаг машины цуглуулгатай гэж дахин гүтгэсэн.
Энэ худал мэдээллийг цахим орчинд түгээсэн Х.Нямбаатарын хэвлэлийн ажилтан Г.Золзаяа нь хуулийн байгууллагаар тогтоогдож БНХАУ-руу оргон зайлсан байдаг. Тэрээр Х.Нямбаатарын захиалгаар хуурамч мэдээлэл түгээсэн тухай хэргээ хүлээж, Ерөнхийлөгчийн Тамгын газраас уучлал гуйсан байдаг.
7. Хувийн нисдэг тэрэгтэй гэж гүтгэсэн.
Ерөнхийлөгчид хувийн нисдэг тэрэг байхгүй. Монгол улсад хувийн хэвшлийн нийт 18 нисдэг тэрэг байдаг байна. Эдгээр нисдэг тэргүүд нь бүгд ИНЕГ-т бүртгэлтэй байдаг байна. Харин Зэвсэгт хүчний Ерөнхий командлагчийн хувьд зэвсэгт хүчний жанжин штабын нисдэг тэрэг буюу 303 дугаар ангийн нисдэг тэрэг шаардлагатай тохиолдолд үйлчилдэг.
8. Ерөнхийлөгчийн Тамгын газрын ажилтнуудыг бүгд G Class унадаг гэж гүтгэсэн.
Тамгын газрын ажилтнууд дунд G Class унадаг албан тушаалтан нэг ч байдаггүй. Цалингаа аваад ажлаа хийж байгаа төрийн албан хаагчдыг хүртэл ийнхүү гүтгэж байгаад харамсаж байна.
9. Х.Нямбаатарын хувьд Ерөнхийлөгчийг гүтгэж байгаа энэ үйлдэл бол Канад улсад улс төрийн орогнолд хамрагдах нотлох баримт бүрлүүлэх зорилготой үйлдэл юм. Канад улс нь гэмт хэрэгтэнд улс төрийн орогнол олгодоггүй. Тэрээр ийнхүү бичлэг үлдээж, улс төрийн тэмцэгч болж харагдах гэсэн зальжин оролдлого хийх гэж үзэж байна.
