29/09/2026
Завршниот настан на кој се презентираа клучните резултати на проектот „Заштита и превенција од родово базирано насилство во Северна Македонија”, што се спроведуваше во изминатите пет години, се одржа денеска во Скопје.
🔶 Проектот го спроведуваа Министерството за социјална политика, демографија и млади со бројни национални институции и UNFPA North Macedonia, со финансиска поддршка на British Embassy Skopje, во текот на три проектни фази.
🔷 На настанот, во присуство на претставници на националните институции, невладиниот сектор, меѓународната заедница и медиумите, се презентираа клучните резултати, вклучително и изработката на Националната стратегија за превенција и заштита од родово базирано насилство врз жени и семејно насилство и јакнење на Националното координативно тело за имплементација на Конвенцијата на СЕ за спречување и борба против насилство и семејно насилство.
🔶 Се дискутираше за бројни достигнувања, меѓу другото, во делот на меѓусекторската соработка, спроведување обуки, отворање на шелтер центар во Полошкиот регион, поддршка од локалната самоуправа, приватниот сектор и верските заедници, како и јакнење на стратешкото комуницирање за превенција од родово базирано насилство.
🔷 Истовремено, се промовираше и публикацијата „Патека на жртвата” во која се идентификуваат системски бариери и институционални слабости во системот за управување со случаи на родово базирано насилство.
Министерство за труд и социјална политика
UN_MK
UNFPA Eastern Europe & Central Asia