18/01/2026
ЗАПОЗНАЈТЕ СЕ САМИТЕ СЕБЕСИ
Според филозофската мисла пронајдена во малоазискиот град Делфи, од пред неколку илјади години, мисла која ја користел и Платон и Сократ, Аристотел и други и во денешно време.
Почитуван човеку, почитуван човече високo ценет, биди човек и остани и понатаму таков и живеј го животот таков според можностите, условите и околностите, но, сепак, остани
човек. Биди еднаков и праведен спрема сите, без разлика на вера, нација, религија, култура.
Постапувај еднакво и биди човек и мисли човечки, зошто си, сепак, човек, човечко суштество.
Почитувај ги сите како човечко суштество, со достоинство, а не како средство и предмети и биди човек, секогаш и секаде и понатаму издржи и во најтешки услови за живот, така што твоите дела после тоа, ќе бидат повеќе од закон и прифатени од сите човечки суштества подеднакво, без притисок, доброволно со задоволство.
Гледај ги луѓето како целина, во целина, а не како делови од делови, зошто човекот е целина, составена од Дух и тело, кои дејствуваат заедно, каде Духот владее со телото, со материјата и затоа кога го лечиме телото го лечиме и Духот, дејствуваат заедно и во добро и во лошо.
Времето поминато во создавање на огромни непотребни богаства, материјални, замени го во време за напредок и развој, за добро и опстанок, но, и покрај тоа, многу време вложено, остани човек, со сите човечки квалитети и способности, ќе бидеш задоволен и ти и другите.
Почитуван човеку, биди човек, зошто не е лесно да бидеш тоа во ова време, невреме, во различни страни на светов, се водат крвави војни, се краде, се лаже, се дрогираат, но, сепак и во вакви услови, остани човек, со достоинство и возвишено, ќе бидеш повеќе ценет и од сите. Настапувај секаде и понатаму да го прошируваш и секојдневно да го збогатуваш своето знаење и образование, зошто без тоа, како физички облечен во пристојно одело, ќе бидеш и гол и бос. Зошто сето тоа е процес, а не состојба, процес што се одвива цел живот, но, се
исплатува повеќекратно и затоа биди и остани човек и понатаму, како добар пример на останатите.
Почитуван човеку, знај дека постојаното обвразование и доживотно учење е светлина и топлина, и обратно, без тоа во мрак вечен и студ. Ваквото образование, постојаното, со топлина и светлина, ни го осветлува патот, најтемен и најмрачен, зошто тоа образованието ни ги проширува димензиите на свеста и самосвеста кон битието и битноста и самобитноста, имплементирајќи го сето тоа во едукативните и духовните вредности.
Народ кој има писмено образование, ги има со себе и во себе и Бог и природата и свеста и битието и среќата и активностите и етиката и верата и логосот и логиката и цивилизацијата и филозофијата, затоа, и поради тоа остани човек.
Народ кој нема писмено образование, живее во мрак и при светлина и топлина, и обратно, народ кој има образование е и воспитан и може во најтешки услови и најголеми трагедии и несреќи и хаос, ќе дејствува смирено и со мудрост, да излезе лесно и навреме од тој хаос и безредие, што значи ќе остави светли и проодни патишта за нашите идни генерации.
Не заборави почитуван човеку дека човековата историја како и образование, се процеси кои се одвивале во минатото, во сегашноста и ќе се одвиваат и во нашата иднина, процеси преку кои и со кои, човештвото прави морален и духовен прогрес, го збогатува и унапредува сопственото самозапознавање и самосвеста за националната припадност за својата држава и народ, како и за своето сопстевено самосознание и самосвест.
Време е, почитуван човеку, високо ценет, да ти заблагодариме за тоа што нас нѐ сослуша и го прифати целото кажано, но, на крајот Ве потсетуваме почитуван Човеку, секогаш, откако ќе се запознаете самите себеси да работите и живеете умерено. Со една умерена мисла и вера за сѐ во животот, умерено спиење, работење, јадење, комуникација. Умерено движење, што значи, ни многу напред, ни многу назад, зошто ќе се изгубите и во време и во простор, во однос на групата со која сте тргнале на пат, со одреден мотив и одредена цел.
За да биде успешно во било кој поглед едно општество, неопходно потребно, како потсетник филозофската мисла ,,Запознајте се самите себеси“ да биде ставена во голема
форма, како реклама пред секои главни влезови и порти во градот, како и пред сите установи во градот. Судот, просветата, војската, милицијата, здравството и пред Собранието и обвинителството.
Така било направено пред десетици илјади години, пред повеќе градови во малоазискиот дел, посебно во градот Делфи, кој служи како пример за тоа време, а тоа важи и за денес и за секогаш во иднина.
Скопје, 18.01.2026 година
Универзитет ,,ТРЕТО ДОБА-Скопје“
Бранко Коцески
