Комора на овластени архитекти и овластени инженери

  • Home
  • Macedonia
  • Skopje
  • Комора на овластени архитекти и овластени инженери
Call Directions Website Contact the organization

Комора на овластени архитекти и овластени инженери Комората поседува јавни овластувања согласно легисла? Комората исто така потврдува странски овластувања од странски инженери кои работат во Северна Македонија.

Комората на овластени архитекти и овластени инженери ги соединува сите инженерски професии во Република Северна Македонија. Таа е единствена инженерска Комора во Северна Македонија која поседува јавни овластувања согласно легислативата за издавање на овластувања на инженерите за нивно професионално работење. Комората ја сочинуваат 12 инженерски одделенија со вкупно 2600 активни членови од вкупно 6000 членови. Комората е полноправна членка на Европскиот Совет на Инженерски Комори (ECEC), дел од Светската Федерација на Инженерски Организации (WFEO).

📘 FIDIC процедури – Чекор по чекорНа 28 октомври 2026 година, Комората на овластени архитекти и овластени инженери го ре...
29/10/2026

📘 FIDIC процедури – Чекор по чекор

На 28 октомври 2026 година, Комората на овластени архитекти и овластени инженери го реализираше Модул 2: „FIDIC процедури – Чекор по чекор“.

Модулот беше посветен на практичната примена на клучните FIDIC процедури низ различните фази на проектниот циклус – од следењето на роковите и прогресот на работите, преку финансиските процедури и побарувањата, до завршувањето и преземањето на работите и постапките за решавање спорови.

🎯 Целта е продлабочување на практичните знаења и унапредување на компетенциите на инженерите за правилна и навремена примена на договорните процедури во градежните и инфраструктурните проекти.

Предавач на модулот беше Влатко Михајлов, FIDIC експерт.

Комората продолжува со реализација на стручни модули и активности за континуиран професионален развој и усовршување на своите членови.

Повеќе на нашата веб-страница: https://koai.mk/vest/modul-2-fidic

#Инженерство #Градежништво #ПрофесионаленРазвој #КонтинуираноОбразование

⚡ Денови на електроинженерите во Србија – Тара, 16–18 октомври 2026На покана на Инженерската комора на Србија, Комората ...
28/10/2026

⚡ Денови на електроинженерите во Србија – Тара, 16–18 октомври 2026

На покана на Инженерската комора на Србија, Комората на овластени архитекти и овластени инженери, во состав Александар Тодоровски и Зоран Игњатов, учествуваше на манифестацијата „Денови на електроинженерите во Србија“.

🔌 Централна тема: Интеграција на обновливите извори на енергија во развојот на електроенергетскиот систем во Србија и регионот.

Програмата опфати стручни предавања и панел-дискусии за обновливите извори, енергетската независност и проектирањето и изведбата на фотоволтаични електрани, како и стручна посета на ХЕ „Бајина Башта“ во Перучац.

🤝 Учеството ги продлабочи професионалните контакти со колегите од Србија и регионот и отвора простор за идни заеднички стручни активности.

Повеќе на нашата веб-страница: https://koai.mk/vest/denovite-na-elektroinzhenerite-vo-srbija

#КОАИ #ИнженерскаКомора #Електроинженери #ОбновливиИзвори #ЕнергетскаТранзиција #РегионалнаСоработка

27/10/2026

Одделението на архитекти при КОАИ за унапредување на архитектонските конкурси во Македонија

Архитектонските конкурси се важен инструмент за создавање квалитетни јавни простори и унапредување на архитектонската практика.

🔗 Прочитајте го целиот став на веб-страницата на КОАИ - https://koai.mk/vest/javna-reakcija-arhitektonski-konkursi

#КОАИ #Архитектура #АрхитектонскиКонкурси #ЈавенПростор

🏗️🏛️Современи геосинтетички решенија за поквалитетна и постабилна инфраструктураНа 20 октомври 2026 година, во хотелот „...
22/10/2026

🏗️🏛️Современи геосинтетички решенија за поквалитетна и постабилна инфраструктура

На 20 октомври 2026 година, во хотелот „Хилтон“ во Скопје, се одржа научно-стручниот семинар „Преглед на примената на паметни геосинтетички решенија во инфраструктурните проекти“, во организација на Комората на овластени архитекти и овластени инженери (КОАИ), Друштвото за геотехника на Македонија (ДГМ), Друштвото за патишта на Македонија (ДПМ), во стратешка соработка со Градежниот факултет - Скопје и компанијата ХУСКЕР.

Семинарот ги обедини стручните знаења и искуства од областа на инфраструктурното и геотехничкото инженерство, со фокус на примената на геосинтетичките материјали во:
• Подобрување на квалитетот и трајноста на коловозите преку примена на геомрежи за армирање на асфалт;
• Изградба на потпорни ѕидови со геосинтетичко армирање;
• Стабилизација на свлечишта и примена на современи геосинтетички решенија.

Со ваквите иницијативи, КОАИ и партнерските организации ја поттикнуваат размената на стручни знаења и искуства кои придонесуваат кон континуираниот професионален развој на инженерите.

Повеќе на нашата веб-страница:https://koai.mk/vest/pametni-geosintetichki-reshenija

#КОАИ #Инженерство #Геотехника #Инфраструктура #КонтинуиранПрофесионаленРазвој

⚡ 18. Денови на електроинженерите – Пореч, 15–17 октомври 2026На покана на Хрватската комора на инженери по електротехни...
21/10/2026

⚡ 18. Денови на електроинженерите – Пореч, 15–17 октомври 2026

На покана на Хрватската комора на инженери по електротехника, делегација на Комората на овластени архитекти и овластени инженери, предводена од Мицко Чадиноски, раководител на Одделението на електроинженери, и Владимир Јованов, потпретседател на Надзорниот одбор, гостуваше на 18. Денови на електроинженерите.

📊 Рекордно издание: над 1.400 учесници, 30 предавачи, две панел-дискусии и 50 излагачи.

🤝 Нашите претставници учествуваа и на состанокот на Меѓународниот одбор, заедно со претставници на коморите од Црна Гора, Словенија и Хрватска.

Повеќе на нашата веб-страница: https://koai.mk/vest/18-denovi-na-elektroinzhenerite-vo-porech

#КОАОИ #Електроинженери #ДеновиНаЕлектроинженерите #Пореч #РегионалнаСоработка

Со задоволство го најавуваме датумот за петтата јубилејна средба на архитекти!Пет години споделени искуства, нови познан...
20/10/2026

Со задоволство го најавуваме датумот за петтата јубилејна средба на архитекти!
Пет години споделени искуства, нови познанства, инспиративни разговори и љубов кон архитектурата што нè поврзува. Можност за повторна средба, размена на идеи и создавање на нови соработки.
Ве очекуваме на петтата средба на архитекти за да го прославиме она што нè обединува и да инспирираме нови архитектонски приказни.

✨ Зачувајте го датумот!
🗓 20–21 ноември 2026
📍 Офицерски дом, Битола

Се гледаме!

#КОАИ #СредбаНаАрхитектиИУрбанисти #Битола2026

🤖 Вештачката интелигенција и BIM – нови можности за архитектите и инженерите!На 13 октомври, во организација на Комората...
16/10/2026

🤖 Вештачката интелигенција и BIM – нови можности за архитектите и инженерите!

На 13 октомври, во организација на Комората на овластени архитекти и овластени инженери и Smart Solutions, се одржа Autodesk работилница посветена на практичната примена на вештачката интелигенција во BIM-процесите и Autodesk Revit.

Со предавачите Гоце Чавкоски и Ларс Обервинтер од Plandata, Виена, учесниците имаа можност да се запознаат со автоматизацијата на Revit-задачите, развојот на дигитални алатки, управувањето со BIM-податоците и оптимизацијата на работните текови.

Преку практични и интерактивни вежби, работилницата ги приближи можностите на вештачката интелигенција до секојдневната архитектонска и инженерска практика.

Комората продолжува со активности за унапредување на дигиталните вештини, современите професионални стандарди и примената на иновативни технологии.

Дигитализацијата не е само иднина на професијата – таа е можност што ја градиме денес.

🌍 КОАИ на 83-то Генерално собрание на ECCE во ВаршаваОд 8 до 10 октомври 2026 година, Комората на овластени архитекти и ...
14/10/2026

🌍 КОАИ на 83-то Генерално собрание на ECCE во Варшава

Од 8 до 10 октомври 2026 година, Комората на овластени архитекти и овластени инженери учествуваше на 83-то Генерално собрание на Европскиот совет на градежни инженери (ECCE), во Варшава, Полска.

КОАИ беше претставена со делегатите од одделението за градежништво Панче Грков и Бојан Атанасов, кои учествуваа во работата на собранието и во дискусиите за идниот развој на европската инженерска професија.

📌 Во фокусот на собранието беа:
🔹 Примената на вештачката интелигенција во инженерството и образованието
🔹 Квалитетот и стручноста како клучни критериуми во јавните набавки
🔹 Признавањето на инженерските квалификации во Европа
🔹 Унапредувањето на професионалните стандарди и континуираниот развој
🔹 Одржливата и отпорна инфраструктура и спроведувањето на Декларацијата од Брага

Учеството во работата на ECCE е значајно за размена на искуства, зајакнување на меѓународната соработка и активно вклучување на КОАИ во европските процеси што ја обликуваат иднината на инженерската професија.

КОАИ – поврзани со европските професионални стандарди, посветени на развојот на инженерството.

#КОАИ #ГрадежноИнженерство #ЕвропскаСоработка #ИнженерскаПрофесија

11/10/2026
Комората на овластени архитекти и овластени инженери учествуваше на јубилејното 5. издание на „Денови на архитектурата в...
07/10/2026

Комората на овластени архитекти и овластени инженери учествуваше на јубилејното 5. издание на „Денови на архитектурата во Црна Гора“, одржано од 2 до 4 октомври 2026 година во Музичкиот центар на Црна Гора во Подгорица. На покана на Комората на архитекти и планери на Црна Гора, нашата делегација во состав Благојче Цветковски, Александра Трајковска и Христијан Атанасовски следеше стручни предавања, водечки сесии и панел-дискусии посветени на современите предизвици во архитектурата и одржливиот развој. Остварените контакти со колегите од Црна Гора се вредна основа за идна регионална и билатерална соработка.

#КомораОАИ #ДеновиНаАрхитектурата #ЦрнаГора

🔗 https://koai.mk/vest/5-denovi-na-arhitekturata-vo-crna-gora

Address

Улица Партизански одреди бр. 29 (ТЦ Буњаковец, кат 2)
Skopje
1000

Opening Hours

Monday 08:30 - 16:00
Tuesday 08:30 - 16:00
Wednesday 08:30 - 16:00
Thursday 08:30 - 16:00
Friday 08:30 - 16:00

Telephone

+38923222356

Alerts

Be the first to know and let us send you an email when Комора на овластени архитекти и овластени инженери posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Комора на овластени архитекти и овластени инженери:

Shortcuts

Share

Nearby non profit organizations