Комора на овластени архитекти и овластени инженери

28/05/2026

🚀 КОАИ ЧЕКОРИ ВО ИДНИНАТА: Усвоена Стратегијата за дигитална трансформација 2026-2029! 🚀

Управниот одбор на Комората на овластени архитекти и овластени инженери (КОАИ) официјално ја усвои Стратегијата за дигитална трансформација!

Ова не е обичен ИТ-проект – ова е стратешка реформа која става крај на предолгите рачни процедури, скенирањето документи и административниот товар.

📍 Кои се придобивките од новата дигитална ера за КОАИ?

• Ефикасност на едно место: Комплетна дигитализација на процесите за нови овластувања, продолжувања и членства.
• Интегриран DMS и е-Архива: Безбедност, брзина и 100% дигитална следливост на секој документ.
• Е-Одлучување: Интранет платформи кои овозможуваат дигитални седници и брза работа на комисиите.
• Паметни решенија: Автоматски известувања за членарини и овластувања, онлајн плаќање и инстант генерирање потврди.

Целта е едноставна: максимална услужна ефикасност, нула изгубено време и целосна транспарентност!

🌐 Иднината е дигитална, а ние веќе чекориме во неа.

📌https://www.komoraoai.mk/informator/894-digitalna_transformacija.html

#КОАИ #ДигиталнаТрансформација #Инженери #Архитекти #Иновации

27/05/2026

22/05/2026

Комората на овластени архитекти и овластени инженери успешно ја реализираше првата сесија од стручната обука на тема „FIDIC 1999 vs FIDIC 2017 – клучни измени“, која се одржа на 20 мај 2026 година во просториите на Комората, како и онлајн преку платформата Microsoft Teams.

Обуката беше организирана во соработка со Одделението на градежни инженери при КОАИ и беше наменета за сите активни членови на Комората, како и за сите професионалци вклучени во реализација на градежни проекти.

Во рамки на првата сесија, учесниците имаа можност да се запознаат со клучните измени и дополнувања во изданијата FIDIC 2017 во однос на FIDIC 1999, како и со разликите во управувањето при примена на различни изданија на договори. Посебен акцент беше ставен на практичниот пристап при избор на соодветно FIDIC издание за конкретни проекти и правилната примена на процедурите предвидени во меѓународните стандардни форми на договори.

Предавач на обуката беше Влатко Михајлов, дипл. град. инж., кој преку стручна и практична презентација овозможи продлабочено разбирање на актуелните теми поврзани со FIDIC условите на договори.

Со оваа обука, Комората продолжува активно да придонесува кон унапредување на професионалните вештини и знаења во градежниот сектор, преку организирање на едукативни настани од значење за своите членови.

📢Напомена: следната втора сесија ќе се одржи на 11 јуни 2026

📌https://komoraoai.mk/informator/893-prva_sesija_fidic.html

21/05/2026

🏛️ Претставници од Комората на овластени архитекти и овластени инженери, предводени од Претседателот м-р Дејан Метикош, присуствуваа на свеченото отворање на Меѓународниот конгрес „FROM RESEARCH TO APPLICATION“, кој се одржа на 20 мај 2026 година, во организација на Универзитетот во Тетово.

✨ Настанот свечено го отвори Ректорот проф. д-р Јусуф Зејнели. Овој Конгрес претставува клучна платформа за поврзување на научните истражувања со нивната директна примена во праксата – концепт кој е од суштинско значење за развојот и модернизацијата на инженерската и архитектонската професија. 📐🏗️

🤝 Посебна благодарност упатуваме до Деканот, проф. д-р Енис Јакупи, за официјалната покана и за неговата лична посветеност. Од голема важност е заедничкиот континуиран дијалог и обостраната заложба за продлабочување на соработката помеѓу двете институции, што директно ќе придонесе во интерес на развојот, унапредувањето и поддршката на архитектите и инженерите.

🚀 Присуството на Комората ја потврдува цврстата посветеност за поддршка на академските иницијативи, зајакнувањето на регионалната соработка и континуираната размена на знаења и искуства меѓу науката и индустријата. 🌿💻

📌https://komoraoai.mk/informator/892-kongres_vo_tetovo.html

#КОАИ #УниверзитетВоТетово #Инженерство #Архитектура #Соработка

20/05/2026

На 19 мај 2026 година, во просториите на Комората на овластени архитекти и овластени инженери, се одржа комерцијалната презентација на MAPEI на тема „Хидроизолација на подземни структури како проектантска стратегија“.

Предавањето го одржа инж. Фади Саламат од MAPEI, кој пред присутните архитекти, инженери и професионалци од градежниот сектор ги презентираше современите пристапи и технички решенија во областа на хидроизолацијата на подземни конструкции.

Во рамки на настанот беа споделени практични искуства, инженерски пристапи и решенија поврзани со проектирањето и изведбата на хидроизолациони системи, по што следуваше интерактивна дискусија и вмрежување помеѓу присутните.

📌https://komoraoai.mk/informator/891-prezentacija_mapei.html

19/05/2026

⚙️ Запознајте ги предавачите на Првата годишна средба на Машински инженери!
-----------------------------------------------
Со големо задоволство Ви ги претставуваме врвните експерти од академската и професионалната заедница кои ќе бидат клучниот дел од програмата на „Денови на Машински Инженери 2026“.
-----------------------------------------------
Преку своите предавања, тие ќе ја преточат главната тема на настанот – „Знаењето како темел, реализација како цел“ – споделувајќи искуства, современи трендови и практични примени во машинската индустрија.
-----------------------------------------------
📌 Нашите еминентни предавачи:
проф. д-р Виктор Гаврилоски (Машински факултет - Скопје)
проф. д-р Дарко Бабунски (Машински факултет - Скопје)
проф. д-р Владимир Мијаковски (Технички факултет - Битола)
проф. д-р Бојан Јованоски (Машински факултет - Скопје)
-----------------------------------------------
Ова е ретка можност на едно место да слушнете за најновите технолошки достигнувања, да размените идеи и да се поврзете со колеги од целиот сектор.
-----------------------------------------------
🗓️ 5 Јуни, 2026 година, со почеток во 10:00 часот 📍Винарија Тиквеш, Кавадарци
-----------------------------------------------
🏢 Организатор: Комора на овластени архитекти и овластени инженери, Одделение на машински инженери
-----------------------------------------------
🎟️ Обезбедете го вашето место навреме! Капацитетот е ограничен.
Регистрирајте се на следниот линк:
🔗 https://lnkd.in/dRVTzarv
-----------------------------------------------
📖 Комплетната агенда за настанот можете да ја погледнете преку соодветниот QR код на визуелот.
-----------------------------------------------
Се гледаме во Кавадарци на Денот посветен на инженерската извонредност!

#ДеновиНаМашинскиИнженери #МашинскиИнженери #КомораОАИ #Предавачи2026

18/05/2026

На 12 мај 2026 во Комората на овластени архитекти и овластени инженери, се одржа презентацијата на тема „Одржливост кај старите и новите градби, со новата генерација системи за обвивка на зградата“, реализирана во соработка со компанијата Алуконигштал Schüco.

Презентацијата ја одржа Ивана Цимешиќ, магистер по архитектура од Универзитетот за архитектура, градежништво и геодезија во Софија, која како дел од тимот на АЛУКОНИГШТАЛ од 2018 година активно работи на имплементација на современи фасадни системи и одржливи решенија во градежништвото.

Во рамки на презентацијата беа презентирани најновите светски трендови и иновативни системи за фасадни обвивки, со акцент на подобрување на енергетската ефикасност, одржливоста и адаптацијата на објектите кон современите климатски и еколошки предизвици. Присутните имаа можност да се запознаат со современи технички решенија и практични примери од областа на одржливото градење.

📌https://www.komoraoai.mk/informator/889-prezentacija_schuco.html

15/05/2026

⚡ **3ти Денови на електро инженери** ⚡

Одделението за електротехника при **Комората на овластени архитекти и овластени инженери** Ве поканува да бидете дел од годинешното издание на **3ти Денови на електро инженери**, кое ќе се одржи на **17 и 18 септември 2026 година** во **Holiday Inn, Скопје**.

Настанот претставува уникатна можност за размена на знаења, искуства и идеи меѓу професионалците од областа на електротехниката, преку стручни предавања, дискусии и можности за поврзување со колеги од целата земја и регионот.

Со особена чест и задоволство Ве покануваме да бидете дел од овој значаен годишен настан за електроинженерската фела.

📍 **Holiday Inn, Скопје**
📅 **17–18 септември 2026**

#ДеновиНаЕлектроИнженери #ЕлектроИнженери #Комора #Електротехника #Инженерство

15/05/2026

На 14 мај 2026 година, се одржа тематска презентација на тема „Национални стандарди во електроенергетика (ИСРСМ ТК 31 и ИСРСМ ТК 32) – придобивки и практични примери“, организирана како резултат на соработка на Комората на овластени архитекти и овластени инженери (КОАИ) и Институтот за стандардизација на Република Северна Македонија (ИСРСМ).

Настанот беше наменет за информирање и унапредување на знаењата на деловните субјекти и инженерите кои работат во областа на електричното осветление и електроенергетските постројки, со акцент на примената на националните и европските стандарди во пракса.

На тематската презентација се обратија претседателот на КОАИ, м-р Дејан Метикош , и директорот на ИСРСМ, Газменд Алиу, кои ја истакнаа важноста на стандардизацијата и нејзината улога во развојот на современи, безбедни и ефикасни инженерски решенија.

📌https://www.komoraoai.mk/informator/888-tematska_prezentacija.html

14/05/2026

Во Комората на овластени архитекти и овластени инженери се одржа Националниот информативен ден за програмата LIFE, со учество на над 70 претставници од државни институции, општини, универзитети, граѓански организации и приватниот сектор.

Настанот се фокусираше на новите повици за проекти, можностите за финансирање, критериумите и постапките за аплицирање, како и подготовката на квалитетни проекти во областа на животната средина, климатските промени и транзицијата кон чиста енергија.

Настанот е дел од проектот eHUB4LIFE, во соработка со Комората на овластени архитекти и овластени инженери и Министерството за животна средина и просторно планирање, со цел зајакнување на националните капацитети за успешна апликација во програмата LIFE.

📌https://komoraoai.mk/informator/887-nacionalen_informativen_den.html