Interaktiv Bitola

31/08/2026

Младите од една мултиетничка општина како што е Центар Жупа на дело покажаа што значи активниот младински глас!🎉🎉

Преку едукативна работилница за основите на демократијата, но и со симулирање на работата на Советот на Општина Центар Жупа, овие млади докажаа дека се вистински лидери во својата средина кои несебично го споделуваат своето знаење со своите врсници!

👇Погледнете помина оваа локална акција дел од проектот „Youth-4-Democracy Laboratory - Creating the Next Generation of Democratic Leaders in North Macedonia“ 🇲🇰, кој го спроведува Здружението за меѓународна младинска соработка ИНТЕРАКТИВ – Битола 🤝 со поддршка од National Endowment for Democracy.

26/08/2026

🌿 Млади во акција – како се сака Македонски Брод‼️

Помалите средини честопати ги бие глас дека не нудат доволно активности за младите, ама во Македонски Брод младите сами засукаа ракави и поработија на унапредување на локалната туристичка инфраструктура и промоција на природните потенцијали на нивната средина. 🏞️

🙌Преку вистински пример на младински граѓански активизам, на почетокот на летото беа изработени и поставени две информативни табли 🪧 за обележување на пешачките патеки „Покрсти“ и „Песјак“.

Овие две важни патеки за рекреацијата на младите и сите други жители на општината 🌳🥾 беа овозможени преку активност во рамките на проектот „Youth-4-Democracy Laboratory - Creating the Next Generation of Democratic Leaders in North Macedonia“ 🇲🇰, кој го спроведува Здружението за меѓународна младинска соработка ИНТЕРАКТИВ – Битола 🤝 со поддршка од National Endowment for Democracy.

04/08/2026

♻️ Герила акција за почиста Битола - паметна канта што зборува со граѓаните

Во петокот, 31 јули 2026 година, на градското Шеталиште во Битола беше организирана герила акција во рамките на која беше поставена паметна канта за отпадоци што зборува. Преку интерактивна комуникација, таа ги едуцираше граѓаните правилно да го одлагаат отпадот и ја нагласуваше важноста од заштитата на животната средина.

Акцијата имаше за цел да ја подигне јавната свест за одговорното управување со отпадот и заедничката грижа за почиста и поуредена Битола.

Ваквите иницијативи се надоврзуваат и на активностите предвидени во Програмата за животна средина на Општина Битола за 2026 година, во која се планирани значајни инвестиции за подобрување на животната средина. Меѓу нив се:

🌳 Изработка на Стратегија за развој на зеленило со предвиден буџет од 1.500.000 денари; и

🗑️ Поставување на подземни садови за комунален отпад, за што се предвидени 3.000.000 денари.

Со заеднички напори, едукација и реализација на планираните мерки, Битола може да стане почист, позелен и поуреден град за сите.

Герила акцијата е активност во рамките на швајцарскиот проект Програма за поддршка на изборите имплементиран од Меѓународната фондација за изборни системи (ИФЕС). Содржината и мислењата на никаков начин не може да се смета дека ги одразуваатставовите на Владата на Швајцарија и наМеѓународната фондација за изборни системи (ИФЕС).

10/07/2026

Што е добар комуникатор? 📣

03/07/2026

Што тебе те прави младински активист/ка❓

01/07/2026

⭕️ Што го прави еден лидер демократски?

26/06/2026

🌿 Во Битола се одржа тркалезна маса „Локални мерки за заштита на животната средина во Битола: предизвици и следни чекори“, организирана од Здружението за меѓународна младинска соработка ИНТЕРАКТИВ - Битола, во рамки на проектот „Зајакнување на локалната отчетност преку граѓански мониторинг во Битола и Кичево“.

Настанот ги обедини претставниците на локалната самоуправа, јавните претпријатија, граѓанскиот сектор и јавноста со цел да се отвори конструктивна дебата за спроведувањето на локалните политики за заштита на животната средина.

Во фокусот на дискусијата беа две значајни мерки од Програмата за животна средина на Општина Битола: изработка на Стратегија за развој на урбаното зеленило и поставувањетна подземни садови за отпад, како политики кои имаат директно влијание врз квалитетот на урбаниот простор и животната средина.

Градоначалникот на Општина Битола, Тони Коњановски, информираше дека Општината е во фаза на подготовка на техничка спецификација за јавна набавка за избор на изработувач на Стратегијата за развој на зеленилото, истакнувајќи дека овој документ ќе биде основа за планирањето и унапредувањето на системот на зеленило во градот. Тој се осврна и на значењето на Зелениот катастар како современ систем за евиденција и мониторинг на урбаното зеленило.

На тркалезната маса учествуваа и директорот на ЈП „Комуналец“ - Битола, Горан Степановски, претставникот на Здружението „Геосфера“ - Битола, Тони Гештаковски, претседателката на Организацијата на жени на Општина Битола, Светлана Петковска, како и проектниот монитор Целе Јолевски, кој ги презентираше чекорите за мониторирање на спроведувањето на општинската програма.

Настанот го модерираше претседателот на ИНТЕРАКТИВ - Битола, Мартин Николовски.

Преку вакви јавни дебати се поттикнува поголема транспарентност, отчетност и соработка помеѓу институциите и граѓанскиот сектор, со заедничка цел за создавање поздрава, позелена и поодржлива локална заедница.

Тркалезната маса „Локални мерки за заштита на животната средина во Битола: предизвици и следни чекори“ е активност во рамките на швајцарскиот проект Програма за поддршка на изборите имплементиран од Меѓународната фондација за изборни системи (ИФЕС). Содржината и мислењата на никаков начин не може да се смета дека ги одразуваатставовите на Владата на Швајцарија и наМеѓународната фондација за изборни системи (ИФЕС).

25/06/2026

31/05/2026

Идеите имаат вредност само кога ќе станат акција.

Преку работа на комуникациски стратегии, јавни настапи и креативни кампањи, учесниците ги унапредуваа своите вештини и учеа како да направат вистинско влијание во заедницата.

Млади од Могила, Македонски Брод, Крушево, Вевчани, Центар Жупа и Дебрца - различни приказни, заедничка визија 💡

Учеа.
Разменуваа идеи.
Го преиспитуваа постоечкото.
Создаваа нови решенија.

Преку лидерство, младински активизам и алатки за социјална отчетност, покажаа дека промените не доаѓаат сами туку тие се иницираат.

👉 Идеи што се претвораат во акција
🤝 Заедништво што создава влијание
🚀 Млади што ја градат иднината

Секоја промена започнува со одлука да се направи првиот чекор.

Ова видео е подготвено во рамките на проектот „Youth-4-Democracy Laboratory - Creating the Next Generation of Democratic Leaders in North Macedonia“, имплементиран од Здружението за меѓународна младинска соработка ИНТЕРАКТИВ – Битола, со поддршка од National Endowment for Democracy.

10/05/2026

✨ Кога граѓаните се мобилизирани, мониторингот не останува само извештај на хартија, тој станува гласен повик за одговорност и двигател на вистински реформи. Заедно сме посилни и погласни!

📍 Во Скопје се одржа тридневна работилница „Ангажман на заедницата, мобилизација и комуникација на наодите од мониторингот“, поддржана од🇨🇭Швајцарската агенција за соработка и развој, а спроведувана од Меѓународната фондација за изборни системи - ИФЕС.

🤝 Кога разменуваме идеи и делуваме заедно, ги претвораме нашите гласови во сила што бара отчетност од носителите на одлуки.

Electoral Support Programme
Embassy of Switzerland in North Macedonia
IFES North Macedonia