What are the opening hours?

Monday 08:00 - 16:00 Tuesday 08:00 - 16:00 Wednesday 08:00 - 16:00 Thursday 08:00 - 16:00 Friday 08:00 - 16:00

Pro Local, Rade Iliev 5, Bitola (2026)

13/08/2026

🚀 РЕГИОНАЛЕН НАТПРЕВАР ЗА ИНОВАТИВНИ БИЗНИС ИДЕИ ВО ПЕЛАГОНИСКИОТ РЕГИОН

Имаш интересна бизнис идеја? 💡
Мислиш дека вреди да ја слушнат и другите?

📣 Ги повикуваме младите со креативни и иновативни бизнис идеи да се пријават на Регионалниот натпревар за иновативни бизнис идеи во Пелагонискиот регион.

🏆 На натпреварот, идеите ќе бидат претставени, слушнати и оценувани според нивната иновативност, креативност и потенцијал.

Без разлика дали имаш идеја за производ, услуга или решение на одреден проблем – доколку веруваш во неа, пријави ја!

✨ Твојата идеја. Твојата приказна. Твојот настап.

📌 Пријавувањето е отворено!

#Пелагонија #БизнисИдеи #Иновации #Млади #Претприемништво #РегионаленНатпревар

13/08/2026

Два дена посветени на outreach, комуникација, видливост и content што има цел. 💬📱

Преку практични сесии, мини-вежби и работа со реални примери, учесниците работеа на тоа како подобро да ја препознаат својата публика, да ја најдат приказната зад активностите, да изберат вистинска порака и формат и да создадат содржина што информира, поврзува и активира.

Од audience и storytelling, до снимање со телефон и креирање content - фокусот беше знаењето веднаш да се претвори во пракса. ✨

ContentCreation Visibility YouthWork CapacityBuilding SocialMedia

27/07/2026

🚀Потенцијалот постои во секој од нас – потребна е само вистинската можност да го активираме.

Во рамки на проектот „ПЕЛО – Од младинско зајакнување до институционална одговорност“, Про Локал го реализираше тренингот „POWER UP: Активирај го својот потенцијал“, на кој учествуваа 55 претставници на граѓански организации од Пелагонискиот регион.

Преку интерактивни вежби, групна работа и практични алатки за личен развој, учесниците имаа можност да ја препознаат разликата помеѓу ресурсната и безресурсната состојба, да научат како свесно да ја менуваат сопствената состојба преку дишење и физиологија, да го насочат фокусот кон она што е во нивна контрола и да ги претворат своите идеи во конкретни, остварливи чекори кон личните и професионалните цели.

💡 Посебен акцент беше ставен на примената на стекнатите знаења во реални ситуации, затоа што вистинскиот развој започнува тогаш кога знаењето се претвора во акција.

Како дел од програмата, учесниците имаа можност да учествуваат и на „CAREER CHALLENGE: Од реален бизнис-предизвик до можност за практикантство“, каде Бујар Драла, менаџер за човечки ресурси во Mint Fintech Group – Битола, претстави реален предизвик од организациската култура на компанијата. Работејќи на практична задача, учесниците добија директен увид во процесот на селекција на практиканти, очекувањата на работодавачите и вештините кои денес се клучни за успешен почеток на кариерата.

✨ Личниот развој, практичното искуство и поврзувањето со бизнис секторот се важни чекори кон создавање активни, самоуверени и подготвени млади луѓе кои ќе придонесуваат во развојот на своите заедници.

24/07/2026

💬 Кога младите имаат простор да зборуваат!

Во рамки на проектот „Back to the Roots: Amplifying and Embracing European Perspective and Shared Values from Bottom Up (BTTR)”, се одржа Транснационална јавна консултација со граѓаните, каде младите отворија дијалог за помирувањето, заедничките европски вредности и демократското учество.

Преку дискусија и заедничко гласање, учесниците ги истакнаа најважните приоритети и покажаа дека вистинските промени започнуваат со активно учество, меѓусебна почит и заедничка одговорност. ✨

💬 When young people are given the space to speak!

As part of the “Back to the Roots: Amplifying and Embracing European Perspective and Shared Values from Bottom Up (BTTR)” project, the Transnational Public Consultation with Citizens brought young people together to discuss reconciliation, shared European values, and democratic participation.

Through discussion and joint voting, participants identified key priorities and showed that meaningful change begins with active participation, mutual respect, and shared responsibility. ✨

⸻

Funded by the European Union. Views and opinions expressed are however those of the author(s) only and do not necessarily reflect those of the European Union or [name of the granting authority]. Neither the European Union nor the granting authority can be held responsible for them.

22/06/2026

🎬 Про Локал дел од возобновувањето на киното во Демир Хисар

На 19 јуни 2026 година, во Домот на културата „Илинден“ во Демир Хисар свечено беше отворено и официјално пуштено во употреба киното во Демир Хисар, со што по повеќе од две децении повторно се возобновува кино-прикажувачката дејност во општината.

На настанот се обратија градоначалникот на Општина Демир Хисар, Никола Најдовски, директорот на Домот на културата „Илинден“, Славче Велјановски, како и претседателката на Про Локал и координатор на проектот „Младински политики по мерка на младите“, Емилиa Ѓероска, која го истакна значењето на вложувањето во локалната културна инфраструктура и создавањето нови можности за младите.

Возобновувањето на киното е овозможено преку заедничките заложби на локалните институции и граѓанскиот сектор, во рамки на проектот „Младински политики по мерка на младите“, кој го реализира Про Локал во партнерство со Г.А. Икарус – Демир Хисар. Преку проектот беше обезбеден дел од средствата за набавка на новата кино-опрема, со што се создадоа услови за повторно функционирање на киното и збогатување на културниот живот во локалната заедница.

Овој значаен чекор отвора нови можности за културна едукација, уметничка афирмација и активно учество на младите, а воедно претставува пример за успешно партнерство меѓу граѓанските организации, локалната самоуправа и културните институции во интерес на граѓаните.

Проектот „Младински политики по мерка на младите“ е поддржан од Владата на Швајцарија преку Цивика мобилитас.

Civica Mobilitas
Embassy of Switzerland in North Macedonia

18/06/2026

🏆 Трето место за Про Локал на 4-тата WeBER Regional Citizens First Conference

Во конкуренција на организации од целиот Западен Балкан, проектот на Про Локал, презентиран од Рубин Николоски, беше награден со трето место според изборот на публиката, добивајќи признание за „Best Project“ на 4-тата WeBER Regional Citizens First Conference.

Ова признание претставува потврда за значењето на пристапите кои ги ставаат граѓаните во центарот на процесите на креирање политики и јавни услуги, како и за важноста на активното граѓанско учество во развојот на локалните заедници.

Конференцијата обедини претставници на граѓански организации, институции и експерти од регионот, создавајќи простор за размена на искуства и современи практики насочени кон поинклузивно и поодговорно управување.

Наградата претставува значајно регионално признание за работата на Про Локал и дополнителна потврда дека иницијативите кои произлегуваат од потребите на граѓаните можат да создадат видливи и одржливи резултати.

16/06/2026

Не секое патување завршува со враќањето дома. Некои патувања продолжуваат – низ идеите што ги носиме со себе, низ партнерствата што ги создаваме и низ промените што одлучуваме да ги направиме таму каде што живееме.

Холандија ни покажа дека најдобрите решенија се создаваат преку соработка – кога младите, локалната самоуправа, бизнис секторот и граѓанските организации работат заедно кон заедничка визија за подобра иднина.

Се враќаме инспирирани, со нови знаења, нови перспективи и уште поголема мотивација идеите што ги видовме и научивме да ги претвориме во реални можности за Пелагонија.

Чекор по чекор, сме поблиску до создавање на ПЕЛО ХАБ во Битола – простор каде младите ќе можат да учат, да иновираат, да соработуваат и да ги претвораат своите идеи во конкретни решенија за заедницата.

Затоа што вистинската вредност на едно патување не е во местата што сме ги посетиле, туку во промените што ќе ги создадеме откако ќе се вратиме дома.

Пелагонија има потенцијал. Заедно, го претвораме во можности. 💚🌍

Embassy of the Netherlands in North Macedonia

11/06/2026

Градоначалникот на Општина Битола, Тони Коњановски, како дел од регионалната делегација на Пелагонија, оствари работна средба со градоначалникот на Хаг, Јан ван За...

10/06/2026

-Во делегацијата се и градоначалниците на Новаци - Стевче Стевановски, на Могила - Драганчо Саботковски, како и на Прилеп, Ресен, Кривогаштани и Долнени. Градоначалн....

10/06/2026

🌍 ОД ХОЛАНДИЈА ДО ПЕЛАГОНИЈА: КАКО СЕ ГРАДАТ ЕКОСИСТЕМИ ЗА МЛАДИ, ИНОВАЦИИ И ОДРЖЛИВА ИДНИНА

Што е заедничко за една напуштена бродоградилишна зона во Амстердам, најголемата асоцијација на општини во Холандија, еден од најдобрите технички универзитети во Европа и центар во кој студентските идеи стануваат производи на пазарот?

Одговорот е едноставен: сите тие покажуваат како различни чинители можат да работат заедно за да создадат подобар квалитет на живот, нови можности за младите и поодржлива локална економија.

Токму со оваа цел, Про Локал организираше студиска посета на Холандија во која учествуваа градоначалниците на Битола, Прилеп, Ресен, Новаци, Могила, Кривогаштани и Долнени, како и претседателот на Регионалната стопанска комора – Прилеп, Никола Мариноски.

Посетата беше реализирана во рамки на проектот ПЕЛО поддржан од Амбасадата на Кралството Холандија во Северна Македонија преку програмата MATRA.

Не патувавме за да видиме убави објекти

Ова не беше класична студиска посета.

Не патувавме за да видиме убави објекти.

Не патувавме за да слушнеме успешни приказни.

Патувавме за да разбереме како се создаваат услови младите луѓе да останат, да напредуваат и да создаваат вредност во своите заедници.

Патувавме за да видиме како локалната самоуправа, бизнисите, универзитетите и граѓанските организации можат заедно да создаваат решенија за реалните предизвици на денешницата

Од загаден простор до пример за циркуларна економија

Во Амстердам, во De Ceuvel, видовме како загаден и напуштен простор може да стане лабораторија за циркуларна економија и заедница што живее според принципите на одржливост.

На место кое некогаш било симбол на индустриско загадување, денес функционира жив екосистем во кој архитектите, инженерите, граѓанските организации и локалната самоуправа заедно демонстрираат дека отпадот може да стане ресурс, а проблемите можат да станат можности.

Хаг: кога локалната самоуправа е двигател на промените

Во Хаг, делегацијата оствари работна средба со градоначалникот на градот, Јан ван Занен што претставуваше еден од клучните моменти на посетата.

Разговорот не беше протоколарен, туку суштински насочен кон предизвиците со кои денес се соочуваат европските градови – управувањето со отпад, климатските промени, циркуларната економија, улогата на младите во локалните политики и потребата од постојана соработка помеѓу локалната самоуправа, бизнис секторот и граѓанското општество.

Особено значајно беше што претставниците на Пелагонискиот регион имаа можност директно да разменат искуства со раководството на еден од најзначајните европски градови во областа на одржливиот урбан развој.

Средбата потврди дека, без разлика на големината на градот или државата, предизвиците се слични – како да се задржат младите, како да се создадат нови можности за вработување, како да се намали загадувањето и како локалните заедници да станат поотпорни и поконкурентни.

Токму затоа беше особено вредно да се слушне како Хаг ги користи партнерствата со граѓанските организации, универзитетите, компаниите и локалните заедници за да ги претвори овие предизвици во конкретни политики и проекти.

За нас тоа беше уште една потврда дека одржливите промени не се резултат на работа на една институција, туку на силна локална коалиција која работи кон заедничка визија.

Од младински политики до зелени работни места

Преку средбите со Асоцијацијата на холандски општини (VNG) и Академијата за локално управување во Хаг, се запознавме со холандскиот модел на локално управување, меѓуопштинска соработка и активно вклучување на младите во процесите на донесување одлуки.

Посебен впечаток остави начинот на кој младите не се третираат само како корисници на политики, туку како активни партнери во нивното создавање и спроведување.

Уште поважно, видовме како локалните власти систематски работат на подготовка на младите за новите зелени работни места, обезбедувајќи им пристап до знаење, иновации и практично искуство.

Titaan Hub: каде што идеите стануваат реалност

Особено инспиративен беше Titaan Hub каде што видовме како иновацијата не се случува случајно.

Таму младите, компаниите, истражувачите и инвеститорите се дел од ист екосистем.

Студентските идеи не остануваат во училница.

Тие се тестираат, се развиваат и се претвораат во реални решенија за реални потреби на пазарот.

Токму оваа директна врска помеѓу младите таленти и потребите на бизнис секторот беше една од најважните лекции за идниот развој на регионален младински и иновациски хаб во Пелагонија.

Делфт: иднината се тестира денес

Во Делфт, на Техничкиот универзитет Делфт, еден од најреномираните технички универзитети во Европа, ја посетивме The Green Village– уникатна лабораторија на отворено каде што научниците, студентите, компаниите и локалните власти заеднички развиваат и тестираат решенија за справување со климатските промени.

Од нови градежни материјали, преку енергетски ефикасни системи за греење и ладење, до иновативни пристапи за проектирање на инфраструктурата – сè што се развива таму има една цел: да создаде поодржливи, поотпорни и поквалитетни услови за живот.

За градоначалниците од регионот, ова беше можност од прва рака да видат како науката и иновациите можат директно да придонесат за подобри јавни услуги и поефикасна инфраструктура.

Најважната лекција

Можеби најважната лекција од целата посета беше дека успехот не лежи во зградите, технологиите или буџетите.

Успехот лежи во партнерствата

Во Холандија видовме дека младите не се само корисници на политики, туку нивни креатори.

Бизнисите не се само работодавачи, туку партнери во создавањето на иднината.

Универзитетите не се изолирани институции, туку активни учесници во решавањето на локалните предизвици.

А општините не работат сами, туку се дел од поширок екосистем кој создава можности за сите.

Нашата визија за Пелагонија

Токму ова е визијата што Про Локал, заедно со општините и бизнис секторот во Пелагонија, сака да ја развива во наредниот период.

Не да копираме модели.

Туку да создадеме сопствен модел.

Модел во кој младите ќе добиваат нови знаења и вештини.

Компаниите ќе добиваат пристап до нови идеи и таленти.

Општините ќе добиваат партнери за решавање на локалните предизвици.

А регионот ќе добива нови можности за развој.

Од Холандија се враќаме со многу идеи, нови партнерства и уште посилна увереност дека Пелагонија има потенцијал да стане пример за тоа како локалната самоуправа, младите, бизнис секторот и граѓанските организации можат заедно да создаваат одржлива и просперитетна иднина.

Pro Local

13/08/2026

13/08/2026

27/07/2026

24/07/2026

22/06/2026

18/06/2026

16/06/2026

11/06/2026

10/06/2026

10/06/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	08:00 - 16:00
Tuesday	08:00 - 16:00
Wednesday	08:00 - 16:00
Thursday	08:00 - 16:00
Friday	08:00 - 16:00