Здружението за младински активизам КРЕДА Битола е здружение - непрофитно и невладино, формирано со слободно здружување на граѓаните, заради остварување и усогласување на своите интереси и заради вршење на дејности и активности со цел на промовирање на критичко мислење, поттикнување на толеранција и почит кон туѓите идеи и ставови, промовирање на позитивните вредности како и подобрување на условите
на граѓаните за квалитетен и здрав живот преку активности на неформално учење.
Цели и задачи на здружението заради остварување на поширок заеднички интерес се:
- младински активизам преку промовирање на идеи за изработка на идејни проекти од општествен интерес,
- подобрување на условите на граѓаните за квалитетен и здрав живот преку активности на неформално учење,
- организирање на семинари, предавања, обуки и слично,
- потикнување на соработка со други здруженија кои имаат слични цели и задачи,
- организира тренинзи и обуки за членовите на здружението со цел проширување на нивните знаења и професионално усовршување
- учествува и делува на домашни и меѓународни собири, семинари , обуки и слично кои се во врска со целите и делувањето на здружението.
Здруженито своите цели и задачи ќе ги остварува преку активностите кои ќе се реализираат во рамките на програми за неформално образование кои во себе опфаќаат обуки, јавни дебати, предавања, тренинзи и трибини од области на кои работи организацијата, преку креирање проекти и младинско учество во локалната заедница, граѓанска активност и регионална соработка меѓу младите
Член на Здружението може да стане секое лице граѓанин-државјанин на Република Македонија што доброволно ќе се вклучи и активно ќе учествува во активностите, формите и содржините што ги спроведува здружението, доколку ги прифати Статутот и другите услови што ги пропишува истото.Член на здружението се станува со потпишување на пристапна изјава, запишување во регистарот на членови и добивање на членска легитимација.
Добродојдени се сите кои сакаат да ни се придружат во нашето здружение и да стекнат нови искуства.
За зачленување или за било каква информација за нашата организација пишете порака на групата или на email: [email protected]
Основачи на организацијата се:
Владимир Талевски
Александар Георгиев
Димитар Јовановски
Коста Малковски
Кирил Димитровски
Стефан Мандовски
Владимир Дракалски
