Together Macedonia

04/09/2026

04/09/2026

Почитувани,

Панел-дискусијата започнува од 18:00 часот, но ве замолуваме да бидете пристигнари 15 минути пред настанот, со цел да бидете пригодно сместени.

Ви благодариме!

Се гледаме во кафе-бар ,,Тигре” (поранешна трикотажа ,,Пелистер”).

17/08/2026

Не мора да бидеш професионалец за да започнеш нешто. Треба само да имаш храброст да пробаш.

На младинската размена S.I.N.G. Social Inclusion for New Generation 4.0 во Кампина, Романија, 42 млади од 7 европски држави направија нешто што на почеток можеби изгледа едноставно:
се собраа, се запознаа и почнаа да создаваат.

Музика.
Видеа.
Настапи.
Нови пријателства.
Нови идеи.

На крајот имавме уличен концерт, 7 кратки тематски видеа и голем заеднички настап – „The Voice of the Youth“.

Но највредното нешто не беше концертот.

Највредното беше чувството дека можеш да бидеш дел од нешто поголемо од себе.

И ова е нешто што многу често ни недостига.
Си велиме:
„Нека направи некој друг.“
„Не сум доволно добар.“
„Немам искуство.“
„Ќе почнам друг пат.“

А реално?
Искуството се стекнува така што ќе почнеш.

Прво ќе помогнеш во мал проект.
После ќе организираш нешто.
Ќе запознаеш луѓе.
Ќе научиш како функционираат работите.
Ќе направиш грешка.
Ќе пробаш повторно.
И еден ден – ти ќе бидеш човекот што ќе ја има идејата и ќе ги собира другите околу неа.

Затоа, ако си млад човек од Битола, или од Могила, Кичево, Струмица -- и мислиш дека „нема ништо“ – ај пробај да имаш јака идеа, и да направиш нешто, и тоа до крај!! од идеа до реализација!

Да се поврземе. Да патуваме. Да учиме. Да работиме заедно. Да правиме проекти. Да отвориме нови врати.

17/08/2026

🇲🇰➡️🇷🇴 Од Битола до Кампина
42 млади, 7 држави и една идеја: да бидеме заедно.

Од 15 до 24 јули во Кампина, Романија, се одржа младинската размена Social Inclusion for New Generation 4.0 – S.I.N.G.

42 млади од 7 европски држави, преку музика, видеа, работилници, концерти и многу дружење, зборуваа за нешто што често го забораваме, секој човек сака да биде прифатен, слушнат и дел од заедницата.

Ама искрено, најважното не е само што сме научиле на работилниците. Најважното е што запознавме луѓе од различни земји,
седнавме на иста маса, разговаравме, свиревме, се смеевме, создававме нешто заедно и
сфативме дека разликите не се пречка, туку можност да научиш нешто ново.

Имавме и уличен концерт, креиравме 7 тематски видеа, а целото искуство го заокруживме со заедничкиот настап „The Voice of the Youth“. 🎶

И тука е поентата.

Не чекај некој да ти го промени животот. Биди активен. Биди храбар. Излези од дома. Поврзи се со луѓе. Патувај. Пробај нешто ново.

Од една мала идеја може да се роди проект,
од проект – пријателства,
од пријателства – нови можности,
а од сето тоа може да се направи нешто многу поголемо.

Битола има млади луѓе со многу потенцијал. Само треба да се поврземе и да почнеме да правиме работи заедно. ❤️

Професионалното искуство почнува од мали проекти, но се гради со текот на времето,
затоа секој од нас треба еден ден да биде иницијатор на нешто уште повредно.

20/07/2026

🇲🇰🎶 Нашите учесници веќе се дел од младинската размена во Романија, каде преку музика се обработуваат теми како социјална вклученост, еднаквост и борба против дискриминацијата.

Ги прашавме како им поминуваат првите денови:

Марко: „Имаме интересни работилници за вклучување на малцинствата и дискриминацијата. Денес го посетивме најголемиот младински центар во Романија, а се подготвуваме и за Македонската културна вечер.“

Ана: „Работиме во тимови, дебатираме, решаваме проблеми и учиме како да правиме компромиси.“

Алексеј: „Најубаво е што секоја вечер ја завршуваме со пеење и свирење заедно.“

Горди сме на нивната комуникација, проактивност, тимски дух и одличното познавање на англискиот јазик. Тие се прекрасни претставници на Македонија и уште еднаш покажуваат колку е важно младите да бидат активни, да учат, да се поврзуваат и да ги претставуваат својата заедница и држава на меѓународно ниво.

11/07/2026

📢 ИТЕН ПОВИК ЗА МЛАДИНСКА РАЗМЕНА – РОМАНИЈА 🇷🇴

🗓 15 – 24 јули 2026
📍 Кампина, Романија

Бараме млади за учество на меѓународна младинска размена на тема социјална инклузија преку музика. Запознај нови луѓе, стекни искуство и претставувај ја Македонија!

📝 Пријави се тука:
https://docs.google.com/forms/d/e/1FAIpQLScOrD658OxY207yYedvoGVnws9XZeqhnyEne1GYx8bJYflYHw/viewform?usp=publish-editor⁠�

11/07/2026

📢 ИТЕН ПОВИК ЗА МЛАДИНСКА РАЗМЕНА – РОМАНИЈА 🇷🇴

🗓 15 – 24 јули 2026
📍 Кампина, Романија

Бараме млади за учество на меѓународна младинска размена на тема социјална инклузија преку музика. Запознај нови луѓе, стекни искуство и претставувај ја Македонија!

📝 Пријави се тука:

Доколку сакаш музика, нови пријателства и незаборавно Erasmus+ искуство, ова е можност за тебе! 🌍🎵 S.I.N.G. – Social Inclusion for New Generation 4.0 е младинска размена која преку музика, ...

18/05/2026

Mлади од Македонија дел од европска размена за еко-претприемништво во Романија

Во време кога климатските промени и одржливиот развој стануваат едни од најважните глобални теми, младите сè повеќе се позиционираат како двигатели на позитивни п...

18/05/2026

Ве молиме одвојте 5 минути и пополнете го овој краток прашалник. Вашето мислење ни е навистина важно 🙌

](https://docs.google.com/forms/d/e/1FAIpQLSdypw7AKgZFFJg5xS_0YcYkmXN0dAq1cHhhan12oFNbY6ju5A/viewform?pli=1&utm_source=chatgpt.com)

Ви благодариме ❤️

Проектот го спроведува Економскиот Институт при Универзитетот Св. Кирил и Методиј - Скопје за потребите на Министерството за образование и наука.

Основната цел е проценка на состојбата и капацитетите на младите лица од 15-29 години со цел идентификување на ранливите категории во кои влегуваат и лица кои немаат финансиска независност, живеат со родителите, немаат пристап до здравствено осигурување, транспорт и други социјални услуги. Притоа, се анкетираат лица кои учат, студираат, невработени и вработени лица со цел да се издвојат категориите за кои е потребно да се креираат посебни политики и поддршка од МОН и другите министерства.

Во прашалникот има и прашања кои се однесуваат на емотивната состојба и изложеноста на стрес на анкетираните, со цел да се добие увид за корелацијата на оваа состојба со финансиските и материјалноте услови кај младите лица.

Општина Битола е една од избраните осум општини во кои се спроведува проектот. Анкетираните лица треба да бидат со живеалиште во Битола.

Овој прашалник е анонимен и има за цел да помогне во подобро разбирање на состојбата, капацитетите и потребите на младите лица кои се соочуваат со различни животни ...