https://www.facebook.com/101445604732753/

Ceylon Elefriendz Clique - අලි වෙනුවෙන් අපි, Dalada Street, Kandy (2026)

30/10/2026

රුහුණු රටේ පුංචි කුමාරයා හේසර
♥️🐘

#අලිවෙනුවෙන්අපි

30/10/2026

කුසුම්ගම ප්‍රදේශයේ අයහපත් සෞඛ්‍ය තත්ත්වයෙන් පසු වූ 'තල් ඇටයා' නමින් හඳුන්වන අලි පැටවා වැඩිදුර ප්‍රතිකාර සඳහා ආරක්ෂා සහිතව උඩවලව ඇත් අතුරු සෙවණ වෙත අද අලුයම රැගෙන ගොස් තිබේ.

මෙම දුෂ්කර හා මානුෂීය මෙහෙයුම සාර්ථක කර ගැනීම සඳහා සහයෝගය දැක්වූ වනජීවී නිලධාරීන්, පශු වෛද්‍ය කණ්ඩායම් සහ අනෙකුත් සියලුම පාර්ශ්වයන් වෙත අපගේ හෘදයාංගම ස්තුතිය පුද කර සිටිමු.

සද්දන්ත ජීවිතයන් රැකගැනීම වෙනුවෙන් දැක්වූ මේ මානුෂීය කැපවීම සැබවින්ම අගය කළ යුතුය.

#අලිවෙනුවෙන්අපි

28/10/2026

මැදවච්චියේදී ස්නායු ආබාධයකින් අසාධ්‍ය වූ පුංචි ඇත් පැටියා ක්‍රමයෙන් සුව අතට!

මැදවච්චිය, වේවැල්කැටිය ප්‍රදේශයේ අසනීප තත්ත්වයෙන් පසු වූ වන අලි පැටවා පණ්ඩුලගම පශු වෛද්‍ය ඒකකය මගින් මූලික ප්‍රතිකාර සිදුකිරීමෙන් අනතුරුව, වැඩිදුර ප්‍රතිකාර සඳහා පසුගිය 22 වැනිදා උඩවලව ඇත් අතුරු සෙවණ වෙත රැගෙන එන ලදී.

පැටවාට අවශ්‍ය වැඩිදුර ප්‍රතිකාර කඩිනමින් ආරම්භ කළ අතර, දින කිහිපයක් ආධාරක මගින් රඳවා තබාගනිමින් ප්‍රතිකාර සිදුකර ඇත.

අසාධ්‍ය තත්ත්වයේ සිටි පැටවාගේ ආධාරක මේ වන විට ඉවත් කර තිබෙන අතර, ඔහු හොඳින් ආහාර සහ ජලය ලබාගනිමින් සිටියි.

උඩවලව ඇත් අතුරු සෙවණේ අලි පැටවුන් රඳවා තබන ස්ථානයක රඳවා සිටින මෙම පැටවාට රේඩියෝ සංඥා කරපටියක් ද පැළඳවීමට කටයුතු කර ඇත.

හඬක් නඟා තම වේදනාව කියාගත නොහැකි ඔවුන් වෙනුවෙන් අපට හඬක් විය හැකිය.

තමන්ට සිදුවන වේදනාව වචනවලින් කියාගන්නට බැරි, තමන්ගේ ජීවිතය රැකගැනීමට මිනිසුන්ගේ උපකාරය අවශ්‍ය වන අහිංසක වන සතුන් වෙනුවෙන් අපි සියලුදෙනාම එකතු විය යුතුයි.

අද මේ පුංචි ඇත් පැටවා ක්‍රමයෙන් සුවය ලබන පුවත අපට සතුටක් මෙන්ම බලාපොරොත්තුවක් ද ලැබෙන සේම, තවත් මෙවැනි අහිංසක ජීවිත අහිමි නොවන අනාගතයක් වෙනුවෙන් අපට ඇති වගකීමත් ඔබට සිහිපත් කරමු.

එසේම වන සතුන්ගේ ජීවිත සුරැකීමට කැපවන පශු වෛද්‍යවරුන් ඇතුළු සියලුදෙනාගේ සේවය අගය කරමු.

#අලිවෙනුවෙන්අපි

28/10/2026

නියම කොට ඇති රාජ අණ නොපිරිහෙලා ඉටු කරමින් සිරිලක බොදුනු කිරීඨය වන් උත්තම ජිනරාජ දළදාව පණ මෙන් සුරකින,
ඓතිහාසික සපරගමු මහා සමන් දේවාලය,
ඓතිහාසික රුහුණු මහා කතරගම දේවාලය උභය දේවාලයන්හී හිටපු බස්නායක නිලමේ පදවි කරවූ වත්මන් සිරි දළදා මැදුරේ දියවඩන නිලමේ දූරය බල කරවන රත්නපුර මහ දිසාවේ,කුකුලුවා කෝරළයේ ගොඩැල්ල වලව්වේ ප්‍රදීප් නිලංග දෑල දියවඩන නිලමේතුමනට නිරෝගීමත් ජන්ම දිනකට දිඝාසිරි වේවා!

#අලිවෙනුවෙන්අපි

27/10/2026

අනවසර විදුලි රැහැන්වලට බිලි වූ වන අලි ජීවිත දෙකක්!

අනුරාධපුරයේ රඹෑව, 90 පීනගම ග්‍රාම නිලධාරී කොට්ඨාසයේදී අනවසර විදුලි රැහැන් යොදාගෙන තරුණ වයසේ පසුවූ වන අලි ගැහැනු සතුන් දෙදෙනෙකු ඝාතනය කිරීමේ සිදුවීමක් වාර්තා වේ.

අනවසර විදුලි රැහැන් නිසා අකාලයේ මිය යන අහිංසක ජීවිත කොපමණද?

මිනිසාගේ කුරිරු ක්‍රියාවන් හමුවේ මරණයට පත්වන මේ අහිංසක සතුන් වෙනුවෙන් හඬ නගන්නේ කවුද?

අද ජීවිත දෙකක් අහිමි විය. හෙට තවත් ජීවිත කීයක් මේ ආකාරයෙන් අහිමි වේවිද?

වන අලි යනු අපේ රටේ ස්වාභාවික උරුමයේ වටිනාම කොටසකි. ඔවුන්ගේ ජීවිත අහිමි වීම යනු අපේ අනාගත පරපුරට දැකගැනීමට ඇති උරුමයක් දිනෙන් දින අහිමි වීමකි.

අනවසර විදුලි රැහැන් යොදා වන සතුන් ඝාතනය කිරීම නතර කිරීමට දැන්වත් දැඩි ක්‍රියාමාර්ග ගත යුතුය. මෙවැනි අපරාධ සම්බන්ධයෙන් නීතිය ක්‍රියාත්මක විය යුතුය. තවත් අහිංසක ජීවිත අහිමි වීමට පෙර මේ විනාශය නතර කළ යුතුය.

මේ මිහිකත මිනිසාට පමණක් අයිති නැත. ඔවුන්ටත් නිදහසේ ජීවත් වීමට අයිතියක් ඇත.

වන අලි සම්පත රැකගැනීම අප සැමගේ වගකීමකි.

අහිංසක ජීවිත වෙනුවෙන් හඬ නගමු. වන අලි සම්පත රැකගනිමු!

#අලිවෙනුවෙන්අපි

26/10/2026

2026 ලෝක ළමා දිනයට සමගාමීව CEC මාධ්‍ය අංශයේ අප විසින් සංවිධානය කරන ලද *හස්ති සිත් රූ* චිත්‍ර තරගාවලියේ ජයග්‍රාහිකාව පසුගියදා තෝරා පත් කරගන්නා ලදී.

ජයග්‍රාහිකාව -කවීශා සඳමිණී
අවුරුදු 17- කෑගල්ල

පින්නවල අලි සුරැකුම් මධ්‍යස්ථාන පරිශ්‍රයේදී අප විසින් ඇයට අදාල ත්‍යාගය ප්‍රධානය කිරීම සිදු කරන ලදී. මෙම අවස්ථාවේදී ඇය CEC පවුල විසින් මෙවැනි තරඟයක් සංවිධානය කිරීම පිලිබඳ ව ස්තූතිවන්ත වූ අතර, ඇයගේ මෙම ජයග්‍රහණය වෙනුවෙන් සහයෝගය ලබා දුන් හා දිරි දුන් සියලු දෙනා වෙනුවෙන් තම ස්තූතියි පල කරන ලදි.

#අලිවෙනුවෙන්අපි

25/10/2026

☸️ ඔබ සැමට , පින්බර වප් පුර පසළොස්වක පොහොය දිනයක් වේවා !

☸️ සත්වන වස් කාලය ගත කිරිමට තව්තිසා දෙව්ලොවට වැඩම කෙරූ බුදුන් වහන්සේ , දෙව්ලොවින් නික්ම දඹදිව සකස්පුරයට පැමිණ මහා පෙළහර පාමින් වැඩසිටි සේක.

☸️ සැරියුත් හිමියන් ප්‍රඥාලාබි භික්ෂුන් අතර අග්‍රස්ථානය ලැබිම.

☸️ කල්ප ලක්ෂයකින් මතුවෙහි බුදුවිමට සිටින මෛත්‍රී බෝසතානන්，
ගෞතම බුදුරදුන්ගේ ශාසනයෙහි පැවිදි විම.

☸ අනුලා දේවිය ඇතුළු කුල කතුන් සසුන්ගත කිරිම , සංඝමිත්තා තෙරණිය ඇතුළු භික්ෂුනි සංඝයාත්, ජය ශ්‍රි මහා බෝධි ධාමයේ දක්ෂිණ ශාඛාවත් ලක්දිවට වැඩමවා ගැනිමට අනුබුදු මිහිඳු හිමියන්ගේ නියමයෙන් දෙවනපෑතිස් රජුගේ සංදේශයත් සතුටු පඩුරුත් රැගෙන අරිට්ඨ කුමරු ප්‍රමුඛ රාජකීය දුත පිරිස දඹදිව සැලලුප් නුවර ධර්මාශෝක චක්‍රවර්තීන් හමුවිමට පිටත්කොට යැවිම.

☸ මහාරිෂ්ඨ මහ රහතන් වහන්සේ විසින් ලංකා ඉතිහාසයේ අමරණීය සිද්ධියක් වන විනය පිටකය සංඝායනා කිරිම, වැනි කරුණු රාශියක් අද වන් වප් පුන් පොහොය දිනයක සිදුවි ඇති බව අප ශාසන ඉතිහාසයේ සදහන්ය.

#අලිවෙනුවෙන්අපි

23/10/2026

දළ ඇතෙකු සතු දරා ගැනීමේ හැකියාව යම් මිනුමකින් තරම් වීද﹐මේ ඒ පිළිබඳ ජීවමාන වූ සද්ධන්න සාක්ෂියයි !
📸- 2026/10/23

#අලිවෙනුවෙන්අපි

23/10/2026

නිවන් සුව ඇත් රජුනි !

#අලිවෙනුවෙන්අපි

23/10/2026

වන අලි සහ ඇතුන්ගේ ආරක්ෂාව තහවුරු කිරීමට වනජීවී හා ත්‍රිවිධ හමුදා ඒකාබද්ධ මෙහෙයුම් මැදිරියක් සහ විශේෂ වැඩපිළිවෙළක්

ශ්‍රී ලංකාවේ වන අලි සහ ඇතුන්ගේ ආරක්ෂාව තහවුරු කිරීම මෙන්ම වන අලි-මිනිස් ගැටුම පාලනය කිරීමේ අරමුණින් වනජීවී දෙපාර්තමේන්තුව, ත්‍රිවිධ හමුදාව සහ අදාළ පාර්ශ්වයන් එක්ව විශේෂ ඒකාබද්ධ වැඩපිළිවෙළක් ආරම්භ කර ඇත.

ඒ අනුව, ශ්‍රී ලංකා යුද හමුදා මූලස්ථානයේ මෙහෙයුම් මැදිරියක් ස්ථාපිත කිරීම සඳහා අවධානය යොමු වූ අතර මෙම ඒකාබද්ධ ආරක්ෂණ වැඩපිළිවෙළ සම්බන්ධීකරණය කිරීම සඳහා යුද හමුදා මූලස්ථානය කේන්ද්‍ර කරගනිමින් විශේෂ මෙහෙයුම් මැදිරියක් පිහිටුවනු ලබන අතර, ඊට වනජීවී නිලධාරීන්, පශු වෛද්‍යවරුන් සහ ත්‍රිවිධ හමුදා නිලධාරීන් අනුයුක්ත කෙරෙනු ඇත.

අවදානමට ලක්ව ඇති ඇතුන් නිරීක්ෂණය සහ ආරක්ෂාව වෙනුවෙන් අධික අවදානම් සහිත කලාපවල සැරිසරන බවට හඳුනාගෙන ඇති ඇතුන් කෙරෙහි කඩිනම් ආරක්ෂක පියවර ක්‍රියාත්මක වේ. ඔවුන් ගමන් කරන මාර්ග නිරීක්ෂණය කරමින් යුද හමුදා විශේෂ ආරක්ෂක අනුඛණ්ඩ යෙදවීමට කටයුතු සූදානම් කෙරෙනු ඇති බවත් ඔවුන් සඳහන් කරයි.

විශේෂයෙන් අලි-ඇතුන් ඝාතනය, හක්කපටස් භාවිතය සහ වන සතුන්ට එරෙහි වෙනත් අපරාධ වැළැක්වීම සඳහා නීතිමය රාමුව ශක්තිමත් කෙරෙන අතර ගැටුම් පවතින ප්‍රදේශ ආශ්‍රිතව ඒකාබද්ධ හදිසි වැටලීම් තීව්‍ර කිරීමටත්,වනජීවී අපරාධ පිළිබඳ තොරතුරු ලබාගැනීමේ විශ්වාසදායක පද්ධතියක් ගොඩනැගීම, සතුන් රෝගී වූ විට මහජනතාව ඒකරාශී වීම පාලනය කිරීම සහ වන සත්ව ආරක්ෂණය පිළිබඳ ප්‍රජා දැනුවත්භාවය වර්ධනය කිරීම කෙරෙහි විශේෂ අවධානය යොමු වී ඇත.

සතුන් හැසිරවීම සහ ක්ෂේත්‍ර රාජකාරි සම්බන්ධයෙන් හමුදා සාමාජිකයන්ට වනජීවී දෙපාර්තමේන්තුවෙන් විශේෂ පුහුණුවක් ලබාදීමටත්, වනජීවී නිලධාරීන්ට හමුදා කඳවුරු තුළ ක්ෂේත්‍ර පර්යේෂණ පහසුකම් සැපයීමටත් එකඟතාව පළ විය. මෙහෙයුම් සැලසුම් යාවත්කාලීන කිරීම සඳහා සතිපතා දත්ත සමාලෝචනයක් මෙන්ම මසකට වරක් ප්‍රධාන පාර්ශ්වයන්ගේ සහභාගිත්වයෙන් ප්‍රගති සමාලෝචන රැස්වීමක් පැවැත්වීමට තීරණය වූ අතර වන සම්පත රැකගැනීමත්, මිනිස් ජීවිත මෙන්ම වන අලි-ඇතුන්ගේ පැවැත්ම සුරක්ෂිත කිරීමත් වෙනුවෙන් රාජ්‍ය අංශය සහ ආරක්ෂක අංශ එක්ව ක්‍රියාත්මක කරන මෙම වැඩපිළිවෙළ කඩිනමින් බිම් මට්ටමින් ක්‍රියාත්මක කිරීමට නියමිත බව සාකච්ඡාවේදී කතිකා කරගෙන තිබේ.

#අලිවෙනුවෙන්අපි

Ceylon Elefriendz Clique - අලි වෙනුවෙන් අපි

30/10/2026

30/10/2026

28/10/2026

28/10/2026

27/10/2026

26/10/2026

25/10/2026

23/10/2026

23/10/2026

23/10/2026

Address

Website

Alerts

Contact The Organization

Shortcuts

Share

Category

Nearby non profit organizations

Other Youth Organizations in Kandy

Listing takedown request