Սուրբ Էջմիածնի Կրօնասէր Տիկնանց Համախմբում

24/10/2026

ՇՆՈՐՀԱԿԱԼԱԿԱՆ ԽՕՍՔ
Գլարա Մարկոսեան Հիմնադրամին՝ Varouj Altebarmakian, Տօքթ. Վարուժ Ալթըպարմաքեանի գլխաւորութեամբ, մեր խորին երախտագիտութիւնը կը յայտնենք վերջին չորս տարիներուն Պէյրութի մէջ 150 պարագաներու դեղորայքի ապահովման իր նուիրական եւ մարդասիրական նախաձեռնութեան համար։
Լիբանանի` Սուրբ Էջմիածնի Կրօնասէր Տիկնանց Համախմբումը սիրայօժար յանձն առած է իւրաքանչիւր անհատին դեղագիրին համապատասխան դեղորայքի ծրարներ պատրաստելու եւ զանոնք անձամբ բաժնելու պատասխանատուութիւնը։
Այսօր, առաւօտեան ժամը 8։30-էն մինչեւ 11։30, անհատները ժամանեցին Տանձիկեան Հրայր Հաստատութիւն Մքալլէս, եւ ստացան իրենց անհրաժեշտ դեղորայքը։
Մեր խորին շնորհակալութիւնն ու երախտագիտութիւնը կը յայտնենք Տօքթ. Վարուժ Ալթըպարմաքեանին՝ իր բարեսիրտ, մարդասիրական եւ շարունակական գործունէութեան համար, որուն շնորհիւ կարիքաւոր մեր հայրենակիցները կը ստանան իրենց անհրաժեշտ դեղորայքը։
Թող այս գեղեցիկ ծառայութիւնը շարունակէ իր օրհնաբեր առաքելութիւնը՝ յոյս, առողջութիւն եւ մխիթարութիւն պարգեւելով բոլորին։

Սուրբ Էջմիածնի Կրօնասէր Տիկնանց Համախմբում
24֊Հոկտեմբեր֊2026

#ՍուրբԷջմիածին #ԿրօնասէրՏիկնանցՀամախմբում #ԳլարաՄարկոսեանՀիմնադրամ #Բարեգործութիւն #Առողջապահութիւն #Լիբանահայ #Օգնութիւն

19/09/2026

Սուրբ Էջմիածնի Կրօնասէր Տիկնանց Համախմբումի անդամներէն Nathalie Bouldoukian, սիրելի զարմուհիս, սրտանց կը շնորհաւորենք, "ESA", եւ "Université Côte d'Azur" Business Administration-ի բնագաւառին մէջ PhD աստիճանիդ արժանանալուդ առիթով։ 🎓❤️
Այս մեծ յաջողութիւնը քու նուիրուածութեան, աշխատասիրութեան եւ տարիներու հետեւողական աշխատանքիդ արդիւնքն է։
Մենք շատ հպարտ ենք քեզմով։ Թող այս նոր հանգրուանը քեզի բերէ նորանոր յաջողութիւններ, գեղեցիկ հնարաւորութիւններ եւ երջանկութիւն։
Շնորհաւոր, սիրելի՛ Դոկտոր Նաթալի Պուլտուքեան։ 🎓❤️
Քեզի՝ փայլուն ու յաջող ապագայ։

29/08/2026

ՔԼԱՐԱ ՄԱՐԿՈՍԵԱՆ ՀԻՄՆԱԴՐԱՄ
Քլարա Մարկոսեան Հիմնադրամը, նախագահութեամբ Varouj Altebarmakian Տօքթ. Վարուժ Ալթըպարմաքեանի, չորս տարիներ շարունակ իր մարդասիրական առաքելութեամբ կանգնեցաւ Թրիփոլիի կարօտեալ ընտանիքներուն կողքին՝ անոնց տրամադրելով դեղորայքի բաշխման օժանդակութիւն։
Չորս տարիներ շարունակ այս գեղեցիկ նախաձեռնութիւնը եղաւ մեծ բարիք եւ օրհնութիւն՝ առողջապահական դժուարութիւններ դիմագրաւող մեր համայնքի անհատներուն եւ ընտանիքներուն համար։ Անիկա ոչ միայն օգնեց անոնց հոգալու իրենց անհրաժեշտ դեղորայքի կարիքները, այլեւ թեթեւցուց անոնց տնտեսական ծանր բեռը եւ անոնց փոխանցեց այն զգացումը, որ իրենք առանձին չեն, եւ իրենց կողքին կան սրտակից ու հոգատար մարդիկ։
Այսօր, երբ այս արժէքաւոր մարդասիրական ծրագիրը կը հասնի իր աւարտին, Սուրբ Էջմիածնի Կրօնասէր Տիկնանց Համախմբումը խորին երախտագիտութեամբ կը յիշէ այս չորս տարիներու բարի գործը եւ իր անկեղծ շնորհակալութիւնը կը յայտնէ Քլարա Մարկոսեան Հիմնադրամին, Տօքթ. Վարուժ Ալթըպարմաքեանին, բոլոր բարերարներուն եւ աջակիցներուն։
Ձեր նուիրատուութիւնները, նուիրումը եւ համագործակցութիւնը հնարաւոր դարձուցին հասնիլ մեր համայնքի կարիքաւոր զաւակներուն եւ թեթեւցնել անոնց դժուարութիւնները։
Թող Աստուած օրհնէ բոլոր անոնք, որոնք իրենց սրտի բարութեամբ բաժին ունեցան այս մարդասիրական առաքելութեան մէջ եւ իրենց նպաստը բերին կարիքի մէջ եղող մեր հարազատներուն։
Մեր խորին շնորհակալութիւնը եւ երախտագիտութիւնը բոլորիդ։
Սուրբ Էջմիածնի Կրօնասէր Տիկնանց Համախմբում
Թրիփոլի, Լիբանան
29 Օգոստոս 2026

.
Մայր Աթոռ Սուրբ Էջմիածին/ Mother See of Holy Etchmiadzin

,, #Հայ, , #Եկեղեցի #օժանդակութիւն, , ,

21/08/2026

Սրտանց կը շնորհաւորենք Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը՝ ծննդեան 75-ամեակին առիթով։
Թող Բարի Աստուած երկար ու առողջ կեանք պարգեւէ Ձեզի, զօրացնէ Ձեր հաւատքն ու հոգեւոր առաքելութիւնը եւ իմաստութեամբ ու շնորհքով առաջնորդէ Ձեզ՝ ի պայծառութիւն Հայ Եկեղեցւոյ եւ ի բարօրութիւն մեր սիրելի հայ ժողովուրդին։
Թող Սուրբ Աստուածածինը եւ մեր սուրբ հայրերը միշտ հովանի ըլլան Ձեզի, իսկ Ձեր գահակալութեան տարիները ըլլան խաղաղութեան, միաբանութեան եւ օրհնութեան տարիներ՝ մեր հայրենիքին, Սփիւռքին եւ համայն հայութեան համար։
Բարի, երջանիկ եւ օրհնեալ 75-ամեակ, Վեհափառ Տէր։
Աստուած երկար կեանք եւ արեւշատ տարիներ շնորհէ Ձեզի։
Մայր Աթոռ Սուրբ Էջմիածին/ Mother See of Holy Etchmiadzin
Գարեգին Բ Կաթողիկոս Ամենայն Հայոց/ Karekin II, Catholicos of All Armenians

07/08/2026

Ն.Ս.Օ.Տ.Տ ԳԱՐԵԳԻՆ Բ Ամենայն Հայոց հայրապետը աշխարհի բոլոր հայութեան Կաթողիկոսն է։
Համայն հայութիւնը անհաւատալի եւ անընդունելի կը գտնէ Գարեգին Երկրորդ Կաթողիկոսը եւ վեց Բարձրաստիճան Արքեպիսկոպոս եւ Եպիսկոպոս դատի կանչել անհիմն պատճառներով։
Օժանդակենք, զօրակցինք որ անսասան եւ ամուր մնայ Հայ Առաքելական Սուրբ Եկեղեցին իր Հայրապետով։
Ամէն միջոց պէտք է գործենք որ օգտակար դառնանք Մայր Աթոռ Սուրբ Էջմիածնի միասնականութեան։
Չենք կրնար լուռ մնալ Հ.Հ. կատարած մեծածաւալ աշխատանքին որպէսզի պառակտէ Մայր Աթոռը։
Միասնական աշխատանք պէտք է ցուցաբերենք, թիկունք կանգնինք Մայր Աթոռին, Ն.Ս.Օ.Տ.Տ Գարեգին Բ Վեհափառ Հայրապետին, յանուն Հայ Առաքելական Սուրբ Եկեղեցիին անսասանութեան։
Հայ Առաքելական Սուրբ Եկեղեցին իբր մարմին անջատ է կառավարութենէ, եւ Եկեղեցին իր ներքին հարցերը ինքը կը լուծէ երբ ժամանակը հարմար գտնէ։
Եթէ հայ Առաքելական Սուրբ Եկեղեցին տկարանայ, մենք ալ ձեր կարգին տկարացած կ'ըլլանք։
Մայր Աթոռ Սուրբ Էջմիածին/ Mother See of Holy Etchmiadzin
fans
Գարեգին Բ Կաթողիկոս Ամենայն Հայոց/ Karekin II, Catholicos of All Armenians

15/07/2026

ԲԱՆ ԺԸ ՍՐՏԻ ԽՈՐՔԵՐԻՑ ԽՕՍՔ
ԱՍՏԾՈՅ ՀԵՏ
Ա
Արդ, ես ծնունդս մեղքի եւ մահացու երկունքի
որդիս,
Արդարեւ պարտաւոր եմ մի օրուայ մէջ բիւր
քանքարների տոյժը հատուցել:
Սակայն ոչ թէ մարդկային մտքի փոքրութեան
համեմատ եմ ես ներումն հայցում,
Այլ փրկչիդ` Յիսուս Քրիստոսի աննուազելի
լիութեան չափով եմ պաղատում մարդասիրութիւն:
Չկայի երբեմն, եւ ստեղծեցիր,
Ես աղաչեցի, եւ դու գոյացրիր,
Դեռ աշխարհ չեկած` տեսար դու ինձ,
Չէի յայտնուել, եւ դու գթացիր,
Չէի խնդրել ես` խնամարկեցիր,
Չէի բարձրացրել ձեռքս` նայեցիր,
Չէի պաղատել` եւ ողորմեցիր,
Չէի ձայն հանել, եւ դու լսեցիր,
Չէի հառաչել` եւ ունկնդրեցիր,
Գիտէիր, թէ ինչ կպատահի ինձ, եւ չանտեսեցիր,
Նախատես աչքով քո նկատեցիր
չարագործութիւն պատժապարտիս եւ յօրինեցիր
ինձ:

#Նարեկ, #Աղոթամատեան, #Հայ, , #Եկեղեցի #Բարութիւն, Մայր Աթոռ Սուրբ Էջմիածին/ Mother See of Holy Etchmiadzin Սուրբ Էջմիածնի Կրօնասէր Տիկնանց Համախմբում

27/06/2026

Այսօր առաւօտեան ժամը 8:30-էն մինչեւ 11:30, Սուրբ Էջմիածնի Կրօնասէր Տիկնանց Համախմբում ը յաջողութեամբ աւարտեց իր դեղորայքի բաշխման ծրագիրը։

Ընդհանուր առմամբ, 150 պարագայի բաժանուեցաւ դեղորայք՝ ըստ դեղատոմսերու, յատուկ փաթեթներով, Տանձիկեան Հրայր ընկերութեան գրասենեակներուն մէջ, Մքալլէս։

Մեր անկեղծ շնորհակալութիւնը կը յայտնենք Գլարա Մարկոսեան Հիմնադրամին, Տոքթ. Varouj Altebarmakian-ի գթասիրտ ղեկավարութեամբ, այս կարեւոր բարեգործական նախաձեռնութեան համար։

Այս տարի կը նշենք այս օգնութեան չորորդ տարեդարձը, որ տարուէ տարի կը շարունակէ զօրակցիլ մեր համայնքին։
27-Յունիս֊2026

#ՍուրբԷջմիածին #ԿրօնասէրՏիկնանցՀամախմբում #ԳլարաՄարկոսեանՀիմնադրամ #Բարեգործութիւն #Առողջապահութիւն #Լիբանահայ #Օգնութիւն

25/06/2026

Արդարութիւնը յաղթեց տարի մը ետք։
Միքայէլ Սրբազանին ազատ արձակեցին։

Միքայել Սրբազանը՝ Մայր Տաճարում 🙏

• Միքայել Սրբազանի հետևորդների էջ •

13/06/2026

Ոչ եւս է Տիկին Սօնեա Կարմիրեան Զավզավաճեանը։

Սուրբ Էջմիածնի Կրօնասէր Տիկնանց Համախմբումը խոր վիշտով կը գուժէ մահը իր սիրելի անդամներէն, բարեպաշտ, հեզ, ազնիւ Տիկին Սօնեա Կարմիրեան Զավզավաճեանի որ պատահեցաւ Լոս Անճելեսի մէջ, 13 Յունիս 2026֊ին։
Հանգուցեալ Սօնեան նուիրուածութեամբ եւ անվերապահօրէն երկար տարիներ շարունակած է իր անդամակցութիւնը եւ բարերարութիւնը, Սուրբ Էջմիածնի Կրօնասէր Տիկնանց Համախմբումին։ Ան վերջերս երեսուն հինգ տարուայ յուշանուէրի արժանացաւ։ Տիկին Սօնեան Սուրբ Էջմիածնի Կրօնասէր Տիկնանց Համախմբումին հանդէպ անսահման հաւատք և խորունկ սէր ունեցած է ինչպէս նաև՝ Հայաստանեայց Առաքելական Սուրբ Եկեղեցւոյ առաքելութեան եւ անսասանութեան, եւ միշտ զօրավիք կանքնելով մեր համախմբումին։
Սուրբ Էջմիածնի Կրօնասէր Տիկնանց Համախմբումը իր խորին ցաւակցութիւնը կը յայտնէ հանգուցեալին ընտանեկան պարագաներուն։ Իր յիշատակը անթառամ պիտի մնայ մեր բոլորին սրտերուն մէջ։
Աստուած հոգին լուսաւորէ։
Խունկ և աղօթք իր անմահ յիշատակին։

07/06/2026

Սուրբ Էջմիածինի տօնին առիթով սրտանց կը շնորհաւորենք։
Թող Աստուծոյ լոյսն ու օրհնութիւնը միշտ ըլան մեր ժողովուրդին, մեր ընտանիքին եւ քու հոգիիդ վրայ։ Թող Սուրբ Էջմիածինը մնայ մեր հաւատքին, միաբանութեան եւ ազգային ինքնութեան անսասան խորհրդանիշը։
Մայր Աթոռ Սուրբ Էջմիածին/ Mother See of Holy Etchmiadzin