What are the opening hours?

Monday 09:00 - 15:30 Saturday 09:00 - 15:30 Sunday 09:00 - 15:30

Kscien en - کەیساین

Home
Iraq
Sulaimania
Kscien en - کەیساین

(کەیساین-Kscien) ڕێکخراوێکی زانستییە، کاردەکات لە پێناو بەرەوپێشبردنی بواری توێژینەوەی زانستی و بڵاوکردنەوەی ڕۆشنبیری زانستی لەو میانەدا.

ئامانجی "کەیساین-Kscien":
١- ئەنجامدانی توێژینەوە لە بواری زانستە ئەزموونییەکاندا.
٢- بەرەوپێشبردنی توێژینەوەی زانستی و بڵاوکردنەوەی لەناو کۆمەڵگاو ئاشناکردنی بە تاک.
٣- هاوکاری لەڕێی دابینکردنی پێویستییەکانی توێژینەوە وەک:
Data entry, Data analysis, Publishing وەهەروەها ڕێبەری نوسینی توێژینەوە.
٤- بڵاوکردنەوەی ڕۆشنبیری زانستی (توێژینەوە) لەناو توێژەران و لەناو خەڵکدا.
٥- ناساندنی توێژەران و زانایانی کوردستان.
٦- ڕیگری کردن لە گۆڤار و پەبلیشەرە ساختەکان.

14/05/2026

📢 هەلی کار لە شاری سلێمانی - ڕێکخراوی کەیساین (Kscien)
ڕێکخراوی کەیساین بۆ پەرەپێدانی زانستی، کارمەندێکی ڕەگەزی نێر دادەمەزرێنێت بۆ ڕاییکردنی کاروبارەکانی ڕێکخراو لە شاری سلێمانی.

📌 مەرجە سەرەکییەکان:
ڕەگەز: نێر.

زمان: پێویستە ئاستی زمانی ئینگلیزی (باش) بێت.

کاتژمێری کار: ڕۆژانە ٦ کاتژمێر کارکردن.

تایبەتمەندی: پێویستە توانای کاری تیمی هەبێت و کەسێکی چالاک بێت.

💰 مووچە:
بڕی مووچە لە کاتی چاوپێکەوتن دیاری دەکرێت.

🌟 لێهاتووییەکان:
شارەزایی لە بەکارهێنانی کۆمپیوتەر (بەتایبەت پرۆگرامەکانی Office)

پابەندبوون بە کات و ڕێساکانی کارکردن.

📥 چۆنیەتی پێشکەشکردن:
ئەو بەڕێزانەی خوازیارن، دەتوانن لە ڕێگەی ئەو لینکەی لە کۆمێنت دانراوە سیڤی پڕ بکەنەوە

10/05/2026

کۆبوونەوەی تایبەت بە سیمپۆزییەم لەلایەن دەستەی کارگێڕی ڕێکخراوی کەیساین ئەنجامدرا

دەستەی کارگێڕی ڕێکخراوی کەیساین کۆبوونەوەی تایبە بە سیمپۆزییەمی ئەنجامدا. تەوەری سەرەکیی کۆبوونەوەکە تەرخانکرابوو بۆ تاوتوێکردنی ئامادەکارییەکانی سیمپۆزیۆمی ئەمساڵ، لەگەڵ داڕشتنی پلانی ستراتیژی و دیاریکردنی میکانیزمی گونجاو بۆ جێبەجێکردنی. هاوکات، گفتوگۆیەکی زانستییانە لەسەر چەندین چالاکی و پڕۆژەی تری ئایندەی ڕێکخراوەکە کرا لە پێناو بەرەوپێشبردنی کارەکان.

06/05/2026

⭐️ مژدە بۆ توێژەران و خوێندکاران⭐️

ڕێکخراوی کەیساین بە خۆشحاڵییەوە ڕایدەگەیەنێت کە بەشی تایبەت بە ستاتیستیکی کردەوە!

ئایا تۆ توێژەرێکیت یان خوێندکارێکیت و پڕۆژەیەکی توێژینەوەت هەیە؟
پێویستت بە شیکردنەوەی داتاکانت هەیە بە شێوەیەکی زانستی و پڕۆفیشناڵ؟

ئێستا چیتر خەمت نەبێت!

ڕێکخراوی کەیساین بە تیمی شارەزا و پڕۆفیشناڵی خۆیەوە، ئامادەیە تەواوی پڕۆسەی شیکردنەوەی داتاکانت (Data Analysis) بۆ ئەنجام بدات.

خزمەتگوزارییەکانمان بریتین لە:

● شیکردنەوەی ئاماری (Statistical Analysis)

● ڕاوێژکاری لەسەر دیزاینی توێژینەوە (Research Design Consultation)

● پوختەکردنەوە و ڕێکخستنی داتا (Data Cleaning and Organization)

● نووسینی ڕاپۆرتی شیکردنەوە (Analysis Report Writing)

بۆ زانیاری زیاتر و داواکردنی خزمەتگوزارییەکانمان، دەتوانن پەیوەندی بە وەتسئەپی ئەم ژمارە پەیوەندییە بکەن:

+964 770 085 0035

18/04/2026

رێکخراوی کەیساین بەشداری کۆنفرانسێکی جیهانی دەکات

تیمێک لە توێژەرانی رێکخراوی کەیساین، بە سەرپەرشتی (شڤان حسین محمد)، سەرۆکی رێکخراوی کەیساین، بەشداربوون لە سی و چوارەمین کۆنفرانسی ساڵانەی کۆمەڵەی ئاسیایی نەشتەرکارانی سنگ و دڵ بۆریەکانی خوێن کە لە شاری ئەنتالیای تورکیا، لە رێکەوتی ١٨/٤/٢٠٢٦، ئەنجامدرا.
تیمەکە، بە هاوکاری بەشی زانستی تاوەری تەندروستی سمارت، دوو توێژینەوەیان پێشکەشکرد بە شێوەی ئی پۆستەر سەبارەت بە گۆڤاری ساختە و کوالیتی بڵاوکردنەوەی زانستی لە بواری نەشتەرگەری سنگ و دڵ لە کیشوەری ئاسیا.

06/04/2026

چی دەبێت ئەگەر ژیریی دەستکرد لەمەودوا بەس وەڵامی پرسیارەکان نەداتەوە؟ بەڵکو وەک "زانایەک" ڕەفتار بکات؟؟

توێژینەوەیەکی نوێ کە لە گۆڤاری بەناوبانگی (Nature) بڵاوکراوەتەوە، سیستەمێکی نوێ بە ناوی "زانای ژیریی دەستکرد" (The AI Scientist) دەخاتە ڕوو.

ئەم سیستەمە وا دیزاین کراوە کە زۆربەی قۆناغەکانی توێژینەوەی زانستی لە سەرەتاوە تا کۆتایی ئەنجام بدات!!

بەپێی توێژینەوەکە، ئەم سیستەمە دەتوانێت بیرۆکەی نوێ بۆ توێژینەوە بدۆزێتەوە، گەڕان لە ناو سەرچاوە زانستییەکاندا بکات، ئەنجامەکان شیکار بکات، توێژینەوە زانستییەکە بنووسێتەوە و تەنانەت هەڵسەنگاندنی ئۆتۆماتیکیش بۆ توێژینەوەکانی تر بکات.

ئەوەی ئەم بابەتە زۆر سەرنجڕاکێش دەکات ئەوەیە کە یەکێک لەو توێژینەوانەی "بەتەواوی" لە لایەن ئەم ژیرییە دەستکردەوە نووسرابوو، لە کاتی هەڵسەنگاندندا نمرەیەکی وای بەدەستهێنا کە لە تێکڕای نمرەی ئەو توێژینەوانە بەرزتر بوو کە مرۆڤەکان نووسیبوویان و بۆ وۆرکشۆپێکی کۆنفرانسێکی پلە یەکی جیهانیی پەسەند کرابوون!!!

ئەمە بەو مانایە نییە کە ژیریی دەستکرد شوێنی زاناکانی گرتووەتەوە، بەڵکو نیشانەی ئەوەیە کە AI بە خێراییەکی زۆر لە "ئامرازێک" کە تەنها هاوکاری مرۆڤ بێت دەگۆڕێت بۆ "بەشداربوو و ئەندامێکی کارا" لە پرۆسەی توێژینەوەدا.

لە هەمان کاتدا، ئەم پێشکەوتنە پرسیاری جدی و هەستیار دروست دەکات. ئەگەر ژیریی دەستکرد بتوانێت بیرۆکە دروست بکات، توێژینەوە بنووسێت و هەڵسەنگاندنیش بکات، ئەوا جیهانی زانست پێویستی بە گفتوگۆیەکی زۆر قووڵتر دەبێت لەسەر کواڵیتی، بەرپرسیارێتی، شەفافیەت و متمانە!!

تەنانەت داهێنەرانی ئەم سیستەمە و چاودێرانی دەرەوەش ئاماژە بەوە دەکەن کە هێشتا سنوورداریی زۆر هەیە و سەرپەرشتیی مرۆڤ بۆ ئەم کارانە وەک پێویستییەکی حەتمی دەمێنێتەوە.

ڕەنگە ئەمە ڕوونترین ئاماژە بێت بۆ ئەوەی کە ئێمە دەچینە ناو سەردەمێکی نوێوە: سەردەمێک کە تەنیا ژیریی دەستکرد "یارمەتیی زانست" نادات، بەڵکو ژیریی دەستکرد خۆی بەشدارئەبێت لە "داهێنانی زانستی"!!

28/03/2026

کۆنفرانسێکی گەورەی ژیریی دەستکرد ٤٩٧ توێژینەوەی ڕەتکردەوە... چونکە هەڵسەنگێنەرەکان Reviewers لە کاتی هەڵسەنگاندندا ژیریی دەستکردیان بەکارهێنابوو.

بەڵێ، لە یەکێک لە سەیرترین و چاوەڕواننەکراوترین چیرۆکەکانی جیهانی توێژینەوە لە ساڵی ٢٠٢٦دا،

کۆنفرانسی جیهانیی (ICML 2026) بڕیاری دا ٤٩٧ توێژینەوە کە پێشکەشکرابوو ڕەتبکاتەوە.

هۆکارەکەش ئەوە بوو کە دەرکەوت هەندێک لە هەڵسەنگێنەرەکان (Reviewers) یاساکانی کۆنفرانسەکەیان پێشێل کردووە و لە کاتی پێداچوونەوەی توێژینەوەکاندا پەنایان بردووە بۆ مۆدێلە گەورەکانی ژیری دەستکردی (وەک ChatGPT و هاوشێوەکانی).

بەپێی ڕاپۆرتی کۆنفرانسەکە، ئەم کێشەیە کاریکردووەتە سەر ٣٩٨ هەڵسەنگێنەر و نزیکەی ٢٪ی تێکڕای توێژینەوەکانی گرتووەتەوە.

ڕێکخەرانی کۆنفرانسەکە دەڵێن لە ڕێگەی "نیشانەی شاراوە" (Watermark) لە ناو دەقەکاندا توانیویانە ئەم فێڵە ئاشکرا بکەن.

واتە هەڵسەنگێنەرەکان ژیریی دەستکردیان بۆ نووسینی پێشنیارەکانیان بەکارهێناوە، لە کاتێکدا پێشتر بەڵێنیان دابوو کە بە هیچ جۆرێک بەکاری نەهێنن.

ئەمە تەنیا بابەتێکی سادە و "گرتنی چەند کەسێک لە کاتی فێڵکردن" نییە!!
بەڵکو ئاماژەیەکی ڕوونە بۆ ئەوەی کە زانست چووەتە قۆناغێکی نوێوە!!!

ئێستا ژیریی دەستکرد ئەوەندە بە قووڵی تێکەڵی کارە ئەکادیمییەکان بووە، کە تەنانەت ئەو پرۆسەیەی کە بڕیارە پارێزگاری لە ڕاستی و دروستی زانست بکات (واتە هەڵسەنگاندنی زانستی) کەوتووەتە ژێر تاقیکردنەوە و مەترسییەوە!!!!

کۆنفرانسی ICML ئەمساڵ دوو جۆر یاسای هەبوو:

یەکەمیان: قەدەغەکردنی تەواوی ژیریی دەستکرد.

دووەمیان: ڕێگەدان بە بەکارهێنانی سنووردار تەنیا بۆ چاککردنی زمانەوانیی دەقەکان.

ئەو توێژینەوانەی ڕەتکرانەوە، پەیوەندییان بەو هەڵسەنگێنەرانەوە Reviewerەکانەوە هەبوو کە یاساکانیان شکاندبوو.

ئەم بابەتە کێشەیەکی گەورەی لە پشتەوە دەردەکەوێت کە تەواو کاریگەری لەسەر داهاتووی زانست دەبێت!!

ئەو پرسیارە دەهێنێتە ئاراوە کە
کەی ژیریی دەستکرد دەبێتە "هاوکار و یارمەتیدەر" و کەی دەبێتە "سەرپێچی و فێڵ"؟

ئەم پرسیارە چیتر تەنیا قسە نییە، بەڵکو ئێستا کاریگەری ڕاستەوخۆی هەیە لەسەر بڵاوکراوە زانستییەکان، پیشەی مرۆڤەکان، متمانە و داهاتووی زانست بە ڕاستەوخۆیی!!

🔶️ ئایا ژیریی دەستکرد توێژینەوەکان خێراتر دەکات؟ بێگومان.

🔶️ ئایا کارەکان ئاسانتر دەکات؟ لە زۆر ڕووەوە، بەڵێ.

🔶️ بەڵام ئەگەر سنوورەکان بە ڕوونی دیاری نەکەین بۆ بەکارهێنانی، ڕەنگە زانست تووشی داڕمان بکات و متمانەی خەڵک بە ئەنجامە زانستییەکان نەهێڵێت!!

19/03/2026

جەژنی ڕەمەزانتان پیرۆز و هەموو ڕۆژێکتان هەر خۆشی بێت

ڕێکخراوی کەیساین دوای جەژن بە پڕۆژە و
بابەتە زانستییەکانی دەگەڕێتەوە خزمەتتان.

پێکەوە کار دەکەین بە کولتوورکردنی توێژینەوەی زانستی لە وڵاتەکەمان بەتایبەتی و وڵاتە تازەپێگەیشتووەکاندا بە گشتی

⚜️ ڕێکخراوی کەیساین بۆ توێژینەوەی زانستی ⚜️

21/02/2026

توێژەران لە ناو لێشاوی زۆری توێژینەوەکاندا خەریکە "غەرق" ئەبن!!

هەموو هەفتەیەک، هەزاران توێژینەوەی نوێ بڵاودەبنەوە و هیچ مرۆڤێک ناتوانێت لەگەڵ ئەو خێراییەدا بڕوات.

توێژینەوەیەکی نوێی "Nature" کە ئەمساڵ بڵاوکراوەتەوە سیستەمێکی ژیریی دەستکرد بە ناوی (OpenScholar) دەناسێنێت، کە بە تایبەتی بۆ ئەوە دروست کراوە یارمەتی توێژەران بدات لە گەڕان و کورتکردنەوەی بابەتە زانستییەکان بە شێوەیەکی باوەڕپێکراو.

ئەوەی (OpenScholar) لە چاتبۆتە ئاساییەکان جیا دەکاتەوە، شێوازی وەڵامدانەوەیەتی. لەجیاتی ئەوەی تەنها پشت بە "میمۆری و بیرەوەری" خۆی ببەستێت و وەڵامەکان بخەمڵێنێت، سەرەتا لە ناو کتێبخانەیەکی گەورەی نزیکەی ٤٥ ملیۆن توێژینەوەی زانستیدا دەگەڕێت، ئەو بابەتانەی پەیوەندی بە دەقەکانی تۆوە هەیە هەڵدەبژێرێت، و پاشان وەڵامەکە دەنووسێتەوە لەگەڵ ئاماژەدان (Citation) بە سەرچاوە ڕەسەنەکان (ئەم تەکنیکە پێی دەوترێت: Retrieval-Augmented Generation یان RAG).

سەرنجڕاکێشترین خاڵ ئەوەیە: نووسەرانی توێژینەوەکە دەریدەخەن کە مۆدێلە گشتییەکانی ژیریی دەستکرد زۆرجار سەرچاوەی "خەیاڵی" و ساختە دادەهێنن، کە ئەمەش لە بوارەکانی وەک پزیشکی و زانستدا زۆر مەترسیدارە!!!

لە تاقیکردنەوەکاندا، (OpenScholar) بە جۆرێک پەرەی پێدراوە کە ئەم کێشەیە کەم بکاتەوە و وردییەکەی لە ئاماژەدان بە سەرچاوەکان هاوشێوەی پسپۆڕانی مرۆڤ بێت نەک تەنها سیستەمێک!!

بۆچی ئەمە بۆ هەمووان گرنگە (نەک تەنها توێژەران)؟؟

ئەگەر ئەم جۆرە ئامرازانە بەردەوام بن لە پێشکەوتن، دەتوانن یارمەتی پزیشکان، خوێندکاران و زانایان و توێژەران بدەن بۆ دۆزینەوەی خێرای بەڵگە زانستییەکان، نووسین و پێداچوونەوەی خێراتر و بڕیاردان لەسەر بنەمای سەرچاوەی ڕاستەقینە نەک تەنها لەسەر بنەمای متانەبەخۆبوونی ژیرەکی دەستکرد بەخۆی!!

بەڵام ئەمە ئەوەشمان بیر دەخاتەوە:
تەنانەت لەگەڵ هەبوونی
سەرچاوەشدا، هێشتا پێویستە ئێمە بە کوالیتی بابەتەکان بپشکنین و بە کوێرانە متمانە بە کورتەکان و سیستەمەکان نەکەین لە ئێستایا.

⭐️ ئێمەش وەکو کەیساین پرسیارێکمان لە تۆی بەڕێز هەیە:

ئایا متمانە بە ژیرییەکی دەستکردی لەم شێوەیە دەکەیت بۆ بڕیاردانی پزیشکی یان توێژینەوە—ئەگەر بە وردی ئەو توێژینەوانەت پیشان بدات کە پشتی پێ بەستوون؟

09/02/2026

هەشتەمین سیمپۆزیەمی پەیپەرە نایابەکان و
توێژینەوە بە پێی ئاین-بەشی دووەم

لە پۆستەکەی پێشوودا، تەنها بە گوێرەی ژمارەی توێژینەوە بەراوردکاریمان کرد. لەم پۆستەدا، هەوڵدەدەین لە رووی کوالیتییەوە لە بابەتەکە بڕوانین.

سەرە تا پێویستە ئەوە بزانین کە پێوانی هەرشتێک بە کوالیتی کارێکی گرانەوە ئەستەمە مافی تەواوی پێبدرێت، سناپر، پێوەرەکەی سیمپۆزیەم، هەوڵی زۆری داوە هەندێک لەو مافە دەستەبەر بکات.
ئەگەر بەگوێرەی کوالیتی تەماشای رانکینەکە بکەین، ئەوا ریزبەندی وڵاتان گۆرانکاری ئەوتۆی تێدا بەدیناکرێت بەتایبەت لە یەکەمەکاندا، پلەی یەکەم هەر بۆ سویسرا، پلەی دووەم بۆ دانیمارک، و پلەی سێیەم بۆ ئایسلەندا! (دەتوانیت بگەڕێیتەوە بۆ پۆستی یەکەم).
لە پلەبەندکردنی وڵاتان بە گوێرەی کوالیتی توێژینەوە، وڵاتی سعودیە دوو پلە دەکەوێتە پێش وڵاتی قەتەر، واتە سعودیە بە پلەی ٣١ دێت و قەتەر پەلەی ٣٣! بەمەش سعودیە دەبێتە یەکەم وڵاتی زۆرینە مسوڵمان لە ریزبەندی وڵاتان لە کاتێکدا لە ژمارەی توێژینەوە قەتەر یەکەم بوو.
لە هەردوو ریزبەندی کوالیتی و کوانتیتی عێراق هەمان پێگەی گرتووە و لە پلەی ٧٣ دێت لە کۆی ١٨٥ وڵات.

ئەوەی جێگای تێبینییە، توێژینەوەکانی ئەمریکایە، لە کوانتیتی لە پلەی ٢٩، لە کوالیتی لە پلەی ٣٠دایە! تەنانەت لە داتاکانی پێشووی کەیسایندا، لە پلە یەکەمەکاندا بوو لە بەشداریکردنی گۆڤاری ساختەو توێژینەوەی نادروست! هەروەها کۆریای باکوریش لە هەردوو ریزبەندییەکەدا لە پلەی کۆتاییدایە (١٨٥)، ئەم دوو وڵاتە لە رووی تەکنۆلۆجیاوە وەک دیارە زۆر پێشکەوتوون! رەنگە ئەمە نیشاندەری ئەوە بێت کە هەموو توێژینەوەیەک بڵاوناکرێتەوە، هەندێک لە توێژینەوەکان وەک ئۆدیدێک بۆ پێشخستنی خود بەکاردەهێنرێت.

30/01/2026

" توێژینەوەی زانستی بۆ گرنگە بۆ کۆمەڵگا؟ "
" تۆ لە بواری خۆت و پیشەکەت پێویستە توێژینەوەی زانستی بزانیت و چۆن دەست پێ بکەیت!! "

چاوپێکەوتنی (دکتۆر کەیهان ئەحمەد نەجار) توێژەر لە ڕێکخراوی کەیساین لە کەناڵی ڕون میدیا دەربارەی گرنگی توێژینەوەی زانستی و کاری ڕێکخراوی کەیساین لە توێژینەوەدا چییە..

24/01/2026

" لەوانەیە ٦ مانگ خەریکی توێژینەوەیەک بیت و لە کۆتاییدا دەرئەنجامێکی باشی نەبێت ، ئەمە مانای وانییە کە فکرە و ئایدیای توێژینەوەکەت خراپە ، بەڵکو زۆرجار پەیوەندی بە هەندێک هەڵەی تەکنیکییەوە هەیە کە پێویستە تێی نەکەویت "

پ.ی هونەر فەرید

لینکی تەواوی بابەتی پ.ی هونەر فەرید لە کۆمێنتە دەربارەی هەڵە تەکنیکییەکان

Address

ئازادی مۆڵ/بەرامبەر پارکی ئازادی-نهۆمی دووەم
Sulaimania

Opening Hours

Monday	09:00 - 15:30
Saturday	09:00 - 15:30
Sunday	09:00 - 15:30

Telephone

0770 085 0035

Website

http://www.kscien.org/

Alerts

Be the first to know and let us send you an email when Kscien en - کەیساین posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Non Profit Organization in Sulaimania?