Astane Badînî - ئاستانە بادینی

Directions Website

Astane Badînî - ئاستانە بادینی ئاستانە بزاڤەکا هزرییا سەربخۆیە، بزاڤێ دکەت بۆ بنیاتنانا وتارەکا هزرییا هەڤچەرخ، کو تێدا ئایین وەکی جهگرەکێ گشتی نیشا ددەت.

نیکۆلاس مادۆرۆ و پسیارێن هەبوونێرۆژنامەیا «نیویۆرک تایمز» راپۆرتەک ل سەر رەوش و بارودۆخێ سەرۆکێ رەڤاندیێ ڤەنزوێلا د زیند...
11/11/2026

نیکۆلاس مادۆرۆ و پسیارێن هەبوونێ

رۆژنامەیا «نیویۆرک تایمز» راپۆرتەک ل سەر رەوش و بارودۆخێ سەرۆکێ رەڤاندیێ ڤەنزوێلا د زیندانێ دا بەلاڤ کریە؛ د راپۆرتێ دا هاتیە کو کێشاوی زێدە هاتیە خار و، خۆ ب خواندن و ڤەکۆلینێ د ئایین و فەلسەفێ دا مژیل دکەت و، ب هویری قورئان و ئینجیلێ دخوینیت...

ڤێ چەندێ چیرۆکا «سەعید ساڵح»ی ل بیرا من ئینا -خودێ ژێ رازی بیت- کو کچا وی د پۆدکاستەکێ دا دگوت کو: بابێ وێ مرۆڤەکێ ئاسایی و کێمتەرخەم بوو، لێ ب کەفتنا دزیندانێ دا ژیانا وی ب تەمامی هاتە گوهۆڕین و، هەر ژ وی دەمێ پێ خو هاڤێتیە د زیندانێ دا، قورئان ژ دەستێن خۆ نەدانایە...

هەروەسا چیرۆکا «عەجەمی» ژی، کو دوو جاران سزایێ سێدارێ ب سەر دا هاتە سەپاندن و ژ بەنکێ سێدارێ ڤەگەڕیا و، ٢٧ سال ژی د زیندانێ دا دەربازکرن .
پسیار ل ڤێرێ ئەڤەیە: ئەرێ ئەم مرۆڤ پێدڤی ب شۆک و لەرینەکا توند وەکی «زیندانێ» نە دا کو گرنگیێ ب گرنگترین پسیارا مرۆڤی بدەین کو «پسیارا بوونێ»یە؟

سروشتییە کو ژیان مە دڕەڤینیت، ب رۆژهەلات و رۆژئاڤایێ مە دا دبەت، هندا دبین و مەبەست و پێگەهێ بنەرەتیێ خۆ ژ بیر دکەین.
ب دیتنا من، بنسترێ وی بابەتی د ریوایەتەکێ دا دیار دبیت (کو دبیت نە یا سەحیح بیت)؛ دهێتە گۆتن دەمێ بابێ مە ئادەم هاتیە سەر ئەردی و سەحکریە دەورو بەرێن خۆ، ترسیا و هەست ب غەریبیێ کر. پاشی کەعبەیا پیرۆز -مالا خودێ- دیت و، ل دورێت وێ زڤڕی و ئارام بوو.

ئەز و تو و ئەم هەمی، ل سەر هندێ راهاتینە کو ل جهەکێ غەریب دا هاتینە بجھ هێلان؛ ئەگەر بۆ دەمەکێ کێم ژی هەست ب ئارامیێ بکەین، هەر زوی هەڕەشەیا ژناڤچوون و مرنێ تێک ددەت. ئەم بۆ هندێ نەهاتینە چێکرن کو کۆچک و تەلاران د ڤێ دنیایێ دا ئاڤا بکەین؛ نە بۆ هندێ کو هەبوونا خۆ ب سەر مرۆڤێن دی دا بسەلمینین، و نە ژی بۆ هندێ ب بەردەوامی ب رەڤین و د بازنەکێ ڤالا دا ل دویڤ تشتەکێ بگەڕیێین کو مە ژ هەبوونا مە رازی بکەت.

دونیا مەل دویڤ خۆ رادکێشیت، ماندوی دکەت و مژیل دکەت هەتا وی دەمێ تو هشیاردبی و دبینی تە ژیێ خۆ بۆ سەرابەکێ ب هەدەر دایە، د دوماهیێ دا ژی ل دویڤ دوو پەیڤان دگەڕیی دا کو بزانی تو کییێ و ئەڤە هەمی ژ بۆ چ بوو؟

نەهێلە د ناڤ قەرەبالغیا ژیانێ دا هندا ببی؛ چونکی ئەگەر هندەک ژ مە تووشی قەیرانەکێ بووبن کو پێشوەخت وان هشیار بکەت، ئەڤە تە چ گەرەنتیەک نینە بۆ هندێ کو هەمان تشت ب سەر تە ژی دا بهێت. خۆ ئەگەر تووشی قەیران و تەنگاڤیەکێ ژی بووی، بزانە کو خودێ دڤێت خۆ ل بیرا تە بینیت.

ــ عەبدوڵڵا عوسمان


«هیزارا ئافرەتێ د جەوهەرێ خوە دا، یاخیبوونە ژ ب کەلوپەلکرنا ئافرەتێ و، ڕەتکرنا گوهۆڕینا وێیە بۆ ماددەیەکێ بکاربردنێ د ڤی...
09/11/2026

«هیزارا ئافرەتێ د جەوهەرێ خوە دا، یاخیبوونە ژ ب کەلوپەلکرنا ئافرەتێ و، ڕەتکرنا گوهۆڕینا وێیە بۆ ماددەیەکێ بکاربردنێ د ڤی سەردەمێ نوو یێ ماددەگەراییێ دا.»
ــ عەبدولوەهاب مەسیری

«ئەگەر ئەم بەرگریکارەکێ شکەستخواری بووین بۆ دۆزا خۆ، یا درست ئەوە ئەم بەرگریکاران بگهۆڕین، نەکو دۆزێ.»​غەسسان کەنەفانی​ ...
07/11/2026

«ئەگەر ئەم بەرگریکارەکێ شکەستخواری بووین بۆ دۆزا خۆ، یا درست ئەوە ئەم بەرگریکاران بگهۆڕین، نەکو دۆزێ.»

​غەسسان کەنەفانی

​

«رۆژئاڤا ل دەرڤەی سنوورێن خوە، چ بها و ئەخلاقان دگەل خوە نابەت.»ــ مالیک بن نەبی
06/11/2026

«رۆژئاڤا ل دەرڤەی سنوورێن خوە، چ بها و ئەخلاقان دگەل خوە نابەت.»
ــ مالیک بن نەبی

ئەو دەمێ تو لێ دگەڕیێ، کەنگی دهێت؟​گەلەکن ئەو کەسێن ژیێ خوە ل وێستگەها چاڤەرێبوونێ دا دبورینن، هەمی هیڤیێن خوە ب دەمەکێ ...
03/11/2026

ئەو دەمێ تو لێ دگەڕیێ، کەنگی دهێت؟

​گەلەکن ئەو کەسێن ژیێ خوە ل وێستگەها چاڤەرێبوونێ دا دبورینن، هەمی هیڤیێن خوە ب دەمەکێ نەدیارڤە گرێ ددن و ب حەزو ڤیانەکا مەزن و دوودلیێ چاڤەرێی موعجیزەکێ نە.

دناخێ خوەدا وەسا وێنەیا دئینن پێش چاڤێن خوە کو ڕۆژەك دێ هێت -وەك بێژی ژ ئاسمان ببارێت- و ئێدی ل دوویف وی دەمی، دێ ببن تێگەهشتترین، زاناترین و بەرهەمدارترین مرۆڤ.
​لێ ڕاستیا تال ئەڤە چەندەیە: چ دەمەکێ وەرچەرخانێ د داهاتی دا بوونا خۆ نینە و هەر چ جاران ژی ناهێت!

​ئەو دەمێ ئێکلاکەر یێ کو ژیانا مرۆڤان دگۆڕێت، ب تنێ تشتەکە: کۆما وان دەمژمێر و ڕۆژانە یێن کو نۆکە تو تێدا؛ کو هەمی ڕۆژەکێ بەشەك ژێ تەمام دبیت، نێزیکە هەمی نامینیت کو تو هێشتا ل کەراڤێ چاڤەرێبوونێ دا ڕاوەستیایی.

​ــ عەبدوڵڵا شەهری

​

گەلەک ژ مە دبێژن: ئەگەر ئەم د گەل پێغەمبەری باین (ﷺ)، ئەم دا سەرئێخین و ئەم دا شەرەفا بەرگریکردنێ ژێ وەرگرین، ئەم دا هەم...
25/10/2026

گەلەک ژ مە دبێژن: ئەگەر ئەم د گەل پێغەمبەری باین (ﷺ)، ئەم دا سەرئێخین و ئەم دا شەرەفا بەرگریکردنێ ژێ وەرگرین، ئەم دا هەمی مال و مۆلکێ خۆ کەنە قوربانی د پێخەمەت پشتەڤانیکرن و ڕازی کرن و پاراستنا وی دا... ئەڤە ئەو بانگەشەیە ئەوا ئەم دکەین!
​ئەڤە ژی ئاخفتنەکا جوان و ب ساناهییە، نە ئەرکەکێ گران تێدایە و نە ژی چ تێچوون؛دا چەند هەستەکێ پاقژ و میهرەبانانە بیت ئەگەر ئەم دوچارێ بێئاگاهیێ نەباین ژ وان پسیارێن ڕاستەقینە یێن کو ڕاستگۆیا مە تاقی دکەن، ئەو ژی: ئەرێ بۆ سەرخستنا ئۆمەتا وی مە چ کرییە؟ د پێخەمەت هەلگرتنا پەیاما وی دا مە چەند قوربانی داینە؟ بۆ ساخکرنا ڕێبازا وی مە چەند بەخشییە؟
ئەرێ کار و بزاڤ و قوربانیدان بتنێ د ژیانا وی دا (ﷺ) کورت ببوو؟
​بەرسڤا ڤان پسیاران وێ ڕاستیێ بۆ مە دیار دکەت؛ ئەرێ ئەو ڕۆژا ئەم د گەل دا باین (ﷺ) ب ڕاستی دا د ڕیزێن پێشێ دا بۆ بەرگریکردنێ ژێ ڕاوەستین و دا بینە ئێک ژ وان قوربانیدەرێن کو بۆ کۆچکرنێ د گەل دا و سەرخستنا بانگەوازا وی گیانێ خۆ بەخشی؟ ئەرێ دا بینە نێزیکترین و خۆشەویسترین کەس ل دەف وی (ﷺ)، یان ئەڤە بتنێ ئاوات و خۆزیکن و نە زێدەتر؟!


پێغەمبەر (ﷺ) هەر بەخشش و نیعمەتەک ل دەف یێ مەزن بوو؛ هەرچەند کێم و بچیک ژی با، یێ سوپاسگۆزار بوو.​چ جاران تانە ل نان و خ...
23/10/2026

پێغەمبەر (ﷺ) هەر بەخشش و نیعمەتەک ل دەف یێ مەزن بوو؛ هەرچەند کێم و بچیک ژی با، یێ سوپاسگۆزار بوو.
​چ جاران تانە ل نان و خوارنێ نەددان؛ ئەگەر ب دلێ وی نەبا ژی، ب بێدەنگی دەستێ خۆ ژێ بەرددا و چو نەدگۆت.
​سەڵاواتان لێ بدەن، ئەینییە.

بوچی کەیفا مە بهێت شارستانیەتا فرەنسا ژناڤ بچیت؟!تێناگەهم ڤی خەلکی خێرە! ما شەرم نینە تو حەز بکەی شارستانیەتەکا وەک فرەن...
22/10/2026

بوچی کەیفا مە بهێت شارستانیەتا فرەنسا ژناڤ بچیت؟!

تێناگەهم ڤی خەلکی خێرە! ما شەرم نینە تو حەز بکەی شارستانیەتەکا وەک فرەنسا ژناڤ بچیت؟ چ نینە ئەو شارستانیەت یا لسەر گوشت و خوینا چەندین نەتەوەیان، بەلێ هەر چێنابیت کەیفا تە بهێت!

چ نینە ئەو شارستانیەتە لسەر خوینا ملیونان ئەفریقیا بیت، هەر ژ مسر و سودان و جەزائیر تا نێجیرییا، غانا و گابۆن. چنینە لسەر تالانا سەروەتێ کشوەرەکێ تمام بیت، بەلێ نابیت کەیفا تە بهێت!

چ نینە بلا فرەنسا ژی کوشتن کربیت و کەلەسەرێ ۱٨هزار نەتەوەیێن جودا هەلگرتبیت، بەلێ نابیت! یان ژی ئابورییا چەندین وەلاتان بندەست کرییە و تا نها ژی خودانێن بریارا خۆ نەبن، و ب دەهان کودەتا و کوشتار دروست کربن، بەلێ گونهەیە ئەو شارستانیەتا ژناڤ بچیت!

چ نینە کومپانیێن وان بەربوینە گیانێ دەهان وەلاتێن ئەفریقی و(یورانیۆم، زێر، نەفت)ژێ ددزن و، خەلکێ وان ولاتان ژ برسان بمرن؛ چ نینە بلا هزاران ئەفریقیا وەکی مشکێن تاقیگەهان، دەرمانان لسەر تاقی بکەن، بەلێ نابیت کەیفا تە ب ژناڤچونا وان بهێت!
ڕاستە فرەنسا سفکاتی یا ب پێغەمبەری-سلاڤ لێ بن- کری، و هەر جارەکێ ب هیجەتەکێ بێهنا موسلمانان تەنگ دکەتن، بەلێ هەر چەوا بیت وەلاتەکێ "مروڤدوست و ئازادیخوازە!" چێنابت کەیفا تە بهێت ئەو یێ ژناڤ بچیت. هشیار ببن!

ئارامی مەلا نووری

ئەڤ جارە پرچ زەرن!چەند ڕوژەکە زنجیرەکا خۆپێشاندانێن توند باژێرێن فرەنسایێ هەژاندییە، کۆ کومەک ئەگەر بۆ هەنە؛ هەر ژ گرانی...
19/10/2026

ئەڤ جارە پرچ زەرن!

چەند ڕوژەکە زنجیرەکا خۆپێشاندانێن توند باژێرێن فرەنسایێ هەژاندییە، کۆ کومەک ئەگەر بۆ هەنە؛ هەر ژ گرانیا ژیانێ و سوتەمەنیێ و کێشەیا زانکویێ، هەتا قوتابخانە و خزمەتگوزاریێن گشتی.
بەلێ خوپێشاندان هەر زوی هاتنە گهورین بۆ بارەکێ توندتر و، خۆپێشاندەران هێرشی بازار، موڵ و جهێن بازرگانی کر و، تالانەکا مەزن کر و، ڤیدیویێن تالانا جهێن بازرگانیێن براندان مێدییا هەژاندینە. (تاکە جهـ نەهاتبیتە تالانکرن هەتا نها، کتێبخانە بوینە!).
بەلێ جوداهی د هندێدا بۆ؛ ڤێجارێ کەس نەشێتن ئەگەرێ ڤێ چەندێ بکەت کوچپەر و ڕەشپێستان! ژبەرکو ئەڤ جارە تالانکەر پرچ زەر و چاڤ شینن و، ب ڕەگەز ئەوروپی و فرەنسین. و ژ خواندەڤانێن زانکو و چینا ڕەوشەنبیرانە.
ئەڤە دبێژت مە: تاکێ ڕوژئاڤایی ئەو تاکێ نمونەیی یێ ڕەوشەنبیر نینە کو دهێتە بەحسکرن، بەلکو دگەل دەستکەفتنا فرسەتەکێدا پتریا وان دبنە تاکێن تالانکار و هەمەج.
و ئەڤە ئێکەمین جار ژی نینە، کو ڕویێ ڕاستی یێ تاکێ ڕوژئاڤایی دەردکەڤیت.

«ئینکارا ڤێ چەندێ نائێتە کرن کو جهیان ئاخا خەڵکەکێ دی داگیر کریە، و سنوور د ڕەفتارێن خۆ دا دەرباز کرینە. ئاسایییە خودانێ...
19/10/2026

«ئینکارا ڤێ چەندێ نائێتە کرن کو جهیان ئاخا خەڵکەکێ دی داگیر کریە، و سنوور د ڕەفتارێن خۆ دا دەرباز کرینە. ئاسایییە خودانێن ڕەسەنێن وێ ئاخێ بێژن: "ئەڤە زۆردارییە و من دڤێت ئاخ و ئاڤا خۆ ڤەگەڕینمەڤە".»
​ــ باراک ئۆباما (سەرۆکێ بەری نوکە یێ ئەمریکا)
​نهێنیا ڤێ چەندێ چییە کو هەر سەرۆکەک و بەرپرسەکێ ئەمریکا، دەمێ ل سەر پۆستێ خۆ نەمینێت، دەست پێ دکەت ب گۆتنێن جودا یێن کو بەری نوکە نەگۆتبوون؟

​

Address

سلێمانی، تەلاری جودی (بەهەشتی شار)، بەرانبەر دەرگای شاری یاریی سلێمانی/پارکی ئازادی
Sulaimania

Alerts

Be the first to know and let us send you an email when Astane Badînî - ئاستانە بادینی posts news and promotions. Your email address will not be used for any other purpose, and you can unsubscribe at any time.

Shortcuts

Share

Nearby non profit organizations