23/06/2026
مەتەلوکا نەخشە و هێڵێن سەیر ل بنێ دەریایا باشوورێ ژاپۆنێ
ل سالا ١٩٩٥ێ، چەند دەریاڤانێن ژاپۆنی ل بنێ دەریایێ ل ئاڤێن باشوورێ ژاپۆنێ، سەرنج دا کۆمەکا نەخشێن بازنەیی یێن سەیر، کو چێوەیا وان نێزیکی ٢ مەتران بوو؛ د شێوەیەکێ ئەندازەیی یێ زۆر ورد دا هاتبوونە کێشان. ئەڤ نەخشێن لمی هێشتا مەتەلوکەکا ئالۆز و بێ چارەسەر بوون هەتا سالا ٢٠١١ێ.
پاشی زانایەک ب ناڤێ (هیرۆشی کاواسی) ئەو کەسێ ئەڤ چەندە کری دیت، کو ماسیەکا بچویکە ب قەبارێ کەفادەستی، ناڤێ وێ ماسیێ (ماسییا سپی یا ئاوسای یا خالخالۆک)ە. نێرەکێ ڤێ ماسیێ ب بێی چو کەرەستە، و ب تنێ ب کوری و باڵێن خۆ یێن بچویک ٢٤ دەمژمێران بۆ ماوەیێ ٧ تا ٩ ڕۆژان کار دکەت، دا کو ئەڤی شێوەیێ ئەندازەیی یێ ورد چێکەت و هێڵ و گردکێن لمی دروست کەت؛ پاشی ناڤەڕاستا نەخشەی ب سەدەف و مەرجانێن ڕەنگاوڕەنگ دخەملینیت.
مەرەم ژ ڤی نەخشەی، شکاندن و لاوازکرنا تەوژم (شەپۆلێن) دەریایێ یە بەری کو بگەهنە سەنتەر و ناڤەڕاستا نەخشەی، کو ماسی هێکێن خۆ ل وێرێ دپارێزیت؛ پاشی بۆ ڕاکێشانا سەرنجا مێیانە ب وێ جوانکارییا وی کری، و نەخشە چەند یێ جوانتر بیت، ڕامانا هندێ ددەت کو نێرەکێ ب هێزتر و چالاکترە. ژ هەمیێ سەیرتر، ژبەر هێڵ و گۆشەیێن نەخشەی، دگەل هاتنا شەپۆلێن دەریایێ، لمێ هویر و نەرم ل ناڤەڕاستا نەخشەی د نیشیت، کو ئەڤە ژی یا فەر و پێدڤی یە بۆ پاراستنا هێلکان.
نوکە زانا ب تایبەتی د بواری (هیدرۆداینامیک) دا، مژویلی وەرگرتنا مفاینە ژ ڤی دیزاینێ نمونە، بۆ دروستکرنا ئاستەنگێن کەناراڤی دژی شەپۆلێن دەریایێ، و تەکنەلۆژیا عەزلکرن و کێمکرنا دەنگی، و زێدەکرنا شیانێن مژینا وزێ و لێدانان و چەندین تشتێن دی.
پرسیار ئەڤەیە: کێ ئەڤ ماسییا بچویک فێری ئەندازەکاریەکا وەسا ورد کریە؟
