TECHNOS-All Kerala Engineering Students Association

13/10/2026

സംസ്ഥാനത്തെ പ്രമുഖ എൻജിനീയറിങ് ക്യാമ്പസുകളിലൊന്നായ തൃശ്ശൂർ ജി.ഇ.സിയിൽ (GEC) കോളേജ് യൂണിയൻ തിരഞ്ഞെടുപ്പ് രാഷ്ട്രീയ സ്വാധീനമുപയോഗിച്ച് അട്ടിമറിക്കാൻ KSU - MSF നടത്തുന്ന ജനാധിപത്യവിരുദ്ധ നീക്കങ്ങളെ എസ്.എഫ്.ഐ ടെക്നോസ് സംസ്ഥാന കമ്മിറ്റി ശക്തമായി അപലപിക്കുന്നു. വിദ്യാർത്ഥികളുടെ ജനാധിപത്യ അവകാശങ്ങൾ കവർന്നെടുക്കാനും എസ്.എഫ്.ഐയെ തിരഞ്ഞെടുപ്പ് പ്രക്രിയയിൽ നിന്ന് ഭീരുത്വത്തോടെ പുറത്താക്കാനും നടത്തുന്ന ഒത്തുകളികൾ ക്യാമ്പസിലെ വിദ്യാർത്ഥി സമൂഹം തിരിച്ചറിയണം.
ഒക്ടോബർ 5-ന് തിരഞ്ഞെടുപ്പ് വിജ്ഞാപനം നിലവിൽ വന്നതിനു പിന്നാലെ, യൂണിയന്റെ മാഗസിൻ പ്രകാശനം ഉൾപ്പെടെയുള്ള ഔദ്യോഗിക പരിപാടികൾ കർശനമായി റദ്ദാക്കിയ കോൺഗ്രസ് അനുകൂലിയായ പ്രിൻസിപ്പൽ, തിരഞ്ഞെടുപ്പ് പെരുമാറ്റച്ചട്ടങ്ങൾ കാറ്റിൽപ്പറത്തിക്കൊണ്ട് ക്യാമ്പസിനുള്ളിൽ വൻ പ്രൊഫഷണൽ മ്യൂസിക് കോൺസേർട്ട് (Music Concert) സംഘടിപ്പിക്കാൻ കെ.എസ്.യുവിന് വഴിവിട്ട മൗനാനുവാദം നൽകുകയാണുണ്ടായത്. ചട്ടലംഘനം ചൂണ്ടിക്കാട്ടി എസ്.എഫ്.ഐ നൽകിയ പരാതിയുടെ അടിസ്ഥാനത്തിൽ, 08/10/2026-ന് പ്രിൻസിപ്പലും കോളേജ് കൗൺസിലും പോലീസിന്റെ സാന്നിധ്യത്തിൽ യോഗം ചേർന്നിരുന്നു.
തുടർനടപടികൾക്കായി പരാതി സർവകലാശാല വൈസ് ചാൻസലർക്ക് കൈമാറുകയും, അച്ചടക്ക സമിതിയുടെ അന്വേഷണം പൂർത്തിയാകുന്നതുവരെ തിരഞ്ഞെടുപ്പ് നടപടികൾ മരവിപ്പിക്കുകയാണെന്ന് പോലീസ് സാന്നിധ്യത്തിൽ ഉറപ്പുനൽകുകയും ചെയ്തു. എന്നാൽ ചട്ടലംഘനം നടത്തിയ കെ.എസ്.യുവിനെ സംരക്ഷിക്കുന്ന പക്ഷപാതപരമായ നിലപാടാണ് അച്ചടക്ക സമിതി സ്വീകരിച്ചത്.
മുൻപ് നൽകിയ ഉറപ്പുകൾ ലംഘിച്ചുകൊണ്ട്, 09/10/2026 രാവിലെ 11:06-ന് തിരഞ്ഞെടുപ്പ് നടപടികൾ പെട്ടെന്ന് പുനരാരംഭിക്കാൻ കോളേജ് അധികൃതർ ഏകപക്ഷീയമായി തീരുമാനിക്കുകയാണുണ്ടായത്. എന്നാൽ ജനാധിപത്യ പ്രക്രിയയെ ബഹുമാനിക്കുന്ന എസ്.എഫ്.ഐ, സർവ്വകക്ഷി യോഗത്തിലെ തീരുമാനങ്ങൾ പാലിച്ച് നാമനിർദ്ദേശ പത്രിക സമർപ്പിക്കാൻ തയ്യാറായി. എന്നാൽ നോമിനേഷനിൽ ഒപ്പുവെക്കേണ്ട അധ്യാപകരും എച്ച്.ഒ.ഡിമാരും പലരും ക്യാമ്പസിൽ ഇല്ലാതിരിക്കുകയും പകരം സംവിധാനങ്ങൾ ഏർപ്പെടുത്താതിരിക്കുകയും ചെയ്തതിലൂടെ കോളേജ് അധികാരികൾ പത്രികാ സമർപ്പണം തടസ്സപ്പെടുത്താൻ കൂട്ടുനിന്നു.

06/10/2026

എസ്.എഫ്.ഐ ഇടപെടൽ വിജയം🚩✊

കോളേജ് യൂണിയൻ തിരഞ്ഞെടുപ്പിന്റെ പശ്ചാത്തലത്തിൽ ബി.ടെക് S3, S5, S7 സെമസ്റ്റർ കാലാവധി നീട്ടണമെന്നും സീരീസ്, ലാബ് പരീക്ഷകൾ പുനഃക്രമീകരിക്കണമെന്നും ആവശ്യപ്പെട്ട് എസ്.എഫ്.ഐ ടെക്നോസ് സർവകലാശാലയ്ക്ക് നിവേദനം നൽകിയതിനെ തുടർന്ന്, സർവകലാശാല സെമസ്റ്റർ കാലാവധി നീട്ടിനൽകുകയും സീരീസ് പരീക്ഷകൾ പുനഃക്രമീകരിക്കുകയും ചെയ്തു.

05/10/2026

കോളേജ് യൂണിയൻ തിരഞ്ഞെടുപ്പ് പശ്ചാത്തലത്തിൽ S3, S5, S7 സെമസ്റ്ററുകളുടെ കോഴ്സ് കാലാവധി നീട്ടിനൽകുന്നതിനും, സീരീസ് - ലാബ് പരീക്ഷകൾ ഇലക്ഷൻ സമയത്തുനിന്ന് മാറ്റി പുനഃക്രമീകരിക്കുന്നതിനുമായി സർവകലാശാലയ്ക്ക് നിവേദനം നൽകി.

05/10/2026

VOTE FOR SFI

28/09/2026

പാലക്കാട് എൻ.എസ്.എസ് എൻജിനീയറിംഗ് കോളേജിൽ കെ.എസ്.യു ടെക്നിക്കൽ വിംഗ് സംസ്ഥാന കോർഡിനേറ്റർ എം. ഷഹലിന്റെ നേതൃത്വത്തിൽ വിദ്യാർത്ഥികളെ ക്രൂരമായി മർദ്ദിച്ചു.

ഇന്ന് കെ.എസ്.യു നടത്തിയ പഠിപ്പുമുടക്കിന്റെ തുടർച്ചയായാണ് ക്യാമ്പസിൽ വിദ്യാർത്ഥികൾക്ക് നേരെ ഇത്തരം അക്രമങ്ങൾ അഴിച്ചുവിട്ടിരിക്കുന്നത്. ക്യാമ്പസുകളിലെ സമാധാനാന്തരീക്ഷം തകർക്കാനുള്ള കെ.എസ്.യുവിന്റെ നീക്കത്തിൽ ശക്തമായി പ്രതിഷേധിക്കുന്നു; ഇതിനെതിരെ മുഴുവൻ വിദ്യാർത്ഥികളും രംഗത്തിറങ്ങുക. അക്രമികൾക്കെതിരെ കോളേജ് അധികൃതരും പോലീസും കർശന നടപടി സ്വീകരിക്കണം.

24/09/2026

* 2024 സ്കീമിലെ ആക്ടിവിറ്റി പോയിൻ്റ് ഘടന ലഘൂകരിക്കുക.
* ഭീമമായ കണ്ടോണേഷൻ ഫീസ് കുറയ്ക്കുകയും മെഡിക്കൽ കണ്ടോണേഷൻ അനുവദിക്കുകയും ചെയ്യുക.
* എം.ടെക് വിദ്യാർത്ഥികൾക്ക് റീവാലുവേഷൻ അനുവദിക്കുക; ‘ഇയർ ഔട്ട്’ സമ്പ്രദായം ഒഴിവാക്കുക.
* പരീക്ഷാ മൂല്യനിർണ്ണയത്തിലെ പിഴവുകൾ പരിഹരിച്ച് സുതാര്യത ഉറപ്പാക്കുക.
* റിസൾട്ട് റിവ്യൂവിനുള്ള ഉയർന്ന ഫീസ് കുറയ്ക്കുക.
* 2024 സ്കീം സിലബസിൽ ഇൻഡസ്ട്രിയൽ വിസിറ്റുകൾ (Mini IV) ഉൾപ്പെടുത്തുക.

തുടങ്ങി വിദ്യാർത്ഥികൾ നേരിടുന്ന വിവിധ അക്കാദമിക് പ്രശ്നങ്ങൾ ചൂണ്ടിക്കാട്ടി വൈസ് ചാൻസലർക്കും ഡീൻ (അക്കാദമിക്സ്)-നും നിവേദനം നൽകുകയും, തുടർന്ന് ഡീനുമായി ഈ വിഷയങ്ങളിൽ ചർച്ച നടത്തുകയും ചെയ്തു.

13/09/2026

ടെക്‌നോസ്
പുതിയ നേതൃത്വം
അഭിവാദ്യങ്ങൾ 🤍

12/09/2026

13/08/2026

ബി ടെക് സ്പോട് അഡ്മിഷൻ ലഭിച്ച് കോളേജിൽ റിപ്പോർട്ട്‌ ചെയ്യുവാനുള്ള തിയതി ഒരു ദിവസം മാത്രം നൽകിയത് വിദ്യാർത്ഥികൾക്ക് പ്രായോഗിക ബുദ്ധിമുട്ട് ഉണ്ടാക്കുന്നതിനാൽ തീയതി നീട്ടി നൽകണമെന്ന് ആവശ്യപ്പെട്ട് വിദ്യാഭ്യാസ ഡയറക്ടർക്ക് കത്ത് നൽകി.

10/08/2026

ബി.ടെക് സ്പോട്ട് അഡ്മിഷൻ അട്ടിമറിച്ച് സെൽഫ് ഫിനാൻസിങ് മാനേജ്‌മെന്റുകളെ സഹായിക്കാനുള്ള സർക്കാർ നീക്കം അവസാനിപ്പിക്കുക: എസ് എഫ് ഐ

സംസ്ഥാനത്തെ ഗവൺമെന്റ് എഞ്ചിനീയറിങ് കോളേജുകളിലെ ബി.ടെക്/ബി.ആർക് സ്പോട്ട് അഡ്മിഷൻ പ്രക്രിയയിൽ സാങ്കേതിക വിദ്യാഭ്യാസ ഡയറക്ടറേറ്റ് പുറപ്പെടുവിച്ച പുതിയ ഉത്തരവ് സ്വാശ്രയ മാനേജ്‌മെന്റുകളെ സഹായിക്കാനും സാധാരണക്കാരായ വിദ്യാർത്ഥികൾക്ക് ഗവൺമെന്റ് സീറ്റുകൾ നിഷേധിക്കാനും മാത്രമുള്ളതാണ്. കഴിഞ്ഞ ഒരു പതിറ്റാണ്ടോളമായി സുതാര്യവും കാര്യക്ഷമവുമായി നടന്നുവന്നിരുന്ന കേന്ദ്രീകൃത സ്പോട്ട് അഡ്മിഷൻ സംവിധാനം അട്ടിമറിച്ച്, വികേന്ദ്രീകൃതമായി ഒരേ ദിവസങ്ങളിൽ വെവ്വേറെ കോളേജുകളിൽ പ്രവേശനം നടത്തുന്ന രീതി നടപ്പിലാക്കുന്നത് അങ്ങേയറ്റം പ്രതിഷേധാർഹമാണ്. ആഗസ്റ്റ് 10-ന് വൈകുന്നേരം മാത്രം ഒഴിവുകൾ പ്രസിദ്ധീകരിക്കുകയും, തൊട്ടടുത്ത ദിവസം ആഗസ്റ്റ് 11മുതൽ അഡ്മിഷൻ നടപടികൾ ആരംഭിക്കുകയും ചെയ്യുന്ന തിടുക്കത്തിലുള്ള തീരുമാനം വിദ്യാർത്ഥികളെ വലിയ ആശയക്കുഴപ്പത്തിലേക്കാണ് തള്ളിവിട്ടിരിക്കുന്നത്.

നിലവിൽ സെൽഫ് ഫിനാൻസിങ് കോളേജുകളിൽ പ്രവേശനം നേടിയിട്ടുള്ള വിദ്യാർത്ഥികൾ സ്പോട്ട് അഡ്മിഷനിൽ പങ്കെടുക്കണമെങ്കിൽ TC അല്ലെങ്കിൽ NOC നിർബന്ധമായും ഹാജരാക്കണമെന്ന നിബന്ധനയും തികച്ചും വിദ്യാർത്ഥി വിരുദ്ധമാണ്. മണിക്കൂറുകളുടെ വ്യത്യാസത്തിൽ സ്വാശ്രയ മാനേജ്‌മെന്റുകളിൽ നിന്ന് ഇത്തരം രേഖകൾ വാങ്ങി ഹാജരാക്കുക എന്നത് പ്രായോഗികമായി സാധ്യമല്ല. ഭീമമായ ഫീസോ കോഴ്‌സ് ഫീസോ മുഴുവനായി അടയ്ക്കാതെ സ്വാശ്രയ മാനേജ്‌മെന്റുകൾ കുട്ടികൾക്ക് TC / NOC നൽകില്ലെന്നിരിക്കെ, ഗവൺമെന്റ് കോളേജുകളിലെ ഒഴിവുള്ള സീറ്റുകളിലേക്ക് മാറാനുള്ള സാധാരണക്കാരായ വിദ്യാർത്ഥികളുടെ അവകാശമാണ് ഈ നിബന്ധനയിലൂടെ കവർന്നെടുക്കപ്പെടുന്നത്.

സെൽഫ് ഫിനാൻസിങ് മാനേജ്‌മെന്റുകൾക്ക് വിദ്യാർത്ഥികളെ ചൂഷണം ചെയ്യാൻ കളമൊരുക്കുന്ന നിലവിലെ സ്പോട്ട് അഡ്മിഷൻ നിബന്ധനകൾ അടിയന്തരമായി പിൻവലിക്കാൻ സാങ്കേതിക വിദ്യാഭ്യാസ ഡയറക്ടറിയേറ്റ് തയാറാകണം.
നേരത്തെ നിലവിലുണ്ടായിരുന്ന രീതിയിൽ ഏകീകൃതവും സുതാര്യവുമായ സെൻട്രലൈസ്ഡ് സ്പോട്ട് അഡ്മിഷൻ പുനഃസ്ഥാപിക്കുകയും ഗവൺമെന്റ് കോളേജുകളിലെ സീറ്റുകൾ നഷ്ടപ്പെടാതിരിക്കാൻ വിദ്യാർത്ഥികൾക്ക് TC/NOC ഹാജരാക്കാൻ പ്രായോഗികമായ സമയപരിധി അനുവദിക്കുകയും ചെയ്യുവാൻ തയാറാവണം. വിദ്യാർത്ഥി വിരുദ്ധവും സ്വാശ്രയ മാനേജ്‌മെന്റ് അനുകൂലവുമായ ഈ അശാസ്ത്രീയമായ ഉത്തരവ് അടിയന്തരമായി തിരുത്താൻ സാങ്കേതിക വിദ്യാഭ്യാസ വകുപ്പും സർക്കാരും തയ്യാറായില്ലെങ്കിൽ ശക്തമായ വിദ്യാർത്ഥി പ്രക്ഷോഭങ്ങൾക്ക് നേതൃത്വം നൽകുമെന്ന് എസ്.എഫ്.ഐ സംസ്ഥാന സെക്രട്ടേറിയറ്റ് പ്രസ്താവനയിലൂടെ അറിയിച്ചു.