08/08/2026
കാണാതായ മത്സ്യതൊഴിലാളികളെ കണ്ടെത്തുന്നതിൽ സർക്കാരിൻ്റെ ഗുരുതര അനാസ്ഥ : പ്രതിഷേധമുയർത്തി ഡിവൈഎഫ്ഐ .
മഴക്കെടുതിയും കാലാവസ്ഥയും മോശമായതിനെ തുടർന്ന് കടലിൽ കാണാതായ മത്സ്യ തൊഴിലാളികളെ കണ്ടെത്തുന്നതിൽ, സംസ്ഥാന സർക്കാരിൻ്റെ ഭാഗത്ത് നിന്ന് തുടർച്ചയായി ഉണ്ടാകുന്ന അനാസ്ഥയിൽ പ്രതിഷേധിച്ച് ഡി വൈ എഫ് ഐ തിരുവനന്തപുരം ജില്ലാ കമ്മിറ്റിയുടെ നേതൃത്വത്തിൽ സെക്രട്ടറിയേറ്റിനു മുന്നിൽ പ്രതിഷേധം സംഘടിപ്പിച്ചു.വിഴിഞ്ഞത്തും മുതലപ്പൊഴിയിലുമായി കടലിൽ കാണാതായവരെ കണ്ടെത്താൻ ഇതുവരെയും കഴിഞ്ഞിട്ടില്ല .സർക്കാർ സംവിധാനങ്ങൾ വേണ്ടവിധത്തിൽ ഉപയോഗിക്കാൻ സർക്കാർ തയ്യാറാകുന്നില്ല. കടലിൽ കാണാതായവരെ കണ്ടെത്തുന്നതിന് ഊർജ്ജിതമായ തിരച്ചിലും സർക്കാർ സംവിധാനങ്ങളുടെ ഏകോപനവും ആവശ്യമാണ്. ഈ വിഷയത്തിൽ സർക്കാരിൻ്റെ ഗുരുതര അനാസ്ഥ അവസാനിപ്പിക്കണമെന്ന് ഡിവൈഎഫ്ഐ ആവശ്യപ്പെട്ടു. രക്തസാക്ഷി മണ്ഡപത്തിൽ നിന്ന് പ്രകടനം ആരംഭിച്ചു. സെക്രട്ടറിയേറ്റിന് മുന്നിൽ നടന്ന പ്രതിഷേധ പരിപാടി ഡിവൈഎഫ്ഐ സംസ്ഥാന പ്രസിഡൻറ് വി വസീഫ് ഉദ്ഘാടനം ചെയ്തു. ജില്ലാ പ്രസിഡൻ്റ് വി എസ് ശ്യാമ അദ്ധ്യക്ഷത വഹിച്ചു.ജില്ലാ സെക്രട്ടറി എൽ എസ് ലിജു സ്വാഗതം പറഞ്ഞു. DYFI കേന്ദ്ര കമ്മിറ്റി അംഗം ഡോ. ഷിജൂഖാൻ, സംസ്ഥാന സെക്രട്ടറിയേറ്റ് അംഗങ്ങളായ വി അനൂപ് ,ആര്യാ രാജേന്ദ്രൻ , ജില്ലാ ട്രഷറർ എസ് എസ് നിതിൻ ജില്ലാ വൈസ് പ്രസിഡന്റുമാരായ രേവതി ടി എസ് ,ആദർശ് എസ് ബി , ജോ. സെക്രട്ടറിമാരായ അഡ്വ. ജെ ജിനേഷ്, അഡ്വ.ശിജിത്ത് ശിവസ് ,ജില്ലാ സെക്രട്ടറിയേറ്റ് അംഗങ്ങളായ വിഷ്ണു ചന്ദ്രൻ , എ ഷാനവാസ്,
ആദർശ് ഖാൻ,സുജിത്ത്, അഡ്വ.രാഹിൽ ആർ നാഥ്, കെ എൽ ലിജു, എന്നിവർ പങ്കെടുത്തു.
