23/07/2026
കർമ്മയിൽ വിശ്വസിക്കുന്നവരുണ്ടെങ്കിൽ ഈ മൂന്ന് സാധനം നിങ്ങൾ ജീവിതത്തിൽ കാണരുത്. കർമ്മ ന്യൂസ്, ജനം ടിവി, ഭാരത് ലൈവ്. കേരളത്തിലെ നുണ ഉല്പാദന ഫാക്ടറികൾ. ശ്രീമതി ടീച്ചറുടെ പേരിലാണ് പുതിയ നുണ ഈ അമാധ്യമങ്ങൾ പടച്ചു വിട്ടിരിക്കുന്നത്. ശ്രീമതി ടീച്ചർ മുൻ എം എൽ എയുടെ ഭാര്യ എന്ന നിലയിൽ തട്ടിപ്പ് കാണിച്ച് പെൻഷൻ വാങ്ങുന്നുണ്ടെന്നായിരുന്നു ഈ ടീമിന്റെ പുതിയ കണ്ടെത്തൽ. നുണയുടെ ഉറവിടം ഒറ്റ ഫാക്ടറി ആയതും കൊണ്ടും മൂന്ന് ചാനലിന്റെയും പിതൃത്വം ഒറ്റയാൾ ആയത് കൊണ്ടും ഒരച്ചിൽ തന്നെ മൂന്നിലും വാർത്ത വന്നിട്ടുണ്ട്. പി ആർ കൃഷ്ണൻ എന്ന മുൻ എം എൽ എ യുടെ ഭാര്യ എന്നപേരിലാണ് 'ജന'ത്തിന്റെ നുണ. നിയമസഭാ രേഖകളും പെൻഷൻ സംബന്ധിച്ച രേഖകളും പരിശോധിക്കുമ്പോഴാണ് ഇതിന്റെ സത്യാവസ്ഥ മനസിലാവുക. രണ്ടാം കേരള നിയമസഭയിൽ അംഗമായിരുന്ന പി ആർ കൃഷ്ണന്റെ ഭാര്യയുടെ പേര് പികെ ശ്രീമതി എന്നാണ്. പേരിലെ സാമ്യതയാണ് നെറികെട്ട മാധ്യമപ്രവർത്തനത്തിന് ജനവും കർമ്മയുമൊക്കെ ഉപയോഗിച്ചത്. നുണ പറയാൻ സ്വന്തം പിതൃത്വം വരെ മാറ്റി പറയാൻ തയ്യാറാവുന്ന ഈ സത്യവിരോധികളെ മാധ്യമം എന്ന് വിളിക്കുന്നത് തന്നെ സാംസകാരിക - രാഷ്ട്രീയ കേരളത്തിന് അപമാനമാണ്