28/10/2026
*സെക്രട്ടറിയറ്റ് വളയൽ സമരം വിജയിപ്പിക്കും - എൻ.ജി ഒ യൂണിയൻ ജില്ലാ കൗൺസിൽ*
കണ്ണൂർ : സംസ്ഥാന ജീവനക്കാരും അധ്യാപകരും ആക്ഷൻ കൗൺസിൽ ഓഫ് സ്റ്റേറ്റ് എംപ്ലോയീസ് ആൻഡ് ടീച്ചേഴ്സിന്റെ നേതൃത്വത്തിൽ നവംബർ 21-ന് നടത്തുന്ന സെക്രട്ടേറിയറ്റ് വളയൽ സമരം വിജയിപ്പിക്കാൻ കേരള എൻജിഒ യൂണിയൻ ജില്ലാ കൗൺസിൽ യോഗo തീരുമാനിച്ചു.
ശമ്പള പരിഷ്കരണം നടപ്പാക്കുക, ഇടക്കാലാശ്വാസം അനുവദിക്കുക, എൻപിഎസ് പിൻവലിച്ച് ഒപിഎസ് പുനഃസ്ഥാപിക്കുക, പിഎഫ്ആർഡിഎ നിയമം പിൻവലിക്കുക, ഏൺഡ് ലീവ് സറണ്ടർ പുന:സ്ഥാപിക്കുക, വിദ്യാഭ്യാസ സർവ്വീസ് മേഖല സംരക്ഷിക്കുക തുടങ്ങിയ ആവശ്യങ്ങളുന്നയിച്ചാണ് സെക്രട്ടേറിയറ്റ് വളയൽ സമരം.
ജില്ലാ കൗൺസിൽ യോഗം സംസ്ഥാന സെക്രട്ടറി പി.സുരേഷ് ഉദ്ഘാടനം ചെയ്തു. ജില്ലാ പ്രസിഡന്റ് പി. പി . സന്തോഷ് കുമാർ അധ്യക്ഷനായി. സംസ്ഥാന സെക്രട്ടേറിയറ്റ് അംഗം എസ്. ലക്ഷ്മി ദേവി സംസ്ഥാന കൗൺസിൽ തീരുമാനങ്ങൾ വിശദീകരിച്ചു. ജില്ലാ സെക്രട്ടറി കെ രഞ്ജിത്ത് റിപ്പോർട്ട് അവതരിപ്പിച്ചു.രമ്യ .ടി (പയ്യന്നൂർ ), മിഷ. പി.വി (ഇരിട്ടി ) ഉണ്ണികൃഷ്ണൻ .കെ (മെഡിക്കൽ കോളേജ് ) ജിദേഷ്. പി (കൂത്തുപറമ്പ്) മധുസൂധനൻ പി.വി (തളിപ്പറമ്പ് ),പ്രവീൺ. പി (തലശ്ശേരി ) , ബിന്ദു എം(ശ്രീ കണ്ഠപുരം)അജയകുമാർ .കെ.(കണ്ണൂർ സൗത്ത് ), അഖില.ടി.കെ (കണ്ണൂർ നോർത്ത് ) പവിത്രൻ കെ.(കണ്ണൂർ )എന്നിവർ ചർച്ചയിൽ പങ്കെടുത്തു.