ਗੁੰਮਟੀ ਕਲਾਂ ਸਫਰ ਜਿੰਦਗੀ ਫਾਊਂਡੇਸ਼ਨ Safar Zindgi Foundation Gumti Kalan

29/05/2026

𝙂𝙧𝙚𝙚𝙣 🌳 𝘽𝙞𝙧𝙩𝙝𝙙𝙖𝙮 - 𝙋𝙖𝙧𝙢𝙟𝙚𝙚𝙩 𝙎𝙞𝙣𝙜𝙝 𝙎𝙞𝙙𝙝𝙪 🇨🇦
#ਸਫ਼ਰ_ਜ਼ਿੰਦਗੀ_ਫਾਉਂਡੇਸ਼ਨ_ਗੁੰਮਟੀ_ਕਲਾਂ ਵੱਲੋਂ ਪਰਜੀਤ ਸਿੰਘ ਸਿੱਧੂ ਕੈਨੇਡਾ🇨🇦 ਨੂੰ ਜਨਮ ਦਿਨ ਦੀਆਂ ਬਹੁਤ-ਬਹੁਤ ਮੁਬਾਰਕ। ਪ੍ਰਮਾਤਮਾ ਹਮੇਸ਼ਾ ਵੀਰ ਨੂੰ ਖੁਸ਼ੀਆਂ ਦੇਵੇ ਤੇ ਚੜਦੀਕਲਾ ਚ ਰੱਖੇ।
ਸੋ ਤਹਿ ਦਿਲੋਂ ਸ਼ੁਕਰੀਆ ਸਾਡੇ ਵੀਰਾ ਦਾ ਜੋ ਕਿ #ਸਫ਼ਰ_ਜ਼ਿੰਦਗੀ_ਫਾਉਂਡੇਸ਼ਨ_ਗੁੰਮਟੀ_ਕਲਾਂ ਵੱਲੋਂ ਕੀਤੇ ਜਾ ਰਹੇ ਵਿਸ਼ੇਸ਼ ਕਾਰਜਾਂ ਲਈ ਸਹਿਯੋਗ ਦੇ ਰਹੇ ਹਨ।

10/05/2026

ਬਾਈ ਜਸਵਿੰਦਰ ਸਿੰਘ ਖਾਲਸਾ ਜੀ ਦੇ ਸਤਿਕਾਰ ਯੋਗ ਮਾਤਾ ਜੀ ਸੁਭਾ ਅਕਾਲ ਚਲਾਣਾ ਕਰ ਗਏ।
ਮਾਂ ਦਾ ਵਿਛੋੜਾ ਕਦੇ ਪੂਰਾ ਨਹੀਂ ਹੁੰਦਾ, ਇਹ ਉਹ ਘਾਟ ਹੈ ਜੋ ਸਾਰੀ ਉਮਰ ਦਿਲ ਵਿੱਚ ਰਹਿੰਦੀ ਹੈ।
ਵਾਹਿਗੁਰੂ ਜੀ ਮਾਤਾ ਜੀ ਨੂੰ ਆਪਣੇ ਚਰਨਾਂ ਵਿੱਚ ਨਿਵਾਸ ਬਖਸ਼ਣ ਤੇ ਪਰਿਵਾਰ ਨੂੰ ਇਹ ਭਾਣਾ ਮੰਨਣ ਦਾ ਬਲ ਬਖਸ਼ਣ। 🙏

“ਜੋ ਉਪਜਿਓ ਸੋ ਬਿਨਸ ਹੈ, ਪਰੋ ਆਜੁ ਕੈ ਕਾਲਿ।”
ਅਲਵਿਦਾ ਮਾਤਾ ਜੀ
🙏 ਸਫ਼ਰ ਜ਼ਿੰਦਗੀ ਫਿਉਂਡੇਸ਼ਨ ਗੁੰਮਟੀ ਕਲਾਂ

05/05/2026

"ਵਿਸ਼ਵ ਪੰਜਾਬੀ ਸਭਾ ਕੈਨੇਡਾ ਵੱਲੋਂ ਅੰਮ੍ਰਿਤਸਰ ਸਾਹਿਬ ਵਿਖੇ ਕਰਵਾਏ ਗਏ ਬਾਲ ਕਵੀ ਦਰਬਾਰ ਵਿੱਚ ਕਵਿਤਾ ਮੁਕਾਬਲੇ ‘ਚ
ਪਿੰਡ ਗੁੰਮਟੀ ਕਲਾਂ ਦੀ ਹੋਣਹਾਰ ਬੱਚੀ ਮਹਿਕਦੀਪ ਕੌਰ ਨੇ ਦੂਜਾ ਸਥਾਨ ਹਾਸਲ ਕੀਤਾ ਹੈ 🎉
ਸਫ਼ਰ ਜ਼ਿੰਦਗੀ ਫਾਊਂਡੇਸ਼ਨ ਵੱਲੋਂ ਬੱਚੀ ਨੂੰ ਦਿਲੋਂ ਬਹੁਤ-ਬਹੁਤ ਮੁਬਾਰਕਾਂ ਅਤੇ ਚੰਗੇ ਭਵਿੱਖ ਲਈ ਸ਼ੁਭਕਾਮਨਾਵਾਂ 🌟"

04/05/2026

𝙂𝙧𝙚𝙚𝙣 𝘽𝙞𝙧𝙩𝙝𝙙𝙖𝙮 🌳📚📕 Arsh Gumti
ਸਫ਼ਰ ਜ਼ਿੰਦਗੀ ਫਾਉਂਡੇਸ਼ਨ ਗੁੰਮਟੀ ਕਲਾਂ ਵੱਲੋਂ ਸਾਡੇ ਵੀਰ ਅਰਸ਼ ਗੁੰਮਟੀ ਨੂੰ ਜਨਮ ਦਿਨ ਦੀਆਂ ਨੂੰ ਬਹੁਤ-ਬਹੁਤ ਮੁਬਾਰਕਾਂ।
ਪ੍ਰਮਾਤਮਾ ਹਮੇਸ਼ਾ ਵੀਰ ਨੂੰ ਖੁਸ਼ੀਆਂ ਦੇਵੇ ਤੇ ਚੜਦੀਕਲਾ ਚ ਰੱਖੇ।
ਸੋ ਤਹਿ ਦਿਲੋਂ ਸ਼ੁਕਰੀਆ ਸਾਡੇ ਵੀਰਾ ਦਾ ਜੋ ਕਿ
ਸਫ਼ਰ ਜ਼ਿੰਦਗੀ ਫ਼ਾਉਂਡੇਸ਼ਨ ਗੁੰਮਟੀ ਕਲਾਂ ਵੱਲੋਂ ਕੀਤੇ ਜਾ ਰਹੇ ਵਿਸ਼ੇਸ਼ ਕਾਰਜਾਂ ਲਈ ਸਹਿਯੋਗ ਦੇ ਰਹੇ ਹਨ।


🙏

03/05/2026

*ਉਬਾਸੀ* ਉਬਾਸੀ ਜਦੋਂ ਮਨੁੱਖ ਮੂੰਹ ਪੂਰੀ ਤਰ੍ਹਾਂ ਖੋਲ੍ਹਦੇ ਹੋਏ ਸਾਹ ਨੂੰ ਅੰਦਰ ਲੈ ਕੇ ਜਾਂਦਾ ਹੈ ਇਸ ਨੂੰ ਉਬਾਸੀ ਲੈਣਾ ਕਿਹਾ ਜਾਂਦਾ ਹੈ।ਉਬਾਸੀ ਲੈਣਾ ਅਣਇੱਛਤ ਕਿਰਿਆ ਦੀ ਪ੍ਰਤਿਵਰਤੀ ਕਿਰਿਆ ਹੈ। ਉਬਾਸੀ ਲੈਣ ਦੀ ਕਿਰਿਆ ਦਾ ਸਬੰਧ ਸਰੀਰ ਦੀਆਂ ਮਾਸਪੇਸ਼ੀਆਂ ਨਾਲ ਹੈ। ਦਿਮਾਗ਼ ਦਾ ਹਾਪੋਥੈਲੇਮਸ ਦਾ ਨਿਊਰੋਟਰਾਂਸਮੀਟਰ ਇਸ ਕਿਰਿਆ ਨੂੰ ਕੰਟਰੋਲ ਕਰਦਾ ਹੈ। ਉਬਾਸੀ ਲੈਣਾ ਅਣਇੱਛਤ ਕਿਰਿਆ ਦੀ ਪ੍ਰਤਿਵਰਤੀ ਕਿਰਿਆ ਹੈ। ਛੇ ਤੋਂ ਅੱਠ ਸਕਿੰਟ 'ਚ ਮਨੁੱਖ ਉਬਾਸੀ ਲੈਂਦਾ ਹੈ। ਜਾਨਵਰ ਅਤੇ ਪੰਛੀ ਵੀ ਉਬਾਸੀ ਲੈਂਦੇ ਹਨ। ਇਸ ਸਮੇਂ ਸਰੀਰ ਸਾਡੇ ਦਿਮਾਗ਼ ਨੂੰ ਬਿਜਲ ਸੰਦੇਸ਼ ਭੇਜਦਾ ਹੈ। ਇਸ ’ਤੇ ਦਿਮਾਗ਼ ਦਾ ਹਾਪੋਥੈਲੇਮਸ ਭਾਗ ਪ੍ਰਤੀਕਿਰਿਆ ਕਰਦਾ ਹੈ। ਹਾਪੋਥੈਲੇਮਸ ਦਾ ਨਿਊਰੋਟਰਾਂਸਮੀਟਰ ਮੂੰਹ, ਬਾਹਾਂ ਅਤੇ ਛਾਤੀ ਦੀਆਂ ਮਾਸਪੇਸ਼ੀਆਂ ਨੂੰ ਬਿਜਲ ਸੰਦੇਸ਼ ਭੇਜ ਕੇ ਸੁੰਗੜਨ ਦਾ ਹੁਕਮ ਦਿੰਦਾ ਹੈ। ਮਾਸਪੇਸ਼ੀਆਂ ਦੇ ਸੁੰਗਡ਼ਨ ਕਾਰਨ ਮੂੰਹ ਪੂਰੇ ਜ਼ੋਰ ਨਾਲ ਖੁੱਲ੍ਹਦਾ ਹੈ ਅਤੇ ਵੱਧ ਤੋਂ ਵੱਧ ਹਵਾ ਫੇਫਡ਼ਿਆਂ ਵਿੱਚ ਜਾਣ ਨਾਲ ਸਰੀਰ ਵਿੱਚੋਂ ਆਕਸੀਜਨ ਦੀ ਕਮੀ ਦੂਰ ਹੋ ਜਾਂਦੀ ਹੈ। ਵਾਧੂ ਕਾਰਬਨ ਡਾਈਆਕਸਾਈਡ ਬਾਹਰ ਨਿਕਲ ਜਾਣ ਕਾਰਨ ਦਿਮਾਗ਼ ਠੰਢਾ ਹੋ ਜਾਂਦਾ ਹੈ। ਠੰਢਾ ਦਿਮਾਗ਼ ਜ਼ਿਆਦਾ ਕਿਰਿਆਸ਼ੀਲ ਹੋ ਜਾਂਦਾ ਹੈ ਇਸ ਨਾਲ ਸਰੀਰ ਦੀਆਂ ਮਾਸਪੇਸ਼ੀਆਂ ਫੈਲਦੀਆਂ ਹਨ ਅਤੇ ਸਰੀਰ ਚੁਸਤ ਅਤੇ ਫੁਰਤੀਲਾ ਹੋ ਜਾਂਦਾ ਹੈ।
*ਕਾਰਨ* ਸਰੀਰ ਵਿੱਚ ਆਕਸੀਜਨ ਦੀ ਕਮੀ ਹੋਣ ਕਾਰਨ ਵੀ ਉਬਾਸੀ ਆਉਂਦੀ ਹੈ।ਦਿਮਾਗ਼ ਦੇ ਗਰਮ ਹੋਣ ਕਾਰਨ ਵੀ ਉਬਾਸੀ ਆ ਸਕਦੀ ਹੈ।ਸਰੀਰ ਵਿੱਚ ਕਾਰਬਨ ਡਾਈਆਕਸਾਈਡ ਦਾ ਪੱਧਰ ਵੱਧਣ ਦਾ ਕਾਰਨ ਵੀ ਬਣਦਾ ਹੈ।
ਮਨੁੱਖ ਦਾ ਕੰਮ ਕਰਦੇ ਹੋਏ ਮਨ ਉਚਾਟ ਦਾ ਹੋਣਾ, ਥਕਾਵਟ, ਨੀਂਦ ਆਉਣ ਤੋਂ ਪਹਿਲਾਂ ਅਤੇ ਨੀਂਦ ਤੋਂ ਜਾਗਣ ਦੀ ਅਵਸਥਾ ਵਿੱਚ ਹੋਣ ਆਦਿ ਕਾਰਨ ਉਬਾਸੀ ਆਉਂਦੀ ਹੈ।

03/05/2026

ਅੱਜ ਦੇ ਦਿਨ :3-5-1718 ਜਰਨੈਲ ਜੱਸਾ ਸਿੰਘ ਆਹਲੂਵਾਲੀਆ ਦਾ ਜਨਮ।
*ਸ.ਜੱਸਾ ਸਿੰਘ ਆਹਲੂਵਾਲੀਆ* ਉਨ੍ਹਾ ਦਾ ਜਨਮ 3 ਮਈ 1718 ਨੂੰ ਸ.ਬਦਰ ਸਿੰਘ ਦੇ ਘਰ ਪਿੰਡ ਆਹਲੂ ਜਿਲਾ ਲਾਹੌਰ ਵਿਖੇ ਹੋਇਆ।ਚਾਰ ਸਾਲ ਦੇ ਸਨ ਕਿ ਉਨ੍ਹਾ ਦੇ ਪਿਤਾ ਚੱਲ ਵਸੇ।ਉਨਾਂ ਦੀ ਮਾਤਾ ਜੀ ਇਨਾਂ ਨੂੰ ਮਾਤਾ ਸੁੰਦਰੀ ਜੀ ਕੋਲ ਦਿੱਲੀ ਲੈ ਗਏ।ਉਥੇ ਸੱਤ ਸਾਲਾਂ ਵਿੱਚ ਪੜ੍ਹਾਈ, ਘੋੜਸਵਾਰੀ,ਤੀਰਅੰਦਾਜ਼ੀ ਸ਼ਸਤਰ ਵਿਦਿਆ ਲੈ ਕੇ ਪੰਜਾਬ ਆ ਗਏ।ਉਸ ਵੇਲੇ ਦੀ ਹਕੂਮਤ ਸਿੱਖਾਂ ਉਪਰ ਜੁਲਮ ਢਾਹ ਰਹੀ ਸੀ ਤਾਂ ਖਿੰਡਰੇ ਪੁੰਡਰੇ ਸਿੱਖਾਂ ਦੇ ਜਥਿਆਂ ਨੇ 1733-34 ਵਿੱਚ ਇਨਾਂ ਨੂੰ ਆਪਣਾ ਨੇਤਾ ਮੰਨ ਲਿਆ।29 ਮਾਰਚ 1748 ਨੂੰ ਇਕ ਮੀਟਿੰਗ ਕਰਕੇ 65 ਜਥਿਆਂ ਨੂੰ 11 ਮਿਸਲਾਂ ਵਿੱਚ ਵੰਡ ਲਿਆ।ਜੱਸਾ ਸਿੰਘ ਆਹਲੂਵਾਲੀਆ ਮਿਸਲ ਦੇ ਮੁੱਖੀ ਚੁਣੇ ਗਏ।ਮਿਸਲਾਂ ਦੇ ਸਮੂਹ ਨੂੰ ਦਲ ਖਾਲਸਾ ਕਿਹਾ ਜਾਣ ਲੱਗਾ।1761 ਵਿੱਚ ਅਬਦਾਲੀ ਮਰਹਟਿਆਂ ਨੂੰ ਹਰਾ ਕੇ 2200 ਔਰਤਾਂ ਨੂੰ ਬੰਦੀ ਬਣਾ ਕੇ ਲਿਜਾ ਰਿਹਾ ਸੀ ਤਾਂ ਜੱਸਾ ਸਿੰਘ ਆਹਲੂਵਾਲੀਆ ਨੇ ਦਲ ਖਾਲਸਾ ਦੀ ਅਗਵਾਈ ਵਿੱਚ ਬੰਦੀ ਔਰਤਾਂ ਨੂੰ ਛੱਡਾ ਕੇ ਘਰੋਂ ਘਰੀ ਪੁਚਾਇਆ।1761 ਲਾਹੌਰ ਤੇ ਕਬਜਾ ਹੋਣ ਤੇ ਜੱਸਾ ਸਿੰਘ ਨੂੰ 'ਸੁਲਤਾਨ-ਉਲ-ਕੌਮ' ਦੇ ਖਿਤਾਬ ਨਾਲ ਨਿਵਾਜਿਆ ਗਿਆ।1762 ਵਿੱਚ ਵੱਡੇ ਘਲੂਘਾਰੇ ਦੌਰਾਨ ਇਨਾਂ ਦੇ 22 ਫੱਟ ਲੱਗੇ।ਇਸ ਤੋਂ ਪਹਿਲਾਂ ਛੋਟੇ ਘਲੂਘਾਰੇ ਵਿੱਚ ਇਨਾਂ ਸੂਰਬੀਰਤਾ ਵਿਖਾਈ ਸੀ।ਅਬਦਾਲੀ ਦਰਬਾਰ ਸਾਹਿਬ ਅੰਮ੍ਰਿਤਸਰ ਨੂੰ ਤੋਪਾਂ ਨਾਲ ਉਡਾਉਣਾ ਚਾਹੁੰਦਾ ਸੀ ਉਸ ਸਮੇ ਨੌਸ਼ਹਿਰਾ ਪੰਨੂਆ ਦੇ ਚੌਧਰੀ ਰਾਇ ਸਾਹਿਬ ਨੇ ਅਬਦਾਲੀ ਨੂੰ ਤਿੰਨ ਲੱਖ ਰੁਪਏ ਦੇ ਕੇ ਗਹਿਣੇ ਕਰ ਲਿਆ।ਇਹ ਫੈਸਲਾ ਹੋਇਆ ਜਿਨਾ ਚਿਰ ਦਲ ਖਾਲਸਾ ਚੌਧਰੀ ਨੂੰ ਤਿੰਨ ਲੱਖ ਵਾਪਸ ਨਹੀ ਕਰਦਾ ਉਦੋਂ ਤਕ ਚੜਾਵਾ ਚੌਧਰੀ ਦਾ ਹੋਵੇਗਾ।ਜੱਸਾ ਸਿੰਘ ਨੇ ਚੌਧਰੀ ਨੂੰ ਤਿੰਨ ਲੱਖ ਦੇ ਕੇ ਦਰਬਾਰ ਸਾਹਿਬ ਸਿੱਖ ਕੌਮ ਦੇ ਹਵਾਲੇ ਕਰ ਦਿੱਤਾ।ਇਨਾਂ ਮਹਾਨ ਜਰਨੈਲ ਬਘੇਲ ਸਿੰਘ ਨਾਲ ਰਲ ਕੇ 11 ਮਾਰਚ 1783 ਨੂੰ ਲਾਲ ਕਿਲੇ ਤੇ ਕੇਸਰੀ ਝੰਡਾ ਲਹਿਰਾਇਆ ਤੇ ਜੱਸਾ ਸਿੰਘ ਨੂੰ ਬਾਦਸ਼ਾਹ ਐਲਾਨਿਆ ਗਿਆ।ਜੱਸਾ ਸਿੰਘ ਰਾਮਗੜੀਆ ਵਿਰੋਧਤਾ ਕਾਰਨ ਤਖਤ ਛੱਡਣਾ ਪਿਆ।20 ਅਕਤੂਬਰ 1783 ਨੂੰ ਉਨਾਂ ਦਾ ਦਿਹਾਂਤ ਹੋਣ ਉਪਰੰਤ ਉਨਾਂ ਦਾ ਸਸਕਾਰ ਬਾਬਾ ਅਟੱਲ ਵਿਖੇ ਕੀਤਾ ਗਿਆ।

01/05/2026

ਮਈ ਦਿਵਸ' ਸੰਸਾਰ ਭਰ ਦੇ ਮਜ਼ਦੂਰਾਂ ਨੂੰ ਪੂੰਜੀਵਾਦ ਦੀ ਗੁਲਾਮੀ ਵਿਰੁੱਧ ਸੰਘਰਸ਼ ਕਰਨ ਦੀ ਪ੍ਰੇਰਣਾ ਦਿੰਦਾ ਹੈ।

ਅੱਜ ਦੇ ਦਿਨ :1-5-1886 ਨੂੰ ਸ਼ਿਕਾਗੋ ਚ ਮਜ਼ਦੂਰਾਂ ਵੱਲੋਂ ਮੰਗਾ ਦੇ ਹੱਕ ਵਿੱਚ ਮੁਜਹਾਰਾ।
ਮਜ਼ਦੂਰ ਦਿਵਸ

*ਮਜ਼ਦੂਰ ਦਿਵਸ* ਪੂੰਜੀਵਾਦ ਲੁਟੇਰੇ ਪ੍ਰਬੰਧ ਤੋਂ ਖਲਾਸੀ ਲਈ ਲਹੂ ਵੀਟਵੇਂ ਸੰਘਰਸ਼ ਅਤੇ ਕੀਤੀਆਂ ਕੁਰਬਾਨੀਆਂ ਦਾ ਪ੍ਰਤੀਕ ਹੈ।ਇਹ ਸਿਰਫ ਮਜ਼ਦੂਰਾਂ ਦਾ ਹੀ ਨਹੀਂ ਸਗੋਂ ਲੁੱਟੇ ਪੁੱਟੇ ਜਾਂਦੇ ਉਨਾਂ ਲੋਕਾਂ ਦਾ ਵੀ ਹੀ ਹੈ ਜਿਹੜੇ ਬੇਕਿਰਕ ਆਰਥਿਕ ਲੁੱਟ-ਖੱਸੁਟ, ਅਨਿਆਂ,ਜੁਲਮ ਅਤੇ ਪੂੰਜੀਵਾਦ ਅਮਾਨਵੀ ਪ੍ਰਬੰਧ ਤੋਂ ਪੀੜਤ ਹਨ।ਇਨਾਂ 'ਚ ਲੱਖਾਂ ਬੇਰੋਜ਼ਗਾਰ ਤੇ ਰਜਵੀਂ ਰੋਟੀ ਲਈ ਤਰਸਦੇ ਲੱਖਾਂ ਲੋਕ ਸ਼ਾਮਲ ਹਨ।ਬੁਨਿਆਦੀ ਲੋੜਾਂ ਸਿੱਖਿਆ, ਸਿਹਤ ਸਹੂਲਤਾਂ ਤੋਂ ਵਾਂਝੇ ਹਨ।ਅੱਧੀ ਦੇ ਕਰੀਬ ਅਬਾਦੀ ਔਰਤਾਂ ਦੀ ਹੈ ਜੋ ਸਿਰਫ ਆਰਥਿਕ ਲੁੱਟ ਦਾ ਹੀ ਸ਼ਿਕਾਰ ਨਹੀਂ ਸਗੋਂ ਮਰਦ ਪ੍ਰਧਾਨ ਸਮਾਜ ਵਿੱਚ ਸਮਾਜਿਕ, ਸੱਭਿਆਚਾਰਕ ਆਦਿ ਅਨੇਕਾਂ ਵਿਤਕਰਿਆਂ ਕਾਰਨ ਪ੍ਰੇਸ਼ਾਨ ਹਨ।19ਵੀਂ ਸਦੀ ਦੇ ਅੱਧ ਵਿੱਚ ਲੋਕ ਸੁਚੇਤ ਹੋ ਕੇ ਇਕੱਠੇ ਹੋਣ ਦੇ ਨਾਲ ਕੰਮ ਦੇ ਘੰਟਿਆਂ ਨੂੰ ਘਟਾਉਣ ਲਈ ਸੰਘਰਸ਼ ਕਰਨ ਲੱਗੇ ।ਅਮਰੀਕਾ ਤੇ ਕਨੈਡਾ ਦੇ ਮਜ਼ਦੂਰਾਂ ਦੀ ਫੈਡਰੈਸ਼ਨ ਨੇ ਇਕ ਮਈ 1886 ਨੂੰ ਅੱਠ ਘੰਟੇ ਕੰਮ ਕਰਨ ਦੀ ਮੰਗ ਲਈ ਹੜਤਾਲ ਦਾ ਸੱਦਾ ਦਿੱਤਾ।ਸ਼ਿਕਾਗੋ ਸ਼ਹਿਰ ਵਿੱਚ ਪੁਲੀਸ ਨੇ ਹੜਤਾਲ ਕਰ ਰਹੇ ਮਜ਼ਦੂਰਾਂ ਤੇ ਗੋਲੀ ਚਲਾਈ ਤੇ ਦੋ ਮਜ਼ਦੂਰ ਸ਼ਹੀਦ ਹੋ ਗਏ।ਚਾਰ ਮਈ ਨੂੰ ਦੁਬਾਰਾ ਰੋਸ ਵੱਜੋਂ ਹੋਈ ਹੜਤਾਲ ਤੇ ਚਲਾਈ ਗੋਲੀ ਨਾਲ ਛੇ ਮਜ਼ਦੂਰ ਸ਼ਹੀਦ ਹੋ ਗਏ।ਪੁਲੀਸ ਨੇ 11/11/ 1887 ਨੂੰ ਇਨਾਂ ਘਟਨਾਵਾਂ ਨਾਲ ਮਜ਼ਦੂਰ ਆਗੂਆਂ ਅਗਸਤ ਸਪਾਈਸ,ਅਲਬਰਟ ਪਾਰਸਨ, ਅਲਫੈਰਡ ਫਿਸ਼ਰ,ਜਾਰਜ ਏਂਜਲ, ਆਸਕਰ ਨੀਬੈ, ਸੈਮੂਅਲ ਫੀਲਡੇਨ ਤੇ ਜਾਰਜ ਐਂਗਲ ਨੂੰ ਜੋੜ ਕੇ ਫਾਂਸੀ ਦੇ ਕੇ ਸ਼ਹੀਦ ਕਰ ਦਿੱਤਾ।ਅੱਜ ਮਜ਼ਦੂਰਾਂ ਨੂੰ 8ਘੰਟੇ ਕੰਮ ਕਰਨ ਦੀ ਸਹੂਲਤ ਸ਼ਿਕਾਗੋ ਅੰਦੋਲਨ ਦੀ ਦੇਣ ਹੈ।ਸਪਾਈਸ ਨੇ ਫਾਂਸੀ ਤੋਂ ਪਹਿਲਾਂ ਕਿਹਾ, *ਫਾਂਸੀ ਦੇ ਤਖਤੇ ਤੇ ਲਟਕਾ ਕੇ ਮੇਰੀ ਅਵਾਜ਼ ਦਾ ਗਲਾ ਤਾਂ ਘੁੱਟ ਸਕਦੇ ਹੋ,ਪਰ ਤੁਹਾਡੇ ਲਈ ਮੇਰੀ ਖਾਮੋਸ਼ੀ ਮੇਰੇ ਭਾਸ਼ਣ ਤੋਂ ਵੀ ਜਿਆਦਾ ਖਤਰਨਾਕ ਹੋਵੇਗੀ।*
1-5-1890 ਨੂੰ ਪੈਰਿਸ ਵਿਖੇ ਕੌਮਾਂਤਰੀ ਵਰਕਿੰਗਜ ਮੈਨਜ ਐਸੋਸੀਸ਼ਨ ਨੇ ਫੈਸਲਾ ਕੀਤਾ ਕਿ ਹਰ ਸਾਲ ਸ਼ਿਕਾਗੋ ਦੇ ਸ਼ਹੀਦਾਂ ਜੀ ਯਾਦ ਵਿੱਚ 1 ਮਈ ਨੂੰ ਮਜ਼ਦੂਰ ਦਿਵਸ ਮਨਾਇਆ ਜਾਵੇ 25-6-1893 ਨੂੰ ਸ਼ਿਕਾਗੋ ਦੀ ਹੇਅ ਮਾਰਕਿਟ ਵਿੱਚ ਸ਼ਹੀਦਾਂ ਦੇ ਬੁੱਤ ਲਾਏ ਗਏ।ਲੈਨਿਨ ਨੇ ਕਿਹਾ ਸੀ,"ਮਜ਼ਦੂਰ ਨੂੰ ਉਸਦੀ ਮਿਹਨਤ ਉਸਨੂੰ ਉਸਦਾ ਪਸੀਨਾ ਸੁੱਕਣ ਤੋਂ ਪਹਿਲਾਂ ਦਿੱਤੀ ਜਾਣੀ ਚਾਹੀਦੀ ਹੈ।" "ਜਾਗਰੂਕ ਮਜ਼ਦੂਰ ਝੁਕਦੇ ਨਹੀਂ,ਰੁੱਕਦੇ ਨਹੀਂ। ਝੁੱਕਣਾ ਉਨਾਂ ਨੂੰ ਗੈਰਤ ਵਿਰੁੱਧ ਲੱਗਦਾ ਹੈ ਅਤੇ ਰੁਕਣਾ ਮੌਤ।"
*ਗੀਤ*
ਲਹਿਰਾਂ ਬਣ ਉਠੋ ਭੁੱਖਾਂ ਦੇ ਲਤਾੜਿਓ।ਧਰਤੀ ਦਾ ਸਾਰਾ ਦੁੱਖ ਪੀਣ ਵਾਲਿਓ।ਬੱਝੀਆਂ ਨਾ ਰਹਿਣ ਇਹ ਰਵਾਇਤੀ ਲੜੀਆਂ ਉਠੋ ਵੇ ਗੁਲਾਮੀ ਦੀਆਂ ਤੋੜੋ ਕੜੀਆਂ।ਕਿਰਤਾਂ ਦਾ ਜੋਰ ਜੁਸਿਆਂ 'ਚ ਭਰਕੇ, ਲੁੱਟ ਦਾ ਇਹ ਰਾਜ ਜੜਾਂ ਤੋਂ ਉਖਾੜਿਓ।
ਧਰਤੀ ਦਾ-
ਬੁੱਢਾ ਹੋ ਪੁਰਾਣਾ ਢਾਂਚਾ ਜਦੋਂ ਥੰਮਦਾ,ਉਹਨੂੰ ਤੋੜ ਨਵਾਂ ਸੰਸਾਰ ਜੰਮਦਾ।ਨਵਾਂ ਤੇ ਉਸਾਰੂ ਜਗ ਰਚਣੇ ਲਈ,ਗਲੀ ਸੜੀ ਹਰ ਚੀਜ ਨੂੰ ਨਕਾਰਿਓ।
ਧਰਤੀ ਦਾ----
ਨਵੀਆਂ ਹੀ ਨੀਹਾਂ 'ਤੇ ਉਸਾਰ ਹੋਊਗਾ,ਸਾਰਾ ਜਗ ਸਾਡਾ ਪਰਿਵਾਰ ਹੋਊਗਾ।ਲੋਟੂਆਂ ਦੇ ਹੱਥਾਂ ਨੇ ਤੁਹਾਥੋਂ ਖੋਹਿਆ ਜੋ,ਸਭ ਹੋਊ ਤੁਹਾਡਾ ਸਿਰਜਣਹਾਰਿਓ।
ਧਰਤੀ ਦਾ------
ਆਖਰੀ ਹੈ ਆਪਣੀ ਲੜਾਈ ਬੇਲੀਓ,ਥਾਂ-ਥਾਂ ਉਤੇ ਕਰ ਦੋ ਚੜਾਈ ਬੇਲੀਓ ਲੁੱਟ ਦੇ ਮਸੀਹੇ ਤਾਂਈ ਰੱਦ ਕਰਕੇ,ਹੁਕਮ ਕਾਨੂੰਨ ਪੈਰਾਂ 'ਚ ਲਤਾੜਿਓ।
ਧਰਤੀ ਦਾ-------
ਮਹਿਲਾਂ 'ਚੋਂ ਨਾ ਸਾਡੇ 'ਤੇ ਕੋਈ ਰਾਜ ਵੇ ਕਰੇ, ਰਾਜਿਆਂ ਦੀ ਸਾਨੂੰ ਹੁਣ ਵਫਾ ਨਾ ਪਾਲੇ।ਧੁੱਖ ਰਹਿਓ ਮਚੋ ਹੁਣ ਲਾਟਾਂ ਬਣ ਕੇ,ਤਖਤਾਂ ਨੂੰ ਢਾਵੋ ਤਾਜਾਂ ਨੂੰ ਉਛਾਲਿਓ।
ਧਰਤੀ ਦਾ--------
ਲੋਟੂਆਂ ਤੋਂ ਲੁੱਟ ਵਾਲਾ ਮਾਲ ਖੋਹਣ ਲਈ, ਕੈਦ ਹੋਈਆਂ ਰੂਹਾਂ ਦੇ ਆਜ਼ਾਦ ਹੋਣ ਲਈ।ਸਾਂਝਿਆਂ ਦੁੱਖਾਂ 'ਚ ਸ਼ਰੀਕ ਹੋ ਕੇ,ਮੁਕਤੀ ਦਾ ਰਾਹ ਸੋਚਿਓ ਵਿਚਾਰਿਓ।
ਧਰਤੀ ਦਾ---------
ਖੁਦ ਆਪਣੇ ਹੀ ਕੰਮ ਕਾਰ ਮਿਥਾਂਗੇ,ਕਿਦਾਂ ਦਾ ਇਹ ਹੋਊ ਸੰਸਾਰ ਮਿਥਾਂਗੇ। ਮਿਹਨਤ 'ਚੋਂ ਉਸਰੀ ਹੈ ਹਰ ਰਚਨਾ, ਦੁਨੀਆਂ ਤੁਹਾਡੀ ਦੁਨੀਆਂ ਦੇ ਘਾੜਿਉ।
ਧਰਤੀ ਦਾ---------
ਫੌਜੀਓ,ਸਿਪਾਹੀਓ ਜਾਣੋ ਹਲ-ਚਲ ਨੂੰ,ਮੋੜ ਲੋ ਬੰਦੂਕਾਂ ਹਾਕਮਾਂ ਵੱਲ ਨੂੰ। ਜਿਨਾਂ ਦੀਆਂ ਗੋਦਾਂ ਵਿੱਚ ਜੰਮੇ ਪਲੇ ਹੋ,ਲੋਕਾਂ ਦੇ ਜਾਇਓ ਲੋਕਾਂ ਨੂੰ ਨਾ ਮਾਰਿਓ।
ਧਰਤੀ ਦਾ-----------
ਧਰਤੀ ਜਗੀਰ ਨਹੀ ਇਲਾਂ ਜੋਕਾਂ ਦੀ,ਧਰਤੀ ਹੈ ਮਾਂ ਧਰਤੀ ਦੇ ਲੋਕਾਂ ਦੀ।ਇਲਾਂ,ਕਾਵਾਂ;ਜੋਕਾਂ ਦਾ ਸਫਾਇਆ ਕਰਕੇ,ਕਿਰਤਾਂ ਦਾ ਝੰਡਾ ਸੂਰਜਾਂ 'ਤੇ ਚਾੜਿਓ।ਲਹਿਰ ਬਣ ਉਠੋ,ਭੁੱਖਾਂ ਦੇ ਲਤਾੜਿਉ ਧਰਤੀ ਦਾ ਸਾਰਾ ਦੁਖ ਪੀਣ ਵਾਲਿਓ।(ਯੂਜੀਨ ਪੋਤੀਏ)

30/04/2026

ਕਿਸੇ ਦੂਜੇ ਦੇ ਮਾੜੇ ਵਿਵਹਾਰ ਵਿੱਚ ਇੰਨੀ ਤਾਕਤ ਨਹੀਂ ਹੋਣੀ ਚਾਹੀਦੀ, ਕਿ ਉਹ ਤੁਹਾਡੇ ਮਨ ਦੀ ਸ਼ਾਂਤੀ ਨੂੰ ਭੰਗ ਕਰ ਦੇਵੇ।

— ਓਸ਼ੋ 🍀

25/04/2026

ਪਿੱਛਲੇ ਕਾਫ਼ੀ ਸਮੇਂ ਤੋਂ ਪ੍ਰਾਇਮਰੀ ਸਕੂਲ ਗੁੰਮਟੀ ਕਲਾਂ ਵਿਚ ਚੱਲ ਰਿਹਾ ਵਿਵਾਦ ਹੁਣ ਹੱਦ ਤੋਂ ਵੱਧ ਚੁੱਕਿਆ ਸੀ। ਜਿਸ ਦਿਨ ਤੋਂ ਪ੍ਰਿੰਸੀਪਲ ਰਾਕੇਸ਼ ਕੁਮਾਰ ਨੇ ਚਾਰਜ ਸੰਭਾਲਿਆ ਸੀ, ਉਸ ਦਿਨ ਤੋਂ ਸਕੂਲ ਦੀ ਹਾਲਤ ਦਿਨੋਂ-ਦਿਨ ਖਰਾਬ ਹੋ ਰਹੀ।
ਬੱਚਿਆਂ ਦੇ ਭਵਿੱਖ ਨਾਲ ਖੇਡਿਆ ਜਾ ਰਿਹਾ ਹੈ। ਮਾੜਾ ਵਤੀਰਾ, ਨਕਾਰਾਤਮਕ ਸੋਚ ਅਤੇ ਵਿਕਾਸ ਦੇ ਹਰ ਕੰਮ ਨੂੰ ਰੋਕਣਾ — ਇਹ ਸਭ ਹੁਣ ਬਰਦਾਸ਼ਤ ਤੋਂ ਬਾਹਰ ਸੀ।
ਸਫ਼ਰ ਜ਼ਿੰਦਗੀ ਫਾਊਂਡੇਸ਼ਨ ਵੱਲੋਂ ਬੱਚਿਆਂ ਦੇ ਭਲੇ ਲਈ ਆਈਡੀ ਕਾਰਡ ਬਣਾਉਣ ਦੀ ਗੱਲ ਕੀਤੀ ਗਈ, ਤਾਂ ਅਜਿਹਾ ਬੇਤੁਕਾ ਜਵਾਬ ਮਿਲਿਆ ਕਿ “ਬੱਚੇ ਗੱਲ ਘੁੱਟ ਕੇ ਮਰ ਜਾਣਗੇ।” ਲਾਇਬ੍ਰੇਰੀ ਬਣਾਉਣ ਦੀ ਗੱਲ ਕੀਤੀ ਗਈ ਤਾਂ ਕਿਹਾ ਗਿਆ “ਛੋਟੇ ਬੱਚੇ ਨਹੀਂ ਪੜ੍ਹਦੇ।”
ਕੀ ਇਹ ਸੋਚ ਇੱਕ ਪ੍ਰਿੰਸੀਪਲ ਦੀ ਹੋ ਸਕਦੀ ਹੈ?
ਪ੍ਰਸ਼ਾਸਨ ਨੂੰ ਵੀ ਕਈ ਵਾਰ ਜਾਣਕਾਰੀ ਦਿੱਤੀ ਗਈ, ਪਰ ਕੋਈ ਹੱਲ ਨਹੀਂ ਨਿਕਲਿਆ। ਮੌਜੂਦਾ ਪੰਚਾਇਤ ਵੀ ਵਧੀਆ ਕੰਮ ਕਰ ਰਹੀ ਹੈ ਅਤੇ ਸਾਂਝੇ ਤੌਰ ‘ਤੇ ਕੰਮ ਕਰਨ ਲਈ ਤਿਆਰ ਹੈ, ਪਰ ਇਹ ਪ੍ਰਿੰਸੀਪਲ ਪੰਚਾਇਤ ਨੂੰ ਵੀ ਕੋਈ ਸਹਿਯੋਗ ਨਹੀਂ ਦਿੱਤਾ।
ਇਸ ਲਈ ਪਿੰਡ ਦੇ ਹਰ ਵਿਅਕਤੀ ਦਾ ਫਰਜ਼ ਬਣਦਾ ਹੈ ਕਿ ਉਹ ਬੱਚਿਆਂ ਦੇ ਮਾਪਿਆਂ ਨਾਲ ਖੜ੍ਹੇ ਹੋਣ, ਤਾਂ ਜੋ ਸਕੂਲ ਵਿੱਚ ਇੱਕ ਵਧੀਆ ਪ੍ਰਿੰਸੀਪਲ ਲਗਵਾਇਆ ਜਾ ਸਕੇ
ਸਾਡੇ ਬੱਚਿਆਂ ਦਾ ਭਵਿੱਖ ਕਿਸੇ ਦੀ ਜਿੱਦ ਜਾਂ ਨਕਾਰਾਤਮਕ ਸੋਚ ਕਰਕੇ ਖਰਾਬ ਨਹੀਂ ਹੋਣਾ ਚਾਹੀਦਾ।

24/04/2026

22/04/2026

𝙂𝙧𝙚𝙚𝙣 𝘽𝙞𝙧𝙩𝙝𝙙𝙖𝙮 🌳📚📕 Tejinderjit sidhu
ਸਫ਼ਰ ਜ਼ਿੰਦਗੀ ਫਾਉਂਡੇਸ਼ਨ ਗੁੰਮਟੀ ਕਲਾਂ ਵੱਲੋਂ ਸਾਡੇ ਵੀਰ ਤੇਜਿੰਦਰਜੀਤ ਸਿੱਧੂ ਕੈਨੇਡਾ ਨੂੰ ਜਨਮ ਦਿਨ ਦੀਆਂ ਨੂੰ ਬਹੁਤ-ਬਹੁਤ ਮੁਬਾਰਕਾਂ।
ਪ੍ਰਮਾਤਮਾ ਹਮੇਸ਼ਾ ਵੀਰ ਨੂੰ ਖੁਸ਼ੀਆਂ ਦੇਵੇ ਤੇ ਚੜਦੀਕਲਾ ਚ ਰੱਖੇ।
ਸੋ ਤਹਿ ਦਿਲੋਂ ਸ਼ੁਕਰੀਆ ਸਾਡੇ ਵੀਰਾ ਦਾ ਜੋ ਕਿ
ਸਫ਼ਰ ਜ਼ਿੰਦਗੀ ਫ਼ਾਉਂਡੇਸ਼ਨ ਗੁੰਮਟੀ ਕਲਾਂ ਵੱਲੋਂ ਕੀਤੇ ਜਾ ਰਹੇ ਵਿਸ਼ੇਸ਼ ਕਾਰਜਾਂ ਲਈ ਸਹਿਯੋਗ ਦੇ ਰਹੇ ਹਨ।


🙏