NRNA NCC Hungary

12/09/2026

धेरै धेरै धन्यवाद Euro pati

एनआरएनए हंगेरीद्वारा प्रधानमन्त्री राहत कोष र अनिल घलेको परिवारलाई एक-एक लाख प्रदान europati गैरआवासीय नेपाली संघ |

09/09/2026

सादर नमस्कार!
हंगेरीमा रहनुहुने सम्पूर्ण कार्यसमिति सदस्यहरू, पञ्जीकृत सदस्यहरू तथा नेपाली साथीहरूको अमूल्य सहयोगबाट संकलित रकम निम्न अनुसार सहयोग गरिएको जानकारी:-
१. प्रधानमन्त्री राहत कोष:
नेपाल सरकारको प्रधानमन्त्री राहत कोषमा रु. रु. १,००,०००/- (एक लाख) जम्मा गरिएको छ।

२. अनिल घलेज्यूको परिवारको खोजी तथा राहत सहयोग:
अध्ययनका सिलसिलामा हंगेरी आउनुभएका अनिल घलेज्यूको परिवार बाढीका कारण बेपत्ता हुनुभएको दुखद खबर प्राप्त हुनासाथ, परिवारको खोजी, उद्धार तथा तत्काल राहत सहयोग स्वरूप रु. रु. १,००,०००/- (एक लाख) उपलब्ध गराइएको छ।
हामी Anil Ghale ज्यूको परिवारको शीघ्र खोजी होस् र सबैजना सकुशल भेटिऊन् भन्ने कामना गर्दछौँ।

विपत्तिको यस घडीमा आफ्नो अमूल्य सहयोग प्रदान गरी मानवीय सेवामा हात मिलाउनुहुने सम्पूर्ण हंगेरीवासी नेपाली दाजुभाइ, दिदीबहिनी तथा सहयोगी मनहरूप्रति NRNA हंगेरी हार्दिक धन्यवाद तथा आभार प्रकट गर्दछ।
तपाईंहरूको यो सानो सहयोगले कसैको जीवनमा ठूलो आशा र सहारा पुर्‍याएको छ।
धन्यवाद!
गैरआवासीय नेपाली संघ, राष्ट्रिय समन्वय परिषद (NRNA NCC) बुडापेस्ट, हंगेरी

02/09/2026

नेपाली महिलाहरूको महान् चाड हरितालिका तीज कार्यक्रम स्थगित गरिएको सम्बन्धी अत्यन्त जरुरी सूचना
आदरणीय हंगेरीबासी दाजुभाइ, दिदीबहिनी तथा सम्पूर्ण हंगेरीबासी नेपाली समुदायमा हार्दिक नमस्कार।

हाम्रो महान् चाड हरितालिका तीजको अवसरमा आयोजना गर्न लागिएको विशेष तीज कार्यक्रम हाल नेपालमा निम्तिएको भीषण बाढी, पहिरो तथा प्राकृतिक प्रकोपको दुःखद परिस्थितिलाई मध्यनजर गर्दै स्थगित गरिएको जानकारी गराउँदछौँ।

देशका विभिन्न भागमा बाढी र पहिरोले पुर्‍याएको क्षति, जनधनको हानि र धेरै परिवारहरू शोक एवम् पीडामा रहेको यस कठिन घडीमा हामी सबैको ध्यान र सहानुभूति राहत तथा सहयोगतर्फ हुनुपर्ने महसुस गर्दै यो वर्षको तीज कार्यक्रम मनाउन हामी असमर्थ भएका छौँ।
यस निर्णयबाट पर्न गएको असुविधाप्रति क्षमाप्रार्थी छौँ। प्राकृतिक विपत्तिबाट प्रभावित हुनुभएका सम्पूर्ण दाजुभाइ तथा दिदीबहिनीहरूप्रति गहिरो सहानुभूति प्रकट गर्दै, यो कठिन समयमा सबैलाई धैर्यधारण गर्ने शक्ति मिलोस् भन्ने कामना गर्दछौँ।

आयोजक:
गैरआवासीय नेपाली संघ, राष्ट्रिय समन्वय परिषद (NRNA NCC) हंगेरी
तथा सम्पूर्ण परिवार

27/08/2026

अत्यन्तै मर्माहत र स्तब्ध बनाउने खबर: रसुवा पहिरो त्रासदी! 💔😭🇳🇵

मन रुवाउने, मुटु नै छियाछिया पार्ने खबर! अगस्ट २६ का दिन नेपालको रसुवा जिल्लामा गएको त्यो कहालीलाग्दो र विनाशकारी पहिरोले क्षणभरमै कैयौं नेपाली दाजुभाइ, दिदीबहिनी र अबोध बालबालिकाहरूको हाँस्दाहास्दैको संसार उजाडिदिएको छ। माटो र ढुङ्गाको त्यो लेदोले कतिको सिन्दूर पुछ्यो, कतिको काख रित्यायो, अनि कतिलाई सदाका लागि आफन्तविहीन बनायो। आफ्नै आँखा अगाडि घरबार र प्रियजनहरू पुरिएको त्यो कारुणिक र कहालीलाग्दो दृश्य सम्झिँदा मात्र पनि आङ्ग जिरिङ्ग हुन्छ र आँसु थाम्न सकिँदैन।

प्रकृतिको यो क्रूर र त्रासदीपूर्ण बज्रपातले यतिबेला सिङ्गो देश रोइरहेको छ। मातृभूमि रोइरहँदा, प्रवासमा रहेको गैर-आवासीय नेपाली संघ (NRNA NCC) हंगेरी परिवारको मन पनि क्षतविक्षत भएको छ। हामी गहिरो शोक, पीडा र असह्य रोदनमा डुबेका छौं।
यस महाविपत्तिमा परी असमयमै ज्यान गुमाउनुहुने हाम्रा सम्पूर्ण नेपाली दाजुभाइ तथा दिदीबहिनीहरू प्रति अश्रुपूर्ण भावपूर्ण श्रद्धाञ्जली अर्पण गर्दछौं। दैवी शक्तिले शोकाकुल परिवारजनलाई यो कहिल्यै निको नहुने गहिरो घाउ सहने र धैर्यधारण गर्ने शक्ति प्रदान गरुन् भनी भगवानसँग प्रार्थना गर्दछौं। पहिरोको लेदोभित्र हराइरहेकाहरूको खोजी र उद्धार कार्य चाँडोभन्दा चाँडो सफल होस् र घाइतेहरूको शीघ्र स्वास्थ्य लाभ होस् भनी कामना गर्दछौं।

पुकार: आउनुहोस्, रोइरहेको मातृभूमिको घाउमा मलम लगाऔं 🙏
यस कहालीलाग्दो संकट र चरम पीडाको घडीमा पीडित परिवारहरूलाई सहारा दिनु प्रवासमा रहेका हामी सबैको मानवीय कर्तव्य हो। उनीहरूको पीडालाई थोरै भए पनि कम गर्न NRNA NCC हंगेरीले आकस्मिक राहत कोष संकलन (Fund Collection) सुरु गरेको छ।
तपाईंको सानो सहयोगले कसैको भोक मेटिन सक्छ, कसैले ओत पाउन सक्छ। सहयोगका लागि:
नेपाल सरकारको आपतकालीन राहत कोषमा सिधै: इच्छुक महानुभावहरूले नेपाल सरकारको आधिकारिक "प्रधानमन्त्री दैवी प्रकोप उद्धार कोष" (Government Emergency Relief Fund) मा सिधै आफ्नो तर्फबाट सहयोग रकम जम्मा गर्न सक्नुहुनेछ।

हाम्रो शरीर प्रवासमा भए पनि हाम्रो आत्मा र मन रोइरहेको नेपालमै छ। यस महाविपत्तिमा हामी नेपाल र नेपाली जनताको साथमा छौं।
अश्रुपूर्ण श्रद्धाञ्जली! 🙏🕊️
ओम शान्ति!
—
गैर-आवासीय नेपाली संघ, राष्ट्रीय समन्वय परिषद् (NRNA NCC) हंगेरी 🇭🇺🇳🇵

17/08/2026

🌺 हरितालिका तीज विशेष दर खाने तथा सांस्कृतिक कार्यक्रम २०२६ मा हार्दिक निमन्त्रणा! 🌺

हंगेरीमा रहनुहुने सम्पूर्ण आदरणीय नेपाली दिदीबहिनी तथा दाजुभाइहरूमा हार्दिक नमस्कार!

नेपाली महिलाहरूको महान् चाड हरितालिका तीजको पावन अवसरमा विगतका वर्षहरूमा झैँ यस वर्ष पनि गैरआवासीय नेपाली संघ (NRNA) हंगेरी ले एउटा विशेष, भव्य र रमाइलो भेटघाट कार्यक्रमको आयोजना गरेको छ।

प्रवासमा रहेर पनि आफ्नो मौलिक कला, संस्कृति र परम्परालाई जगेर्ना गर्ने र एकापसमा खुसी साटासाट गर्ने उद्देश्यले आयोजना गरिएको यस "तीज विशेष दर खाने तथा नाचगान कार्यक्रम" मा हंगेरीमा रहनुहुने सम्पूर्ण नेपाली समुदायलाई हार्दिक निमन्त्रणा गर्दछौँ।

"तीजको लहर, छमछमी नाचौँ रहर" भन्दै यस पटकको तीजमा हामी सबै सँगै भेटिएर मिठो दर खानेछौँ, पुराना दिनहरू सम्झिँदै संगिनीका भाकाहरूमा झुम्नेछौँ र धक फुकाएर नाच्नेछौँ।

📋 कार्यक्रमको विस्तृत विवरण:
📅 मिति: २०२६ सेप्टेम्बर १३, आईतबार (13th September 2026, Sunday)
🕐 समय: दिउँसो १:०० बजेदेखि साँझ ६:०० बजेसम्म
📍 स्थान: Lurdy Ház, Budapest
🏢 ठेगाना: Könyves Kálmán krt. 12-14, 1097
🎟️ टिकट शुल्क: २५०० HUF (प्रति व्यक्ति)

✨ कार्यक्रमका मुख्य आकर्षणहरू:
🍲 स्वादिष्ट दर: घरको जस्तै स्वादिलो र परम्परागत नेपाली दरको व्यवस्था।
💃 नाचगान तथा रमाइलो: तीजका मौलिक र चर्चित गीतहरूमा सामूहिक नाचगान।
🤝 भेटघाट र आत्मीयता: हंगेरीमा रहेका पुराना तथा नयाँ नेपाली साथीभाइहरूसँग परिचय र भलाकुसारी गर्ने अवसर।

हाम्रो गौरव, हाम्रो संस्कृति! प्रवासमा रहे पनि आफ्नो गाउँघर र समाजको झझल्को मेटाउनका लागि आफ्नो अनुकूल पहिरन (सकभर रातो, हरियो वा पहेंलो बुट्टेदार साडी, कुर्ता) मा सजिएर कार्यक्रमलाई थप रौनक बनाइदिनुहुन सम्पूर्ण दिदीबहिनीहरूमा विशेष अनुरोध छ। दाजुभाइहरूको उपस्थिति र सहयोगले कार्यक्रम अझ सफल हुनेछ।

आउनुहोस्, व्यस्त दैनिकीबाट केही समय निकालेर यो दिनलाई स्मरणीय र उत्सवमय बनाऔँ!

"नेपालीको लागि नेपाली" 🇳🇵❤️

आयोजक:
गैरआवासीय नेपाली संघ (NRNA) हंगेरी 🇳🇵🇭🇺
(थप जानकारी वा सोधपुछका लागि यसै फेसबुक पेजको इनबक्समा म्यासेज गर्न सक्नुहुनेछ।)

08/08/2026

हार्दिक निमन्त्रणा! 🇳🇵✨

हंगेरीमा रहनुभएका सम्पूर्ण नेपाली दाजुभाइ तथा दिदीबहिनीहरूमा गैरआवासीय नेपाली संघ, राष्ट्रिय समन्वय परिषद (NRNA NCC) हंगेरीको तेस्रो साधारण सभामा गरिमामय उपस्थितिका लागि हार्दिक निमन्त्रणा गर्दछौं।

कार्यक्रमको विवरण:
मिति: भोलि (९ अगस्ट २०२६, आइतबार)
समय: बिहान ११:०० बजे देखि दिउँसो २:०० बजेसम्म
स्थान: Budapest, Munkácsy u. 10, 1193

हंगेरीमा रहेका नेपाली समुदायको सुख-दुःख, सहकार्य र आपसी हितका विषयमा छलफल गर्न तथा संगठनलाई नयाँ उचाइमा पुर्‍याउन तपाईंको उपस्थिति र अमूल्य सुझाव हाम्रा लागि निकै महत्त्वपूर्ण रहनेछ।

कृपया आफ्नो अमूल्य समय मिलाएर कार्यक्रममा उपस्थित भइदिनुहुन हार्दिक अनुरोध गर्दछौं।

धन्यवाद 🙏

02/08/2026

गैरआवासिय नेपाली संघ राष्ट्रिय समन्वय परिषद हंगेरीद्वारा २०२६ अगस्ट ०९ आइतबारको दिन आयोजना हुने वार्षिक साधारण सभामा हजुर सम्पूर्णलाई हार्दिक निमन्त्रणा।

20/05/2026

Certificate of Affiliation for the tenure 2025-2027.

11/05/2026

Important Notice from Embassy of Nepal, Berlin

23/04/2026

नमस्ते हंगेरी-नेपाली सांस्कृतिक संघ द्वारा आयोजित कार्यक्रममा हङ्गेरिको राजधानी बुडापेस्ट्मा नेपालको पर्यटन प्रब्राधन गर्दै 🇭🇺🇳🇵🇭🇺👏

1 like. "Himalája-Nepál bakancslistán | Nepál, ahogy még nem láttad 🇳🇵| Nepáli Nap 2026 – Narayan előadása"