社區創意學習中心 Community Creativity Learning Centre

20/08/2026

#家長聊闊齊參加 | 情緒大冒險攤位遊戲

「孩子喊鬧，你係咪都唔知佢究竟想點？」

情緒唔係問題，係你哋之間嘅溝通密碼——今次，我哋用遊戲幫你哋一齊解碼 🎮

帶埋孩子嚟玩「情緒大冒險」！透過有趣嘅攤位遊戲，探索唔同情緒、學習表達感受，玩住玩住就拉近咗親子距離 🎉

現場仲有「育兒錦囊」，輕鬆易用嘅親子教養小貼士即場帶走 💡
📅 日期： 29/8/2026（星期六）
🕙 時間： 下午1:00 – 4:00
📍 地點： 荃灣青年空間（荃灣海盛路祈德尊新邨商業中心二樓）
🔗 即刻登記： https://www.jcparentchat.hk/activity/1084

禮物數量有限，記得預先登記 🎁

#賽馬會家長聊闊空間計劃 #香港賽馬會慈善信託基金

完成遊戲可獲精美小禮物，透過網頁登記並當天參與，仲有神秘禮物等住你 🎁

11/08/2026

#聊闊育兒觀 | 充電爸媽、正向娃！🔋

「有冇試過明明想對仔女好聲好氣，但一開口就走樣——唔係唔想，係真係冇電？」

好多時我哋以為親職做得唔好，係因為方法唔對。但其實，係因為自己已經耗盡，卻仍然逼自己繼續撐。

文字分享：
爸媽的身心靈狀態對發揮親職效能和親子連結有著關鍵性的影響。

身體就像我們情緒擴音機，當生活失衡、壓力過大，身體會以各種狀態提示我們關注，例如頭痛、肌肉繃緊、四肢無力、免疫力下降等，告訴我們是時候多加自我照顧。

心靈就像我們認知的翻譯機，提示我們何以應對當前挑戰，以達最佳心理防禦。如當前事情引起擔心、焦慮、忿怒等感受，我們便會引發「逃、攻、呆」行為機制。

故鼓勵爸媽經常要留意和關注個人身心狀態，適時為自己挑選合適的「充電」及減壓方法去回應身體及內心需要，並持續以開放、接納及耐性，讓孩子在安穩及安全狀態下連結，以育兒初心去享受親職旅程！爸媽充滿盛載能力，親職效能感也會給力！

你平時點樣為自己「充電」？歡迎分享
無論你係爸爸定媽媽，我哋都一樣歡迎 👏
你講嘅每一句都係真人回覆 🫂
WhatsApp wa.me/85268005086
🚀 賽馬會「家長聊闊空間」計劃，線上線下全面支援你嘅情緒需要
📅 逢星期一到六｜🕘 9am-9pm
#賽馬會家長聊闊空間計劃 #香港賽馬會慈善信託基金

11/08/2026

11/08/2026

06/08/2026

【🎉Let's Go PTCG週年紀念盃 -暑期卡牌遊戲慶典-🎊】
🔥萬眾期待 千呼萬喚始出來🔥
今個暑假，青衣中心將會主辦一個在總部舉行嘅大型比賽，期待你哋每位嘅出席～
🏆盃賽採用PTCG現行賽制標記嘅標準賽事
適合熟悉自己牌組、希望在瑞士輪及淘汰賽中脫穎而出嘅訓練家
🔰新手體驗則歡迎對遊戲不太熟習、或者想學玩新TCG遊戲嘅玩家參與
教學後仲設有新手挑戰盃，試試自己嘅實力
🗯️會場限定活動仲有🪧卡牌主題展 & 🖼️藝術工作坊
歡迎即場參與活動㗎～
🔅詳情請留意海報或下方登記表格；有意報名參與，亦請填寫以下表格：
https://forms.cloud.microsoft/r/jTYjDgh96n
🔅如有任何查詢，請致電BGCA青衣中心與活動負責人Anson Sir / Heiman Sir聯絡。

13/07/2026

【DSE 放榜4 個家長心法🌟從忐忑轉化為最堅定嘅支持💪】

DSE放榜進入倒數，作為家長，你係咪比仔女更緊張？
呢份忐忑，正正源於你對佢哋滿滿嘅愛❤️。
請記住，家長穩定嘅情緒🧘‍♂️，先係子女最堅實嘅後盾🛡️。

🧡 記住呢4個心法，做孩子最強嘅依靠：

1️⃣ 先照顧自己：放榜前後減少瀏覽家長群組📱，避免資訊焦慮；搵信任嘅人傾訴🗣️，穩定自己嘅狀態⚖️。

2️⃣ 先聆聽，後引導：仔女打機、傾電話📞傾到好夜？先唔好急住鬧🤬。試吓用開放式問題關心佢💬。

3️⃣ 先肯定努力，再處理事情：放榜當日🌟，無論成績如何，第一句先講：「我知道你已經盡力了，無論結果如何，我哋都會喺你身邊🫂。」

4️⃣ 做同路人，不做決策者：放榜前同仔女一齊搜集唔同升學資訊📚，討論利弊，但最終決定權交返俾佢，等佢學識為自己人生負責🌱。

DSE只係人生馬拉松🏃‍♂️嘅其中一段，你嘅陪伴與支持，就係孩子前行嘅最大動力🚀。

📌 放榜期間需要支援？香港小童群益會有以下嘅特別放榜及聯招改選支援服務：

🔸夜貓 Online .bgca｜📲 WhatsApp 6601 4823｜
（特別服務時間 🕜15/7 8am-2am 🕜16-17/7 9am-2am 🕜18/7 9am-1pm）

🔸BGCA各區嘅青少年綜合服務中心｜https://fans.bgca.org.hk/section/7

🔸賽馬會平行心間（香港小童群益會）｜📲 熱線及實體面談服務 31684094(美孚) (🕜15/7 10am-5pm) ｜55856736(南葵涌) (🕜15/7-17/7 10am-5pm)

🔸️Open噏 ｜24小時服務 🌐 https://linktr.ee/hkopenup

#香港小童群益會 #放榜 #家長指南 #親子溝通

07/07/2026

今日放榜，你心情點樣？📬

由6年前升小揀校、到6年後今日升中放榜，
呢條咁長既路，你同仔女一齊行咗咁耐，已經好唔簡單🥺
無論結果係興奮、失望定係忐忑，都好正常！
好多感受唔知可以同邊個講，俾我哋喺度陪你傾吓~

💬 唔使孤單一人撑：
👉 WhatsApp: WA.me/85268005086
🕐 星期一至六｜09:00 - 21:00
Click 一 Click ，就係照顧好自己嘅第一步~

02/07/2026

#聊闊育兒觀 | 等佢自己夾起嗰粒菜，係我學識嘅第一課 🥢
「你有冇試過，明明想出手幫，但忍住——然後見到佢自己搞掂，比你幫佢更開心？」
做父母之前，我哋以為係去教導一個孩子。做咗之後先發現，原來係孩子喺度改造緊我哋。
文字分享：
以前嘅老公係個好心急嘅人，行路快、食飯快，連講嘢都驚浪費時間。自從女女出世，佢嘅世界突然慢落嚟。
女女五歲嗰年學用筷子，兩支筷子喺佢手仔入面左叉右剔，條菜碌嚟碌去，點都夾唔起。老公下意識想出手：「爸爸幫你夾啦。」
女女擰頭：「爸爸，我自己得！」
佢忍住收手，望住女女一次又一次試——筷子跣手就揸緊啲，角度歪咗就校返正。跌咗十次，廿次，終於夾起咗少少，即刻放入嘴，笑到成朵花咁。
老公望住佢，冇點出聲。
佢發現自己從來冇試過咁專心睇一個人用筷子。原來「夾得起」呢三個字，可以咁有重量。
以前佢覺得「等」係浪費時間。而家先知，「等」可以係一份禮物——等佢失敗，等佢領悟，等佢為自己驕傲。
做父母，從來唔止係教導孩子，更加係俾孩子改造自己。原來成長嘅，唔止係個細路，仲有嗰個以為自己已經長大晒嘅大人。🥢
你有冇一個被仔女「教識」嘅時刻？歡迎入嚟分享 🫂
你講嘅每一句都係真人回覆。
無論你係爸爸定媽媽，我哋都一樣歡迎 👏
WhatsApp wa.me/85268005086
🌐 www.jcparentchat.hk
🚀 賽馬會「家長聊闊空間」計劃，線上線下全面支援你嘅情緒需要
📅 逢星期一到六｜🕘 9am-9pm
#賽馬會家長聊闊空間計劃 #香港賽馬會慈善信託基金

24/06/2026

#聊闊育兒觀 | 你今日嘅語氣，可能係佢將來撐落去嘅力量 🌿
「有冇試過，自己情緒一嚟，聲線就變咗，講嘢就重咗——然後見到仔女眼神縮咗一縮？」
我哋唔係唔愛佢哋。只係有時候，愛同傷害，可以用同一把聲音傳遞。
文字分享：

回想細個，令我最安心嘅時刻，唔係「被照顧」，而係一種講唔出嚟嘅穩定感——有人喺度、聲線冇突然變尖、情緒冇令身邊嘅人變得唔可預測。
嗰時我唔知呢個叫「安全感」，只知道我幾時可以放鬆、幾時要小心。
而家做咗媽媽，我會不時提醒自己：孩子好早就用感受嚟理解世界。佢唔會將原因整理成邏輯，佢更像係喺身體入面存檔——存低嗰種「我係咪唔夠好」或者「我能唔能夠被保護」嘅感覺。
長大之後，即使環境換咗，呢啲感覺仍會喺某些時刻自動浮現。
但相反，如果家入面有過溫柔嘅接住、清晰嘅界線、情緒過後可以返到彼此身邊嘅能力——嗰份記憶會變成一種力量。
等孩子將來走進真正嘅艱難：關係破裂、工作挫折、失去與不確定……心裡嗰個「我曾經被好好對待過」嘅畫面，會喺混亂裡俾佢方向。話俾佢知：原來有人可以陪我一齊度過。
我哋給孩子嘅，唔只係當下嘅感受，更可能係佢將來某個時刻，靠住回憶站起嚟嘅理由。🌿
如果呢段說話令你有共鳴，不如今晚傳俾你嘅另一半睇睇——育兒路上，你哋唔係一個人在走 🫂

你嘅心意、語氣、字句都係一種傳遞。喺育兒路上有情緒需要？我哋喺度陪你 💬
你講嘅每一句都係真人回覆。
無論你係爸爸定媽媽，我哋都一樣歡迎 👏
WhatsApp wa.me/85268005086
🌐 www.jcparentchat.hk
🚀 賽馬會「家長聊闊空間」計劃，線上線下全面支援你嘅情緒需要
📅 逢星期一到六｜🕘 9am-9pm
#賽馬會家長聊闊空間計劃 #香港賽馬會慈善信託基金

20/06/2026