¿Cuál es el sitio web?

ANPA do CEIP "García Barbón"

Inicio
España
Vigo, Galicia
ANPA do CEIP "García Barbón"

Cómo llegar Página web Contactar con la organización

ANPA do CEIP "García Barbón" de Vigo | +info http://anpagarciabarbon.org | contactar: [email protected]

30/10/2026

🎃👻 QUE MEDO… QUEDAR SEN MÁIS CONTOS! 📚
Onte volvemos abrir as portas de A BARXA CONTA e vaia maneira de celebrar o Samaín! 🦇
Máis de 60 criaturas (algunhas terroríficas, outras non tanto 🤭) encheron a biblioteca de historias de medo, gargalladas e moita maxia.
🧡 GRAZAS ás mamás, papás e valentes alumnos e alumnas que se atreveron a poñerlles voz aos contos.
💚 GRAZAS a todas as familias que viñestes compartir a tarde connosco.
🏫 E GRAZAS ao cole CEIP PLURILINGÜE GARCÍA BARBÓN por abrirnos as portas da biblioteca e deixarnos enchela de vida!
Así dá gusto facer comunidade. E se algo nos quedou claro é que A BARXA CONTA ten moitas historias aínda por contar! 📖✨
Seguimos! 💚

16/10/2026

🍂🎃📚 A BARXA CONTA VOLVE… E ESTA VEZ VÉN DE MEDO! 👻

Este Samaín, a biblioteca do converterase nun bosque encantado cheo de contos, música, misterio e moita diversión! 🦇✨

🗓️ Xoves 29 de outubro 🕓 De 16:00 a 18:00 h 📍 Biblioteca do CEIP García Barbón

🧙‍♀️ Vinde disfrazados! Bruxas, monstros e pantasmas serán máis que benvidos.

🎤 Queres poñerlle voz a un conto? Buscamos familias con ganas de participar como lectoras. Só fai falta ilusión!

📝 Inscrición obrigatoria en Ábaco. Prazas limitadas!

👨‍👩‍👧 Os menores deberán estar acompañados dunha persoa adulta durante toda a actividade.

💚 Porque as mellores historias son as que compartimos!

📖✨ Se non les, non pasa nada… pero se les, PASA MOITO!

11/09/2026

Hoxe recibimos con fonda tristura a noticia do falecemento de Antón Pulido, unha figura imprescindible da arte galega contemporánea, recoñecido polo seu talento, a súa creatividade e o seu compromiso coa cultura da nosa terra. Foi unha das voces máis destacadas da pintura galega e deixou unha pegada que seguirá viva na súa obra e na memoria colectiva.

Desde a ANPA A Barxa queremos expresar o noso máis sentido pesar e lembrar con especial agarimo a visita que realizou ao noso centro o pasado curso. Aquel día non só compartiu a súa experiencia como artista, senón que soubo achegarse aos nosos nenos e nenas con enorme xenerosidade, transmitíndolles a importancia da creatividade, da sensibilidade e da mirada curiosa sobre o mundo.

As grandes persoas deixan sempre algo delas en quen as coñecen. Antón deixou cor, emoción e inspiración. E deixou tamén un recordo imborrable na nosa comunidade educativa, en forma de obra de arte, que estamos desexando expor no centro.

Á súa familia, amizades e a todas as persoas que o quixeron, enviámoslles unha forte aperta nestes momentos tan difíciles. Na ANPA A Barxa gardaremos para sempre o recordo da súa visita e da pegada que deixou nos nosos fillos e fillas.

19/06/2026

📖💙 Todo o bo ten un final... e esta rolda de patrocinadores tamén.

Pechamos as presentacións da nosa Festa de Fin de Curso da man de Edicións do Cumio editorial, que nos agasalla cun lote de libros para a rifa. Un premio perfecto para rematar, porque para nós os libros nunca son suficientes. ✨

Queremos aproveitar esta última publicación para agradecer de corazón a todas as empresas, entidades e persoas colaboradoras que decidiron apoiar esta festa. Cada achega, grande ou pequena, axuda a construír comunidade e a facer posible unha tarde inesquecible para as nosas familias.

💙 Grazas por camiñar ao noso lado.

Grazas ComunidadeEducativa

19/06/2026

🚲⚡ Subir as costas de Vigo sen bufar? Parece maxia, pero non: é unha bicicleta eléctrica. 😜

Grazas a Biking Vigo, a nosa rifa contará cun agasallo perfecto para percorrer a cidade dun xeito divertido, sostible e con algo menos de sufrimento nas costas. 🎁✨

💙 Moitas grazas por formar parte da nosa Festa de Fin de Curso e por achegar unha experiencia diferente entre tantos premios estupendos.

19/06/2026

🎉 Seguimos enchendo a nosa rifa de premios grazas á colaboración de empresas que apostan pola comunidade.

Eroski quixo sumarse á nosa Festa de Fin de Curso cunha cesta de produtos que fará moi feliz á persoa afortunada que a leve para a casa. 🎁✨

🛒 Grazas por poñer o voso gran de area e por axudarnos a facer posible esta celebración tan especial.

19/06/2026

📚💙 Espacio Nobel tamén se suma á nosa Festa de Fin de Curso!

E como na ANPA somos das que pensamos que nunca hai demasiados libros, recibimos con enorme gratitude a súa doazón para a nosa rifa. 🎁✨

Cada libro é unha porta aberta á imaxinación, á aventura e á aprendizaxe, así que non podemos estar máis felices de contar con esta colaboración.

💙 Moitas grazas por axudarnos a seguir enchendo de historias e ilusión esta gran festa.

Espacio Lector Nobel

18/06/2026

📚✨ Os libros seguen chegando á nosa rifa!

A editorial galega , comprometida coa literatura infantil e coa promoción da lectura e da cultura galega, súmase á nosa Festa de Fin de Curso cun fantástico lote de libros. 🎁💙 (Triquetaverde)

Historias para imaxinar, aprender, rir e seguir medrando entre páxinas. Porque poucos agasallos hai mellores ca un bo libro. 📖

Moitísimas grazas por colaborar coa ANPA A Barxa e por axudarnos a sementar o amor pola lectura nas nosas crianzas.

CulturaGalega GrazasPorColaborar

18/06/2026

✏️📚 Deses lugares nos que é imposible entrar e non saír con ganas de estrear algo.

Copyvan é a nosa copistería de referencia, deses sitios cheos do mellor material escolar que fan as delicias de grandes e pequenos. E, por se fora pouco, este ano súmanse á nosa Festa de Fin de Curso cun agasallo fantástico: un par de vales para gastar no que máis nos guste. 🎁✨

💙 Moitísimas grazas por estar sempre aí e por colaborar un ano máis coa nosa comunidade educativa.

18/06/2026

🦐🌊 Non hai festa galega sen sabor a mar... e Sal y Laurel sábeo ben!

Un ano máis, volven demostrar a súa xenerosidade colaborando coa nosa Festa de Fin de Curso cunha achega que cheira a océano e sabe a celebración. 🎁✨

Porque hai tradicións que paga a pena manter, e contar con amigos que nunca fallan é unha delas.

💙 Moitísimas grazas por acompañarnos un ano máis e por poñerlle ese toque mariñeiro tan especial á nosa rifa.

Dirección

Vigo
36201

Página web

http://anpagarciabarbon.org/

Notificaciones

Sea el primero en enterarse: le enviaremos un correo electrónico cuando ANPA do CEIP "García Barbón" publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.