A MARIÑA-COGAMI

27/10/2026

07/10/2026

A Mariña COGAMI desenvolverá o proxecto «Enerxía renovable para un calor responsable (A Mariña)», que beneficiará a 139 persoas

A actuación está financiada pola Consellería de Política Social e Igualdade da Xunta de Galicia con cargo á asignación tributaria do 0,7 % do IRPF para fins sociais e xestionado por COGAMI (Confederación Galega de Persoas con Discapacidade).

A Mariña COGAMI desenvolverá durante o ano 2026 o proxecto «Enerxía renovable para un calor responsable (A Mariña)», financiado pola Consellería de Política Social e Igualdade da Xunta de Galicia a través da convocatoria de subvencións destinadas á realización de programas de interese xeral para fins de carácter social con cargo á asignación tributaria do 0,7 % do Imposto sobre a Renda das Persoas Físicas (IRPF) e do Imposto de Sociedades.

Esta actuación beneficiará a 139 persoas socias da entidade, así como ás persoas usuarias que participan nos distintos servizos e actividades que se desenvolven no Centro para Persoas con Discapacidade e Maiores de Palmeiro, situado no concello de Xove.

O proxecto ten como finalidade mellorar a eficiencia enerxética das instalacións mediante a substitución do actual sistema de calefacción e produción de auga quente sanitaria baseado en gasóleo por unha solución sustentada en enerxías renovables. Para iso, prevese a instalación dun sistema de aerotermia de alta eficiencia e dunha instalación fotovoltaica para autoconsumo, contribuíndo á redución do consumo enerxético e das emisións contaminantes asociadas ao funcionamento do centro.

A execución das actuacións está prevista para este mes de outubro, unha vez completados os trámites previos necesarios para a súa posta en marcha. O proxecto permitirá avanzar cara a un modelo de xestión máis sostible, reducindo a dependencia dos combustibles fósiles e mellorando a eficiencia enerxética dun edificio que presta servizo a persoas con discapacidade física e orgánica da comarca.

A Mariña COGAMI é unha entidade sen ánimo de lucro e declarada de utilidade pública que traballa pola defensa dos dereitos e a mellora da calidade de vida das persoas con discapacidade física e orgánica da Mariña Lucense. Entre as súas actuacións destacan os programas de atención social, promoción da autonomía persoal, fisioterapia, terapia ocupacional, atención psicolóxica, accesibilidade e participación social, desenvolvidos co obxectivo de favorecer a inclusión e a participación plena das persoas con discapacidade na comunidade.

11/09/2026

🌿 Aínda nos quedan prazas libres para a excursión a Monforte de Lemos! 🚌

Desde A Mariña COGAMI abrimos as prazas que aínda quedan dispoñibles para todas as persoas que estean interesadas en acompañarnos nesta saída.

📅 Martes 29 de setembro
📍 Monforte de Lemos.
🚌 Viaxe adaptada, accesible e gratuíta.

Visitaremos o Pazo de Tor, o Centro do Viño da Ribeira Sacra e desfrutaremos dunha xornada de convivencia nun entorno único.

📲 Reserva a túa praza escribíndonos por WhatsApp antes do 17 de setembro.

As prazas son limitadas e asignaranse por orde de inscrición.

Anímate e comparte esta publicación con quen lle poida interesar! 💙

09/07/2026

Seguimos desenvolvendo actuacións orientadas á mellora da autonomía persoal, a participación social e a calidade de vida das persoas con discapacidade da nosa comarca.

🤝 Este programa conta co apoio de Fundación ONCE a través do Plan de Prioridades.

07/07/2026

Un ano máis, poñemos en marcha o programa "Promoción do benestar físico-motor para persoas con discapacidade".

Continuamos ofrecendo sesións de fisioterapia destinadas a favorecer a mobilidade, a autonomía persoal e o benestar das persoas participantes.

🤝 Este servizo lévase a cabo en colaboración con FisioCorpos (Ribadeo).

Agradecemos ao Concello de Ribadeo o seu compromiso coas persoas con discapacidade e co desenvolvemento de iniciativas que contribúen a mellorar a súa calidade de vida.

18/03/2026

Gracias á Fundación ONCE polo seu apoio ao
Programa de promoción da autonomía persoal para as persoas con discapacidade da Mariña Lucense un ano máis. 😄

Esta subvención é fundamental para o funcionamento da nosa asociación e permítenos seguir traballando na mellora da autonomía persoal das persoas con discapacidade, con necesidades de apoio intermitente ou xeneralizado, usuarias dos servizos que desenvolvemos na comarca da Mariña Lucense.

24/12/2025

Felices festas!☺️