01/09/2026
A FCAM SORTEARÁ 500 EUROS EN VALES DE COMPRA NA CAMPAÑA DA VOLTA AO COLE, QUE SE DESENVOLVERÁ DURANTE O MES SETEMBRO.
Ribadeo, 31 de agosto de 2026. A FCAM (Federación de Comercio A Mariña) sorteará 500 euros en vales de compra na campaña da Volta ao Cole, que se desenvolverá do 1 ao 30 de setembro.
A presidenta da FCAM, Carmen Cruzado, explica que “o obxectivo é premiar a fidelidade da clientela no comercio asociado da Mariña. Esta campaña ven complementar ás que están levando adiante algunhas das asociacións que forman parte da FCAM e axudar a aquelas outras que non teñen campaña propia de Volta ao Cole nestas datas”.
Cruzado Iglesias di que “para as familias mariñás toda axuda con vales de compra será moi ben recibida, xa que setembro é un mes de moitos gastos coa adquisición de material escolar, de uniformes, de roupa deportiva, calzado, etc…”.
A presidenta da Federación de Comercio A Mariña subliña que “participar na campaña da FCAM é moi sinxelo. Aquelas persoas que durante o mes de setembro fagan as súas compras nos comercios asociados a calquera das nosas Acias/CCAs o único que terán que facer é mandar unha foto do seu tícket de compra ao correo electrónico [email protected] indicando na mensaxe Volta ao cole na Mariña Lucense e engadir o número de teléfono da persoa participante. Logo o 1 de outubro terá lugar o sorteo de 5 vales de compra de 100 euros cada un, para consumir no comercio local asociado”.
Carmen Cruzado anima “a aproveitar esta campaña para poder participar no sorteo deses 500 euros, que sempre son moi benvidos”.
A campaña da Volta ao Cole foi presentada pola presidenta da FCAM e polo presidente da ACDP (Asociación de Comerciantes da Pontenova), José Luis Balseiro.
Comercio galego ACIA Burela Asociación de Comerciantes da Pontenova ACIAL Lourenza Acisa Ribadeo Viveiro Centro Comercial Histórico ACIA Foz-Cca
