Festas da Guadalupe de Rianxo

15/05/2026

Aí van outras dúas formacións que nos van acompañar na Guadalupe 2026!

A vai traer diversión garantizada para a noite do domingo co seu espectáculo, no que abranguen un grande abano de estilos musicais e moitas ganas de facer música.

O martes, a calidade musical vén por parte dunha das bandas máis recoñecidas do espectáculo verbeneiro: o son uns fenómenos da música en directo e véñeno demostrar ao noso campo da festa.

Aiiiiiii, que ganiñas temos xa de Guadalupe!

04/05/2026

Chegamos á derradeira Cacharela!🔥

Despediremos este ciclo de concertos por todo o alto coa última xornada de Concurso de Bandas Emerxentes do Rock in Rian. Xa sabedes como vai, votades pola banda que máis vos guste, e a que gañe tocará no Festival!🥇

O 9 de maio, amenizarán A Motora:

Fuego Lo**ta, cun pop divertidísimo que vos vai facer saltar ata que non vos dean os xeonllos🕺🧑‍🩰

Rusty Nuts, dende Carballo traerán os seus temiñas de punk rock e deixar o bar patas arriba💥

Txavalada, de toda Galicia, van "rirse do que non lles gusta" co seu punk sen filtros🎤

Despois dos concertos teremos Karaoke, sabedes como vai: subides a cantar o tema que nos pidades, botades unhas risas vos e mais xs colegas, tratades o material como se fora noso (porque o é)🎺

Xa sabedes, achegádevos a despedir este proxecto connosco!🪇

19/04/2026

19/04/2026

Os pósters das Festas da Guadalupe dos anos 2002 e 2003 foron obras de

Traémolos ao recordo aproveitando que estes días Alberto expón no Auditorio de Rianxo algunhas das súas obras na súa exposición "Lapis e Acrílico", á cal vos recomendamos que lle deades unha visita.

17/04/2026

Non hai Guadalupe na que falte a nosa orquestra insignia, a nosa . A única orquestra inamovíbel da parrilla guadalupeira, que ademais foi das mellor valoradas nas nosas enquisas.

Tamén contaremos esta Guadalupe 2026 cunha agrupación moi especial, que trae ao escenario versións dos clásicos do pop e rock cun directo potente pensado para a verbena: co seu Vintage Tour.

Ai, que ganiñas temos xa de festa! Vós non?

14/04/2026

"Un venres?" Si, un venres. Logo desta pausiña para coller aire... Estamos de volta con máis cacharelas!🔥

O formato xa o coñecedes, só cambia que desta volta contamos con 3 artistas diferentes a amenizarnos o serán!🌇

- Pecha a Cansela (.a.cansela )presentarán o novo traballo no que andan a traballar. Sabemos que xa teñen club de fans en Rianxo, non é para menos, así que non volo perdades!🎸

- Farraspa (.gal ), dende Compostela, botarán uns cantos, uns berros e unhas cumbias para radicalizar O Vilar un cacho. 🥁

- O'Leo de Matamá ( ), O'Leo i Arremecághona... Sabedes quen é, sabedes que vos ghusta, e sabedes que o ides ir ver. Non precisa moita máis presentación. Se non o coñecedes, vinde que non o ides esquecer nunca.🎙️

Haberá un sistema de entrada inversa no que poderedes aportar os cartos que queirades unha vez vistos os concertos, e irán directa e integramente destinados a apoiar as artistas desta noite!🎟️

Durante a tarde poderédesvos achegar a xogar ao Bingo, que sempre ghusta, para facer tempo mentres non empezan os concertos.

Máis nada, ficade atentxs para enterarvos dos horarios!

07/04/2026

Convidáronnos aos actos do Día de Rianxo na Pascua de Padrón. Este tradicional encontro entre os dous concellos ten o seu recíproco os martes das Festas da Guadalupe. O intercambio inclúe un encontro entre as bandas de música e Padrón e Rianxo e ofrendas florais a Castelao e Rosalía.

21/03/2026

Xa chega a quinta Cacharela Musical!🔥

Este 28 de Marzo, no Costillar, terá lugar a quinta xornada das Cacharelas. Será parte do Concurso de Bandas Emerxentes do Festival Rock in Rian, así que xa sabedes como vai o sistema de voto: vides ao evento, escolledes banda na vosa papeleta, e o grupo que gañe (anunciado ao final da noite) accederá directamente a tocar no Rock in Rian!🎸

Os grupos que nos amenizarán o serán este sábado serán:

🔥Doroxo Presbiçian, que veñen dende Mos co seu rock máis duro e visceral e unhas letras cargadas de denuncia e existencialismo, non vos van deixar indiferentes!

🌿Five Pipers, amosaranvos a forma na que mesturan Folk Celta, Metal e Rock, cunha posta en escena cando menos innovadora!

Paralelamente, teremos un torneo de petanca, se as condicións meteorolóxicas nolo permiten, no xardín do lado do bar. Estade atentxs ás nosas historias para enterarvos de máis detalles, pero por agora gardade a tarde enteira!⚾

Máis nada, tede en conta que con esta non quedan máis ca 3... Quen xa viñera sabe o que molan, e quen non viñera que se achegue antes de que rematen!🎺

20/03/2026

Estimadas socias e socios:

🗓️ Convocámosvos á Asemblea Xeral ordinaria deste ano 2026.

📆 DÍA: martes 31 de marzo
🕗 HORA: 20.00 h
🌐 LUGAR: Salón de Actos do Auditorio de Rianxo

Os temas que imos tratar son os seguintes:

1. Daremos conta á asemblea das contas da asociación do ano 2025
2. Renovaremos a directiva da asociación, para facer efectivos os últimos cambios e, de ser o caso, incorporar algún novo
3. Liñas de traballo para o ano 2026
4. Rogos e preguntas

No punto 2, tamén daremos audiencia a todos aqueles socios e socias que queirades animarvos a solicitar a vosa entrada na directiva da asociación, e pasar a formar parte da Comisión de Festas da Guadalupe 2026. Toda axuda é benvida!

Se queredes botar unha man, pero sen o grao de implicación que supón estar na Comisión, podedes postularvos como voluntarios/as, de forma que poderiades participar daquelas actividades que vos apeteza, botando unha man, que sempre vén ben.

A Asemblea é aberta, polo que pode acudir calquera veciño ou veciña de Rianxo, como vén sendo habitual nas nosas asembleas.

Se queres solicitar a túa entrada como socio/a, podes facelo en https://amorenina.gal/faite-socio (as novas solicitudes resolveranse despois da asemblea)

👋Vémonos axiña en persoa!

11/03/2026

Non sei cantas ganas tedes de festa, pero nós estamos que non nos pasa o tempo!

Estamos no ecuador da carreira Guadalupeira. En exactamente seis meses estarémonos preparando para o Chupitaso e a primeira de oito noites e días da mellor festa! (certificado polo premio á que levamos o ano pasado).

Se queredes axudar a construír as mellores festas, tedes dúas formas:

DONATIVO, podedes facer a vosa achega voluntaria á festa, ou aboar a cota a prazos de forma cómoda, ou por Bizum.

SOCIO/A, se queredes recibir información en primicia e descontos no merchandising, ou tamén botar unha man de forma ocasional nalgunha das actividades que organizamos ao longo do ano.

Toda axuda é pouca para construírmonos entre todos este gran evento rianxeiro que traspasa fronteiras. Seguimos!