Centro Cultural Vilar de Infesta

16/06/2026

24/05/2026

📄 Presentada por parte dos colectivos de Vilar ao Concello de Redondela a proposta para a posta en valor dos Muíños do río da Preira en Vilar de Infesta.

O documento recolle un plan para recuperar, sinalizar e dar visibilidade a este patrimonio tan importante da nosa parroquia, mediante a creación dunha ruta dos muíños conectada coa Ruta da Auga, a mellora dos accesos, a limpeza da contorna e medidas de conservación e restauración.

Os muíños forman parte da memoria e historia dos nosos antepasados e da identidade de Vilar. Temos o deber de preservalos e transmitilos ás futuras xeracións. É momento de coidar e poñer en valor o que é de todos e todas. 🌿💧

Seguimos traballando por Vilar e polo noso patrimonio.

Documento no seguinte enlace:

17/05/2026

Onte celebramos as Letras Galegas en Vilar de Infesta cunha tarde chea de música, tradición e convivencia. Grazas de corazón a todos os grupos participantes e a todas as persoas asistentes por facer desta xornada unha festa da nosa lingua e da nosa cultura.

Moitas grazas aos grupos participantes:
🎶 Grupo de Gaitas Xacomín (Cabeiro)
🥁 Pandereteiras Follas Verdes (Vilar de Infesta)
🎶 Grupo de Gaitas Aluarado (Vilar de Infesta)
🥁 Grupo de Gaitas Tirapuxa (Trasmañó)

No ano dedicado a Begoña Caamaño, compartimos unhas palabras súas que seguen máis vivas ca nunca:

“É o momento de non cambiar as regras, senón de xogo.
É o momento de mudar o mundo,
de cambios profundos, é o tempo da xustiza,
da igualdade, da liberdade, da dignidade, e tamén,
por que non? Da felicidade.”

Grazas por manter viva a lingua que nos une e a cultura que nos fai comunidade. 💚

15/05/2026

https://www.facebook.com/share/1LmXjDgdrr/?mibextid=wwXIfr

A parroquia de Vilar celebra o vindeiro sábado 16 de maio unha nova edición da Festa das Letras Galegas cun programa que inclúe actividades pensadas para

13/05/2026

Boas ! 😊

Este sábado, 16 de maio, o Centro Cultural de Vilar de Infesta celebrará a Festa das Letras Galegas, unha xornada para compartir e poñer en valor a nosa lingua, a nosa cultura e as nosas tradicións.

A programación comezará ás 17:30 h con xogos populares e animación para os máis cativos e cativas, e a partir das 18:30 h gozaremos das actuacións do Grupo de Gaitas Xacomín (Cabeiro), das Pandereteiras Follas Verdes, do Grupo de Gaita e Percusión Aluarado e do Grupo de Gaitas Tirapuxa (Trasmañó).

Será unha tarde para desfrutar en comunidade, con música, tradición e bo ambiente arredor do Día das Letras Galegas, que este ano rende homenaxe a Begoña Caamaño.

Animádevos a participar e compartide! Agardámosvos no Centro Cultural de Vilar de Infesta! 💙