19/10/2026
⚡🌳 MONTES DE VIGO PIDE RECONSIDERAR O TRAZADO AÉREO DA NOVA LIÑA ELÉCTRICA DE 220 kV AO SEU PASO POR BEMBRIVE
A Mancomunidade de Montes de Vigo vén de presentar alegacións ao proxecto da nova liña eléctrica de entrada e saída na subestación de Bateas, solicitando que se estude seriamente a alternativa do soterramento ao seu paso polos montes de Bembrive, preferentemente aproveitando corredores xa transformados.
✅ Non cuestionamos a necesidade de reforzar a subministración eléctrica de Vigo, pero entendemos que unha infraestrutura destas características debe buscar a solución que mellor compatibilice as necesidades enerxéticas coa protección da poboación e do territorio.
🌿 Que defendemos nas nosas alegacións?
🔹 Unha comparación rigorosa das alternativas aéreas e soterradas, considerando os seus custos e impactos ambientais e sociais.
🔹 A protección dos montes veciñais, da biodiversidade, das augas, da paisaxe e dos servizos ecosistémicos que proporcionan á cidade.
🔹 A avaliación das posibles afeccións á veciñanza, aos espazos recreativos e á seguridade das persoas.
🔹 A consideración do risco de grandes incendios forestais e das necesidades de prevención e extinción nun territorio especialmente sensible.
🔹 O respecto aos dereitos das comunidades de montes titulares dos terreos e a súa participación efectiva nas decisións.
📢 O progreso enerxético non debe facerse de costas ao territorio.
Os montes periurbanos de Vigo non son espazos baleiros polos que facer pasar infraestruturas. Son patrimonio colectivo, espazos de biodiversidade, fontes de auga, sumidoiros de carbono e lugares de encontro e lecer para miles de persoas.
Reforzar a rede eléctrica é necesario. Facelo minimizando as afeccións aos montes e á veciñanza tamén debe selo.
👉 Consulta a información e as alegacións presentadas na nosa web: https://www.montesdevigo.org/blog/montes-de-vigo-presenta-alegacions-a-lina-electrica-de-220-kv-de-entrada-e-saida-na-subestacion-bateas
