Montes de Vigo, Montes, Vigo (2026)

04/09/2026

🔥 Comesaña fórmase en autoprotección fronte aos incendios forestais

A parroquia de San Andrés de Comesaña acolleu este xoves unha nova charla sobre prevención e autoprotección fronte aos incendios forestais na interface urbano-forestal de Vigo, promovida pola Asociación Veciñal Nautilius de Comesaña e pola Comunidade de Montes de Comesaña, e impartida pola Mancomunidade de Montes de Vigo.

É a segunda acción formativa que se desenvolve nas parroquias de Vigo especialmente expostas ao risco de incendios forestais, despois da sesión celebrada en agosto en Matamá.

🌲 Comesaña coñece ben este risco. A parroquia foi unha das zonas de Vigo que viviu con maior intensidade os incendios do 15 de outubro de 2017, cando o lume chegou moi preto das vivendas e dos núcleos de poboación. Aquela experiencia deixou unha lección clara: cando o lume afecta ao mesmo tempo a montes, vivendas, estradas e infraestruturas, deixa de ser só un incendio forestal e convértese nun problema de protección civil.

Baixo o lema “Do monte á casa”, a charla abordou a autoprotección en tres niveis:

🏠 A casa e a parcela: reducir a vulnerabilidade das vivendas e revisar vexetación, materiais, tellados, canalóns, xanelas e puntos de auga.

🏘️ O núcleo ou urbanización: organizar accesos, vías de evacuación, puntos de encontro e coordinación veciñal e cos servizos de emerxencia.

🌳 O monte próximo ás vivendas: xestionar a biomasa e as faixas de protección para reducir a intensidade e continuidade do lume antes de que alcance as zonas habitadas.

Vigo está considerada Zona de Alto Risco de Incendio Forestal e arredor de 88.000 persoas viven na súa interface urbano-forestal, polo que avanzar nunha verdadeira cultura de prevención e autoprotección resulta cada vez máis necesario.

👉 Non sabemos cando chegará o próximo gran incendio, pero si sabemos que temos que preparar antes o territorio, os núcleos e as vivendas.

Despois de Matamá e Comesaña, a Mancomunidade de Montes de Vigo continuará levando esta iniciativa a outras parroquias expostas ao risco de incendios forestais.

🔗 Máis información na web de Montes de Vigo.

01/09/2026

🌿🏃 EntrePontes 2026 chega aos montes de Vigo: Trail e Andainas en Beade

O vindeiro 12 de outubro, o Parque Forestal de Beade acollerá unha nova cita para g***r dos montes de Vigo: o Trail 14K Vigo, acompañado dunha Andaina de 4,6 km e dunha Andaina Familiar de 2,9 km.

A iniciativa, organizada pola área de Deportes da Deputación de Pontevedra, en colaboración coa Mancomunidade de Montes de Vigo e a Comunidade de Montes de Beade, combina deporte, natureza e sensibilización arredor do valor e coidado dos nosos montes periurbanos.

🌳 Nas andainas, as persoas participantes estarán acompañadas por guías para coñecer mellor a biodiversidade do Monte de Beade e os servizos ecosistémicos que estes espazos ofrecen á cidade.

A proba foi presentada hoxe no Parque Forestal de Beade coa participación de Uxío González, presidente da Mancomunidade de Montes de Vigo; Luísa Sánchez, deputada provincial de Deportes; e Emilio S**o, presidente da Comunidade de Montes de Beade.

📅 12 de outubro de 2026
📍 Parque Forestal de Beade

✅ Trail 14K Vigo — 500 prazas
✅ Andaina 4,6 km — 100 prazas
✅ Andaina Familiar 2,9 km — 50 prazas

👉 Inscrición gratuíta e prazas limitadas:
https://www.321go.es/Carrera/Detail/568-entrepontes2026xornada2trail14kvigo

12/08/2026

🌲 FORMACIÓN E EMPREGO PARA COIDAR E PREPARAR OS MONTES PERIURBANOS DE VIGO

A directora xeral de Formación e Cualificación para o Emprego da Xunta de Galicia, Zeltia Lado, visitou este mércores o Programa Experiencial de Formación e Emprego “Traballos Forestais nos Montes Periurbanos de Vigo”, promovido pola Xunta de Galicia en colaboración coa Mancomunidade de Montes de Vigo.

A visita desenvolveuse no Monte Alba e no Monte Cepudo, en Valladares, onde puido coñecer directamente o traballo das 15 persoas participantes no programa: actuacións de acondicionamento forestal, prevención de incendios, control de especies invasoras e mantemento de espazos de uso público.

No encontro participou tamén o presidente da Mancomunidade de Montes de Vigo, Uxío González Pérez, que destacou a importancia de vincular a formación e o emprego ás necesidades reais dos montes periurbanos, avanzando cara a unha xestión máis activa, preventiva e especializada.

Durante a xornada visitáronse os traballos que se están realizando no entorno da Ermida do Alba, tamén de cara á próxima romaría do 15 de agosto, e realizouse no Monte Cepudo unha demostración práctica de vixilancia preventiva de incendios, vinculada á campaña Ollos no Monte–Vigo.

👉 O programa terá unha duración de nove meses, conta cun investimento da Xunta de 364.500 euros e combina preto de 400 horas de formación con traballo efectivo sobre o territorio. As actuacións desenvolveranse en 11 comunidades de montes de Vigo.

Un modelo que permite sumar formación, emprego, prevención de incendios e mellora dos montes, preparando profesionais especializados para os retos que presenta a xestión do monte periurbano en Vigo.

Reportaxe publicada nas novas de Televigo: https://youtu.be/D5BMSGtBd7o

07/08/2026

🔥 A autoprotección fronte aos incendios forestais, no centro da actualidade

A primeira charla sobre prevención e autoprotección promovida pola Mancomunidade de Montes de Vigo dentro da campaña Ollos no Monte-Vigo tivo unha importante repercusión nos medios de comunicación.

📰 Faro de Vigo levou a iniciativa ás súas principais informacións, poñendo o foco na necesidade de preparar ás persoas que viven preto dos montes fronte ao risco dos incendios forestais.

📺 A Axencia EFE gravou a sesión celebrada en Matamá e distribuíu as imaxes entre distintos medios, mentres TVE Galicia realizou unha ampla reportaxe sobre a iniciativa e as recomendacións de autoprotección trasladadas durante a charla.

A mensaxe que queremos reforzar é clara: en Vigo hai milleiros de vivendas e equipamentos situados na interface urbano-forestal. Previr non consiste só en actuar sobre o monte. Tamén é necesario que a veciñanza saiba como preparar a súa vivenda, como reducir a súa vulnerabilidade e como actuar se se produce unha emerxencia.

👉 A charla de Matamá é o primeiro paso dunha iniciativa que queremos seguir levando ás parroquias de Vigo.

📺 Reportaxe TVE Galicia
https://x.com/i/status/2085373810300068271

🔗 Faro de Vigo
https://www.farodevigo.es/gran-vigo/2026/08/05/comuneros-vigo-ensenan-vecinos-protegerse-133114135.html

🔗 Europa Press
https://www.europapress.es/galicia/noticia-charlas-saber-actuar-incendio-hay-miles-viviendas-peligro-tenemos-hacer-algo-20260805174029.html

👀 Ollos no Monte-Vigo
Prevención, vixilancia e autoprotección para convivir cun risco que debemos coñecer e anticipar.

05/08/2026

🔥Primeira charla de Autoprotección fronte aos incendios nos montes periurbanos de Vigo

A Comunidade de Montes de Matamá acolleu este mércores a primeira charla sobre prevención e autoprotección fronte aos incendios forestais, promovida pola Mancomunidade de Montes de Vigo dentro da campaña Ollos no Monte-Vigo.

Na sesión participaron representantes das comunidades de montes de Matamá, Zamáns, Lavadores, Castrelos e Saiáns, así como comuneiros e veciñanza de Matamá. A charla foi impartida por Alberto Dávila, axente ambiental da Xunta de Galicia, e contou coa intervención de Uxío González Pérez, presidente da Mancomunidade.

🏠 Unha das principais mensaxes foi clara: a vivenda tamén forma parte da interface urbano-forestal. Aínda que non podemos controlar factores como o vento, a seca ou a intensidade dun incendio, si podemos reducir a vulnerabilidade da nosa casa e da parcela.

Durante a sesión abordáronse medidas prácticas como:

✅ Manter limpos tellados e canlóns.
✅ Evitar restos vexetais e combustibles preto das fachadas.
✅ Separar a leña e os depósitos de combustible da vivenda.
✅ Podar e rarear o arborado próximo.
✅ Evitar sebes altamente inflamables.
✅ Dispoñer de mangueira, puntos de auga e extintores accesibles.

Tamén se explicou como pode chegar o lume ás casas —por contacto directo, radiación, convección ou pavesas— e como actuar antes, durante e despois dunha emerxencia, seguindo sempre as indicacións dos servizos de emerxencia.

📞 Ao detectar un incendio, cómpre chamar de inmediato ao 085 ou ao 112 e facilitar unha localización o máis precisa posible.

Tras a parte teórica, realizouse unha saída polo entorno do local da Comunidade de Montes de Matamá para analizar sobre o terreo a situación de varias vivendas ameazadas polos incendios de 2017.

Esta primeira experiencia ten carácter piloto e a Mancomunidade pretende estendela ás parroquias das 14 comunidades de montes de Vigo, en colaboración coas asociacións veciñais interesadas.

A prevención require actuar sobre o monte e sobre o territorio, pero tamén contar cunha cidadanía informada e preparada. Reducir a vulnerabilidade das vivendas e saber como actuar pode marcar a diferenza cando o lume chega ás zonas habitadas.

👉 Máis información na entrada da web: https://www.montesdevigo.org/blog/a-autoproteccion-da-vecinanza-nos-montes-periurbanos-de-vigo
Montes de Vigo

04/08/2026

🌿 Chega o verán, chegan as festas aos montes de Vigo

Os parques forestais e as áreas recreativas volven converterse estes meses en lugares de encontro para as parroquias e para o conxunto da cidadanía: festas, romarías, música, gastronomía popular, actividades culturais e paseos polo monte.

Saiáns e Beade abriron este verán dúas das citas máis consolidadas. O 18 de xullo, o Parque Forestal de Saiáns acolleu a 39ª Festa da Amizade, organizada pola Asociación Veciñal de Saiáns, cunha saída interpretativa, música, comida popular e entrega de distincións.

A Comunidade de Montes de Zamáns, pola súa parte, fixo a tradicional Festa do Comuneiro o 25 de xullo, coincidindo coa Festividade de Santiago.

O 2 de agosto celebrouse no Parque Forestal de Beade a ###V Festa do Monte, cun amplo programa de música tradicional, baile e a popular degustación de sardiñas con pan de millo. Máis de 1.500 persoas participaron nesta xornada.

O calendario continuará con outras celebracións tradicionais, como a Romaría de San Bertolameu no Monte Alba, en Valladares, ou a Romaría do Pan de Millo no Parque Forestal de Cotogrande, en Cabral.

Estas festas lembran que os montes veciñais en man común non son unicamente superficies forestais. Son espazos ligados á historia das parroquias, á convivencia, á participación comunitaria e á identidade colectiva.

🔗 Máis información na web de Montes de Vigo.
https://www.montesdevigo.org/blog/chega-o-veran-chegan-as-festas-aos-montes-de-vigo

29/07/2026

🔥 A AUTOPROTECCIÓN FRONTE AOS INCENDIOS, HOXE EN FARO DE VIGO

A chamada de Montes de Vigo a preparar vivendas, empresas e instalacións situadas preto do monte aparece hoxe destacada na portada e na páxina 3 de Faro de Vigo.

A mensaxe é clara: a prevención non remata na limpeza do monte. Tamén é necesario reducir a vulnerabilidade das edificacións, retirar materiais inflamables, revisar accesos e dispoñer de medios básicos de primeira intervención.

Os incendios de 2017 demostraron que o lume pode chegar rapidamente ás zonas habitadas. Por iso, a autoprotección é unha responsabilidade compartida entre administracións, comunidades de montes, empresas e cidadanía.

👉 Máis información e recomendacións prácticas na nosa web.
https://www.montesdevigo.org/blog/vivir-preto-do-monte-en-vigo-prevencion-e-autoproteccion-fronte-aos-incendios-forestais

👉 Enlace á nova do Faro de Vigo: https://www.farodevigo.es/gran-vigo/2026/07/29/comuneros-vigo-llaman-empresas-viviendas-132883569.html

26/07/2026

🔥 Vives preto do monte en Vigo? Avalía o grao de autoprotección da túa vivenda ou instalación

Os incendios forestais poden pasar en poucos minutos de afectar ao monte a converterse nunha emerxencia para vivendas, equipamentos e persoas.

En Vigo xa o vivimos o 15 de outubro de 2017, cando o lume chegou ás parroquias e ameazou numerosos núcleos habitados. A proximidade entre o Cinto Verde e as vivendas obríganos a incorporar a autoprotección á prevención dos incendios forestais.

No artigo da nosa web explicamos como reducir a vulnerabilidade aportando guías de fácil uso e visuais. As resumimos en 6 pasos básicos:

✅ Limpar tellados, canlóns, porches e terrazas.
✅ Manter libre de vexetación e materiais combustibles o espazo próximo á fachada.
✅ Rozar, podar e ordenar a parcela.
✅ Afastar leña, bombonas, depósitos e outros materiais inflamables.
✅ Preparar os medios e asegurar que todas as persoas saben como actuar.
✅ Revisar periodicamente a vivenda, especialmente antes do verán.

A regra é sinxela: canto menos combustible haxa arredor do edificio e mellor preparadas estean as persoas, menor será a súa vulnerabilidade.

👉Ademais, incluímos unha autoavaliación de FIREPRIME, con dez preguntas que permiten detectar os principais puntos débiles da vivenda e obter unha primeira orientación sobre o seu nivel de risco.

👉 Consulta o artigo completo e comproba se a túa vivenda está preparada fronte a un incendio forestal. Prepararse tamén é previr.
https://www.montesdevigo.org/blog/vivir-preto-do-monte-en-vigo-prevencion-e-autoproteccion-fronte-aos-incendios-forestais

Montes de Vigo

20/07/2026

🌿 No día do 30 aniversario da Mancomunidade, nace formalmente a Fundación Montes de Vigo 2046

Hoxe, 20 de xullo, cúmprense exactamente 30 anos da constitución da Mancomunidade de Montes de Vigo. E esta data tan simbólica quedará tamén ligada a un novo paso de futuro: a sinatura, ante o notario Ernesto Regueira, da escritura pública de constitución da Fundación Montes de Vigo 2046.

Este acto dá continuidade á celebración do pasado 11 de xullo no Parque Forestal de Beade, baixo o lema «Por un pacto coa sociedade viguesa», e abre unha nova etapa para afrontar os retos dos montes periurbanos durante as próximas décadas.

A Fundación nace como unha ferramenta ao servizo das comunidades de montes para impulsar proxectos compartidos, captar recursos e reforzar a colaboración coas administracións, a Universidade, as empresas e a sociedade civil.

Trinta anos despois da creación da Mancomunidade, renovamos o compromiso de conservar, mellorar e poñer en valor un patrimonio natural, social e comunitario esencial para o futuro de Vigo.

Máis info: https://www.montesdevigo.org/blog/no-30-aniversario-da-mancomunidade-nace-formalmente-a-fundacion-montes-de-vigo-2046

🌳 Do legado dos pioneiros aos montes de Vigo de 2046.

18/07/2026

🌲 Os montes de Vigo precisan unha estratexia estable para anticiparse aos incendios

La Voz de Galicia recolle hoxe a proposta impulsada pola Mancomunidade e pola Fundación Montes de Vigo 2046 para transformar progresivamente os montes periurbanos da cidade durante os próximos vinte anos.

O obxectivo é superar un modelo baseado en actuacións puntuais e avanzar cara a unha planificación continuada que permita:

🔥 Crear faixas e aneis verdes de protección arredor das zonas habitadas.
🌳 Substituír progresivamente especies pirófitas e invasoras por masas mixtas e frondosas autóctonas.
💧 Recuperar humidais, bosques de ribeira e concas de abastecemento.
🛡️ Reforzar a defensa dos montes fronte ao lume e aos efectos do cambio climático.
🤝 Implicar de forma estable ás administracións e ao sector privado no financiamento da súa conservación.

A proposta parte dunha idea clara: os montes de Vigo prestan servizos ambientais e sociais ao conxunto da cidade, pero o seu mantemento non pode recaer unicamente sobre os comuneiros e comuneiras.

A Fundación Montes de Vigo 2046 nace precisamente para canalizar esa colaboración e promover unha xestión profesional, transparente e avaliable dos recursos.

É o momento de abrir un gran acordo institucional e social para garantir o futuro dos montes de Vigo.

📰 Máis información na reportaxe publicada hoxe por La Voz de Galicia: https://www.lavozdegalicia.es/noticia/vigo/vigo/2026/07/18/comuneros-piden-ocho-millones-ano-2046-evitar-incendios/0003_202607V18C3991.htm

Montes de Vigo

04/09/2026

01/09/2026

12/08/2026

07/08/2026

05/08/2026

04/08/2026

29/07/2026

26/07/2026

20/07/2026

18/07/2026

Dirección

Página web

Notificaciones

Atajos

Compartir

Categoría

Solicitud de retirada del anuncio