10/06/2026
Texto e autor da noticia Badal Novas 👇👇👇
https://badalnovas.com/2026/06/10/o-potinos-convoca-o-seu-certame-fotografico-libre-cunha-dotacion-economica-de-700-euros/?fbclid=IwZnRzaASWgblleHRuA2FlbQIxMQBzcnRjBmFwcF9pZAo2NjI4NTY4Mzc5AAEeWn_-WDmRC2PMQEz_fzPLkIPVjfJ6DQvC-Spvo1zrgYx4zVM-yPNd-d6BN-E_aem_2tdYht_R971V5ZXmh2LFMA
📸📸📸 Potiños convoca un ano máis
o seu certame fotográfico libre cunha dotación económica de 700 euros
As persoas interesadas en participar deberán enviar un máximo de tres fotos co 10 de agosto como data tope!
A asociación O Potiños vén de convocar o seu concurso fotográfico de temática libre coa colaboración do Concello e do Centro Comercial Aberto (CCAA) do Carballiño, no que poderán participar persoas maiores de 14 anos cun máximo de tres imaxes cada unha. A presentación deste certame tivo lugar esta mañá na Casa Consistorial da vila, coa presenza do concelleiro de Cultura, Diego Fernández; o presidente do colectivo fotográfico, Manuel Blanco, e a xerente do CCA, Noelia Mares.
O edil de Cultura apuntou que “é un excelente estímulo para todos aqueles fotógrafos afeccionados que o desexen, un concurso que ten unha participación moi alta e cunha competitividade moi elevada, según poidemos comprobar como xurado nas pasadas edicións”. Pola súa banda, Noelia Mares resaltou o nivel “tanto nacional coma internacional do certame, que conta con todo o noso apoio, xa que contribúe a visibilizar o comercio local do Carballiño”.
Manuel Blanco comentou que as persoas que participen no certame deberán enviar as súas fotos, de temática libre, con data tope o vindeiro 10 de agosto, a [email protected] en formato de arquivo JPEG de modo cor RGB e unha resolución suficiente para amplialas a un mínimo de 40×60 cm. “O xurado concederá tres premios, sendo o primeiro de 400 euros do Concello e outros dous de 200 e 100 euros do CCA, aínda que estudiaremos a entrega dun galardón especial para concursantes do municipio, para incentivar a súa participación”.
As 20 mellores imaxes seleccionadas incorporaranse a unha das exposicións do ‘Arenteiro Fotográfico 2026’, que se celebrará no outono.
https://www.potinos.com/2026/05/bases-para-o-concurso-fotografico-tema-libre-carballino-2026/
