¿Qué es el sitio web?

FOCO

Asociación para la Formación y Cooperación en Europa

02/06/2026

O pasado 31 de maio presentamos a peza de teatro Sen Filtro, na que exploramos como as persoas mozas xogan e interactúan en plataformas como Roblox, e tamén os riscos asociados. Esta peza foi creada ese mesmo domingo por un grupo de 10 persoas novas (as seguintes fotos amosan o proceso de creación) e, ao rematar a función, tivemos un coloquio co público.

Este evento foi o primeiro dos actos de participación do proxecto SOCIAL onde usamos o teatro como ferramenta de debate.

19/05/2026

Deixámosvos os vídeos creados polos nosos socios de Bulgaria e Romanía dentro do proxecto Safe&Sound. Se queredes saber máis sobre o proxecto, podedes facelo na nosa páxina web: https://www.focoeuropa.com/portfolio/safesound/

18/05/2026

O próximo 31 de maio presentamos no Centro Cultural da Guarda a peza breve de teatro "Sen Filtro". Esta é unha peza de teatro que creamos de maneira intensiva no mesmo 31 de maio, en menos de 8 horas. Nesta peza, que mestura teatro con elementos narrativos dixitais e gameplay en directo, exploramos como funcionan algunhas plataformas de videoxogos en liña.

Esta peza está creada por un grupo de persoas de entre 15 e 22 anos da Guarda, dentro do marco do proxecto S.O.C.I.A.L., coordinado por Asociación Teatral On&Off

12/05/2026

O pasado 18 de abril compartimos unha fermosa mañá en FOCO cun obradoiro de boliñas de sementes e storytelling, organizado dentro do programa Tardeo de Primavera do Concello da Guarda.

Durante a actividade, as participantes elaboraron pequenas boliñas con sementes locais para espallar en terreos baldíos, xardíns esquecidos e espazos necesitados de máis vida e biodiversidade. Mentres traballabamos coa terra, tamén compartimos historias, conversas e reflexións ligadas ao noso proxecto SoilSoul.

As nosas participantes demostraron unha enorme creatividade. Ademais das tradicionais boliñas de sementes, tamén crearon figuras, pequenas esculturas, retratos, formas diversas e mesmo dados. Tamén empregaron selos e marcas para darlle personalidade propia ás súas creacións e construír pequenas historias arredor delas. Cada peza converteuse nun xeito único de mesturar natureza, imaxinación e expresión artística.

Queremos agradecer a todas as persoas que participaron na actividade, así como ao Concello da Guarda por incluír este encontro na súa programación de primavera e apoiar iniciativas comunitarias de carácter ambiental. Agradecemos tamén á rede SoilTribes por facer posibles proxectos coma este.

SoilSoul forma parte da iniciativa .

Este proxecto está financiado pola Unión Europea. Porén, os puntos de vista e opinións expresadas son unicamente os das autoras e non reflicten necesariamente os da Unión Europea nin os da European Research Executive Agency (REA). Nin a Unión Europea nin a REA poden ser consideradas responsables deles.

----

SoilSoul is part of the initiative.

This project is funded by the European Union. Views and opinions expressed are however those of the author(s) only and do not necessarily reflect those of the European Union or the European Research Executive Agency (REA). Neither the European Union nor the REA can be held responsible for them.

21/04/2026

Abrimos preinscrición para a participación no proxecto AGÓID, un curso de formación internacional que nace das preocupacións da xuventude europea fronte ás últimas lexislacións propostas dende a extrema dereita para fomentar políticas de deportación e detención de persoas migrantes en Europa, similares ás do ICE estadounidense.

Traballaremos no uso do teatro, a expresión creativa e a educación non formal como ferramentas de protesta, resistencia e solidariedade.

Apúntate na ligazón da nosa bio!

14/04/2026

Este 16 de abril ás 11:30 horas no Centro Cultural acollemos a representación da obra “Vicio Houbo Sempre. Contacontos tradicional e escandaloso para todas as idades”, da actriz Atenea García. Trátase dunha proposta escénica que mestura humor, tradición oral e unha ollada crítica e aberta arredor da sexualidade, rompendo tabús desde unha perspectiva accesible e interxeracional. A entrada será libre ata completar aforo, e convidamos a toda a veciñanza a partir dos 12 anos, especialmente ás persoas adultas, a achegarse a esta proposta que combina cultura, educación e pensamento crítico.
Este evento enmárcase dentro do proxecto europeo Safe & Sound, centrado na promoción da diversidade e a saúde sexual e reprodutiva, no que participa a asociación FOCO.

10/04/2026

Durante a Semana Santa desenvolvemos en Lugo o intercambio xuvenil RESONANCE, un espazo de creación, reflexión e encontro a través do teatro, a danza e outras ferramentas artísticas. Aquí traballamos arredor da construción social do xénero e do impacto dos discursos de extrema dereita nas identidades e dereitos da mocidade, combinando metodoloxías de educación non formal e creación escénica.

FOCO coordinou esta experiencia internacional na que participaron tamén Balleteatro Escola Profissional (Portugal), Calypso APS (Italia), Crooked House Theatre Company (Irlanda), Dramacentrum Bezejména (Chequia), e Kinitiras Chorotheama (Grecia).

08/04/2026

Dentro do ciclo Tardeo de Primavera do Concello da Guarda , o vindeiro sábado 18 de abril ás 11:00 h en FOCO realizaremos un obradoiro de boliñas de sementes. Prepararemos pequenas “bombas” con sementes locais que as participantes poderán espallar en terreos baldíos, xardíns esquecidos ou espazos que precisen máis vida e biodiversidade.

O obradoiro é aberto, pero require inscrición previa na OMIX. Durante a actividade tamén falaremo do noso proxecto SoilSoul, e compartiremos o seu enfoque arredor da relación coa terra, a biodiversidade e as prácticas colectivas de coidado do territorio. Mentres facemos as nosas boliñas de sementes, contaremos historias, conversaremos e aprenderemos xuntas sobre a importancia da terra nas nosas vidas e o coidado do noso entorno.

03/04/2026

Este curso 2025-2026, o Concello da Guarda organiza un obradoiro de teatro semanal de balde. Para facilitar estes obradoiros conta coa asociación FOCO. Cada martes pola tarde, o Centro Cultural da Guarda convértese nun espazo de encontro onde experimentamos, xogamos, creamos, compartimos, escoitamos e aprendemos xuntas e xuntos.

A través do teatro, as participantes exploran a imaxinación, o traballo en grupo e a expresión artística, construíndo pouco a pouco historias propias nacidas das súas ideas e preguntas.

O pasado 27 de marzo xa puidemos botar unha pequena ollada ao traballo que están a facer, e que mostrarán a finais de xuño e que parte da pregunta "que faríamos se un día desapareceran todos os libros da biblioteca que nos gustan?".

31/03/2026

O 7 de abril comezamos o proxecto FÍOS na Guarda, e facémolo coa vosa participación. Organizamos na Lacena un pequeno encontro no que podedes compartir connosco as vosas preocupacións relacionadas co medio ambiente. Co que nos contedes, realizaremos un mapa de problemáticas e compartirémolo coas entidades públicas para que poidan darlle solución.

Ademais, neste evento teremos un pica pica con productos da comarca preparado pola Lacena.

Este evento esta coordinado pola cooperativa ALALÁ de Tomiño.

Dirección

La Guardia
36780

Página web

http://www.focoeuropa.com/

Notificaciones

Sé el primero en enterarse y déjanos enviarle un correo electrónico cuando FOCO publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.