¿Qué es el sitio web?

FOCO

Asociación para la Formación y Cooperación en Europa

01/09/2026

O próximo domingo 6 de setembro, ás 19:00, presentamos a nosa última creación fugaz. Estas son creacións que montamos e ensaiamos durante o mesmo día da súa estrea, e que presentamos ao público por primeira e única vez.

Nesta proposta, convidamos o público a axudarnos a tentar bater un récord mundial que roza o absurdo, pero cuxo éxito será máis difícil do esperado.

14/08/2026

Un ano máis, dende FOCO, participamos en CUIMSIÚ, un curso internacional de formación Erasmus+ en Isparta (Turquía). Xunto a participantes de Irlanda, Grecia, Italia, Polonia, Turquía, Cataluña e España, tivemos a ocasión de asistir a un programa formativo intensivo con obradoiros teatrais dirixidos por profesionais das artes escénicas.

No curso, centrado no uso de ferramentas teatrais para a integración de persoas migrantes, aprendemos a usar os viewpoints con Anna Galligan, teatro danza e movemento con Antigone Gyra, e cartoon commedia a partir da tradicional commedia dell’arte con Yassine Barkaoui.

28/07/2026

Modelos Antilixentes foi un dispositivo escénico a medio camiño entre a instalación, a performance e o teatro site specific que presentamos durante a FOCOmostra de teatro os días 19 e 20 de xuño. Invitamos ao público a mergullarse nunha fábrica onde se fabrican os últimos modelos de intelixencia artificial e a testear o seu funcionamento.

Esta peza foi creada e interpretada polo noso grupo de xente moza de máis de 18 anos, que cada ano exploran formas non convencionais de facer teatro, traíndo ano tras ano á Guarda propostas experimentais e contemporáneas.

21/07/2026

En outubro comezamos un novo grupo de teatro con persoas de máis de sesenta anos. Todas as semanas xuntámonos para descubrirmos no teatro outra forma de estar na Guarda.

Para finalizar este curso, enmarcado no proxecto europeo Le Chéile, mostramos Con.texto, unha peza na que escenas de creación colaborativa enlazan coa interpretación de textos teatrais clásicos e na que falamos moito de teatro e de que significa facer teatro nun momento das nosas vidas no que o lecer, a aprendizaxe e o goce parecen reservados para outras persoas.

14/07/2026

A Guarda acolleu o 20 de xuño a representación da obra “Rebelión na Biblio”. Trátase dunha peza creada durante o todo o curso 2025-2026 dentro dos obradoiros de teatro infantil que organiza o Concello da Guarda e imparte a asociación FOCO, unha divertida aventura que parte dunha premisa estarrecedora: que faríamos se un día chegamos á biblioteca e non están os nosos libros, contos e comics favoritos?

07/07/2026

O pasado 19 de xuño presentamos no Centro Cultural da Guarda a peza de teatro O Monstro. O grupo de 13 a 17 anos que forma parte do proxecto europeo Sentados de Pé escenificou esta peza que segue a un grupo de rapazas e rapaces que é asaltado unha mañá á entrada do instituto. Para poder garantir a súa seguridade, o equipo directivo reclúeos na aula de convivencia, onde se enfrontan a descubrir as razóns desta explosión de violencia na súa contra e a decidir como enfrontar a nova realidade na que viven.

29/06/2026

A semana do 9 ao 16 de xuño do 2026 organizamos e acollemos no Centro Cultural da Guarda a formación Compass Meets Theatre. Durante estes días, convivimos e traballamos intensamente canda mocidade e profesionais do traballo xuvenil e teatral de Grecia, Italia e Irlanda.

Empregando metodoloxías participativas, aproximacións teóricas e sesións de teatro imaxe, teatro documento e movemento corporal, exploramos feitos e controversias históricas para coñecer en profundidade a orixe e evolución dos Dereitos Humanos ata hoxe, así coma as súas ameazas actuais.

18/06/2026

45 minutos antes de cada función, o público poderá desfrutar de Modelos Antilixentes, unha proposta a medio camiño entre a performance e a instalación que reflexiona sobre a intelixencia artificial, a deshumanización e os futuros distópicos. A actividade terá lugar na sala de exposicións do propio Centro Cultural da Guarda.

Dirección

La Guardia
36780

Página web

http://www.focoeuropa.com/

Notificaciones

Sé el primero en enterarse y déjanos enviarle un correo electrónico cuando FOCO publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.