Anabam Asociación

20/06/2026

O IES "ANTÓN ALONSO RÍOS" (TOMIÑO) NUNHA ACTIVIDADE DE OBSERVACIÓN CON ANABAM

O 18 deste mes de xuño, alumn@s do citado instituto estiveron no piñeiral e praia de Camposancos (A Guarda) participando nunha actividade de educación ambiental da man de ANABAM para achegarse á fauna silvestre a través das pegadas, rastros e sinais dos animais.

17/06/2026

ATAQUE DE CAN A POLO DE PÍLLARA NA PRAIA DE AFIFE
(NORTE DE PORTUGAL)

Isto é o que ocorre cando se deixan aos cans ceibes nunha zona de aves, neste caso, nun área de cría da PÍLLARA DAS DUNAS (Borrelho-de-coleira-interrompida -"Charadrius alexandrinus")
Ocorreu o pasado luns, día 15 na PRAIA DE AFIFE. Nas praias portuguesas os cans adoitan estar ceibes e as píllaras (borrelhos) sofren as consecuencias.
As imaxes foron captadas por unha persoa que no las enviou logo de producirse o suceso. Tratou de evitar o ataque do can, que unha usuaria da praia non dubidou en deixar que fose detrás dun polo que apenas tiña un mes de vida. A pesar dos esforzos da persoa que estaba gravando por evitar o ataque, non puido facer nada. Conseguiu sacarlle da boca o poliño aínda con vida, pero o dano era tan grave que acabou morrendo case no mesmo momento.
Moitas grazas a Marlenne García pola información e polas imaxes enviadas, pero sobre todo pola súa sensibilidade e preocupación amosadas.

05/06/2026

https://www.facebook.com/share/p/1F8KFqRuJp/

🌿 I XORNADA DE XESTIÓN E CONTROL DA ACACIA

🎙️ Presentámosvos a Manuel A. Pombal Diego, tesoureiro da Asociación Naturalista Baixo Miño (ANABAM), entidade colaboradora desta xornada e referente na comarca no estudo, conservación e divulgación do patrimonio natural, cultural e etnográfico do Baixo Miño galego-portugués, con experiencias de erradicación da acacia e restauración ambiental (p. exem., "Un bosque para unha bolboreta").

Na xornada, Manuel será o encargado de presentar e moderar o bloque "Coñecemento científico e estratexias actuais de control", no que participarán Luis González Rodríguez, da Universidade de Vigo, e Liliana Neto Duarte, da Universidade de Coimbra, achegando os últimos avances científicos sobre a problemática da acacia e as ferramentas dispoñibles para o seu control.

🗓 13 de xuño · A Guarda

03/06/2026

ACTUALIZACIÓN: véxase punto 1/, ao final do texto.

A POLICÍA LOCAL DE TOMIÑO NÉGASE A RECOLLER UN AVE PROTEXIDA
Ás18:30 horas do día de hoxe recibiamos unha chamada dándonos conta da presenza dun miñato ("Buteo buteo") ferido en Tomiño. Dada a nosa imposibiliodade de desprazarnos á zona, dixémoslle á persoa que nos chamou que se puxera en contacto coa policía local para que o recollese e nolo trouxese. A resposta do axente que se puxo ao teléfono foi que "non lles molestara".
Procedemos a chamar nós mesmos (Agustín Ferreira-ANABAM), indicándolles que se trataba dunha especie protexida, que debían recollela e que podían acercala a ANABAM. A resposta foi que non tiñan obrigación de recollela. Insistimos para que fosen a por ela, que se trataba dunha especie protexida. Como se negaba dixémoslle que se non se ocupaban divulgariamos a súa actitude. Pois aceptaron que divulguemos e nos despachou cun "boas tarde".
É a primeira vez que vemos que no Baixo Miño a policía local négase a rescatar, xa non unha especie calquera, senón unha especie protexida. Lamentable!!!!
Na fotografía o miñato.
A zona na que se atopa é Sta Rosa. Se alguén de Tomiño pode pasar a recoller o miñato e traernolo, que se poña en contacto en privado con nós e pasámoslle as coordenadas (WhatsApp: 616 18 05 57)

ACTUALIZACIÓN: 04/06/2026
1/ Noso agradecemento ás seguintes persoas que se puxeron en contacto con nós e sedesprazaron ata a zona para intentar o rescate do miñato:
Andrea Pousa; Alejandro Rodríguez; Carlos Pereira; Nerea Pereira; Fernando Álvarez; Luis Melian.
Tamén á concelleira de M. A. Ana Belén Casaleiro que cando se enterou do tema contactou con nós.
Non se puido rescatar ao miñato, debeu desprazarse a algún lugar próximo, polo que debe andar polos arredores.

16/05/2026

REINTRODUCCIÓN E PROTECCIÓN DE "Honckenya peploides" NA PRAIA DE CAMPOSANCOS-A GUARDA.

O proxecto iniciámolo no ano 2018, coa plantación dos primeiros exemplares na zona do Puntal. Este ano contamos con dúas poboacións: unha cun único exemplar -polo de agora- corresponde á plantación feita naquel ano 2018. E outra, con máis dunha ducia de exemplares, corresponde á plantación realizada no ano 2023. As plantiñas que se traslocaron, proceden do outro lado do Miño-.
Pouco a pouco imos recuperando parte da nosa riqueza botánica grazas ás doazóns e axuda dalgunhas persoas que se suman aos nosos proxectos ou se fan socias de ANABAM.

22/01/2026

Este pasado sábado visitamos o ALTO DA GROBA nunha saída de campo do Grupo de Traballo de ANABAM. A idea era realizar un novo rexistro de anfibios nesa zona, unha das máis interesantes do Baixo Miño-Val Miñor. Non foi un dos mellores días en canto a especies, pois só rexistramos unha única especie, o "Triturus marmoratus" (Tritón marmorado), cun total de 11 exemplares dos que dous deles eran femias.
Imaxe: Agustín Ferreira/Iria Peña

09/12/2025

🐗 Grazas ao programa de fototrampeo posto en marcha por ANABAM no ano 2021, o Baixo Miño e o Monte Trega en particular consolidouse como unha das áreas de Galicia con información máis completa e estruturada sobre o xabaril. A continuidade na recollida de datos, xunto coa transparencia na súa publicación, sitúan ao Monte Trega como unha das zonas con mellores rexistros públicos e sistemáticos sobre esta especie en todo o territorio galego.

📷 A imaxe amosa as 40 estacións de mostraxe previstas para o ano 2025, que equivalen a 840 días de mostraxe acumulada.

O proxecto de fototrampeo conta coas pertinentes autorizacións do Departamento Territorial de Pontevedra da Consellería de Medio Ambiente e Cambio Climático da Xunta de Galicia.

14/10/2025

PROXECTO "LARUS" 2025
O Proxecto "Larus" é un dos traballos de campo desenvolvido por ANABAM dende hai máis de dúas décadas. Desenvólvese fundamentalmente na Guarda e consiste en facer un seguimento da nidificación da gaivota patiamarela ("Larus michahellis") na vila guardesa ao longo da tempada de cría.
Os datos recollidos neste ano 2025 (véxanse na imaxe) sinalan un notable descenso no número de parellas reprodutoras de algo máis dun 22 % con respecto á media dos catro anteriores anos. Pola contra, o número de polos por niño aumentou considerablemente, un 32 %.
Entendemos por "potencial" o número de polos que aportaría á Guarda, considerando a media de polos/niño polo número de puntos de nidificación (106), o que daría un total de 240 polos.

05/10/2025

Onte sábado, con motivo do 40 aniversario de ANABAM, gozamos da marabillosa música de "Cuerdas Atlánticas". O cuarteto estivo formado por Eduardo Rey, Susana González, Óscar Tomé e Elena Pintos. O salón de actos do Centro Cultural de A Guarda, estivo ao completo. Noso agradecemento ao Concello da Guarda por permitirnos desenvolver este acto nese recinto e un agradecemento especial a Javier, conserxe do Centro que colaborou atentamente na preparación e pola súa disponibilidade.