Somos Cabanas

26/03/2026

🚧 Ponte de Pedra no Eume: as obras volverán despois de Semana Santa
Máis información: https://diariodeferrol.elidealgallego.com/eume/pontedeume/2026-03-25/las-obras-en-el-puente-de-piedra-entre-cabanas-y-pontedeume-regresan-despues-de-semana-santa-845050.html

👉 O Ministerio segue ignorando a proposta da Candidatura Veciñal para habilitar unha nova ponte sobre a ría, aprobada polo Pleno de Cabanas en 2024.

O Ministerio de Transportes anunciou que a partir do luns 6 de abril ás 08:30 se retoman os traballos na Ponte de Pedra. Nesta nova fase actuarase nas beirarrúas, na drenaxe, nos pretís e no alumeado público.

👉 Que vai notar a veciñanza?
🔹 O paso peonil quedará limitado a un só lado da ponte
🔹 Reducirase o ancho dos carrís
🔹 Esta fase durará, en principio, arredor de dous meses
🔹 Segundo a información oficial, non se prevén cortes de carril nesta etapa

📌 Estamos ante unha obra moi necesaria, pero tamén ante unha infraestrutura clave para a mobilidade diaria da comarca. Non falamos só dunha ponte histórica: falamos dun paso fundamental para traballar, estudar, acceder a servizos e para o Camiño Inglés.

⚠️ O que a poboación necesita agora é:
✅ información clara e anticipada
✅ sinalización suficiente
✅ coordinación real para minimizar molestias
✅ seguimento público dos prazos e da execución

💶 A obra conta cun orzamento de 6,77 millóns de euros, con fondos europeos NextGenerationEU. Foi anunciada en 2023 e leva tempo xerando incidencias e preocupación veciñal, polo que é fundamental que esta nova fase se desenvolva con transparencia e co menor impacto posible.

📣 Desde Candidatura Veciñal seguiremos pendentes da evolución desta obra e esixindo que se priorice sempre o interese da veciñanza.

El Ministerio de Transportes retoma los trabajos de rehabilitación el próximo 6 de abril

20/03/2026

📢 Convocatoria do Pleno ordinario de marzo 2026 🏛️

🏡 Convocado para o vindeiro 25 de marzo de 2026 ás 10:30 o Pleno ordinario no Salón de sesións da Casa do Concello de Cabanas.

📋 Orde do día

🔹 Parte resolutiva
1️⃣ Aprobación das actas de sesións anteriores.

🔹 Actividade de control
✅ Dación de conta das resolucións de Alcaldía dende o último Pleno ordinario.
✅ Expediente 338/2026. Dación de conta do informe sobre resolucións contrarias aos reparos e omisións de fiscalización efectuados durante o exercicio 2025.
✅ Expediente 344/2026. Dación de conta do informe resumo anual sobre o control interno.
✅ Mocións de urxencia.
✅ RENUNCIA Á ACTA DA CONCELLEIRA (PP) Rebeca Santamarina Fernández. Concelleira delegada de Medio Ambiente, Sostenibilidade, Turismo, Seguridade e Sanidade
✅ Rogos e preguntas.

08/03/2026

8 de marzo | Día Internacional da Muller Traballadora

Hoxe é , sobre todo, un día de memoria, de reivindicación e de compromiso.

Desde a Candidatura Veciñal queremos sumarnos á conmemoración do Día Internacional da Muller lembrando que a igualdade real aínda está lonxe de acadarse e que moitas mulleres continúan sufrindo discriminación, precariedade e violencia en múltiples ámbitos da súa vida.

Falar de igualdade é falar de condicións laborais dignas, prevención real de riscos, conciliación, corresponsabilidade, recoñecemento dos traballos feminizados, e protección efectiva fronte á explotación e á precariedade.

As mulleres sosteñen co seu esforzo diario sectores esenciais, moitas veces pouco valorados. Por iso, reivindicar os seus dereitos é tamén defender a xustiza social, a dignidade laboral e a vida.

Desde o ámbito local temos a obriga de alzar a voz, de promover políticas públicas útiles e de construír concellos máis iguais, máis xustos e máis humanos.

Por todas as mulleres.
Polas que loitan cada día.
Pola igualdade, pola dignidade e pola vida.

05/03/2026

O ALCALDE DE CABANAS FORZADO POLO XULGADO A PARALIZAR O COBRO DO APARCAMENTO DA MADALENA
A Candidatura veciñal recorreu o cobro por ilegal.
A formación local defendeu a legalidade, a igualdade e a información pública no pleno extraordinaro de 3 de marzo sobre o aparcamento do pinar
✅ Que fixo a Candidatura Veciñal: coherencia
🔴 Votou en contra da obra aprobada polos outros grupos políticos desde o principio.
🔴 Votou en contra da aprobación da ordenanza por considerar que se incumprían preceptos básicos da lei.
🟢 E ademais recorreu no xulgado e na Subdelegación do goberno en defensa da legalidade.

⚖️ O fondo do asunto
🟡 O alcalde pensa que o debate vai de “cobrar si ou si”. No pleno saíu adiante todo o contrario:
1️⃣ Legalidade e seguridade xurídica: respecto ás decisións xudiciais.
2️⃣ Igualdade, sen discriminacións,
3️⃣ e transparencia.

📄 A Candidatura Veciñal xa conseguiu paralizar o cobro no presente ano e no pleno exixiu contas, o alcalde non deu respostas concretas nin achegou documentación:
🟢 Quen deu a orde de iniciar o cobro e en que data?
🟢 Canto se recadou e canto custou (contas, non contos)?
🟢 Segundo a orde xudicial, a ordenanza non entrou en vigor, segundo D. Fernando si.

Desta maneira o traballo do edil Xosé Manuel Sardiña evita volver cobrar mal e evita incrementar as devolucións, os xuros e as custas sobre a veciñanza. Ademais, a Candidatura Veciñal comprométese a que pague quen deu a orde ilegal.

🛑 E mentres tanto? O ALCALDE NON PODE COBRAR MENTRES SE RESOLVAN AS DEMANDAS, porque hai unha orde do xulgado que suspende os efectos do acordo do Pleno de maio de 2025.

📣 A Candidatura Veciñal segue traballando: control, documentación e defensa do interese público.

25/02/2026

🍲🎶 Cocido Galego no Local das Viñas (Cabanas) 🎶🍲

A Asociación de Veciños Cabanas e Irís convida a toda a veciñanza a pasar un día con boa comida, música e baile! 💃🕺 A Asociación agradece a súa difusión!

📅 14 de marzo
🕝 Hora: 14:30
📍 Lugar: Local das Viñas (Cabanas)

🍽️ Menú: cocido, postres caseiros e bebidas
💶 Prezo: 15 € socios / 20 € non socios

📞 Reservas: 604 315 473 (antes do 9 de marzo)
⚠️ Aforo limitado

Anímate e vén compartir mesa e festa coa xente! 😊🙌

14/02/2026

📌 NOVA IMPORTANTE. A UE investigará as actuacións sobre o piñeiral e a praia da Madalena a petición da veciñanza 🇪🇺🌲🌊

Na prensa: https://diariodeferrol.elidealgallego.com/eume/cabanas/2026-02-13/bruselas-investigara-las-actuaciones-en-el-pinar-de-a-magdalena-836647.html

A Comisión de Peticións do Parlamento Europeo (PETI) admitiu a trámite a petición de 180 veciñas e veciños sobre a destrución progresiva do piñeiral da Madalena e considera que o asunto entra no ámbito de actuación da Unión Europea ✅

➡️ Que significa isto?
🔎 O Parlamento Europeo abriu seguimento oficial do caso.
📩 Pediulle á Comisión Europea unha investigación preliminar.
🏛️ E trasladou información ás comisións de Medio Ambiente e Control Orzamentario.

🧩 Por que é relevante?
💶 Porque as actuacións teñen financiamento da Unión Europea.
🌿 Porque falamos dun entorno litoral sensible (duna arborada) e do equilibrio entre:
👥 seguridade das persoas,
🏖️ protección ambiental e
🚶‍♀️ uso público responsable.

📣 A veciñanza pide sentido común e🌲 actuacións proporcionadas e pautadas, 🛟 criterio técnico, 🏗️ e control real do impacto e da capacidade de carga sobre o pinar.

A Candidatura Veciñal aplaude a iniciativa e agradece o labor a todas as veciñas que puxeron tempo, firmas e traballo para chegar ata aquí 🙌💚

Súmate á petición veciñal: https://www.europarl.europa.eu/petitions/es/petition/content/1049%252F2025/html/Petici%25C3%25B3n-n.%25C2%25BA%25C2%25A01049%252F2025%252C-presentada-por-J.-N.-S.%252C-de-nacionalidad-espa%25C3%25B1ola%252C-sobre-la-destrucci%25C3%25B3n-de-un-ecosistema-de-dunas-arboladas-en-el-municipio-de-Caba%25C3%25B1as-%2528A-Coru%25C3%25B1a%2529 -data

12/02/2026

🚨 O XULGADO SUSPENDE CAUTELARMENTE POR INDICIOS DE ILEGALIDADE O PREZO PÚBLICO DO APARCADOIRO DA MADALENA

DÚAS IMPUGNACIÓNS XUDICIAIS CUESTIONAN O COBRO DO PÁRKING DA MADALENA: ACOUGA E Xosé Manuel Sardiña e mais AVOGACÍA XERAL DO ESTADO

Segundo a información publicada nas últimas horas, hai dous recursos que poñen en dúbida o cobro por aparcar na Madalena e, entre outras cuestións:
📌 Sinalan o máis grave:
➡️ O Concello empezou a cobrar cando a ordenanza aínda non estaba tramitada e en vigor como corresponde legalmente.

📌 Isto ten nome: mala xestión e irresponsabilidade política.
Porque aquí non hai “erro técnico” nin “malentendido”:
➡️ O único responsable de aprobar o modelo e poñelo a cobrar é o alcalde e o goberno do Partido Popular.
➡️ Se o prezo se calculou metendo gastos que non tocan, enganouse á veciñanza e cargouse sobre o aparcadoiro o custo de servizos que deben financiarse con criterios transparentes e legais.
➡️ Se no estudo económico se calculou como período de cobro entre o 15 de xuño e o 30 de setembro e logo na ordenanza se ampliou desde o 1 de abril, metendo máis días dos previstos, tomóuselle o pelo ó Pleno e á cidadanía.

💥 E o peor agora: quen asume responsabilidades políticas por aprobar mal, cobrar antes de tempo e manter cobros fóra do propio calendario?
Porque isto é moito máis ca “un detalle técnico”: O Concello (é dicir, todos) pode ter que asumir devolucións, xuros, custas e o a anulación dun expediente que non debía nacer só cos votos a favor do Partido Popular e o capricho do alcalde.

✅ Desde a Candidatura Veciñal, que votou en contra da ordenanza tramitada en tempo récord, chegarán ó último recurso para que esta ilegalidade manifesta a pague do seu peto o único responsable: o alcalde do Partido Popular. Para isto exixirá:

- Asunción inmediata de responsabilidades políticas.

- Transparencia total: expediente completo, custos reais do servizo e ingresos.

Os erros de D. Fernando
Cabanas non merece un desgoberno que improvisa coa praia, cos cartos e coa legalidade. O alcalde xoga a romper a legalidade e a saquear o peto da xente, velaí as consecuencias.

11/02/2026

⚠️🌬️🌊 ALERTAS METEOROLÓXICAS (Noroeste da Coruña)

(Imaxe inferior: no anterior temporal, o mar comeu parte da praia da Madalena e superou o cume da duna nalgúns puntos)

AEMET activa avisos por vento e fenómenos costeiros. Máxima precaución nas próximas horas:

🌊 COSTA – Fenómenos costeiros

🟡 Perigo importante: 11/02 (08:00–22:59)
Mar combinado do NW 6–8 m e vento W/SW 62–74 km/h (F8), localmente 75–88 km/h (F9) no extremo norte.

🔴 Perigo extraordinario: 11/02 (23:00) – 12/02 (05:59)
Mar combinado do NW 8–9 m e vento W/SW 62–74 km/h (F8), localmente 75–88 km/h (F9) no extremo norte.

🌬️ VENTO (interior/zona) – Perigo importante

🟡 11/02 (12:00–23:59): refachos máximos ata 100 km/h, vento de suroeste (maior probabilidade no norte da zona).

✅ Recomendacións

Evita paseo marítimo, espigón, piñeiral e praias durante o temporal.
Non te achegues a zonas con árbores ou pólas en risco de caída.
Asegura macetas, toldos e obxectos soltos en balcóns/terrazas.
Conduce con prudencia: atención a refachos laterais e obstáculos na vía.

📞 IMPORTANTE: ante calquera incidencia, risco para persoas ou emerxencia, as chamadas deben facerse ao 112.

03/02/2026

📰 Nova aquí:
https://diariodeferrol.elidealgallego.com/eume/cabanas/2026-02-02/candidatura-vecinal-apela-a-la-oposicion-de-cabanas-a-unirse-para-un-cambio-en-la-alcaldia-834224.html
📌 Cabanas precisa rumbo e proxecto, non un simple relevo de cadeiras.

Tras os cambios no grupo socialista, desde Candidatura Veciñal reiteran a súa disposición a apoiar un cambio na Alcaldía se está ben construído, con contido, transparencia e compromisos verificables.

✅ A formación veciñal aposta por construír un acordo serio: programa mínimo, calendario, mecanismos de seguimento e prioridade para os orzamentos 2026–2027, os servizos públicos, a atención social, a participación veciñal e o coidado do territorio.

📣 Din que "a súa lealdade é coa veciñanza de Cabanas, e por iso pedimos un diálogo real entre as forzas da oposición para recuperar estabilidade e eficacia na xestión municipal".

30/01/2026

🚨 ALERTA METEOROLÓXICA – COSTEIROS | NIVEL VERMELLO 🚨

A Dirección Xeral de Emerxencias e Interior informa dunha alerta por fenómenos costeiros con NIVEL VERMELLO (perigo extremo).

📅 Aviso emitido: 29/01/2026
🌊 Previsión (AEMET): mar alto e vento forte.
➡️ O episodio aumentará a VERMELLO desde as primeiras horas da tarde do venres 30/01.
🌬️ Vento: ata 62–74 km/h (forza 8–9)
🌊 Mar combinado: ata 8–9 metros

✅ Recomendacións importantes

Evita piñeiral da Madalena, parque do Fabal, paseo marítimo, espigón, rochas e praias (mesmo para “mirar as ondas”).

Evita zonas con mar de fondo e puntos expostos ao vento.

Retira ou asegura obxectos en balcóns, terrazas e fincas (mobles, macetas, toldos, etc.).

Conduce con precaución e vai con coidado nas zonas arboradas.

⚠️ Incidencias en curso: caída varios piñeiros na Madalena na tarde de onte, paso peonil baixo a vía alagado (o bombeo debe seguir de vacacións... grazas ós palés dos veciños pásase), rúas con balsas de auga, caídas de árbores e pólas, etc.
Pedimos prudencia e paciencia e que se prioricen sempre as situacións de maior risco.

📞 Emerxencias: chama ao 112

24/01/2026

📢 ALGUNHAS ACLARACIÓNS NECESARIAS SOBRE OS ALAGAMENTOS POR MOITO QUE O SEÑOR DOS CONTOS NON QUEIRA ESCOITAR E VER O QUE PASA (Na foto desta publicación vese o vial do paseo alagado hora e media despois, xa non falemos do paso baixo a vía).

📸 Amosar fotos coa auga xa retirada non borra o que pasou antes. Preocúpense polas persoas afectadas!
O feito é simple e incontestable:
🚗 Houbo un vehículo atrapado
⛔ O vial tivo que ser cortado
➡️ O tráfico desviouse polo paseo marítimo
🌊 O vial do paseo inundouse
🏠 Unha vivenda no Oito volveu alagarse

👉 Ocorreu cunha choiva de curta duración, aí reside o problema.

❌ Non é verdade que a auga baixou en 30 minutos nin tampouco é un éxito e menos con marea baixa
❌ É a proba de que o sistema segue colapsando cando chove forte.

💡 Ninguén discute que as bombas funcionen ou que se limpen sumidoiros.
A Candidatura Veciñal criticou —con razón— que non chega e que os problemas repítense ano tras ano, malia existir acordos para actuar de fondo.

📄 Os acordos plenarios non falaban só de “limpar”
Falaban de:
✔️ planificación
✔️ actuacións estruturais
✔️ prevención real

E segue sen facerse.

⏳ Compararse con “hai anos” non vale, o señor alcalde pode buscar mellores escusas. Gobernar é resolver problemas, non conformarse con que agora dure menos a inundación.

🎭 E intentar desviar o debate con ataques persoais só confirma unha cousa:
➡️ Non hai argumentos para explicar a falta de actuacións reais.

Cabanas non necesita propaganda nin oportunistas.
Necesita solucións para que non haxa coches atrapados, rúas cortadas nin casas alagadas cada vez que chove 🌧️

Porque mentres se discute se a auga dura máis ou menos…
👉 a veciñanza segue pagando as consecuencias.