Martes 19:30 - 21:30 Jueves 20:00 - 21:30 Viernes 17:00 - 19:00

AC Tanxedoira

Casa
España
A Coruña
AC Tanxedoira

Esta Asociación esta creada sen ánimo de lucro, co fin de fomentar o altruísmo entre os seus socios e visitantes: dende a súa fundación ata a actualidade.

Os Grupos Artísticos da Asociación son actividades da misma (coro, rondalla e teatro), que levan o nome de Tanxedoira por toda Galicia, dando a coñecer a entidade e a actividade que nela se desenvolven, ademais de levar a cabo a difusión da cultura. Dado que Tanxedoira é unha asociación sen ánimo de lucro, nunca percebe retribución algunha polas súas actuacións. Así, a intención é a da difusión da

arte pola arte mesma, se ben a Asociación está aberta a calquera tipo de aportación e/ou axuda que permita continuar coa difusión desinteresada da cultura. No caso de querer contar con algún distes grupos, poden facelo a través das seguintes direccións de correo electrónico:

- Grupos artísticos: [email protected]
- Coro: [email protected]
- Rondalla: [email protected]
- Teatro: [email protected]

O horario de atención ao público de forma presencial será nos seguintes horarios (desde principios de outubro ata finais de xuño).
- Martes: 19:30 a 21:30
- Xoves: 20:00 a 21:30
- Venres: 17:00 a 19:00

Para contactar de forma presencial noutro momento, concerte cita mediante WhastApp ou correo electrónico.

03/09/2026

O novo curso 2026-2027 comeza!!

Canto ás datas de inscrición, contaremos, por unha banda, cunha opción de inscrición telemática para a xente que xa é socia da entidade. Esta opción “online” será desde o luns 7 setembro ao mércores 9, ambos inclusive. Poderedes contactar connosco a través de Whatsapp, Telegram (), teléfono móbil (611052456) ou correo electrónico ([email protected]). É importante que na vosa solicitude expoñades o voso nome, apelidos, actividades que son do voso interese e un teléfono de contacto.

Por outra banda, as persoas que aínda non son socias, poderán vir ao local o xoves 10 e o venres 11 en horario de 18:00 h a 20:00 h e, dende o comezo do curso, no horario de atención ao socio. Todas aquelas persoas que aínda non sexan socias deberán cumprimentar a ficha de inscrición, facilitar unha foto tipo carné e un número de conta en que domiciliar a cota de socia/o (30€ anuais / núcleo familiar).
No caso das actividades como guitarra, patronaxe ou pandeireta, pode ser que por necesidades de aforo, haxa límite de persoas.

O domingo 13 de setembro publicarase na nosa web a listaxe de persoas admitidas. Esta listaxe poderase consultar tamén de xeito presencial no noso local.

Como novidade deste curso, dende a Asociación queremos darvos a oportunidade de probar as nosas actividades antes de decidirvos a participar nelas.
Por iso, durante as semanas do 14 ao 25 de setembro, celebraremos xornadas de portas abertas, nas que poderedes achegarvos ás diferentes actividades, coñecelas de primeira man e participar nelas de balde e sen ningún compromiso.
As xornadas desenvolveranse no horario habitual de cada actividade. No caso de manualidades/bixutería, teatro, talla de cristal, bandurra e pandeireta, que comezarán no mes de outubro, as correspondentes xornadas de portas abertas terán lugar nese mes.

Animádevos a vir, probar e descubrir todo o que temos preparado para este novo curso!

01/09/2026

Comezamos un novo curso con novas oportunidades para aprender, compartir e desfrutar da cultura en comunidade.
Música, teatro, manualidades, informática, patronaxe e moito máis.

E este ano queremos poñelo aínda máis fácil:
30 € AO ANO POR UNIDADE FAMILIAR
Por só 30 € anuais podedes formar parte de Tanxedoira toda a unidade familiar e participar nas actividades da Asociación.

NOVIDADE: XORNADAS DE PORTAS ABERTAS
Do 14 ao 25 de setembro poderedes achegarvos ás actividades que vos interesen e probalas de balde, sen ningún custo e sen compromiso, no horario habitual de cada actividade.
As actividades de manualidades/bixutería, teatro, talla de cristal, bandurra e pandeireta, que comezarán no mes de outubro, tamén contarán coas súas propias xornadas de portas abertas, para que poidades coñecelas e probalas antes de decidirvos a participar.

INSCRICIÓNS
As persoas que xa son socias poderán realizar a inscrición de maneira telemática do 7 ao 9 de setembro, ambos inclusive.
Podedes contactar connosco a través de WhatsApp, Telegram (), no teléfono 611 052 456 ou no correo electrónico [email protected].
As persoas que aínda non sexan socias poderán realizar a inscrición presencialmente no noso local os días 10 e 11 de setembro, de 18:00 a 20:00 h:

Asociación Cultural Tanxedoira
Rúa Azahar, n.º 6-8, 1.º esquerda
Barrio das Flores, A Coruña

Para formalizar a inscrición será necesario cubrir a ficha correspondente, achegar unha fotografía tipo carné e facilitar un número de conta para domiciliar a cota de socio/a.

Algunhas actividades poderán contar con límite de prazas por cuestións de aforo.
O 13 de setembro publicarase na nosa web a listaxe de persoas admitidas.

Máis información e inscricións: https://l1nk.dev/uewzets

Se estás pensando en participar nunha actividade este curso, esta é a oportunidade perfecta para coñecela, probala e formar parte de Tanxedoira.

Agardámoste!

.coruna .coruna .ciudaddecristal.06

31/08/2026

Para que non vos perdades nada, deixámosvos nesta publicación un resumo coas datas e eventos máis importantes do curso.
Nas imaxes podedes ver a programación organizada por etapas, desde setembro ata xuño, incluíndo inscricións, comezo das actividades, actuacións, festivais e outras citas importantes da asociación.
Gardade a publicación para tela a man e poder consultar as datas sempre que o necesitedes.
Calquera cambio ou novidade comunicarase polos medios habituais.

27/08/2026

Estimados socios e socias!
Xa tedes dispoñíbel o boletín de agosto.
Podedes descargalo desde a seguinte ligazón: https://l1nk.dev/6ywdaah
Aconsellamos a súa lectura xa que nel vos informamos de todos os eventos e datas importantes de aquí ata Nadal como, por exemplo, explicacións das diferentes actividades que ofertamos este curso, o horario e formato das inscricións e da data da asemblea de principio de curso, comida e excursión de principio de curso.
E lembrade de seguirnos polo noso Instagram, Facebook e X para non perderdes ningunha novidade.

20/08/2026

Dona Leticia Riestra Ainsua, presidenta da Asociación Cultural Tanxedoira, coas atribucións e facultades descritas nos Estatutos da Asociación, convoca a todos/as os/as socios/as a Asemblea Xeral Ordinaria, que se celebrará o venres día 11 de setembro ás 20:00 horas en primeira convocatoria e 20:30 horas en segunda, no local social da Asociación, sito na R/ Azahar 6-8, 1º Esquerda.
Coa seguinte orde do día:
- Lectura e aprobación da acta anterior.
- Lectura e aprobación das contas do curso 2025/2026.
- Resumo das actividades feitas ao longo do curso 2025/2026.
- Proposta inicial das actividades que se plantexan facer durante o curso 2026/2027.
- Rogos e preguntas

08/08/2026

Temos xa na nosa canle de YouTube unha nova lista de reprodución cos vídeos das diferentes actuacións do pasado Festival de Fin de Curso.
Así podedes volver desfrutar de cada actuación e ver o ben que o fixestes! E, se non puidestes vir, agora tedes a oportunidade de coñecer e desfrutar todo o que vivimos ese día.
Grazas a todas e todos por seguir formando parte da nosa historia e por axudarnos a facela medrar ano tras ano.
A ligazón aquí: https://l1nq.com/rk58jco

+

07/07/2026

A nosa comida de fin de curso deixou momentos inesquecibles: reencontros, conversas, moitas risas e, sobre todo, a satisfacción de compartir unha nova xornada entre a familia de Tanxedoira.
Para que poidades revivir ese día sempre que queirades, xa está dispoñible na nosa páxina web unha galería con algunhas das fotografías tomadas durante a xornada.

Queremos aproveitar para agradecer, unha vez máis, a Roberto e Ana a súa hospitalidade e a xenerosidade de abrirnos as portas da súa casa para celebrar unha cita tan especial.
Agardamos que desfrutedes lembrando ese día tanto como nós. E, se vos atopades nalgunha das fotos... ¡non dubidedes en compartila!
Podedes velas aquí: https://sl1nk.com/359js6i

28/06/2026

Tedes na galería da nosa páxina web o album con algunhas fotos e vídeos do pasado festival fin de curso que tivo lugar no C.C.Castrillón.
Podedes consultalo aquí: https://sl1nk.com/prsznqe

16/06/2026

Aproveitamos para lembrar algunhas das actividades que temos por diante nas próximas semanas:
Festival de Fin de Curso – Sábado 20 de xuño
Este sábado celebraremos o festival coas actuacións de todas as actividades e agrupacións da asociación.
É importante ter en conta un cambio de horario respecto ao anunciado inicialmente. Debido a problemas de axenda de varios integrantes das agrupacións, o festival comezará ás 17:00 h, polo que se adianta a hora prevista.
Grazas a todos e todas pola comprensión

Sardiñada/Churrascada – Sábado 4 de xullo
Aínda está aberto o prazo para anotarse á comida de convivencia de fin de curso. As persoas interesadas poden facelo a través do teléfono, correo electrónico ou WhatsApp da asociación.

Excursión de fin de curso
A excursión prevista para estas datas queda aprazada e realizarase a comezos do próximo curso. Informaremos da nova data en canto estea concretada.

Agardamos vervos nestas últimas actividades para despedir xuntos un curso cheo de música, baile e bos momentos.

08/06/2026

Se non puideches asistir ou queres volver g***r dunha tarde chea de música e tradición, xa podes ver as actuacións completas dos grupos convidados que nos acompañaron nesta celebración tan especial:
· Son de Monelos
· Cantareiras de Cances ()
· Rondalla de Cedeira

O noso agradecemento a todas as agrupacións pola súa participación e por compartir connosco o seu talento, contribuíndo a facer deste festival unha xornada inesquecible.
Podes acceder á lista de reprodución con todas as actuacións aquí: https://youtu.be/v9NSDWHGQ0c?si=aK41bTBy_dN4MtPf

Dirección

Rua Azahar 6-8 1°Esq
A Coruña
15008

Horario de Apertura

Martes	19:30 - 21:30
Jueves	20:00 - 21:30
Viernes	17:00 - 19:00

Página web

https://linktr.ee/actanxedoira

Notificaciones

Sé el primero en enterarse y déjanos enviarle un correo electrónico cuando AC Tanxedoira publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.