05/11/2026
🇽🇰🇩🇪 “Nga Forumi Ekonomik Gjermano-Kosovar te vizitat në kompanitë anëtare – Unioni viziton ALBED”
🤝 Në vazhdën e aktiviteteve të zhvilluara pas Forumit të Tretë Ekonomik Gjermano-Kosovar në Prishtinë, përfaqësues të “Unionit të Bizneseve Shqiptaro-Gjermane” realizuan një vizitë në kompaninë “ALBED”, anëtare e Unionit në kategorinë “Premium”.
Delegacioni i Unionit u prit nga “z. Miri Veseli, pronar i kompanisë ALBED”, me të cilin u zhvillua një takim në frymën e bashkëpunimit dhe forcimit të marrëdhënieve ndërmjet bizneseve.
🏡 “ALBED” është kompani që vepron në industrinë e mobilieve dhe arredimit të ambienteve të brendshme, duke ofruar zgjidhje për mobilimin e hapësirave të banimit dhe atyre komerciale.
Në këtë vizitë morën pjesë “Zenun Krasniqi”, Kryetar i Kryesisë; “Afrim Osmanaj”, Nënkryetar i Kryesisë; “Burim Kuraja”, Anëtar i Kryesisë; “Nazmi Viqa”, President i Bordit Këshillëdhënës; si dhe “Azem Rexhaj”, Drejtor Ekzekutiv i Unionit.
Gjatë takimit u diskutua për veprimtarinë dhe zhvillimin e kompanisë, potencialin e industrisë së mobilieve në Kosovë, si dhe mundësitë për zgjerimin e bashkëpunimit dhe krijimin e partneriteteve të reja në tregun gjerman.
📈 “Vizitat te kompanitë anëtare përbëjnë një pjesë të rëndësishme të angazhimit të Unionit”, duke mundësuar njohjen nga afër të kapaciteteve dhe potencialit të bizneseve, si dhe identifikimin e mundësive konkrete për bashkëpunim ekonomik ndërmjet Kosovës dhe Gjermanisë.
Unioni falënderon “z. Miri Veseli” për mikpritjen dhe bashkëpunimin, duke vlerësuar kontributin e kompanisë “ALBED” si anëtare Premium e rrjetit të bizneseve shqiptaro-gjermane.
🌐 www.albedfurniture.com
IndustriaEMobilieve BashkepunimEkonomik