Գավառի մանկապատանեկան ստեղծագործական կենտրոն ՀՈԱԿ

22/08/2026

13/08/2026

Հատուկ շնորհակալություն Գավառի համայնքապետարանի մեր գործընկերներին գեղեցիկ անդրադարձի համար
😊😊😊

12/08/2026

ԳԱՎԱՌԻ ՄՇԱԿՈՒՅԹԻ ՏՈՒՆԸ ՎԵՐԱԲԱՑՎԵՑ

Խաղաղ երկնքի տակ ապրող և արարող Գավառ քաղաքում հերթական օրը վերածվեց մշակութային տոնի՝ վերաբացվեց «Գավառի մշակույթի տունը»։
«Գավառի Մանկապատանեկան ստեղծագործական կենտրոն» ՀՈԱԿ-ը բացման արարողությանը մասնակցեց կենտրոնի սաների ձեռքի աշխատանքների ցուցադրությամբ։
Ցուցահանդեսի գեղեցիկ շարունակությունը դարձավ համերգային ծրագիրը, որի ընթացքում ելույթ ունեցան համայնքային մշակույթի և արվեստի հաստատությունների սաներ, մանկավարժներ։

12/08/2026

ՎԵՐԱԲԱՑՎԵՑ
ԳԱՎԱՌԻ ՄՇԱԿՈՒՅԹԻ ՏՈՒՆԸ

03/08/2026

ԱՄՓՈՓԻՉ ՄԻՋՈՑԱՌՈՒՄ

«Գավառի Մանկապատանեկան ստեղծագործական կենտրոն» ՀՈԱԿ-ում տեղի ունեցավ տարեվերջյան ամփոփիչ ցուցահանդես՝ Ձեռարվեստի և Նկարչության խմբակների մասնակցությամբ։
Ցուցահանդեսին ներկայացվեցին 2025-2026 ուսումնական տարում նշյալ խմբակների սաների կատարած աշխատանքները՝ գունանկարչության, գծանկարչության, դիմանկարչության և այլ ուղղություններով։
Ներկայացվեցին նաև թվով վեց աշխատանքներ՝ կատարված խմբակների լրիվ դասընթացը ավարտող սաների կողմից։ Սաները սիրով խոսեցին ընտրված թեմայի, նյութի և տեխնիկայի, կատարման ընթացքի և ստացված արդյունքների շուրջ։
Միջոցառմանը ներկա էին կենտրոնի տնօրենությունը և աշխատակազմը, ծնողներ և սաներ։
Մեթոդիստ Ռ․ Վարդանյանը շնորհավորեց ավարտող սաներին և մաղթեց նորոնոր հնարավորություններ ուսման ասպարեզում, իսկ տնօրեն Լ․ Ղազարյանը փոխանցեց ավարտական վկայականներ ՝ կարևորելով նոր գիտելիքների ձեռքբերումն ու կիրառությունը։

03/08/2026

ՍՏՎԵՐԱԽԱՂԸ՝ ՀԱՃԵԼԻ ԺԱՄԱՆՑԻ
ԵՎ ՆՈՐ ԳԻՏԵԼԻՔՆԵՐԻ ԱՂԲՅՈՒՐ

հյուրընկալեց -ի սպասված հյուրերին։
Փոքրիկ հանդիսատեսը ծանոթացավ հայկական մի շարք առակների, որոնց հիման վրա թատրոնում բազմիցս բեմադրվել են գեղեցիկ ներկայացումներ և մասնակցեց Վարպետաց դասի, որով բացահայտեց անշունչ տիկնիկների խոսող և քայլող ստվերների առաջացման գաղտնիքներն ու դիտեց մի քանի ներկայացում։
Հյուրերը հեռացան բարձր տրամադրությամբ։

03/08/2026

ՍՏՎԵՐՆԵՐԻ ԹԱՏՐՈՆԸ
ԿՐԿԻՆ ՀՅՈՒՐԸՆԿԱԼՈՒՄ Է ԻՐ ՆԵՐԿԱՅԱՑՈՒՄՆԵՐՈՎ

Այս անգամ հյուրը Նորատուսի ամառային դպրոցի սաներն էին։
Թատրոնի խմբակավար Վարդ Սարգսյանի ակտիվ մասնակցությամբ հյուրերը ներկա գտնվեցին Վարպետաց դասի՝ ծանոթանալով ստվերախաղի մի քանի կարևոր գաղտնիքների, իսկ վերջում դիտեցին մի շարք ներկայացումներ՝ ուսուցողական և ճանաչողական բնույթի։
Հյուրերը հեռացան նոր այցելության ակնկալիքով։

30/07/2026

ՇԱԽՄԱՏԻ ՄԻՋԱԶԳԱՅԻՆ ՕՐԸ
ԳԱՎԱՌԻ ՄԱՆԿԱՊԱՏԱՆԵԿԱՆ
ՍՏԵՂԾԱԳՈՐԾԱԿԱՆ ԿԵՆՏՐՈՆՈՒՄ

«Գավառի Մանկապատանեկան ստեղծագործական կենտրոն» ՀՈԱԿ-ի տնօրեն Լ․ Ղազարյանի նախաձեռնությամբ և ՀՀ Շախմատի ակադեմիայի Գավառի շախմատի մասնաճյուղի մարզիչ Կ․ Սարգսյանի գործուն աջակցությամբ «Գավառի մշակույթի տանը» տեղի ունեցավ ԳՄՍ կենտրոնում Ս․ Զախարյանի խմբավարությամբ գործող Շախմատի խմբակի Բաց դասը՝ նվիրված Շախմատի միջազգային օրվան։
Բաց դասն ընթացավ բովանդակալից ակնարկով շախմատի ստեղծման, զարգացման և տարածման պատմությանը, պարային-երաժշտական համարով և բարձրակարգ շախմատային պարտիայի ցուցադրությամբ՝ Կ․ Սարգսյանի կատարմամբ։
Հանդիպման հատուկ հյուրն էր ՀՀ Շախմատի ակադեմիայի միջազգային կարգի շախմատիստ Վ․ Խոջոյանը, որը, հավարտ միջոցառման, իր երախտիքի և գնահատանքի խոսքն ասաց կատարված աշխատանքի մասին։
Միջոցառումն իր ներկայությամբ պատվեց Գավառի համայնքապետարանի աշխատակցուհի Հ․ Զանգիզորյանը՝ իր խոսքում կարևորելով շախմատի դերը երեխաների տրամաբանության զարգացման հարցում։
ԳՄՍ կենտրոնի տնօրեն Լ․ Ղազարյանը և մեթոդիստ Ռ․ Վարդանյանը նոր հանդիպման ակնկալիքով շնորհակալության խոսք ասացին Շախմատի խմբակի սաներին և նրանց ծնողներին ակտիվ համագործակցության համար։
Հանդիպումը շաարունակվեց Շախմատի խմբակում՝ միաժամանակյա շախմատի ձևաչափով։

23/07/2026

ՇԱԽՄԱՏԱՅԻՆ
ՆՈՐ ԿԱՐԳԱՅԻՆ ՄՐՑԱՇԱՐ

«Գավառի Մանկապատանեկան ստեղծագործական կենտրոն» ՀՈԱԿ-ի և ՀՀ Շախմատի ակադեմիայի Գավառի մասնաճյուղի Շախմատի խմբակների սաների միջև, մարզիչներ՝ Ս․ Զախարյանի և Կ․ Սարգսյանի նախաձեռնությամբ անցկացվեց Շախմատի 2-րդ կարգի մրցաշար։ Շուրջ երկու տասնյակ մասնակիցների շարքում կենտրոնի Շախմատի սան Դանիել Հովհաննիսյանը արժանացավ Շախմատի 2-րդ կարգի։
Կենտրոնի տնօրենությունը և աշխատակազմը սիրով շնորհավորում են Դանիելին հաղթանակի առթիվ և մաղթում են նորանոր հաջողություններ։

20/07/2026

ՇԱԽՄԱՏԻ ՄԻՋԱԶԳԱՅԻՆ ՕՐԸ՝ ՀԱՄԱԳՈՐԾԱԿՑՈՒԹՅԱՆ ԵՎ ՇԱԽՄԱՏԻ ՑՈՒՑԱԴՐԱԿԱՆ ԽԱՂԵՐԻ ԱՌԻԹ

«Գավառի Մանկապատանեկան ստեղծագործական կենտրոն» ՀՈԱԿ-ի տնօրեն Լ․ Ղազարյանի և մեթոդիստ Ռ․ Վարդանյանի ուղեկցությամբ Շախմատի խմբակի սաները հյուրընկալվեցին Գավառի համայնքային գրադարանում։
ՀՀ Շախմատի ակադեմիայի Գավառի մասնաճյուղի մարզիչ Կ․ Սարգսյանի ակտիվ միջամտությամբ Շախմատի խմբակի սաները պատասխանեցին մի շարք հարցերի և լուծեցին բազմաթիվ շախմատային խնդիրներ։
Հանդիպմանը ներկա գտնվեցին շախմատասեր աշակերտներ՝ Գավառի 4-րդ և 5-րդ հանրակրթական դպրոցների Շախմատի ուսուցչուհի Ջեմմա Կևեյանի ուղեկցությամբ։ Վերջինս նույնպես ներկաներին դիմեց շախմատային առաջադրանքներով։
Կենտրոնի տնօրեն Լ․ Ղազարյանը և մեթոդիստ Ռ․ Վարդանյանը սիրով շնորհակալություն հայտնեցին գրադարանի տնօրեն Ս․ Խանդանյանին հրավերի համար և շնորհավորանքի խոսքեր ասացին բոլոր շախմատասերներին։