Hêpie Campers Upington

26/06/2026

Hêpie Vrydag Resep

Een van ons jonger lede in ons groep het die naweek vir ons gewys hoe kan ń maklike resep nog steeds lekker wees.

🥗 Hêpie Campers Kampslaai 🏕️
As daar een ding is wat altyd werk om 'n braai af te rond, is dit 'n eenvoudige, lekker kamp-slaai. Hierdie een is maklik om te maak en was 'n groot wenner by ons kampvuur!

Bestanddele:
🧅 2 uie
🍏 6 Granny Smith-appels
🥒 2 komkommers
🥣 500 g plain joghurt
🤎 Bruinsuiker (na smaak)

Metode: 🔥 Sny die uie in ringe of groter stukkies – moenie dit te fyn sny nie. Sit dit in 'n pan op die kole, strooi 'n bietjie bruinsuiker oor en karameliseer dit stadig totdat dit lekker sag en goudbruin is.
🍏 Skil die appels en sny dit in happiegrootte blokkies.
🥒 Sny die komkommers op soos jy daarvan hou.
🥗 Meng die appels, komkommer en afgekoelde gekaramaliseerde uie saam. Skep die plain joghurt bo-oor en meng liggies deur.

💡 Hêpie Camper-wenk: Laat die slaai vir so 30 minute in die koelhouer rus voordat jy dit voorsit. Dan trek al die geure lekker saam.
Geniet hom saam met 'n lekker braai, goeie geselskap en die mooiste uitsig. Want kampkos hoef nie ingewikkeld te wees om ongelooflik lekker te smaak nie! 🏕️😊

22/06/2026

Hêpie Maandag Motivering

21/06/2026

Kamp gou biekie saam met ons by Kambiki Farm Camping. Ons het die naweek daar gekamp, net gou solank vir julle ñ voorsmakie gee van hoe ons kamp.Dankie Leke Kampers vir julle kuiertjie. Dankie vir julle leiding en raad, volgende keer maak ons dit ń heelnaweek kamp.

21/06/2026

20/06/2026

19/06/2026

Hêpie Vrydag Resep

🥘Tropika Oxtail – Hêpie Campers Styl

Bestanddele
2 kg oxtail
2 groot uie, grof gekap
3 wortels, in skywe gesny
4 knoffelhuisies, fyngedruk
1 liter Tropika Original
1 pakkie bruin uiesop
1 pakkie sampioenroomsop
250 ml sterk beesaftreksel
2 eetlepels tamatiepasta
2 lourierblare
1 teelepel rokerige paprika
1 eetlepel Worcestersous
Sout en vars gemaalde swartpeper
250 g sampioene (opsioneel)

Metode
🔥 Maak die pot warm en braai die oxtail mooi donkerbruin. Moenie hierdie stap afjaag nie – dis waar die geur vandaan kom.
🧅 Voeg die uie, wortels en knoffel by en braai tot die uie begin sag word.
🥛 Meng die Tropika, soppoeiers, beesaftreksel, tamatiepasta, Worcestersous en paprika saam totdat daar geen klonte is nie.
🍲 Gooi die mengsel oor die vleis en voeg die lourierblare by.
⏰ Sit die deksel op en laat stadig prut vir 4 tot 5 uur. Roer net af en toe.
🍄 Gooi die sampioene gedurende die laaste uur by.
👌 Wanneer die vleis sommer vanself van die been afval, is hy reg.

Bedien saam met:
Romerige kapokaartappels
Wit rys
Stampmielies
Vars potbrood

Kampvuur Motivering
"Soos 'n goeie oxtail vat die beste dinge in die lewe tyd. Jy kan nie haastig wees met vriendskap, familie of herinneringe nie. Sit om die vuur, skep nog 'n lepel vol, vertel nog 'n storie. Dis daardie oomblikke wat later die mooiste memories word." 😊🍲🔥

15/06/2026

Hêpie Maandag Motivering

'n Nuwe week lê voor soos 'n lang grondpad wat oor die horison verdwyn. Jy weet nie altyd presies wat om die volgende draai wag nie, maar dit maak nie saak nie. Wat saak maak, is dat jy die moed het om aan te hou ry.

12/06/2026

🌯 Hêpie Vrydag Resep: Die Boerrito! 🇿🇦🔥

Hier by Hêpie Campers hou ons daarvan om nuwe dinge te probeer, maar ons glo ook dat 'n mens nie moet mors met die dinge wat reeds perfek is nie. Daarom het ons besluit om twee gunstelinge te vat en hulle saam te voeg in een heerlike kampgereg.

Ontmoet die Boerrito!🌯
Dis presies wat jy d**k dit is – die lekkerte van 'n burrito, maar met die trots van 'n goeie Suid-Afrikaanse boerewors. En glo my, hierdie een gaan vinnig 'n gunsteling rondom die kampvuur word.

🌯 Wat jy nodig het
Vir die vulsel:
500 g boerewors
1 ui, fyn gekap🧅
1 rooi soetrissie, in blokkies gesny
1 blikkie mieliepitte, gedreineer🌽
1 blikkie nierbone of chakalaka
1 teelepel paprika
½ teelepel komyn (opsioneel)
Sout en peper na smaak

Vir die Boerrito:
4 groot tortilla wraps
2 koppies gerasperde cheddar kaas
1 avokado, in skywe gesny
Blaarslaai
Tamatie, in blokkies gesny

Vir die salsa:
2 tamaties, gekap🍅
½ ui, fyn gekap
Handvol vars pietersielie of koljander
Sap van 1 suurlemoen🍋
Sout en peper na smaak

👨‍🍳 So maak jy
Braai die boerewors mooi gaar oor die vuur.
Laat dit effens afkoel en sny dit in happiegrootte stukkies.
Braai die ui en soetrissie in ń pan
Voeg die boerewors, mielies, bone of chakalaka, paprika en komyn by.
Meng alles goed deur en laat dit vir ongeveer 5 minute prut.
Maak die salsa
Meng al die salsa-bestanddele saam in 'n bakkie en sit eenkant.

Bou jou Boerrito
Verhit die tortilla wraps liggies.
Plaas 'n laag blaarslaai in die middel.
Skep van die boereworsmengsel bo-op.
Voeg die kaas by.
Rond af met avokado, tamatie en die vars salsa.
Vou die kante in en rol styf op.

Die kampvuur-geheim 🔥
Vir daardie ekstra ietsie, plaas die opgerolde Boerrito vir 'n paar minute op 'n warm rooster of droë pan. Die tortilla word goudbruin en bros, terwyl die kaas binne-in lekker smelt.

😊 Hêpie Gedagte van die Week
Party van die beste resepte ontstaan nie in 'n restaurant nie, maar rondom 'n kampvuur waar iemand vra: "Wat gebeur as ons dit saam met boerewors probeer?"
En so is die Boerrito gebore.
Dis eenvoudig, lekker, vullend en perfek vir daardie aande wanneer die stories langer raak as die dag se kilometers.
As jy hierdie een probeer, laat weet ons gerus hoe dit uitgewerk het. Ons vermoed daar gaan nog baie Boerrito's rondom kampvure in Suid-Afrika geëet word.
Van ons kamp na julle s'n...
Lekker kamp, lekker eet en bly Hêpie! 🌯🔥🚐😊