Hêpie Campers Upington

30/10/2026

🍲 HÊPIE VRYDAG RESEP

DRIEBONESLAAI – Drie bone, hope lekkerte! 😋

'n Goeie braai vra mos nie net vir lekker vleis nie. Hy vra ook vir 'n lekker bykos! En hierdie Drieboneslaai is een van daardie slaaie wat sommer die vorige dag al beter raak.

Die lekkerste? Jy gooi alles bymekaar, meng jou sous en laat die yskas die res van die werk doen. Geen groot storie nie!

🥣 BESTANDDELE

- 1 blik groenbone
- 1 blik botterbone
- 1 blik baked beans
- 1 groenrissie, fyn opgesny
- 1 ui, fyngekap
- 125 ml bruin asyn
- 125 ml suiker
- 125 ml kookolie
- 5 ml mosterdpoeier
- 5 ml gedroogde basiliekruid
- 5 ml gedroogde pietersielie
- Sout en peper na smaak

👨‍🍳 METODE

1. Dreineer die groenbone en botterbone goed.
2. Plaas die groenbone, botterbone, baked beans, groenrissie en ui in 'n groot mengbak.
3. Meng die bruin asyn, suiker, kookolie, mosterdpoeier, basiliekruid, pietersielie, sout en peper saam.
4. Roer die sous goed deur totdat die suiker opgelos is.
5. Giet die sous oor die bone en meng alles liggies deur.
6. Bedek en plaas in die yskas vir minstens 24 uur sodat al die geure lekker kan trou!

🔥 HÊPIE SE WENK:
Hou jy van 'n lekker souserige slaai? Verdubbel sommer al die sousbestanddele. Jy gaan nie spyt wees nie!

En onthou, hierdie slaai is op sy lekkerste saam met Saterdag se braaivleis. Maak hom dus sommer Vrydag al reg – dan het die geure genoeg tyd om lekker deur te trek.

Want by Hêpie weet ons mos...

Geen reëls. Net kole. 🔥🏕️

👇 Wie maak nog Drieboneslaai vir die braai? En wie het hierdie slaai net altyd op die Kersfees tafel gekry? Deel gerus jou eie wenke en variasies!

30/10/2026

28/10/2026

Hêpie Woensdag Wenk gaan vandag oor gas veiligheid.⚠️☠️ Daar kan so maklik ń fout gebeur met tragiese gevolge as mens nie gasveiligheid toepas nie.

22/10/2026

22/10/2026

Wat gebeur as jy kamp by die mees uniekste kamp plek in die Kalahari by Kalahari Guesthouse, Camping and farmstall en jy laat 3 legendes, KUGA , Terbodore Coffee Roasters en Driply ontmoet?

Absolute koffie smaak sensasie☕️😍

21/10/2026

Hêpie Woensdag Wenk
Daar is maar altyd paar spinnekoppe 🕷wat saam kamp. Hier in die Noord Kaap is ń paar wat jou kan seer maak so wees maar altyd op jou hoede rondom jou kamp plek. Behalwe as jy graag Spiderman wil raak.......🕷😁

19/10/2026

14/10/2026

🐍🚨 HÊPIE CAMPERS WOENSDAG WENK 🏕️🔥

⛺️ EEN SLANG IN JOU KAMP IS NIE DIE TYD VIR HELD SPEEL NIE!

Die Noord-Kaap se natuur is pragtig, maar ’n slang kan jou kampeernaweek vinnig in ’n noodgeval verander. Ons moet maar onthou ons kuier in hulle huis, nie hulle wat in ons huis kuier nie. Weet hoe om jouself en jou geliefdes te beskerm!

🛡️ VOORKOMING:
✅ Hou jou kampplek skoon en netjies.
✅ Dra stewige skoene en langbroeke.
✅ Gebruik ’n flits wanneer jy saans rondbeweeg.
✅ Moenie jou hande in gate, onder rotse of in digte bosse steek nie.
✅ Hou kinders en troeteldiere dop.

🐍 Sien jy ’n slang? Bly kalm, gee hom ruimte en beweeg stadig weg. Moet hom nooit probeer vang of doodmaak nie!

🚑 AS IEMAND GEBYT WORD:
1️⃣ Hou die persoon kalm en so stil moontlik.
2️⃣ Immobiliseer die beseerde ledemaat.
3️⃣ Verwyder ringe, horlosies en stywe items.
4️⃣ Kry onmiddellik mediese hulp – moenie wag vir simptome nie!

❌ Moenie die wond sny, uitsuig, ’n toerniket aansit of boererate gebruik nie.

🔥 KAMP SLIM. BLY WAAKSAAM. KOM VEILIG TUIS!

By Hêpie Campers Upington respekteer ons die natuur én prioritiseer ons veiligheid.

🌵 Respekteer die natuur. Geniet die avontuur. Kamp veilig! 🏕️

09/10/2026

🔥🥞 HÊPIE VRYDAG RESEP

Een van ons followers, Marietjie Hickman, het hierdie wenresep met ons gedeel.
Baie dankie Marietjie vir hierdie resep.

🥞 KAMPVUUR-PLAATKOEKIES

Min moeite, baie lekker en gemaak vir die kole! 😋🔥

Kamp is mos nie net oor vleis op die kole nie. Partykeer vra jou maag sommer vir ’n soet bederfie… en hierdie plaatkoekies is nét die ding! 🤤

🛒 BESTANDDELE

- 2 koppies meel
- 4 eetlepels suiker
- 1 koppie melk
- 2 eetlepels bakpoeier
- 2 eiers
- 2 eetlepels gesmelte botter

👨‍🍳 SO MAAK JY

1. Meng al die droë bestanddele saam.
2. Klits die eiers en melk saam en meng dit by die droë bestanddele.
3. Smelt die botter en roer dit by die mengsel in.
4. Verhit jou pan en skep lepels vol beslag daarin.
5. Bak tot daar borreltjies vorm, draai om en bak die ander kant goudbruin. 🥞

🔥 DIE HÊPIE-KAMPGEHEIM!
Gooi stroop oor die warm plaatkoekies, rasper kaas bo-oor en rond dit af met ’n lekker skeut Sweet Chilli-sous! 😍

Klink dalk vreemd, maar glo my… dis ’n wenkombinasie!

🏕️ WENK VIR DIE KAMPKOK
Die kole moet dieselfde hitte wees as wanneer jy braai — lekker warm, maar nie só warm dat jou plaatkoekies buite brand en binne rou bly nie.

Marietjie sê ń gietysterpan (cast iron) werk baie goed ir die doel. 😂🔥

🤤 Dis ’n wenresep — probeer hom en geniet!

👇 Vertel ons in die kommentaar:
Wat gooi JY bo-op jou plaatkoekies? Stroop en kaas, konfyt, of dalk iets heeltemal anders?