AfriForum Wêreldwyd

04/09/2026

𝑲𝒐𝒍𝒍𝒊𝒈-nuusbrief
Die nuusbrief is propvol lekkerleesartikels en die nuutste moet-weet nuus wat jou raak. Enigiemand kan 𝒈𝒓𝒂𝒕𝒊𝒔 daarop inteken.

https://mailchi.mp/afriforum.co.za/jou-tuiskomplek-in-die-buiteland-14771012

𝐒𝐭𝐮𝐮𝐫 𝐡𝐢𝐞𝐫𝐝𝐢𝐞 𝐧𝐮𝐮𝐬𝐛𝐫𝐢𝐞𝐟 𝐨𝐨𝐤 𝐚𝐚𝐧 𝐚𝐥 𝐣𝐨𝐮 𝐟𝐚𝐦𝐢𝐥𝐢𝐞 𝐞𝐧 𝐯𝐫𝐢𝐞𝐧𝐝𝐞 𝐢𝐧 𝐝𝐢𝐞 𝐛𝐮𝐢𝐭𝐞𝐥𝐚𝐧𝐝 𝐞𝐧 𝐡𝐨𝐮 𝐡𝐮𝐥𝐥𝐞 𝐢𝐧𝐠𝐞𝐥𝐢𝐠 𝐞𝐧 𝐛𝐞𝐭𝐫𝐨𝐤𝐤𝐞 𝐛𝐲 𝐬𝐚𝐤𝐞 𝐰𝐚𝐭 𝐡𝐮𝐥𝐥𝐞 𝐫𝐚𝐚𝐤.

03/09/2026

Daar is sekere goed wat jy nie behoorlik kan verduidelik vir iemand wat dit nog nooit beleef het nie.

’n Hele saal wat saam ’n Afrikaanse treffer uit volle bors sing. Iemand wat ’n Suid-Afrikaanse vlag oor hul skouers gooi. Die eerste bekende gesig wat jy tussen die skare raaksien. Daardie oomblik wanneer die musiek begin en almal skielik onthou: Ons mense kán kuier.

En hierdie September kry Adelaide en Perth weer hul b***t.

Bokjol 2026 bring Ricus Nel, Barto en Early B na Australië vir twee groot aande op 25 September in Adelaide en 26 September in Perth.

Vir meer inligting besoek https://www.southafricanevents.com/.

03/09/2026

𝐃𝐨𝐞𝐧𝐢𝐠𝐞 𝐃𝐨𝐧𝐝𝐞𝐫𝐝𝐚𝐠
Weet jy van AfriForum Wêreldwyd se Wêreldgids en wat dié gids behels?

Woon jy in die buiteland en is op soek na ondernemings wat jou taal verstaan?

AfriForum Wêreldwyd se Wêreldgids is die antwoord!
Dié gratis interaktiewe gids stel jou in staat om ondernemings op te spoor wat dienste en produkte in jou moedertaal lewer. Hierdie netwerkgeleentheid is nie net vir ondernemings nie; dit is ook ’n waardevolle wyse om ’n ondersteuningsbasis te bou vir daardie dae wanneer die verlange na ’n goeie Suid-Afrikaanse wyn, kuier om ’n braaivleisvuur en die onmisbare gasvryheid te veel raak.

AfriForum Wêreldwyd se Wêreldgids stel jou ook in staat om jou onderneming die nodige blootstelling te gee.

Ken jy ’n onderneming in die buiteland wat ’n diens of produk in Afrikaans kan lewer? Merk ("tag”) hulle in die kommentaar – ons lys graag die onderneming GRATIS op ons Wêreldgids.

https://wereldgids.co.za/

02/09/2026

Ons veg vir ons mense. Selfs al bly jy ver, kan jy saam met ons staan om ons gemeenskappe in Suid-Afrika te beveilig.
Word ’n internasionale ondersteuner.

www.lidvanafriforum.co.za

02/09/2026

Om in ’n nuwe land te werk, vra meer as net ’n nuwe adres, ’n werkskontrak en die vermoë om die taal te verstaan. Elke land het sy eie werkskultuur – daardie ongeskrewe reëls oor hoe mense kommunikeer, terugvoer gee, besluite neem en professionele verhoudings bou.

Dit is iets wat Natasha Viljoen eerstehands ontdek het nadat sy agt jaar gelede Suid-Afrika vir Nederland verruil het.

Met ’n agtergrond in finansies en ’n passie vir mense het Natasha gou besef dat een van die grootste aanpassings nie noodwendig die taal of die praktiese kant van emigrasie was nie, maar die verskille tussen die Suid-Afrikaanse en Nederlandse werkskultuur.

Om in ’n nuwe land te werk, vra meer as net ’n nuwe adres, ’n werkskontrak en die vermoë om die taal te verstaan. Elke land het sy eie werkskultuur – daardie ongeskrewe reëls oor hoe mense kommunikeer, terugvoer gee, besluite neem en professionele verhoudings bou. Dit is iets wat Natasha V...

01/09/2026

Wanneer gesinne hulle in ’n nuwe omgewing vestig, ontstaan daar dikwels ’n stille spanning rondom taal. Ouers wil hul kinders se moedertaal bewaar, maar is bang dat dit soos nóg ’n verantwoordelikheid sal voel – iets wat gedwing, afgedwing of voortdurend reggestel moet word.

Die goeie nuus is: Moedertaal floreer nie onder druk nie, maar in ruimte. Dit leef die sterkste waar dit natuurlik deel word van die alledaagse lewe.

📖 𝗟𝗲𝗲𝘀 𝗱𝗶𝗲 𝘃𝗼𝗹𝗹𝗲𝗱𝗶𝗴𝗲 𝗮𝗿𝘁𝗶𝗸𝗲𝗹 𝗵𝗶𝗲𝗿: https://wereldwyd.co.za/opvolgartikel-praktiese-wenke-om-moedertaal-lewendig-te-hou-sonder-druk/

01/09/2026

In elf episodes bring Vaste fondamente Bybelse insig, geskiedkundige konteks en ’n belewenis van Turkye bymekaar, sodat gelowiges die erfenis van die vroeë kerk nuut kan waardeer en self met groter sekerheid op die vaste fondamente van die Christelike geloof kan staan.

31/08/2026

Wanneer mense oor emigrasie praat, fokus hulle dikwels op nuwe werksgeleenthede, skole of die aanpassing by ’n nuwe kultuur. Minder aandag word egter gegee aan die administrasie wat lank ná die verhuising steeds aandag verg.

’n Dokument wat verval, ’n vorm wat nooit ingedien is nie of ’n naamverandering wat nie oral opgedateer is nie, kan maande se wagtyd, onnodige koste en baie frustrasie veroorsaak. Gelukkig is baie van hierdie probleme voorkombaar.

’n Dokument wat verval, ’n vorm wat nooit ingedien is nie of ’n naamverandering wat nie oral opgedateer is nie, kan maande se wagtyd, onnodige koste en baie frustrasie veroorsaak. Gelukkig is baie van hierdie probleme voorkombaar.

31/08/2026

Ons kan nie altyd ons omstandighede beheer nie, maar ons kan kies om dit in God se hande te plaas.

Mag sy vrede vandag jou hart vul, jou gedagtes tot rus bring en jou herinner dat Hy getrou bly ongeag wat hierdie week inhou.

30/08/2026

Werner Human is die burgerregteorganisasie AfriForum se nuwe adjunk- uitvoerende hoof.