Solidariteit Beweging

14/10/2026

Waarskuwing oor fopnuus: Ons wil graag ons volgers waarsku dat hierdie video wat tans op sosiale media versprei word, vals is.

Vermy asseblief enige misleidende inhoud en volg slegs ons amptelike kommunikasiekanale vir korrekte inligting.

Moet asseblief nie op enige verdagte skakel klik nie.

14/10/2026

Die bekende ou sêding dat “as drie Afrikaners 'n dorp stig, hulle vier kerke bou” het al amper 'n volksmite geword. Die gedagte bestaan dat ons altyd verdeeld is en oor alles verskil.

Die werklikheid toon egter die teendeel.

Afrikaners werk vandag op grondvlak oor gemeenskappe, kerke en instellings heen saam. Ten spyte van uiteenlopende standpunte is daar 'n diep praktiese eenheid rondom ons gedeelde waardes, kultuur, onderwys en die beskerming van ons leefruimtes.

Ons hoef nie oor alles eenders te dink om saam aan 'n werkbare toekoms te bou nie.

Lees die volledige artikel hier:
https://beweging.co.za/afrikaners-was-nog-nooit-so-verenig-nie/

Die ou wysheid lui dat as drie Afrikaners ‘n dorp stig, hulle kort daarna vier kerke stig. Dit het al amper ‘n volksmite geword dat Afrikaners altyd heftig verskil en daar gevolglik altyd ten minste twee kampe Afrikaners is oor enige onderwerp. Ons geskiedenis wys ook dat Afrikaners inderdaad he...

12/10/2026

"’n Kultuurgemeenskap bestaan nie bloot omdat ’n klomp individue toevallig dieselfde taal praat, dieselfde geskiedenis onthou of ’n aantal gebruike met mekaar deel nie. ’n Kultuur moet gedra word. En om oor geslagte heen gedra te word, het ’n kultuur instellings nodig...

Daar is goed wat ’n mens alleen kan doen. En daar is goed wat ons slegs saam, as gemeenskap, kan doen. Dit is waar individuele verantwoordelikheid kollektiewe verantwoordelikheid word...

Geen geslag besit sy kultuur as sodanig volledig nie. Ons ontvang dit. Ons kry vir ’n tyd lank toesig daaroor...

Ons kinders gaan eendag nie veel omgee watter etiket ons in 2026 vir mekaar gegee het nie. Hulle gaan leef met wat ons gebou het — of dan nagelaat het om te bou."

Henk Schalekamp, Besturende Direkteur van Kanton, stel kragtig waarom ons vandag self die verantwoordelikheid moet aanvaar om vir die toekoms te belê en te bou.

👉 Lees die volle Maroela Media-artikel hier: https://maroelamedia.co.za/debat/meningsvormers/ons-beurt-om-te-bou/

Akademia

Ons wil hê Suid-Afrika moet slaag. Maar ons hoef nie ons eie kulturele verswakking as die offer tot goeie burgerskap te aanvaar nie.

12/10/2026

Die oplossing vir die nuwe laagtepunt is nie dat Suid-Afrika voor die VSA moet kniel nie – dit het niemand nog ooit vereis nie.

"Ramaphosa kan alle rasse-aanhitsing veroordeel, insluitend 'Kill the Boer' sonder om ʼn hofuitspraak te herroep. Die regering kan landelike misdaad as prioriteitsmisdaad verklaar en ʼn bestaande landelikeveiligheidstrategie uitbrei en saam met die Amerikaners befonds. Die ekwiteitekwivalente beleggingsmodel kan na mynbou en telekommunikasie uitgebrei word as ʼn beleggingsbesluit, met ʼn verbintenis om meer rassewette oor die volgende paar jaar uit te
faseer en meer op Suid-Afrikaners se sosiomaatskaplike posisie te fokus wanneer dit by bemagtiging kom," verduidelik Jaco Kleynhans, hoof van internasionale skakeling by Solidariteit.

Lees die volle artikel op Maroela Media hier:
https://maroelamedia.co.za/nuus/sa-nuus/amerika-maak-reg-om-suid-afrika-hard-te-slaan/

Suid-Afrika se diplomatieke beleid onder leiding van die ANC die afgelope 32 jaar het grootliks op die party se historiese bande met linkse partye en groepe wêreldwyd, wat hom in die stryd teen apartheid gesteun het, berus. Vir die ANC was daar nooit ʼn volgende fase in diplomasie wat verby die rom...

07/10/2026

Dit is gevaarlik om Suid-Afrika sentraal te bestuur én 'n regering te hê wat al hoe meer dinge wil sentraliseer.

Ons staan byvoorbeeld die sentralisasie van gesondheidsorg en onderwys teë en sal – te danke aan jou ondersteuning – aanhou om dit te doen.

Vir nog standpunte wat jou laat dink, kyk hierdie dokumentêr: https://www.youtube.com/watch?v=OWWygOxOyJE

05/10/2026

"In 1997 is daar dus twee gebeure en twee denkrigtings wat teenoor mekaar staan. Buys sê ons moet bou; Mbeki sê ons moet ‘struggle’... Die bou-idee van Buys is ʼn sukses en 30 jaar later is die instellings van die Solidariteit Beweging kragtig en bied dit antwoorde anderkant die staat."

Lees die volle artikel van Dirk Hermann in Maroela Media hier:

In 1997 het twee uiteenlopende idees oor Suid-Afrika se toekoms vorm gekry: die ANC sou die “struggle” voortsit, terwyl Flip Buys gemeenskappe wou laat bou. Byna 30 jaar later lê die gevolge van dié twee keuses duideliker as ooit voor ons, skryf dr. Dirk Hermann.

30/09/2026

"’n Samelewing kan net vooruitgaan as elke geslag vir die volgende een leef."

Tydens die Helpende Hand Studietrust se sakeontbyt het Flip Buys, voorsitter van die Solidariteit Beweging, ’n sterk beroep op mense gedoen om ’n blywende nalatenskap te laat.

Die Studietrust bied jaarliks studiehulp ter waarde van R75+ miljoen aan meer as 1 200 studente en spog met ’n 99%-terugbetalingskoers. Studente betaal terug sodat die volgende geslag gehelp kan word, want gratis studie is op die lange duur alles verniet.

Ons toekoms vra dat ons voortbou op instellings soos Sol-Tech en Akademia.
Soos dr. Anton Rupert gesê het: ’n klein volk moet groot dink en groot doen.

Lees meer hier:

Flip Buys, voorsitter van die Solidariteit Beweging, het Dinsdag (29 September) tydens die Helpende Hand Studietrust se sakeontbyt ʼn sterk beroep op mense gedoen om ʼn blywende nalatenskap te laat. Die geleentheid, wat in samewerking met Akademia aangebied is, het op Akademia se Leriba-kampus in Ce...

29/09/2026

Ons wil dit duidelik stel dat ons uitgangspunt is om Suid-Afrika se kant te kies, en nie dié van die Withuis of Luthuli-huis nie. Dit is in Suid-Afrika se belang dat antwoorde op Amerikaanse versoeke gevind word, daarom plaas ons praktiese antwoorde op die tafel. Hoewel ons nie die oorsaak van die probleem is nie, sal ons saamwerk om ʼn oplossing te vind.

Lees meer hier: https://maroelamedia.co.za/nuus/sa-nuus/van-raswette-tot-plaasmoorde-vyf-antwoorde-vir-sa-vsa-geskil/

29/09/2026

Die Solidariteit Beweging, waarvan AfriForum en Solidariteit deel is, gaan môre vyf antwoorde op die Verenigde State van Amerika (VSA) se vyf versoeke bekend maak. Die Amerikaanse regering het verlede jaar die versoeke aan die Suid-Afrikaanse regering gerig oor kwessies wat ʼn geskil tussen die twee lande ontketen het. Die antwoorde het ten doel om oplossings vir die politieke en diplomatieke geskil te bied, omdat dit in Suid-Afrika se nasionale belang is om goeie betrekkinge met die VSA te handhaaf.

25/09/2026

Die Amerikaanse ambassadeur in Suid-Afrika, Leo Brent Bozell III, het AfriForum se gemeenskapsveiligheidsentrum in Centurion besoek waar die veiligheidsnetwerk en voorgestelde plan vir samewerking met die polisie aan hom voorgelê is.

Bozell kon onder meer hierdie Beweging-instelling se buurtwagte, gespesialiseerde reaksiespanne, trauma-eenheid en rampbestuursentrum sien.

Ons hoop dat die Suid-Afrikaanse regering positief reageer op die voorstel vir ’n openbare-gemeenskapsvennootskap om misdaad te bekamp, want dit sal die stryd teen misdaad in die belang van almal in die land versterk.

Lees meer hier: https://maroelamedia.co.za/nuus/sa-nuus/bozell-besoek-afriforum-se-veiligheidsentrum/

Die Amerikaanse ambassadeur in Suid-Afrika, Leo Brent Bozell III, het AfriForum se gemeenskapsveiligheidsentrum in Centurion besoek waar die organisasie sy veiligheidsnetwerk en voorgestelde plan vir samewerking met die polisie aan hom voorgelê het.