What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00

https://www.facebook.com/102187525489533/

ACVV Hesperos

ACVV Hesperos is 'n tehuis in Beaufort Wes wat strewe daarna om die beste vir ons bejaardes te bied. Die onderhandelinge met die Kerk wou egter nie slaag nie. H.

Met liefde en geduld sien ons elke dag deur met 'n glimlag op ons gesigte. Volgens inligting verkry uit die boek Hooyvlakte
" 'n Aantal vooraanstaande inwoners van Beaufort-Wes het hulle in 1950 vir die oprigting van 'n outehuis begin beywer omdat die behoefte aan so 'n inrigting besonder groot was. Die algemene mening was dat die ruim, sentraal geleë "groot pastorie" in Donkin straat daarvoor verkry moes word. Die pastorie is sedertdien gesloop. Die saak het 'n paar jaar gesloer, totdat burgermeester J.N. Brummer, D.L de Villiers (van die plaas La-De-Da) en prokureur A.B Crawford die Stadsraad en Minister Eric Louw genader het vir ondersteuning. Laasgenoemde het daarin geslaag om die gewese Provinsiale algemene hospitaal in Hopsitaalheuwel te verkry. Die Provinsiale Administrasie het die gebou tesame met die elf morg waarop dit staan, vir die nominale bedrag van een sjieling verkoop aan die ouetehuis-maatskappy wat gestig sou word. 'n Lening van £4,500 vir die omskepping van die gebou is by die Nasional Behuisingskommisie verkry. Gedurende 1959 is die Hesperos-nutsmaatskappy gestig en geregistreer, met die volgende direkteure: Dennis Lilford de Villiers (voorsitter), dr. Johan Nikolaas Brummer, Marais Melius de Villiers, Hermanus Bejamin de Witt, Andre Bisschoff Crawford, Susan Maria Verster en Antionette Hamman. In 'n naamwedstryd is "Hesperos" (Grieks vir aandster) aan die hand gedoen deur W.P. Bachwitz. Die lening was skaars genoeg om die gebou om te skep. Met behulp van skekings en ander fondse wat geesdrifftig ingesamel is, kon al die nodige toerusting en meubels egter aangeskaf word, en op 30 April het die eerste oues van dae hulle intrek geneem. Die eerste inwoners was mnr. en mev. A.H Truter, wat sedertdien albei oorlede is. Die eerste matrone was mej. S.M. Ge**er. In November 1959 het E.H. Louw (destyds L.V) die tehuis in die teenwoordigheid van 'n groot skare amptelik geopen. Toe mej. Ge**er Beaufort-Wes aan die einde van Oktober 1962 verlaat het, het mev. M.E Foulkes haar opgevolg as matrone. Die huidige direksie bestaan uit H.B de Wit (voorsitter), mev. Rabie, mev.M.Schneider, J.D. Mlan en dr. A Rootman. Die sekretaresse is mej. Y. Harris en die tesourier is O.C. Nel. Hesperos beskik oor neëntien kamers, 'n rustige, pragtig uitgelegde terrein en 'n vermaaklikheidsklub wat Die Senior Klub genoem word. Die tehuis is altyd vol."

30/10/2026

Baie dankie aan AVBOB South Africa Beaufort-Wes tak Karoo Netwerk, OK Foods en Elize Wasserfall vir julle bydrae tot n heerlike uitstappie vir die inwoners. Die waterpunt en heerlike roomys het opgemaak vir die hitte in die Karoo.
Dankie ook aan Petronella Swanepoel vir al die reëlings en Margaret Strydom wat altyd 'n hand bysit.

11/10/2026

Kom ondersteun die Rotary Beaufort West Kersmark wat by Hesperos onder die olyfbome gehou word 🤗🥳

09/10/2026

Annetjie Mocke, wat 'n mylpaal 🥰
Namens almal by Hesperos, baie geluk met u verjaarsdag!

09/10/2026

Vandag vier ons ’n besondere mylpaal – 100 jaar van lewe, liefde, wysheid en kosbare herinneringe. Tannie Annetjie Mocke 💖
Almal naby haar, haar besonderse kinders, kleinkinders en agterkleinkinders, wat 'n voorreg om haar te ken!
'n Spreuke 31 Vrou, knap in alles wat sy gedoen het. Tannie is 'n voorbeeld vir ons almal! So lief vir die natuur, ons het vandag staaltjies gehoor van toere, voëls kyk, park besoeke. By die huis het tannie voëltjies kos gegee, as hulle in die boom kom sit buig die takke eintlik. Die pot met die rooi vygie voor tannie se kamervenster sodat tannie die vreugde daarvan kan inneem.
Soos n vriendin vandag gesê en 'n geskenk gebring het...
'n "king" protea vir 'n "queen"
Want wat gee mens vir iemand van hierdie ouderdom. Net die mooi van die Heer se skepping waarvoor tannie so lief is.
Baie liefde vir tannie en mag hierdie dag en die dae wat voorlê net geseënd wees! Jesus hou tannie saggies in SY Hande!
😇🙏🙌🫶

02/10/2026

Hesperos deel hierdie skrywe met dankbare harte teenoor die gemeenskap en vrywilligers!

01/10/2026

Dankie aan die organiseerders en donateurs van die Koek en Tee geleentheid vandag.
Almal het dit baie geniet

01/10/2026

Dit is 'n besige week by Hesperos. Ek hou nie by om al die foto's te plaas 😊
Maandag het Sr van Staden n praatjie gelewer.
Dinsdag is daar speletjies gespeel. Woensdag was konsert.
Die week is nog nie verby.
Hou die spasie dop...

30/09/2026

Ons vier hierdie week ons Ouer Persone!! Hulle moet hul waardigheid behou en deurentyd met respek behandel word.
Vandag het van die personeel ons vermaak met 'n opvoering.
Dit was prettig en tog so vol deernis.
Baie dankie vir julle inisiatief!

Address

Stanbridge Street
Beaufort West
6970

Opening Hours

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00

Website

facebook.com

Alerts

Be the first to know and let us send you an email when ACVV Hesperos posts news and promotions. Your email address will not be used for any other purpose, and you can unsubscribe at any time.