Siumu Fono Faavae

21/08/2026

13/07/2026

29/06/2026

E talitonu ua faasifo le la I lona tauafiafi ae o loo molimauina pea le alofa taumulimuli o le Atua I si o tatou itumalo ma e faatalofa atu ai i le paia ma le mamalu o si o tatou itumalo malo le pale malo le faatoatoa...

Ae ua toe laga se Leo o le tatou Fono Faavae ona o nai suiga laiti o le tatou polokalame fuafuaina mo le a*o a taeao e faapea;

Ua tuiina atu le tufatufaina o le tatou $150 mo i latou o totoe I le itula e 2pm I le aoauli ona o nai tuatuagia o le tatou komiti I le taeao a taeao...E faamalulu atu ai I nai suiga laiti nei

Ae tatou feiloai taeao I le taimi ua fuafuaina I le alofa ma le agalelei o le Atua.

Soifua ma ia manuia..

26/06/2026

O le a ou le tutu au leleva, pe ou te tolofuliina lupe o le taeao, aua o lea ua se'e I fogatai ma ua folau I fogafau le tatou folauga, lea la ua malu tua papa le taeao na le to ma le a*o na le tutu aua lo tatou folauga ma le tatou faamoemoe sa tatou alo atu ai I masina ua tuanai.

Manatu foi o lea ua to I tua Apolima, ua tino mai le soifua, aua o fuafuaga a le tagata o le foe e faaee I le tau, o le folauga a le soama e faila tu I ama, ae tatou faafetaia, aua sa taitai tama ma tautai a'e le Atua, ma tatou sisi faamanusina lea o le atu o le tautai ma tatou faapula le atu mua ma tatou atu e I le Atua I lona alofa ma lona agalelei I si o tatou itumalo.

Aua le paia ia Sa A*omua ma aiga e lua, Tuuu ma le aiga Sa Tuuu, Falelua o Tulafale, Lio o le Fofoga o Alataua, Utai le 'uo ma le Faletolu, e le faagaloina foi le pito laau a Faletua ma Tausi, Saoao ma Tamaitai, faapea le malosi o si o tatou itumalo,. Manatu foi e le faagaloina Afia I si ona vao, o Lupe faalele, o Tama faasau o le Talalelei ma o latou faletua aua lo latou galuega fita o loo tatalo ma tuitui faitotoa o le lagi Ina ia to ni manuia aua si o tatou itumalo, malo le soifua maua ma le lagi matafi I lenei vaitau o le tausaga.

Momoli le agaga faafetai mai le Susuga I le Taitaifono Sui o le Komiti, faapea le Pulesili ma le Fono Faavae a Siumu, e tusa ai ma lo tou lagolago ma le tatou galulue faatasi aua le faa*oa*oaina o le faamanuiaga o le $150 aua si o tatou itumalo, faafetai mo le tou pitolaau, e talitonu foi e poto a le tautai ae sese Lana atu I ama, I so matou auaunaga ua le auau, aua le lufilufiina o le faamanuiaga o si o tatou itumalo, ae aumaia le aao lautele o le alofatunoa o le Alii faaola e magalo ai so matou faatauvaa.

O lea ua maalo I iuofe o le tautai matapalapala, a ua afa e tasi foi le finagalo o le tatou Fono Faavae, e toe tatalo atu ai I le Paia ma le mamalu o si o tatou itumalo, latou e lei talaina latou $150 e faapea; o le a*o 30 Iuni, 2026 o le a*o Lua lea o le vaia*o fou ma o le a*o mulimuli foi lea e tusa o fuafuaga a le Malo mo lenei faamoemoe, o le a faatino ai le tufatufaga mulimuli mo lenei faamoemoe. E faailoa atu ai I ai latou uma e lei talaina lau seleni, o le a*o mulimuli lava lea e tusa o fuafuaga a le Malo, ma o le a faatinoina I le itula e 12 I le aoauli. Faamolemole ia utagia mai lenei faasalalauga ma le agaga e tumu I le faaaloalo.

Faamanuia tele le Atua I si o tatou itumalo aua lo tou valaauina I soo se vaega.

Faafetai Tele,
Taitaifono ma le Komiti o le Fono Faavae....

22/06/2026

E talitonu o le a ta'alolo Paia ma mamalu o si o tatou Itumalo, aua ua maea ona tosi le sami, e leai foi se vave na te toe tomalauina ou paia satuafafa aua o paia lava e mai le vavau e o'o i le fa'avavau.

Ae ua toe laga se leo o le tatou Fono Faavae ona o le a*o a taeao A*o Lua, 23 Iuni, 2026 i le itula e 12 i le aoauli, o le a toe fa'aauau ai le fa'a*oaina o le tatou $150.

Mo i latou e le'i resitara mai, ia manatua mai sau pepa fa'amaonia (ID / Pepa Fanau / Tusifolau) e fa'amatuu atu ai lau seleni.

E talitonu o le a utagia mai lenei fa'asilasilaga, ae ia manuia tele fuafuaga ma fa'atatauga o lenei itua*o.

Faafetai
Taitaifono & Komiti o le Fono Fa'avae.

15/06/2026

O le a fata ia i mauga o ao Paia maualuluga o Sa A*omua ma aiga e lua, Tuuu ma lo latou aiga Sa Tuuu, Falelua o Tulafale, Lio o le Fofoga o le Alataua, Uta'ile'uo ma le Faletolu. E le fa'agaloina foi Tama fa'asau o le Talalelei, o loo tu'itu'i faitoto'a o le lagi i le ao ma le po aua se manuia o si o tatou itumalo, soifua manuia ma le lagi matafi, malo le taputapua'i, malo foi le nofo tatalo.

O lea ua maalo le i'u ofe o le tautai o le gataifale, ina ua fa'asifo le la o le tauafiafi ina ua fa'aifo le vao, ma fa'ae'e le tai i tiute ma faiva alofi aao sa fita i tuga i ai si o tatou itumalo i lenei a*o.

Manatu o lea ua afa e tasi le tofa i le afioga i le taitai fono ma sui a komiti o le Fono Fa'avae e fa'apea;

O le a*o a taeao, 15 Iuni, 2026 i le itula e 12pm o le a toe fa'aauau ai le toe talaina o le tatou tai $150 mo i latou e lei oo atu iai le fa'a*oa.

Talitonu o le a utagia mai lenei fa'asalalauga ma ia momoli atu lo tou soifua ma so matou ola i le a*o a taeao i le alofa o le tatou Atua.

Faamanuia le Atua i galuega o totoe o feagai ai ma si o tatou Itumalo.

Faia ma le fa'aaloalo tele,
TAITAI FONO & SUI O LE KOMITI O LE FONO FA'AVAE

24/05/2026

E talitonu o le a le toe faloina le afaloloa i paia ma mamalu o le tatou Itumalo aua o ou paia ua maea ona tosilauti ma mamanu fa'atiti e le au puputoa ma le au fue loloa o le atunuu. Malo le soifua malo le pale.

Ae ua laga se leo o le susuga i le Taitaifono ma le Komiti o le Fono Faavae a si o tatou itumalo e faapea.

O le a*o a taeao, A*o Gafua 25 Me 2026 i le itula e 11am o le a fa'a avanoa foi mo i latou e le'i mafai lava ona talaina lau $150 o le back to school support. Faamolemole ia manatua mai lau pepa faamaonia mo le talaina o lau seleni.

Ia manuia tele tiute ma faiva o totoe o lenei a*o.

Faia ma le fa'aaloalo tele,
TAITAI FONO MA LE KOMITI
FONO FA'AVAE ITUMALO SIUMU...

17/05/2026

FA'ASILASILAGA MO MATUA:

O le a taoto ia le Fiso ma ona lau, aua le paia maualuga ia Sa A*omua ma Aiga e lua, Lau fetalaiga Tuuu ma le aiga Sa Tuuu, falelua o tulafale, fofoga o le Alataua, Utaileuo ma le Faletolu. e talitonu e leai se tasi na te toe suia, e le fa'agaloina foi le pitola'au a faletua ma tausi, le malosi o le tatou itumalo, e le fa'agaloina foi fa'afeagaiga taulagi ma o latou faletua o loo faia le tatalo i le ao ma le po ma fa'anonomanu i le Atua aua se manuia o si o tatou Itumalo. Faamalo le tapuai, ma le fa'atoatoa aua tiute ma galuega o lenei a*o.

Ae ua toe laga se leo i le afio o le afioga i le Taitaifono, sui o le Komiti fa'apea le Ofisa o le Fono Faavae a Siumu, e toe tuu alalo atu ai, ma valuvalusia a'a o le laau i le Paia ma le mamalu o matua e le'i auai mai i le tatou fa'atalatalanoaga i le vaia*o ua tuanai, e uiga i pili aoga o alo ma fanau i aoga maualuluga (NUS, USP, Tesese ma isi aoga maualuluga), e talosaga atu ai, o le a*o Lua, 19 Me, 2026 i le 10 i le taeao (10am), o le a tatou feiloai ai i le tatou Ofisa autu mo le fa'atalatalanoaina o talosaga a fanau e pei ona tuuina mai. E talosagaina foi lou afio mai ma tuuina mai uma ripoti o iuga o suega a le fanau i semesters ma kuata ua te'a aua iloiloga ma fa'amaumauga a le tatou Ofisa.

E vala'au atu foi i ai latou e lei maua lava lana $150 o le back to school support ina ia afifio mai i lea a*o i le itula e 12noon ma pepa fa'amaonia mo le tauaaoina atu o lau seleni.

E talitonu le fa'amoemoe o le a momoli atu lo outou soifua ma so matou ola vaivai i lea a*o fuafuaina.

Manuia tiute ma galuega o totoe o lenei a*o.

Faafetai,
TAITAIFONO & KOMITI FONO FA'AVAE

06/05/2026

O le a fata ia i Mauga o ao paia sau tuafafafa o si o tatou Itumalo, aua le paia ia Sa A*omua ma aiga e lua, Tuuu ma le aiga Sa Tuuu, falelua o tulafale, Fofoga o le Alataua, Utaileuo ma le Faletolu, tainane faletua ma tausi faapea le malosi o le tatou Itumalo. E le faagaloina foi tama Sa o le Talalelei ma o latou faletua, o loo faia le faiva o le tatalo i le ao ma po aua le manuia o si o tatou Itumalo. Malo le fa'atoatoa, malo foi le taputapua'i aua tiute o lenei a*o.

O lea ua a'e i se tofa ma fa'autautaga i le tatou Fono Faavae, le afioga i le taitai fono ma le Komiti faapea le Ofisa, o le a*o Tofi, 07 Me, 2026 i le itula e 1pm o le a toe tatalaina ai le tatou Ofisa ma fa'aauau ai le faa*oaina o le tatou $150 mo i latou e lei maua se avanoa e talaina atu ai a latou $150. Manatua mai pepa fa'amaonia mo lau resitara.

E talitonu o le a tatou feiloa'i i lea a*o i le alofa o le Atua, manuia tele fuafuaga ma lavasiga o totoe o lenei a*o.

Faafetai
Taitai Fono & Fono Faavae
Itumalo Siumu

27/04/2026

O lea ua pafuga le "A" e pei o upu e fai i le seugagogo...a ua faaifo foi le la o le tauafiafi, ina ua fa'aifo le vao ma fa'aa'e le tai i tiute ma faiva alofi aao sa feagai ai ma si o tatou Itumalo i lenei a*o.

E iai le manatu maualuga, aumai ia le a'ao lautele o le tatou Alii fa'aola e fa'atalofa ma ofoofo alofa atu ai i si o tatou Itumalo, aua le pa'ia ia Sa A*omua ma aiga e lua, Tuuu ma le aiga Sa Tuuu, falelua o Tulafale, Fofoga o le Alataua, Utaileuo ma le mamalu i le faletolu, tainane foi faletua ma tausi fa'apea le malosi o le Nuu, e le faagaloina foi Susuga i fa'afeagaiga tau i le lagi, ma o latou faletua, o loo fa'anonomanu ma tatalo i le ao ma le po aua lava se lumanai manuia o si o tatou Itumalo. Malo le soifua manuia, malo le fa'atoatoa, faafetai le taputapua'i aua tiute o lenei a*o.

Ae ua toe laga se fa'amatalaga le afioga i le taitaifono fa'apea le ofisa o le Fono Faavae, e toe logologo puialii atu ai le paia ma le mamalu o si o tatou Itumalo e fa'apea;

1. O loo tatala pea le Ofisa o le Fono Faavae, aua le resitaraina o i latou e le'i Resitara aua le $150.00

2. O le a*o Faraile 01 Me, 2026 i le itula e 1pm o le a toe fa'aauau ai le fa'a*oaina o le $150 mo i latou e le'i maua se avanoa e talaina ai le $150.00

E talitonu le fa'amoemoe o le a utagia mai lenei fa'asilasilaga, tatou galulue fa'atasi ina ia vave la tatou galuega ae se'i fa'aga*olo isi atinae a le Itumalo ua tatau ona fa'atinoina.

Agalelei mai le Atua i tiute ma galuega fa'aauau o lenei afiafi aemaise o lenei vaia*o o loo feagai ai ma le mamalu o si o tatou Itumalo. Faamanuia tele le Atua i tama ma tina matutua o loo tapuaia faiva o lenei a*o, manuia faasausauga o le afiafi.

Faafetai
TAITAIFONO & FONO FA'AVAE
ITUMALO SIUMU