01/07/2026
POLOKETI MO LE TOE FA'ALELEIA O LE HALL A LE AOGA TULAGALUA SOLOSOLO (Solosolo Primary School HALL PROJECT)
E lē mafai ona tuua I lalo pe natia se lagona, e faailo ai le agaga fa'afetai i le mamalu o le Itumalō Anoama'a 2, ina ua mae'a ma le manuia le Polōketi toe faaleleia a le A'oga Tulagalua a Solosolo.
Matou te momoli atu ai le fa'afetai tele I le Malō, le Itumalō, ma ē sa lagolagoina lenei galuega tāua sa gapatia ma tauaveina e le tatou Ofisa Fonofaavae.
Fa'afetai i le Matuaofaiva le Susuga ia Maluina Talavou, ma le falefa o lō outou aiga auā lenei galuega sa feagai ai, tatou ave lea I uta auā se viiga o le Atua.
O lenei taunu'uga o se fa'amaoniga lea o le malosi o le galulue fa'atasi ma le lagolagoina o taumafaiga mo le atina'eina o a'oa'oga ma le lumana'i manuia o fanau.
"FAAUTA, O LE MEA MATUĀ LELEI MA LE MATAGOFIE LAVA PE A NONOFO FAATASI O USO.
SALAMO 133:1
Se taimi ona faailo atu lea o nisi o galuega fa'aalualu ma taunu'uga o polōketi o loo ave iai le faamuamua a le tatou Malō ma le Ofisa Fonofa'avae o le tatou Itumalo.
Fa'afetai tele le lagolagosua, Ia faamanuia le Atua.
