Fono Faavae Anoamaa 1

Fono Faavae Anoamaa 1 District Development

Talofa Anoamaa 1,Malo le tauatai i lenei vaia*o ua amata I le alofa ma le agalelei o le Atua.O le aoauli nei na tatala a...
24/08/2026

Talofa Anoamaa 1,

Malo le tauatai i lenei vaia*o ua amata I le alofa ma le agalelei o le Atua.

O le aoauli nei na tatala aloaia ai kesi ma nofoa o le Aoga Tulagalua a Manunu, o lenei faamanuiaga sa agalelei ma fesoa*oani mai ai le Amapasa o Saina mo alo ma Fanau Ina ia faaleleia ma mamā aseta e fa'aaogaina aua le ola aoaoina.

Ia aoga nei faamanuiaga e unaia ai fanau ia faamalolosi ma filiga i a'oa'oga.

E momoli foi le agaga o le faafetai tele i lenei foi Pa'aga aua ana lē seanoa lo latou tauau tuu mai e lē maua foi nei faamanuiaga mo nai aoga o si o tatou itūmālō.

Ia manuia tele fuafuaga ma lavasiga uma.

Ma le fa'aaloalo

Faafetai
Ta'ita'ifono Komiti Faafoe ma le Fono Faavae Anoamaa1

Tatala aloaia i le taeao nei le fesoa*oani/meaalofa sa agalelei mai ai le Amapasa o Saina mo le Aoga Tulagalua a Lufiluf...
24/08/2026

Tatala aloaia i le taeao nei le fesoa*oani/meaalofa sa agalelei mai ai le Amapasa o Saina mo le Aoga Tulagalua a Lufilufi.
*Nofoa ma Kesi

Ia aoga ma telē le sao taua o nei faamanuiaga auā alo ma Fanau tutupu A'e ma lo latou ola aoaoina

23/08/2026

Tatala aloaia i le taeao nei le fesoa*oani/meaalofa sa agalelei mai ai le Amapasa o Saina mo le Aoga Tulagalua a Lufilufi.
*Nofoa ma Kesi

Ia aoga ma telē le sao taua o nei faamanuiaga auā alo ma Fanau tutupu A'e ma lo latou ola aoaoina.

02/08/2026

Mālō le soifua manuia i le paia maualuga o Anoamaa 1. Ua Aukuso le folauga i lenei tausaga ia fa'amanūina pea le Suafa silisili ese o le Atua.

E avea lenei avanoa taua ma lenei laolao e momoli atu ai faamanuiaga i au Kirikiti uma lava e 9 a si o tatou itūmālō ua fai ma amapasa e tauave le igoa Pele o le itūmālō i le Liki o le Measina 2026.

E mai le Afioga i le Ta'ita'ifono ma le Komiti Faafoe faatasi ai ma le tatou Fono Faavae e faamanuia ma avatu talotaloga auā faamoemoega uma o le fa'agatama. Ia pouliuli o outou tino a ia malamalama o outou fofoga e faatino ai le taaloga.

Matou te tapua'i ma Po le fala leoleoa auā outou ma a outou taumafaiga uma.

Manuia tele le itūmālō ma lana tapuaiga malu🙌

Ia manuia tele lenei a*o

Talofa Anoamaa 1,Ia viia lava le Atua ua tatou iai i le a*o mulimuli o le folauga i lenei masina. Ua faamālō le galulue ...
31/07/2026

Talofa Anoamaa 1,

Ia viia lava le Atua ua tatou iai i le a*o mulimuli o le folauga i lenei masina. Ua faamālō le galulue ma le onosa'i i soo se faiva ma Soo se tiute.

I le ava tele, e faailoa atu ai nisi o faamoemoega ua taunuu i lenei a*o aemaise o le tapenaga a Au Kirikiti uma a le Itūmālō ua mafai ona resitalaina mo le Liki o Measina Festival 2026-Kirikiti faasamoa.

1.Saini ma le fa'amatuuina atu o le fesoa*oani $1000 mo le 9 Aukirikiti a le Itūmālō
2. Sa tauaaoina e sui o au toniga fou mo le Aukirikiti Ulāvai-Lalomauga &Teine ma Tama o le Manuula-Falefa

Mo le silafia e si o tatou itūmālō o au Kirikiti nei ua fai ma sui o Anoamaa 1 mo le taamilosaga ma ua mae'a resitalaina ;

Falevao- Au a alii o le Mauga o Fao & Mafutaga a Tinā
Lalomauga- Au a Tama'ita'i o le Ulāvai
Falefa- Au a alii Manuula & Au a Tama'ita'i Manuula
Faleapuna - Au a alii Tama o le Vaalele & Teine o le Vaalele
Lufilufi - Heavy Tama & Sailimālō

E momoli atu ai faamanuiaga a le Afioga i le Ta'ita'ifono,Komiti Faafoe ma le Fono Faavae i Aukirikiti uma lava ua faasauni mo le taamilosaga. O upu e fai i le Faatufugaga o Tāgātatau "A taulotoa le ta avatu le fatu e faatūmanava ai le folauga" Ia manuia tele le tapenaga ma ia au le Atua ma outou.

Taputapua'i ma tatalo atu mo faamoemoega uma.

Faia ma le fa'aaloalo tele lava

Faafetai
Ta'ita'i, Komiti Faafoe ma le Fono Faavae Anoamaa 1

27/07/2026

POLŌKETI MO LE TOTOGIINA O PILI AOGA

Talofa Anoamaa 1,

Ua faamālō le onosa'i ma le lavapapale a'o iai i le vaia*o mulimuli o lenei masina. E viia lava le Atua ona o lana tausiga ma lona alofa e lē mavae mo si o tatou itūmālō.

I le ava tele ma le fa'aaloalo e faia ai lenei faasilasilaga taua tele auā le nofo silafia aemaise foi ua tatou iai i le kuata 2(Semester 2) o a'oa'oga a nai fanau o loo aotauina i Aoga Faauau/Matātā Eseese, (NUS, USP, Tesese, Don Bosco,Aoga Faafaifeau & Laumua o Punaoa), O lea e faailoa atu ai;

1. O le A*o Faraile 31/07/2026 e fa'agataina ai le tuuina mai i le tatou Ofisa o le Fono Faavae o faamaumauga aloaia e fai ai iloiloga(assessment) poo alagatatau ma aia'iga o lenei poloketi.

2. Oi latou sa totogiina e le FF Pili Aoga i le kuata 1, e manaomia le tuuina mai o invoices ma iuga o suega.

3. Oi latou ua fuafuaina le totogina e le FF o le pili Aoga e manaomia le tuuina mai o lau invoice ma lou pepa Fanau faamolemole.

Faamolemole ia utagia mai lenei faasilasilaga taua tele ma manatua le a*o ua faailoa atu e fa'agataina ai. E talitonu o le a tatou galulue faatasi e māmā ai la tatou avega tausoa.

Faamanuia le Atua isi o tatou itūmālō ma ia auai lona agaga e toafilemu ma sologa lelei ai mea uma.

Faia ma le fa'aaloalo tele

Faafetai
Ta'ita'ifono, Komiti Faafoe ma le Fono Faavae Anoamaa 1

30/06/2026

FAASILASILAGA TAUA MO LE ITŪMĀLŌ O ANOAMAA 1
RESITALA MO GALUEGA FA'AVAITAIMI

Talofa Anoamaa 1,

Tulouna ia le paia maualuga osi o tatou itūmālō i ona tulaga faalupelupeina, o mamalu fa'a-lē-talalelei, fa'a-lē-aganuu ia nuunuu atu faatini o tama'ita'i o le a le gafataulimaina e so matou faatauvaa. E talitonu le manatu o loo maualuga pea le tausiga a le Atua i lo outou soifua a'o tatou iai i le a*o mulimuli o le masina e 6 o le tatou savaliga i lenei tausaga.

I le ava ma le fa'aaloalo tele lava e tuuina atu ai lenei faasilasilaga taua tele mo le nofo silafia a si o tatou itūmālō a'o faasauni le sa folau a lo tatou Atunuu e ofi atu i le ava e toe alo ai le foe mo lenā tausaga fa'alē-tupe.

E fiafia e faailoa atu o le ā tatala aloaia le resitala mo galuega faavaitaimi mo le taimi muamua i lo tatou itūmālō. O le faamoemoe ina ia faamautinoaina lelei ai faamaumauga ma ia auiliiliina lelei ai sui taitoatasi o Itūmālō o loo fia manaomia lea avanoa taua.

O pepa faamaonia e tatau ona talaaao mai ma sui taitoatasi e mafai ai ona faamae'aina lelei le resitalaina o lou suafa;

* Pepa Fanau/Tusifolau/Laisene Ave Taavale
*Tusi a le Faifeau
*Tusi a le Pulenuu

AGAVA'A
*Tagata nuu o le itūmālō
*18-45 tausaga mo NZ ( Alii ma Tama'ita'i- RSE)
*21-45 tausaga mo Ausetalia( Alii ma Tama'ita'i- PALM)

Faamolemole e talosagaina ma le agaga fa'aaloalo, e tatau ona susū atu e resitala ua atoatoa faamatalaga uma o loo faailoa atu e agavaa ai lou sui, ma e laei lou laei talafeagai e pu'eina ai lou ata o le vaega mulimuli o le faagasaloga o le resitala. O le tatou resitala e faatinoina i le tatou ofisa o le Fono Faavae i Lufilufi i le nofoaga o loo iai.

E iai aia'iga ma faiga taiala e ao ona nofo silafia ma tausia lelei e foaia ai ni fepatiatāma'i e tutupu mai. E talitonu o le a utagia mai lenei faasilasilaga taua tele.

Ia tautai mai le Atua i le tatou folauga I lenei tausaga.

Faia ma le fa'aaloalo tele lava

Faafetai
Ta'ita'ifono Komiti Faafoe & Fono Fono Faavae Anoamaa 1

29/06/2026

Talofa Anoamaa 1,

Mo se faamanatu o lenei toe a*o ona tapuni aloaia loa lea o le tatou poloketi $150.

Faamanuia le Atua i lenei a*o

Faafetai

21/06/2026

FAASILASILAGA TAUA MO LE ITŪMĀLŌ ATOA

Talofa lava Anoamaa 1,

E faatalofa atu i le paia maualuga o le tatou itūmālō i lenei a*o fou ua faaopoopo e le Atua i lo outou soifua ma so matou ola. E talitonu lava le manatu o loo manuia fuafuaga ma lavasiga uma o loo punonou ma galulue ai i soo se valaauina.

I le ava tele ma le fa'aaloalo, e faailoa atu ai isi o tatou itūmālō le a*o ma le taimi o le a fa'agataina ai le talaina o le $150 -polōketi o le Toe fo'i o Fanau i Aoga(Back to school).

E faasilasila atu ai o le a*o 30 Iuni 2026 i le itula e 4.00pm, e fa'agataina ai lea poloketi mo lo tatou itūmālō. O ai lava se Anoamaa 1 e le'i tauaaoina lana $150 o le avanoa taua lava lenei a'o le'i faamutaina lenei poloketi taua tele mo si o tatou itūmālō.

E faamoemoe o le a utagia mai lenei faasilasilaga taua.
Ia faamanuia le Atua i faiva ma tiute ma Soo se valaauina o tautua ma galulue ai.

Faia ma le Ava tele

Faafetai
Ta'ita'ifono Komiti Faafoe ma le Fono Faavae Anoamaa 1

Address

Lufilufi
Apia
WS1483

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 12:00

Website

Alerts

Be the first to know and let us send you an email when Fono Faavae Anoamaa 1 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category