Jehona e Malësisë

11/02/2026

Në emër të Shoqatës „Jehona e Malësisë” në Miçigan dhe në emrin tim personal, përcjell urimet më të përzemërta për z. Arkin Jahiji, si dhe për liderin e Bashkimit Demokratik për Integrim, z. Ali Ahmeti, me rastin e fitores në Komunën e Bërvenicës.

Kjo fitore shënon një moment të rëndësishëm për qytetarët e Bërvenicës dhe për të gjithë ata që besojnë në dinjitetin, barazinë, përfaqësimin dhe të ardhmen e shqiptarëve në trojet tona.

Historia na ka mësuar se rruga e shqiptarëve nuk ka qenë e lehtë. Ajo është ndërtuar me sakrifica, qëndresë, guxim dhe përkushtim brezash. Prandaj, çdo sukses që arrihet me besimin e qytetarëve bart me vete një përgjegjësi të madhe: të mos harrohen rrënjët, të mos harrohet sakrifica dhe të punohet me dinjitet për të ardhmen e brezave që vijnë.

Bërvenica është pjesë e pandashme e trungut shqiptar, me histori, tradita dhe identitet kombëtar që meritojnë respekt dhe përkushtim. Uroj që kjo fitore të shndërrohet në punë, zhvillim, bashkim dhe përparim, duke i shërbyer çdo qytetari.

Një përshëndetje e veçantë për të gjithë shqiptarët e Bërvenicës, për aktivistët, veprimtarët dhe mërgatën që vazhdon ta mbajë gjallë lidhjen me vendlindjen dhe çështjet kombëtare.

Nga Miçigani, me zemër pranë gjith trojeve shqiptare, ju urojmë suksese dhe mbarësi!

Rroftë bashkimi, dinjiteti dhe krenaria shqiptare!

Me respekt dhe konsideratë,
Zef Berishaj
Kryetar i Shoqatës „Jehona e Malësisë”

10/31/2026

Historia jonë kombëtare na mëson se arritjet më të rëndësishme kanë marrë jetë atëherë kur shqiptarët kanë gjetur forcën për t’u bashkuar rreth një qëllimi të përbashkët. Fryma e bashkimit ka qenë një mbështetje e çmuar për mbrojtjen e dinjitetit dhe të interesave kombëtare. Këtë frymë e dëshmoi edhe bashkimi i forcave politike shqiptare në vitin 2019, një rrugëtim që sot kurorëzohet me bashkimin e tyre në një subjekt të vetëm politik: Forumin Shqiptar.

Shkrirja e partive shqiptare në një forcë të vetme politike e bën zgjedhjen për çdo votues më të qartë se kurrë: një bashkim që shuan një mal me dilema dhe nuk lë vend për as edhe një sekondë të vetme mëdyshjeje për t’i dhënë besimin një të ardhmeje të përbashkët.

Bashkimi nuk kërkon që të mendojmë njësoj për gjithçka; kërkon që, për çështjet themelore, të dimë të veprojmë së bashku. Dallimet krahinore, fetare e politike mund të bashkëjetojnë me një vullnet të përbashkët për përparim, kur respekti i ndërsjellë dhe përgjegjësia ndaj qytetarëve udhëheqin veprimin tonë.

Të nderuar Nik Gjeloshaj, Ferhat Dinosha, Ivan Ivanaj dhe Artan Çobi,

Ju përcjell urimet tona të sinqerta për detyrat e reja dhe ju dëshiroj suksese në përmbushjen e përgjegjësive që ju janë besuar. Besimi që ju është dhënë përbën një nder të madh dhe, mbi të gjitha, një detyrim për të shërbyer me ndershmëri, maturi dhe përkushtim.

Urojm që puna juaj të udhëhiqet si edhe deri tani, nga fryma e dialogut, respekti për çdo qytetar dhe gatishmëria për ta vendosur të mirën e përbashkët mbi interesat e ngushta politike. Vlera e një detyre publike matet me shërbimin ndaj njerëzve, me besimin që ndërtohet dhe me gjurmën e mirë që lihet për brezat që vijnë.

Ju priftë e mbara në shërbim të qytetarëve, bashkëpunimit dhe një të ardhmeje më të mirë për të gjithë!

10/23/2026

Me nderim kujtojmë lindjen e Pater Gjergj Fishtës

Në cilësinë e kryetarit të shoqatës “Jehona e Malësisë”, në emrin tim dhe të gjithë anëtarëve të saj, përkujtojmë me krenari e mirënjohje lindjen e Pater Gjergj Fishtës, poetit të madh kombëtar, meshtarit dhe atdhetarit që ia kushtoi jetën gjuhës, kulturës dhe çështjes shqiptare.

Përmes veprës së tij madhore “Lahuta e Malcís”, Fishta përjetësoi trimërinë, besën, sakrificën dhe shpirtin e malësorit shqiptar. Fjala e tij mbetet një thirrje për ta dashur atdheun, për ta ruajtur gjuhën shqipe dhe për të mos i harruar rrënjët tona.

Për ne, si shoqatë “Jehona e Malësisë”, kujtimi i Fishtës është edhe një përgjegjësi: t’ua përcjellim brezave të rinj pasurinë e kulturës sonë, krenarinë për prejardhjen dhe dashurinë për njëri-tjetrin.

Duke nderuar Fishtën, nderojmë gjuhën, historinë dhe shpirtin shqiptar.

I përjetshëm qoftë kujtimi dhe vepra e Pater Gjergj Fishtës!

Me respekt e mirënjohje,
Kryetari dhe të gjithë anëtarët e shoqatës “Jehona e Malësisë”
Zef Berishaj

10/13/2026

https://youtu.be/ARv-kAlzu9I?is=ojH-fYg7fovUIanC

Shkolla shqipe e Shoqatës “Jehona e Malësisë” një nismë e rëndësish...

10/11/2026

Sot, me dhimbje e dashuri, nderuam jetën dhe kujtimin e mikut tonë të shtrenjtë, Dodë Ivanaj.

Doda do të mbetet në zemrat tona si njeri me shpirt bujar, mik i sinqertë dhe dashamir i Malësisë e i mbarë kombit shqiptar. Do ta kujtojmë për mirësinë, për fjalën e hapur dhe për mënyrën se si i bashkonte njerëzit. Mungesa e tij lë një zbrazëti të madhe mes nesh, por edhe shumë kujtime të çmuara që do t’i ruajmë gjithmonë.

Në orën komemorative, fjalën përkujtimore në emër të shoqatës “Jehona e Malësisë” e mbajti ish-kryetari i saj dhe shoku i Dodës, Vilson Sinishtaj. Këtë përkujtim të ndjerë e ndajmë me ju në videon më poshtë.

Familjes Ivanaj i shprehim ngushëllimet më të sinqerta. Dhimbjen tuaj e ndajmë edhe ne. Do t’ju qëndrojmë pranë dhe do ta mbajmë gjallë kujtimin e Dodës me dashuri e nderim.

U prehsh në paqe, Dodë. Do të na mungosh shumë.

Derisa të takohemi përsëri, miku ynë.

10/11/2026

Sot, në Malësi, me pikëllim të thellë, i japim lamtumirën e fundit shokut dhe mikut tonë të çmuar, Dodë Ivanaj, i cili humbi jetën tragjikisht pak ditë më parë në Shtetet e Bashkuara të Amerikës.

Ndarja e tij e parakohshme nga jeta na ka prekur thellë. Në këtë ditë të dhimbshme, fjalët mbeten të pamjaftueshme për të shprehur dhimbjen që ndajmë me familjen e tij dhe zbrazëtinë që lë mungesa e një shoku të dashur.

Dashamir i Malësisë dhe i mbarë kombit shqiptar, Doda do të mbetet në kujtesën tonë me dashuri, mirënjohje dhe nderim. Humbja e tij ndihet thellë mes të afërmve, shokëve dhe komunitetit tonë, në vendlindje e në diasporë.

Në cilësinë e kryetarit të shoqatës “Jehona e Malësisë”, në emrin tim, të të gjithë anëtarëve të bordit dhe të gjithë shokëve të tij, i shpreh familjes Ivanaj ngushëllimet më të ndjera. Pranë saj qëndrojmë me respekt, dhembshuri dhe solidaritet, duke ndarë dhimbjen për këtë humbje të rëndë.

Me zemra të pikëlluara të përcjellim sot, shoku ynë i dashur. Kujtimin tënd do ta ruajmë me nderim, ndërsa mungesën tënde do ta ndiejmë gjatë.

Videoja më poshtë përcjell fjalën e lamtumirës në përfundim të ceremonisë mortore të Dodës — një çast i dhimbshëm nderimi dhe përkujtimi, teksa e përcollëm për në banesën e fundit.

U prehsh në paqë, Dodë!

10/07/2026

Zhvillimet e kësaj mbrëmjeje në Republikën e Kosovës përbëjnë një dëshmi të pjekurisë politike dhe të vetëdijes institucionale të përfaqësuesve të saj. Kapërcimi i krizës përmes marrëveshjes politike, shmangia e zgjedhjeve të parakohshme parlamentare dhe zgjedhja e Prof. Dr. Justina Shiroka-Pulës, Kryetare e Akademisë së Shkencave dhe Arteve të Kosovës, në detyrën e Presidentes, shprehin aftësinë për ta vendosur interesin shtetëror mbi përllogaritjet partiake.

Qëndrueshmëria institucionale dhe përgjegjësia ndaj qytetarëve janë parakushte të konsolidimit demokratik dhe të zhvillimit afatgjatë të vendit. Në këtë kuptim, dialogu dhe bashkëpunimi politik duhet të udhëhiqen nga një vizion i përbashkët për të ardhmen e Kosovës, duke respektuar sakrificën historike mbi të cilën u ndërtuan liria dhe shtetësia e saj. Kujtesa e kësaj sakrifice dhe vlerësimi i rolit të aleatëve në çlirimin e vendit mbeten pjesë e pandashme e përgjegjësisë sonë kombëtare.

E nderuara Presidente, Prof. Dr. Justina Shiroka-Pula, ju përcjell urimet e mia të përzemërta për marrjen e detyrës së lartë shtetërore. Ju uroj që, me urtësi, integritet dhe përkushtim, të kontribuoni në forcimin e institucioneve, në kultivimin e unitetit qytetar dhe në përfaqësimin dinjitoz të Republikës së Kosovës.

Urime Republikës së Kosovës dhe qytetarëve të saj! Le të shërbejë ky moment si një nxitje për bashkëpunim të qëndrueshëm dhe për një angazhim të përbashkët në ndërtimin e një të ardhmeje më të sigurt e më të begatë për brezat e rinj.

Kryetar i shoqatës “Jehona e Malësisë”,
Zef Berishaj

10/02/2026

https://gofund.me/8c1a34d1c

Të dashtun familjarë, shokë, miq e dashamirë, Doda… Dodas Friends needs your support for Fulfilling Doda’s Legacy: A future for Gjergj and Shpresa

10/02/2026

Të dashtun familjarë, shokë, miq e dashamirë, Doda… Dodas Friends needs your support for Fulfilling Doda’s Legacy: A future for Gjergj and Shpresa

09/30/2026

Me zemra të rënduara nga dhimbja morëm lajmin për ndarjen e parakohshme nga jeta të Dodë Ivanaj, anëtar i bordit të shoqatës sonë. Është e vështirë të gjesh fjalë për një humbje që vjen kaq herët dhe lë pas një shprastësi kaq të madhe.

Doda ishte një i ri që e mbante dashurinë për atdheun thellë në zemër. Krenaria për rrënjët shqiptare dhe përkushtimi ndaj komunitetit ishin pjesë e njeriut që njohëm. Do të na mungojnë mirësia e tij, prania e tij mes nesh dhe shpresa që sillte çdo jetë e re e përkushtuar ndaj vendit të vet.

Sot, dhimbja jonë bashkohet me dhimbjen e familjes Ivanaj, të të afërmve dhe të miqve të tij. Në emër të shoqatës, u shprehim ngushëllimet më të thella. Zoti u dhashtë forcë për ta përballuar këtë humbje të pazëvendësueshme.

U prehsh në paqe, Dodë Ivanaj. Dashuria jote për atdheun dhe kujtimi yt do të jetojnë në zemrat tona. 🕊️🇦🇱