Albanian American Cultural Center of Texas

Home
United States
Lewisville, TX
Albanian American Cultural Center of Texas

Directions Website

Albanian-American Cultural Center of Texas / Qendra Kulturore Shqiptare Amerikane e Teksasit

Albanian-American Center of Texas is a Nonprofit 501(c)3 charitable organization located in Texas.

11/08/2026

Të dashur anëtarë të komunitetit,

Me dhimbje të thellë ju njoftojmë se dje, më 7 Nëntor 2026, ndërroi jetë anëtari i komunitetit tonë, z. Fahri Azemi, i lindur me 26 Maj, 1960 në Prishtinë, bashkëshorti i znj. Hatixhe dhe babai i Asdrenit, Minatorit dhe Taulantit.

Ceremonia e varrimit do të mbahet të Martën, më 10 Nëntor 2026,

Falja e namazit të xhenazes:
🕝 Ora 2:30 PM
📍 Xhamia Shqiptare DFW
3205 Brown Trail, Bedford, TX 76021

Varrimi:
🕒 Ora 3:00 PM
📍 Varrezat Shqiptare – Moore Cemetery
1219 N Davis Dr, Arlington, TX 76012

📞 Për më shumë informacion, ju lutemi kontaktoni:
Asdren Azemi: 817-709-8494

I shprehim ngushëllimet tona më të sinqerta familjes Azemi dhe të gjithë të afërmve. Në këto çaste të vështira, ndajmë dhimbjen me ta.

Me respekt,
AACC TX

10/29/2026

✨ FESTOJMË ME YJET! ✨

Mbrëmja Gala e Festës së Pavarësisë së Shqipërisë në DFW 2026

114 VJET PAVARËSI – NJË FESTË, NJË KOMUNITET SHQIPTAR!

AACC TX – Qendra Kulturore Shqiptare Amerikane e Texasit ju fton të festojmë së bashku 114-vjetorin e Pavarësisë së Shqipërisë në një mbrëmje madhështore gala, kushtuar flamurit kuqezi, kulturës, traditave dhe bashkimit të Komunitetit tonë Shqiptar në Texas!
---
🎤 JU I KËRKUAT, NE I RISJELLËM!

Katër yje të muzikës shqiptare, një skenë dhe një natë e paharrueshme!

⭐ YLLI DEMAJ
⭐ YLLI BAKA
⭐ GRETA TAFA
⭐ FARUK DRENICA – LUKI

Muzikë LIVE, këngë, valle dhe atmosferë festive shqiptare gjatë gjithë mbrëmjes!
---
📅 KUR DHE KU?
E Hënë, 23 Nëntor 2026
Nga ora 6:00 PM
📍 PLANO EVENT CENTER
2000 E Spring Creek Pkwy, Plano, TX 75074
---
🍽️ DARKË GALA

Shijoni një menu të përzgjedhur me tri pjata:
- Sallatë – Pjata e parë
- Filet Mignon dhe pulë – Pjata kryesore
- Ëmbëlsirë – Pjata e fundit
---
🎟️ BILETAT

FALAS – Fëmijët deri në 2 vjeç
$60 – Fëmijët mbi 2 deri në 10 vjeç
$100 – Fëmijët mbi 10 vjeç dhe të rriturit
---
❤️🖤 FESTOJMË SË BASHKU!

Ftojmë të gjithë bashkatdhetarët, familjet dhe miqtë tanë nga çdo cep i Texasit të bëhen pjesë e kësaj feste të veçantë!

Le të bashkohemi nën ngjyrat kuqezi, të këndojmë e të festojmë së bashku, duke ruajtur gjallë traditat, kulturën dhe identitetin tonë kombëtar për brezat që vijnë!

NJË KOMB. NJË FLAMUR. NJË KOMUNITET SHQIPTAR NË TEXAS. NJË FESTË QË NA BASHKON! 🇺🇸 🇦🇱 🇽🇰

🎟️ Për bileta, klikoni në linkun e Zeffy - https://www.zeffy.com/en-US/ticketing/aacc-tx-mbremja-gala-e-festes-se-pavaresise-se-shqiperise-ne-dfw

Vërejtje: Platforma Zeffy është falas dhe kontributi shtesë për platformën nuk është i detyrueshëm. Para se të përfundoni pagesën, klikoni te “Learn More”, zgjidhni “Other” dhe te fusha “Contribution” vendosni 0 (zero). Më pas, vazhdoni me pagesën e biletave tuaja.

10/24/2026

Të dashur bashkatdhetarë të Preshevës, Bujanocit dhe Medvegjës me të drejtë vote,

Vota është zëri juaj dhe mundësia për të ndikuar në të ardhmen tuaj, duke siguruar sa më shumë përfaqësues shqiptarë në Kuvendin e Serbisë, i cili, së bashku me qeverinë fashiste të Beogradit, çdo ditë e më shumë ua mohon të drejtat shqiptarëve në trojet e tyre etnike.

Ju ftojmë të gjithë ju që keni të drejtë vote të merrni pjesë masivisht në zgjedhjet që mbahen të Dielën, më 25 Tetor, dhe ta ushtroni këtë të drejtë me përgjegjësi.

Mbështetja e Komunitetit Shqiptar Amerikan në Texas, si çdo herë më parë, nuk do të mungojë as në të ardhmen.

Votoni Koalicionin Shqiptar 17.

10/23/2026

NJOFTIM MORTOR

Të nderuar bashkatdhetarë,

Me pikëllim të thellë, Qendra Kulturore Shqiptaro-Amerikane e Teksasit (AACC) njofton për ndarjen nga jeta të Luljeta Hoxha, bashkëshortja e Xhijat Hoxhës dhe vajza e Xhezair Ahmetit.

Ajo ndërroi jetë më 22 tetor 2026.

VARRIMI

🗓 Data: E shtunë, 24 tetor 2026
🕓 Ora: 4:00 pasdite
📍 Vendi: Frengovë, Maqedonia e Veriut

Në emër të AACC-së, u shprehim ngushëllimet tona më të sinqerta familjeve Hoxha dhe Ahmeti, si dhe të gjithë të afërmve të saj. Ndajmë dhimbjen me ta dhe u urojmë forcë për ta përballuar këtë humbje të rëndë.

Me respekt dhe ngushëllime,
AACC – Albanian American Cultural Center of Texas

---

NOTICE OF PASSING

Dear community members,

With deep sorrow, the Albanian American Cultural Center of Texas (AACC) announces the passing of Luljeta Hoxha, wife of Xhijat Hoxha and daughter of Xhezair Ahmeti.

She passed away on October 22, 2026.

BURIAL

🗓 Date: Saturday, October 24, 2026
🕓 Time: 4:00 PM
📍 Location: Frengovë, North Macedonia

On behalf of AACC, we extend our heartfelt condolences to the Hoxha and Ahmeti families and all their loved ones. We share in their sorrow and wish them strength during this difficult time.

With deepest sympathy,
AACC – Albanian American Cultural Center of Texas

10/21/2026

Mbrëmje me këngë të shpirtit!

Të Hënën, më 2 Nëntor 2026, këngëtarët e mirënjohur Sinan Vllasaliu dhe Robert Berisha do të performojnë live, duke sjellë një mbrëmje plot emocione dhe këngë që na bashkojnë.

Nga ora 7:30 PM në Harissa Mediterranean, në adresën 5805 Preston Rd, Ste G594, Plano, TX 75093.

21+ Event - Adults only, No kids.
Hyrja: $40. Për rezervime, dërgoni mesazh ose telefononi në (469) 900-9983, pagesa e biletës bëhet cash te hyrja.

Ky aktivitet organizohet nga këngëtarët Sinan Vllasaliu dhe Robert Berisha, në bashkëpunim me Harissa Mediterranean - Plano, dhe mbështetet nga AACC TX.

10/19/2026

Foto kujtime nga mbrëmja e mbledhjes së fondeve për Shkollën Shqipe DFW, e mbajtur më 5 tetor 2026 në SAAYA, Dallas. ❤️

Falënderojmë nga zemra të gjithë pjesëmarrësit dhe mbështetësit për praninë, bujarinë dhe kontributin e tyre. Mbështetja juaj u jep fëmijëve tanë mundësinë të mësojnë gjuhën shqipe dhe të ruajnë lidhjen me kulturën dhe rrënjët e tyre.

Një falënderim i veçantë shkon për të gjithë donatorët për bujarinë e tyre dhe për vullnetarët që dhuruan kohën dhe përkushtimin e tyre para, gjatë dhe pas mbrëmjes, duke bërë të mundur realizimin e saj.

Faleminderit që jeni pranë shkollës dhe fëmijëve tanë! 🇺🇸 🇦🇱 🇽🇰

10/18/2026

THIRRJE PËR QETËSI DHE DIALOG NË SHQIPËRI
🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱

Albanian American Cultural Center of Texas (AACC) u bën thirrje studentëve, qeverisë dhe të gjithë qytetarëve në Shqipëri për qetësi, vetëpërmbajtje dhe dialog të hapur.

Protesta paqësore dhe shprehja e lirë e mendimit janë pjesë e një shoqërie demokratike. Zëri i studentëve meriton të dëgjohet me vëmendje dhe shqetësimet e tyre të trajtohen me seriozitet e respekt.

Dhuna, trazirat, lëndimi fizik i të tjerëve dhe shkatërrimi i pronës nuk janë angazhim qytetar. U bëjmë thirrje të gjithë qytetarëve që zgjedhin të demonstrojnë ta ushtrojnë të drejtën e tyre për protestë në mënyrë paqësore, pa akte dhune dhe pa cenuar sigurinë e të tjerëve.

Njëkohësisht, u bëjmë thirrje institucioneve dhe forcave të rendit të veprojnë me përgjegjësi e vetëpërmbajtje, duke respektuar të drejtat, sigurinë dhe dinjitetin e çdo qytetari.

Ftojmë përfaqësuesit e studentëve dhe qeverisë të ulen në tryezën e dialogut, të dëgjojnë njëri-tjetrin dhe të punojnë për zgjidhje konkrete në interes të studentëve, arsimit dhe vendit.

Bordi Drejtues
Albanian American Cultural Center of Texas — AACC

10/11/2026

11,000 Followers! 🎉 Thank you for your support and for believing in our work. Together, we keep growing!

11,000 Ndjekës! 🎉 Faleminderit për mbështetjen dhe besimin në punën tonë. Së bashku, vazhdojmë të rritemi!
❤️🇺🇸🇦🇱🇽🇰🤠

10/07/2026

A ju ka marrë malli për emocionet e Big Brother VIP Kosova? 🔥

Sezoni i ri i Big Brother VIP Kosova vjen ekskluzivisht në TVALB! 📺

Bëhuni gati për emocione, surpriza, debate dhe momente të paharrueshme që nuk do të dëshironi t’i humbisni! 👀✨

Përjetoni çdo moment nga shtëpia më e famshme, vetëm në TVALB, partner mbështetës i Komunitetit Shqiptar Amerikan në Texas. ❤️

Mos e humbisni — sezoni i ri fillon së shpejti! 🔥

https://tvalb.com/

10/06/2026

🇽🇰 URIME PRESIDENTES SË REPUBLIKËS SË KOSOVËS, ZNJ. JUSTINA SHIROKA-PULA!

Në emër të Bordit Drejtues të Albanian American Cultural Center of Texas (AACC of Texas), i përcjellim urimet tona më të përzemërta znj. Justina Shiroka-Pula me rastin e zgjedhjes së saj Presidente e Republikës së Kosovës.

I urojmë suksese në këtë detyrë të lartë dhe të rëndësishme shtetërore, me shpresën që mandati i saj të shërbejë në forcimin e institucioneve, unitetit, zhvillimit dhe avancimit të Republikës së Kosovës në arenën ndërkombëtare.

Komuniteti shqiptaro-amerikan në Teksas do të vazhdojë të qëndrojë pranë Kosovës dhe të kontribuojë në forcimin e lidhjeve ndërmjet shqiptarëve dhe Shteteve të Bashkuara të Amerikës. 🇽🇰🇺🇸🇦🇱

Urime, znj. Presidente!
Suksese në shërbim të Republikës së Kosovës dhe qytetarëve të saj!

Bordi Drejtues
Albanian American Cultural Center of Texas

Address

350 E Southwest Pkwy
Lewisville, TX
75067

Website

http://www.aacctexas.com/

Alerts

Be the first to know and let us send you an email when Albanian American Cultural Center of Texas posts news and promotions. Your email address will not be used for any other purpose, and you can unsubscribe at any time.