New Jersey Nepali Samaj - NJNS

09/01/2026

08/31/2026

दिवंगत आत्माहरूप्रति भावपूर्ण श्रद्धाञ्जली!
घाइतेहरूको शीघ्र स्वास्थ्यलाभको कामना!!
बेपत्ताहरूको सकुशल खोजीको कामना!!!

२०८३ भाद्र १० गते भोटेकोशीमा आएको अपत्यारिलो र अकल्पनिय बाढीका कारण ज्यान गुमाउनु भएका दिवंगतहरूप्रति भावपूर्ण श्रद्धाञ्जली अर्पण गर्दै, घाइतेहरूको शीघ्र स्वास्थ्यलाभको कामना तथा बेपत्ता व्यक्तिहरूको खोजी कार्यमा शीघ्र सफलता मिलोस् भन्ने उद्देश्यले न्यू जर्सी नेपाली समाजले August 30, 2026 सॅाझ 7 देखि 9 बजेसम्म Edison को उमियाधाम हिंन्दु मंन्दिरको पार्किंङ लटमा क्यान्डललाइट प्रज्वलन (श्रद्धाञ्जली कार्यक्रम) को कार्यक्रम आयोजना गरिएको थियो।

उक्त क्यान्डललाइट प्रज्वलन कार्यक्रममा नेपाली तथा भारतीय मूलका अमेरिकन समुदायका सदस्यहरूको समेत उल्लेखनीय सहभागिता रहेको थियो। कार्यक्रममा उपस्थित सबैले एक मिनेट मौनधारण गरी बाढीमा ज्यान गुमाउनु भएका दिवंगत आत्माहरूप्रति भावपूर्ण श्रद्धाञ्जली अर्पण गरिएको थियो।

साथै, घाइतेहरूको शीघ्र स्वास्थ्यलाभको कामना गर्दै, अझैसम्म सम्पर्कविहीन तथा बेपत्ता रहेका व्यक्तिहरूको खोजी कार्यले शीघ्र सफलता प्राप्त गरोस् र उनीहरू सुरक्षित रूपमा भेटिन सकून् भन्ने हार्दिक प्रार्थना तथा कामना गरिएको थियो।

यस दुःखद घडीमा ऐक्यबद्धता, सहानुभूति र मानवीय संवेदना प्रकट गर्दै कार्यक्रममा सहभागी हुनुहुने सम्पूर्ण नेपाली तथा भारतीय मूलका अमेरिकन समुदायप्रति पनि न्यू जर्सी नेपाली समाज हार्दिक आभार व्यक्त गर्दछ।

हार्दिक धन्यवाद तथा कृतज्ञता

यस Candlelight 🕯️ प्रज्वलनका उत्कृष्ट तस्बिरहरू खिचेर कार्यक्रमलाई अभिलेखीकरण तथा प्रचारप्रसारमा सहयोग पुर्‍याउनु भएकोमा सुरज गुरूङ भाइप्रति न्यू जर्सी नेपाली समाज हार्दिक धन्यवाद तथा कृतज्ञता व्यक्त गर्दछ।

साथै,यस दुःखद घडीमा ऐक्यबद्धता, सहानुभूति र मानवीय संवेदना प्रकट गर्दै कार्यक्रममा सहभागी हुनुहुने सम्पूर्ण नेपाली तथा भारतीय मूलका अमेरिकन समुदायप्रति पनि न्यू जर्सी नेपाली समाज हार्दिक आभार व्यक्त गर्दछ।

08/31/2026

हामी सबै मिलेर न्यू जर्सी नेपाली समाजलाई होस्तेमा हैसै गरेर समाजको सदस्य हॅु भन्ने गर्व गर्न लायकको बनाउनु पर्छ।
हामी यो धर्तीमा २ दिनको पाहुना मात्रै हौं।
सकारात्मक सोंच विचार र भावना बनायौ भने असंम्भव छैन पनि ॥ धन्यवाद !!!

08/29/2026

“नेपालका बाढी पीडितहरूको सहयोगार्थ न्यू जर्सी नेपाली समाजले थालेको राहत संकलन अभियान सम्बन्धी पछिल्लो Update”

न्यू जर्सी नेपाली समाजको मिती अगस्ट 27, 2026 मा बसेको आकस्मिक बैठकमा भएको छलफल र निर्णय अनुसार नेपालमा २०८३, भाद्र १० गते गएको विनाशकारी बाढीबाट प्रभावित परिवारहरूको सहयोगका लागि न्यू जर्सीमा रहेका बिभिन्न ब्यापारिक संघ सस्था तथा छिमेकी मुलुकका समुदायहरू संग आवश्यक सहयोगको लागि अनुरोध गर्ने साथै राहत संकलन अघि बढ़ाउने कार्य अन्तर्गत न्यू जर्सी नेपाली समाजले Patel Brothers, Subzi Mandi र Apna Bazar मा सहयोग (डोनेशन) बक्स राखिसकेको जानकारी गराउंदछौ । साथै उक्त डोनेशन बक्समा नेपाल सरकारको प्रधानमंत्री राहत कोषमा सिधै सहयोग गर्न चाहनेहरूको लागि समेत नेपाल सरकारको आधिकारिक QR Code सहितको बैंकिक विबरण समेत उपलब्ध गराईएको जानाकारी गराउंदछौ।

साथै न्यू जर्सी नेपाली समाज मार्फत नगद सहयोग गर्न चाहने ईच्छुक ब्यक्ति तथा ब्यापारिक संघ सस्थाहरूबाट नगद संकलन कार्य अगाढि बढाई सकिएको जानकारी गराउॅदछौ।

यहॅाका बिभिन्न स्टोरहरूमा राखिएको सहयोग (डोनेशन) बक्सहरू आगामी शनिबारसम्म राखिने जानाकारी गर्दछौं।

यस दैवी प्रकोप सहयोग संकलन अभियानबाट संकलित रकम सहितको विवरण केहि दिन पछि यसै मार्फत जानाकारी गराउने छौं।
धन्यवाद 🙏 !!!

न्यू जर्सी नेपाली समाज परिवार !!!

08/29/2026

🕯️ Together in Solidarity for Nepal 🕯️ 🇳🇵

Please join us this Sunday as we come together to remember and stand in solidarity with those affected by the devastating floods in Nepal. Our thoughts and prayers are with the victims, their families, and all affected communities. 🙏

One Community. One Heart. Together for Nepal. 🇳🇵❤️