Georgian-American Business Association GABA

07/24/2026

ქართული რესტორანი “ნუნუკა” მადრიდში - Michelin Guide ში უკვე მესამე წელია ზედიზედ იკავებს საპატიო ადგილს. წარმატებები ქართულ სამაგალითო ბიზნესს!

06/24/2026

ყურადღება! ბიზნესებისა და ინდივიდუალურ მეწარმეთა საყურადღებოდ!

📢 გაცნობებთ, რომ სტრუქტურული რეფორმის შედეგად, სააგენტო „აწარმოე საქართველოში“ გარდაიქმნა საქართველოს ეკონომიკის განვითარების კორპორაციად.

ახალი მანდატითა და გაფართოებული შესაძლებლობებით, კორპორაცია კიდევ უფრო აქტიურად შეუწყობს ხელს ქართული ბიზნესის განვითარებას, ადგილობრივი წარმოების გაფართოვებას, ფინანსებზე ხელმისაწვდომობის გამარტივებას, ექსპორტის ზრდასა და ახალი სამუშაო ადგილების შექმნას.

გვსურს, მადლობა გადაგიხადოთ ყველას, ვინც წლების განმავლობაში იყავით ჩვენი განვითარების ისტორიის ნაწილი.

👇 ამიერიდან გელოდებით საქართველოს ეკონომიკის განვითარების კორპორაციის ოფიციალურ სოციალურ პლატფორმებზე:

ფეისბუქი: facebook.com/gedc.ge
ინსტაგრამი: instagram.com/gedc.ge/
ლინკდინი: linkedin.com/company/economic-development-corporation

06/22/2026

GABA USA-ს სამძიმრის განცხადება

ღრმა მწუხარებით, ქართულ-ამერიკული ბიზნეს ასოციაცია — GABA USA ქართულ ბიზნესა და მთლიანად ქართულ საზოგადოებას უსამძიმრებს თემურ უგულავას , საქართველოს ერთ-ერთი ყველაზე გამორჩეული და პატივსაცემი ბიზნესლიდერის, გარდაცვალებას.

თავისი ხედვით, თავდადებითა და სამეწარმეო ლიდერობით მან ფასდაუდებელი წვლილი შეიტანა ქართული ბიზნესის განვითარებაში და მნიშვნელოვანი როლი ითამაშა თბილისის უფრო თანამედროვე, ლამაზ და განვითარებულ ქალაქად ჩამოყალიბებაში. მისმა საქმიანობამ შექმნა ახალი შესაძლებლობები, დაამკვიდრა წარმატებისა და პროფესიონალიზმის მაღალი სტანდარტები და დადებითი გავლენა მოახდინა უამრავი ადამიანის ცხოვრებაზე.

იგი იყო არა მხოლოდ წარმატებული ბიზნესმენი, არამედ შთაგონების წყარო ქართველი მეწარმეების ახალი თაობისთვის. მისმა მიღწევებმა ბევრ ახალგაზრდა ბიზნესმენსა და ბიზნესლიდერ ქალს მისცა რწმენა საკუთარი იდეების, გამბედაობა დიდი მიზნების მისაღწევად და მოტივაცია, მიეღწიათ მეწარმეობის უმაღლესი საფეხურებისთვის.

საქართველომ დაკარგა გამორჩეული ბიზნესლიდერი, რომლის ღვაწლი და მემკვიდრეობა მომავალ თაობებზეც გააგრძელებს გავლენას.

GABA USA-ს ხელმძღვანელობისა და წევრების სახელით გულწრფელ სამძიმარს ვუცხადებთ მის ოჯახს, მეგობრებს, კოლეგებსა და ყველა იმ ადამიანს, ვინც ამ მძიმე დანაკარგს განიცდის.
ქართულ-ამერიკული ბიზნეს ასოციაცია — GABA USA
დირექტორთა საბჭო და წევრები

05/13/2026

GABA USA სიამაყით ულოცავს Tone Cafe-ს განსაკუთრებულ წარმატებას!

ჩვენთვის დიდი პატივია მივულოცოთ Tone Cafe-ს და მის დამფუძნებელს, კობა ბიგდანოვს, რომელიც არის GABA USA — Georgian American Business Association-ის ერთ-ერთი დამფუძნებელი და აქტიური წევრი.

The New York Times-ის 100 საუკეთესო რესტორანს შორის მოხვედრა ნიუ-იორკში არის უდიდესი მიღწევა არა მხოლოდ Tone Cafe-სთვის, არამედ მთლიანად ამერიკაში მცხოვრები ქართული ბიზნეს-საზოგადოებისთვის.

Tone Cafe ღირსეულად წარმოადგენს ქართულ მეწარმეობას, ხარისხს, შრომისმოყვარეობას, სტუმართმოყვარეობას, კულტურას და წარმატებისკენ სწრაფვას. ეს აღიარება კიდევ ერთხელ ადასტურებს, რომ ქართულ ბიზნესებს შეუძლიათ კონკურენცია გაუწიონ საუკეთესოებს და დაიმკვიდრონ ღირსეული ადგილი ამერიკის ბიზნეს-სივრცეში.

GABA USA-ის სახელით ვულოცავთ კობა ბიგდანოვს და Tone Cafe-ს მთელ გუნდს. თქვენი წარმატება შთაგონებაა ქართველი მეწარმეებისთვის, აძლიერებს ჩვენს ბიზნეს-საზოგადოებას და ამაყად წარმოაჩენს ქართულ კულტურას ამერიკაში.

გილოცავთ, Tone Cafe!
თქვენი წარმატება ჩვენი საზოგადოების დიდი წარმატებაა!
————————

GABA USA proudly congratulates Tone Cafe on its outstanding success!

We are honored to celebrate Tone Cafe, founded by Koba Bigdanovi, one of the founding members and active members of GABA USA — Georgian American Business Association.

Being recognized among The New York Times’ 100 Best Restaurants in New York is a major achievement not only for Tone Cafe, but also for the entire Georgian business community in the United States.

Tone Cafe represents the best of Georgian entrepreneurship: hard work, quality, hospitality, culture, and vision. This success proves that Georgian-owned businesses can compete, grow, and earn recognition at the highest level in New York.

On behalf of GABA USA, we congratulate Koba Bigdanovi and the entire Tone Cafe team. Your success inspires Georgian entrepreneurs, strengthens our business community, and proudly promotes Georgian culture in America.

Congratulations, Tone Cafe!
Your success is our community’s success.

— GABA USA
Georgian American Business Association

Georgian-American Business Association GABA
TONE CAFÉ - Georgian Bread Bakery & Authentic Cuisine

05/13/2026

⭕️ GABA USA სიამაყით ულიცავს მორიგ ბიზნეს წარმატებას ჩვენი ორგანიზაციის თანა დამფუძნებელს ბატონ ავთანდილ ჩხეიხეს . აქვე ვათავსებთ BMG მიერ მიმზადებულ სტატიას. .

BMG :
“გამოცემა The Hollywood Talk ამერიკაში მოღვაწე ქართველი ბიზნესმენის, დავით ჩხეიძისა და მისი უძრავი ქონების კომპანიის შესახებ წერს. სტატიის ავტორის, ჟურნალისტ მარკოს პაპადატოსის შეფასებით, ბაზარზე, რომელსაც ტრადიციები განსაზღვრავს, Yangzi Realty-ის დამფუძნებელი და აღმასრულებელი დირექტორი დავით ჩხეიძე თამამ განაცხადს აკეთებს: უძრავი ქონების ტრანზაქციების მომავალი, შესაძლოა, სრულად ციფრული იყოს.

ჩხეიძემ ახლახან მანჰეტენის პრესტიჟულ უბანში (Upper East Side, ე.წ. Gold Coast), ლექსინგტონ-ავენიუს 965 ნომერში მდებარე ხუთსართულიანი, შერეული ტიპის შენობის გაყიდვაზე ექსკლუზიური უფლება მოიპოვა.

გამოცემა წერს, რომ ის, რაც ამ შეთავაზებას გამოარჩევს, არა მხოლოდ მისი საუკეთესო ადგილმდებარეობა ან განვითარების პერსპექტივა, არამედ ფასწარმოქმნის სტრუქტურაა. შენობის გასაყიდი ფასი 83 ბიტკოინია (დაახლოებით 6.3 მილიონი აშშ დოლარი), რაც მას მანჰეტენის უძრავი ქონების იმ იშვიათ აქტივებს შორის აქცევს, რომლებიც გარიგებისას კრიპტოვალუტას გადახდის საშუალებად ღიად იღებენ.

ლენოქს ჰილის გულში მდებარე შენობის ფართობი დაახლოებით 519 კვ.მ.-ს შეადგენს და მოიცავს:

• ორ კომერციულ ფართს;
• სამ სრულსართულიან საცხოვრებელ ბინას (თავისუფალი ბაზრის პირობებით).

გარდა ამისა, შენობას აქვს დამატებით 743 კვ.მ. აუთვისებელი სივრცის/დაშენების უფლება, რაც დეველოპერებისა და ინვესტორებისთვის დამატებითი ღირებულების შექმნის მნიშვნელოვან შესაძლებლობას წარმოადგენს.

"Upper East Side, განსაკუთრებით კი ლენოქს ჰილის ე.წ. ოქროს სანაპირო (Gold Coast), საინვესტიციო გაყიდვებისთვის ერთ-ერთ ყველაზე მოთხოვნად ზონად რჩება. აქ გრძელვადიანი ღირებულების ზრდა ყოველთვის გამორჩეული იყო და ბაზარზე არსებული გაურკვევლობის ფონზეც კი, მსგავსი აქტივები მდგრადობასა და ზრდის პოტენციალს ინარჩუნებს", - აცხადებს ჩხეიძე.

გადახდის საშუალებად ბიტკოინის დანერგვით, ჩხეიძე უბრალოდ უძრავი ქონების მარკეტინგს არ ეწევა - ის ცდის საზღვრებს, თუ როგორ შეიძლება განვითარდეს მაღალბიუჯეტიანი ტრანზაქციები უძრავი ქონების სექტორში.

მიუხედავად იმისა, რომ კრიპტოვალუტამ გლობალურად პოპულარობა მოიპოვა, ნიუ-იორკის უძრავი ქონების ბაზარზე - განსაკუთრებით ამ მასშტაბით - მისი გამოყენება კვლავ იშვიათია. დავით ჩხეიძის მიდგომა ასახავს ინსტიტუციური უძრავი ქონებისა და ციფრული აქტივების მზარდ გადაკვეთას, რაც იზიდავს გლობალური ინვესტორების ახალ კლასს, რომლებიც გარიგებებში დივერსიფიკაციასა და ეფექტურობას ეძებენ.

ეს ნაბიჯი ასევე რეგულირებად, მაღალბიუჯეტიან ბაზრებზე კრიპტოვალუტის ლეგიტიმურობასა და სანდოობაზე მიანიშნებს.

დავით ჩხეიძეს უძრავი ქონების სფეროში 26-წლიანი გამოცდილება აქვს. მისი კარიერული მიღწევები მოიცავს:

• მანჰეტენზე გაქირავებული 1 მილიონ კვადრატულ ფუტზე (92,000+ კვ.მ) მეტი კომერციული ფართი;
• 120-ზე მეტ რესტორნის ოპერატორთან დადებული გარიგება;
• 3,000-ზე მეტი უძრავი ქონების შეფასება, რომელთა საერთო ღირებულება 7.9 მილიარდ აშშ დოლარს აღემატება.

Yangzi Realty-ის დაფუძნებამდე, მას წამყვანი თანამდებობები ეკავა ისეთ კომპანიებში, როგორებიცაა Cushman & Wakefield და Massey Knakal Realty Services, სადაც მისი სპეციალიზაცია საინვესტიციო გაყიდვები და კომერციული ფართების გაქირავება იყო.

უძრავი ქონების მიღმა, ჩხეიძე ასევე ეწევა სამეწარმეო საქმიანობას სტუმარმასპინძლობის (Hospitality) სექტორში - ის არის რესტორან Old Tbilisi Garden-ის დამფუძნებელი და აშშ-ში ქართული ღვინის აქტიური იმპორტიორი, რაც მის გლობალურ ხედვასა და დივერსიფიცირებულ ბიზნეს-უნარებს უსვამს ხაზს.

"მიუხედავად იმისა, ეს კონკრეტული გარიგება საბოლოოდ ბიტკოინით დაიხურება თუ აშშ დოლარით, ერთი რამ ცხადია: დავით ჩხეიძე და მისი კომპანია ამ სწრაფად განვითარებადი ბაზრის მოწინავე პოზიციებზე იმყოფებიან", - წერს ამერიკული გამოცემა”
Georgian-American Business Association GABA
BMG • ბიემჯი

წარმატებები და წინსვლა! 🇬🇪🇺🇸

03/09/2026

ყურადღება! ობიექტური მათ შორის ტექნიკური მიზეზებისა და რეგიონში არსებული სიტუაციის გამო “ქალთა ბიზნეს ფორუმი 2026“ გადადებულია ოქტომბრის თვისთვის. დეტალურ ინფორმაციას ფორუმთან დაკავშირებით GABA გაავრცელებს უახლოეს პერიოდში.
ინფირმაციუსათვის გთხოვთ დაგვირეკოთ ან მოგვწეროთ
☎️ (888) 848-4222 , Email: [email protected]

02/16/2026

⭕️ ქალთა ეკონომიკური გაძლიერების საერთაშორისო ფორუმი და თემატურად
დაკავშირებული ღონისძიებების პროგრამა
ორგანიზატორი: ქართული-ამერიკული ბიზნეს ასოციაცია (GABA)

ადგილმდებარეობა: ნიუ-იორკი
თარიღები: 12–15 მარტი, 2026

ორგანიზატორის შესახებ:
ქართულ-ამერიკული ბიზნეს ასოციაცია (Georgian American Business Associacion-GABA)
არის არაკომერციული, არასამთავრობო ორგანიზაცია, რომლის სათაო ოფისი ნიუ-
იორკში მდებარეობს და დაფუძნდა 2022 წელს. ორგანიზაციის მისიაა საქართველოსა
და ამერიკის შეერთებულ შტატებს შორის ეკონომიკური, პროფესიული და
კულტურული კავშირების გაძლიერება, მეწარმეობის მხარდაჭერა, ცოდნის გაზიარება
და საერთაშორისო თანამშრომლობის განვითარება.

GABA წარმოადგენს პლატფორმას, რომელიც აერთიანებს ქართულ და ამერიკულ
ბიზნესებს, მეწარმეებს, პროფესიონალებსა და დიასპორის წარმომადგენლებს.

ასოციაცია განსაკუთრებულ ყურადღებას უთმობს მცირე და საშუალო ბიზნესების
მხარდაჭერასა და განვითარებას, ქალთა მეწარმეობის გაძლიერებას, ინოვაციური
მიდგომების დანერგვას და მდგრადი ეკონომიკური ზრდის ხელშეწყობას.

ღონისძიების კონცეფცია და მიზანი:
GABA-ს ორგანიზებით დაგეგმილი ქალთა ეკონომიკური გაძლიერების
საერთაშორისო ფორუმი და თემატურად დაკავშირებული ღონისძიებები ქმნის
იდეების, გამოცდილებისა და შესაძლებლობების გადაკვეთის სივრცეს, სადაც
ქართული, დიასპორული და ამერიკული ბიზნესები ერთმანეთს ხვდებიან რეალური
თანამშრომლობის, ბაზარზე წვდომისა და განვითარების მიზნით.
პროგრამა მიზნად
ისახავს არა მხოლოდ ბიზნეს კავშირების გაღრმავებას, არამედ ახალი ეკონომიკური
გზების აღმოჩენასა და პრაქტიკული გადაწყვეტილებების გენერირებას,
განსაკუთრებით აშშ ბაზარზე შესვლის, ბიზნესის ზრდისა და პარტნიორობების
განვითარების მიმართულებით.

ფორუმის ფარგლებში მონაწილეები ჩაერთვებიან დინამიკურ პროფესიულ გარემოში,
რომელიც ხელს შეუწყობს:
• პრაქტიკული ცოდნისა და გამოცდილების გაცვლას სხვადასხვა სექტორსა და
ბაზარზე;
• წარმატებული ბიზნეს ისტორიებისა და მოქმედი ბიზნეს მოდელების გაცნობას
აშშ-ში;
• ახალი პარტნიორობებისა და ერთობლივი ინიციატივების ფორმირებას;
• იდეების გარდაქმნას კონკრეტულ ბიზნეს გადაწყვეტილებებად და
ქმედებებად.
სამიზნე აუდიტორია:
• ბიზნეს ლიდერები;
• მცირე და საშუალო ბიზნესის წარმომადგენლები;
• სტარტაპები და ინოვატორები;
• ექსპორტ–იმპორტზე ორიენტირებული კომპანიები;
• საერთაშორისო/პროფესიული ორგანიზაციები და პარტნიორი
სტრუქტურების წარმომადგენლები.
პროგრამის სტრუქტურა და შინაარსი
10 მარტი (სამშაბათი) — ჩამოსვლა და მოკლე გაცნობითი შეხვედრა
(არასავალდებულო)
• მონაწილეების ჩამოსვლა ნიუ-იორკში
• საკონტაქტო შეხვედრა/ინფორმაციული ბრიფინგი და „Welcome Networking“
12 მარტი (ხუთშაბათი) — მთავარი კონფერენცია (LUMA STUDIOS address: Garment
district, 38 the street and 8th ave, NYC, NY).
ფორმატი : პანელური დისკუსიები + პრაქტიკული ვორქშოფები + ნეთვორქინგი

სესია 1 — ბიზნესის დაწყება აშშ-ში (Start Smart)
• პროდუქტის პოტენციალი აშშ ბაზარზე (მოთხოვნის ლოგიკა)
• ბიზნესის რეგისტრაცია (LLC / Corporation)
• საგადასახადო და სალიცენზიო მოთხოვნები, იურიდიული საკითხები
• გავრცელებული შეცდომები და პრაქტიკული რეკომენდაციები
• Q&A: „ჩემი პირველი 90 დღე ბიზნესში“

სესია 2 — ფინანსური ხელმისაწვდომობა (Access to Finance) და ბიზნესის ზრდა და
მასშტაბირება (Scale & Grow)
• ბანკები, სესხები და credit score: რა მუშაობს რეალურად
• გრანტები/მიკროდაფინანსება/ალტერნატიული რესურსები
• ინვესტორთან საუბრის ლოგიკა: pitch, numbers, trust
• ციფრული გაყიდვები (B2C/B2B), პლატფორმები და არხები
• ბრენდინგი ამერიკულ ბაზარზე: ნდობა და რეპუტაცია
• მომხმარებელზე ორიენტირებული მომსახურება
• მდგრადი ზრდის პრინციპები - პრაქტიკული მაგალითი

სესია 3 — დიასპორა როგორც ეკონომიკური გაძლიერების და საერთაშორისო
ინტეგრაციის რესურსი
• წარმატებული ქალი მეწარმეების გამოცდილების გაზიარება;
• ქალთა დიასპორული ქსელების მნიშვნელობა საერთაშორისო ბაზრებზე
წვდომის, პარტნიორობებისა და ინვესტიციების მოზიდვის პროცესში;
• თანამშრომლობის შესაძლებლობები საქართველოსა და მის ფარგლებს გარეთ
მცხოვრებ ქალ მეწარმეებს შორის (დისკუსია).
13 მარტი (პარასკევი) — შეხვედრა გაეროში (NYC)
ფორმატი: სამუშაო შეხვედრა / მრგვალი მაგიდა
ძირითადი საკითხები:
• დიასპორა როგორც ეკონომიკური ინტეგრაციის რესურსი
• მცირე ბიზნესების მხარდაჭერის საერთაშორისო მიდგომები
• ქალთა ეკონომიკური გაძლიერება და ბაზარზე წვდომა
• პარტნიორობა საერთაშორისო ორგანიზაციებთან: თანამშრომლობის
ფორმატები და მექანიზმები
14 მარტი (შაბათი) — სექტორული პრაქტიკა და პროფესიული ვიზიტები
მიმართულება A — კვების ბიზნესი და ექსპორტი
• კულინარიული მასტერკლასი (პროდუქტის კულტურული და კომერციული
პოტენციალი)
• კვების უსაფრთხოება, სტანდარტები, ლეიბლინგი (მთავარი პრინციპები)
• ბრენდინგი და მომხმარებელთან კომუნიკაცია
• პრაქტიკული განხილვა: „როგორ ვაქციოთ კულინარია ექსპორტის
პროდუქტად“
მიმართულება B — სერვისბიზნესი (ჯანდაცვა/ესთეტიკური მედიცინა)
• მომსახურების ბიზნესის სტრუქტურა და ხარისხის მართვა
• რეგულაციები და ეთიკა
• მომხმარებლის ნდობა, რეპუტაცია, განმეორებითი გაყიდვები
• პრაქტიკული მაგალითები და კითხვა–პასუხი
15 მარტი (კვირა) — Ruby Awards Luncheon (The Historic Old Bermuda Inn, Staten Island,
New York). დრო: 12:00 PM – 4:00 PM
ორგანიზატორი: Soroptimist International of Staten Island
Ruby Awards Luncheon წარმოადგენს ყოველწლიურ პრესტიჟულ ღონისძიებას,
რომლის ფარგლებში აღიარებას იღებენ ქალები, რომელთაც მნიშვნელოვანი წვლილი
შეაქვთ ქალთა ეკონომიკური გაძლიერების, განათლებისა და თანასწორობის
ხელშეწყობაში. ღონისძიება ასევე მიზნად ისახავს რესურსების მობილიზებას იმ
პროგრამებისთვის, რომლებიც ქალებსა და გოგონებს განათლებასა და პროფესიულ
განვითარებაში ეხმარება.

16 მარტი (ორშაბათი) — პროგრამის შეჯამება და დახურვა (NYC)
თემა: „From Connections to Cooperation“
ფორმატი: შეჯამება + ბიზნეს პიჩები + გალა ვახშამი
• პროგრამის ძირითადი მიგნებები და შედეგების პრეზენტაცია
• ბიზნეს პიჩები (2–3 წუთიანი გამოსვლები მონაწილეებისთვის)
• პარტნიორობების ინიცირება: „Next Steps“ შეთანხმებები
• მადლობები/დაჯილდოება (პარტნიორები, მხარდამჭერები, განსაკუთრებული
მონაწილეები)
• გალა ვახშამი და არაფორმალური ნეთვორქინგი - რესტორანში ,,ასაია“.
ქალთა ეკონომიკური გაძლიერების საერთაშორისო ფორუმის და თემატურად
დაკავშირებული ღონისძიებების მოსალოდნელი შედეგები:
• ახალი ბიზნეს და პარტნიორული კავშირების ჩამოყალიბება;
• დიასპორის ბიზნეს ქსელის გაძლიერება;
• მონაწილეთა ცოდნის გაზრდა და კომპეტენციების გაძლიერება;
• ქართული ბიზნესების კონკურენტუნარიანობის ზრდა აშშ ბაზარზე;
• GABA-ს საერთაშორისო პოზიციონირების გაძლიერება და სამომავლო
თანამშრომლობების საფუძვლის შექმნა.
პროგრამაში მონაწილეობა და ღირებულება:
ფორუმში მონაწილეობა შესაძლებელია მხოლოდ წინასწარი რეგისტრაციის
საფუძველზე. რეგისტრაციის შემდეგ მონაწილეთა შერჩევა და მონაწილეობა
დასტურდება ორგანიზატორის მიერ.

რეგისტრაციის საფასური:
• GABA არაწევრები- 100 აშშ დოლარი
• GABA წევრებისთვის - უფასო
• რეგისტრაციის გაუქმების შემთხვევაში, გადახდილი თანხა უკან არ ბრუნდება.

რეგისტრაცია ითვალისწინებს მონაწილეობას
სექტორულ ვიზიტებსა და შეხვედრებში;
ასევე ფორუმის დახურვისა და გალა ღონისძიებაში მონაწილეობას .

მონაწილეობის საფასურში არ შედის : ტრანსპორტის ხარჯები, საცხოვრებელი,
ინდივიდუალური კვება (თუ ორგანიზატორის მიერ დამატებით არ განისაზღვრება სხვა პირობები ).
საკონტაქტო ინფორმაცია
• ელფოსტა: [email protected]

01/23/2026

From December 10 to 12, 2025, New York City hosted the International Georgian–American Business Forum, a multi-day initiative that brought together a series of thematically connected events. The forum was designed to empower women entrepreneurs, foster global cooperation, and promote innovative approaches to business.
The three-day program combined practical networking opportunities with in-depth professional discussions. The first day focused on introducing Georgian businesses and highlighting their economic and cultural context. The second day emphasized opportunities for collaboration with international institutions and policy-level dialogue. The forum concluded on December 12 with an international business conference held at LUMA Studios in New York City (Garment District, 38th Street & 8th Avenue). The conference brought together women entrepreneurs, business leaders, industry experts, and representatives of the Georgian diaspora from Georgia, the United States, and Europe.
The conference featured panel discussions, thematic workshops, and presentations covering key topics such as women’s leadership in today’s business environment, strategies for entering international markets, social entrepreneurship, digital transformation, and access to finance. Particular emphasis was placed on showcasing Georgian businesses and products to an international audience, as well as highlighting the important role of the Georgian diaspora in advancing global economic cooperation.
Through the forum and its accompanying events, meaningful opportunities for collaboration were created across the civil society, business, and public sectors, in line with the United Nations Sustainable Development Goals.
____________________________________________

2025 წლის 10–12 დეკემბერს ნიუ-იორკში გაიმართა საერთაშორისო ქართულ-ამერიკული ბიზნეს ფორუმი, რომელიც აერთიანებდა ერთმანეთთან შინაარსობრივად დაკავშირებულ თემატურ ღონისძიებებს და მიზნად ისახავდა ქალთა მეწარმეობის გაძლიერებას, გლობალური თანამშრომლობის განვითარებასა და ინოვაციური ბიზნეს მიდგომების წახალისებას.
ფორუმის სამდღიანი პროგრამა მოიცავდა როგორც პრაქტიკულ გაცნობით აქტივობებსა და სიღრმისეულ პროფესიულ განხილვებს. პირველი დღე დაეთმო ქართული ბიზნესების საქმიანობის გაცნობასა და მათი ეკონომიკურ-კულტურული კონტექსტის წარმოჩენას; მეორე დღეს ყურადღება გამახვილდა საერთაშორისო ინსტიტუტებთან თანამშრომლობის შესაძლებლობებსა და პოლიტიკის დონეზე დიალოგზე; ხოლო ფორუმის მესამე დღეს, 12 დეკემბერს, ნიუ-იორკში, LUMA Studios-ში (Garment District, 38th Street & 8th Avenue) გაიმართა საერთაშორისო ბიზნეს კონფერენცია, რომლებმაც გააერთიანა ქალი მეწარმეები, ბიზნეს ლიდერები, დარგის ექსპერტები და ქართული დიასპორის წარმომადგენლები საქართველოდან, აშშ-დან და ევროპიდან.
კონფერენციის პროგრამა მოიცავდა პანელურ დისკუსიებს, თემატურ ვორქშოპებსა და პრეზენტაციებს, სადაც განხილული იყო ქალთა ლიდერობის როლი თანამედროვე ბიზნესში, საერთაშორისო ბაზრებზე გასვლის სტრატეგიები, სოციალური მეწარმეობა, ციფრული ტრანსფორმაცია და ფინანსებზე ხელმისაწვდომობის საკითხები. განსაკუთრებული ყურადღება დაეთმო ქართული ბიზნესისა და პროდუქციის საერთაშორისო აუდიტორიის წინაშე წარმოჩენას, ასევე ქართული დიასპორის როლს გლობალური ეკონომიკური თანამშრომლობის კონტექსტში.
ფორუმისა და მისი თანმდევი ღონისძიებების ფარგლებში შეიქმნა თანამშრომლობის რეალური შესაძლებლობები სამოქალაქო, ბიზნეს და საჯარო სექტორებს შორის, რაც სრულად ეხმიანება გაეროს მდგრადი განვითარების მიზებს.

12/27/2025

ქალთა საერთაშორისო ბიზნეს კონფერენცია წარმატებით დასრულდა - მნიშვნელოვანი გლობალური შეხვედრა, რომელმაც ერთ სივრცეში გააერთიანა ქალთა ლიდერობა, პასუხისმგებლობა და სტრატეგიული ხედვა.

კონფერენციის დასრულებასთან ერთად, ქართულ-ამერიკული ბიზნეს ასოციაცია (GABA) გულწრფელ მადლობას უხდის ღონისძიებაში ჩართულ ყველა პარტნიორ ორგანიზაციას, სპიკერს, მონაწილეს, GABA-ს საბჭოს წევრებსა და ასოციაციის წევრებს იმ უდიდესი ძალისხმევისა და პროფესიონალიზმისთვის, რომელმაც ეს მაღალი დონის საერთაშორისო ბიზნეს კონფერენცია შესაძლებელი გახადა.

განსაკუთრებული მადლობა დიასპორის სახლის ხელმძღვანელს ქალბატონ ინა ასანიძეს Inna Asanidze პროექტის უმაღლეს დონეზე კოორდინაციისთვის, კონფერენციის ორგანიზების სრულყოფილი მართვისთვის და მისი წარმატებით განხორციელებისთვის. მისი პროფესიონალიზმი, პასუხისმგებლობა და ხედვა გახდა ამ მნიშვნელოვანი ღონისძიების ეფექტური დაგეგმვისა და ღირსეული განხორციელების მთავარი საფუძველი.

მადლობას ვუხდით
ვიცე-პრეზიდენტს - ნინა ექსეულიძეს Nina Ekseulidze,
საბჭოს თავმჯდომარეს-ნიკოლოზ ჩხეიძეს Nikoloz Chkheidze
გენერალურ მდივანს-გოგა მამფორიას Goga Mamporia
საბჭოს წევრს-ზურა ფარქოსაძეს Zura Parqosa
პროექტების კომიტეტის თავმჯდომარეს - ლიკა კილაძეს Lika Kiladze

მადლობას ვუხდით ასევე
გია ფურცხვანიძეს Gia Purtskhvanidze,
რამაზ ოქრუაშვილს Ramaz Okruashvili
რუსუდან ჯიღაურს Jay, ანა შარვაძეს Ana Sharvadze, ანა ქურციკიძეს Ann Zakk, ეკა მაისურაძეს Eka Maisuradze და ბუგა ოსიძეს - მხარდაჭერისა და ერთიანობისთვის.

განსაკუთრებული მადლობა გაეროში საქართველოს ელჩს დავით ბაქრაძეს მხარდაჭერისთვის.

დიდი მადლობა ყველა სპიკერს და GABA-ს თითოეულ წევრს - თქვენი ხმა, ხედვა და შრომა ამ კონფერენციის მთავარი ძალაა.

განსაკუთრებული მადლობა ფოტოგრაფს ნინი გოგინაშვილს Nini Goginashvili Nini Goginashvili photography- პროფესიონალიზმისა და ესთეტიკური სრულყოფისთვის.

ქალთა საერთაშორისო ბიზნეს კონფერენცია დასრულდა, თუმცა დაწყებული დიალოგი და თანამშრომლობა გრძელდება.