11/02/2026
आदरणीय बोस्टन तथा न्यु इंग्ल्यान्डवासी नेपाली समुदायका सम्पूर्ण सदस्यज्यूहरू,
सादर नमस्कार
दोस्रो वार्षिक साधारण सभा आह्वानसम्बन्धी अत्यन्त जरुरी सूचना
ग्रेटर बोस्टन नेपाली कम्युनिटी (GBNC) को आज मिति नोभेम्बर १, २०२६ मा आह्वान गरिएको वार्षिक साधारण सभामा संस्थाको विधानको धारा IV, खण्ड १ (Article IV, Section 1) बमोजिम आवश्यक ५१ प्रतिशत सदस्यहरूको उपस्थिति नपुगेका कारण सभा सञ्चालन गर्न आवश्यक गणपूरक संख्या (Quorum) पूरा हुन सकेन।
यस कारण संस्थाको विधानमा रहेको व्यवस्थाअनुसार दोस्रो वार्षिक साधारण सभा आह्वान गर्नुपर्ने भएको जानकारी गराउँदछौँ।
तसर्थ, संस्थाको दोस्रो वार्षिक साधारण सभा निम्न मिति, समय र स्थानमा आयोजना गर्ने निर्णय गरिएको हुँदा सम्पूर्ण सदस्यज्यूहरूलाई उपस्थित भई सभालाई सफल बनाउन हार्दिक अनुरोध गर्दछौँ।
📅 मिति: आइतबार, नोभेम्बर १५, २०२६
⏰ समय: दिउँसो २:०० बजेदेखि साँझ ५:०० बजेसम्म
📍 स्थान: PABFONE भवन
594 Washington Street, Braintree, MA 02184
📌 सभामा छलफल हुने मुख्य विषयहरू:
१. संस्थाको वार्षिक प्रगति प्रतिवेदन प्रस्तुत, छलफल तथा अनुमोदन।
२. संस्थाको वार्षिक आय–व्यय विवरण प्रस्तुत, छलफल तथा अनुमोदन।
३. आगामी वार्षिक कार्यक्रम तथा योजनासम्बन्धी छलफल।
४. विधानबमोजिम अन्य आवश्यक विषयहरूमा छलफल तथा निर्णय।
ग्रेटर बोस्टन नेपाली कम्युनिटी हाम्रो साझा संस्था हो। यसको भविष्य, सुदृढीकरण, पारदर्शिता र प्रभावकारी सञ्चालनका लागि प्रत्येक सदस्यको सहभागिता, सुझाव र सहकार्य अत्यन्त महत्त्वपूर्ण छ।
समुदायको एकता, आपसी सद्भाव र संस्थागत विकासलाई थप मजबुत बनाउन सम्पूर्ण सदस्यज्यूहरूको सक्रिय उपस्थितिको अपेक्षा गरेका छौँ।
यसै सूचनालाई संस्थाको आधिकारिक सूचना तथा निमन्त्रणा मानी तोकिएको मिति, समय र स्थानमा अनिवार्य रूपमा उपस्थित भई सभालाई सफल बनाइदिनुहुन सम्पूर्ण सदस्यज्यूहरूमा हार्दिक अनुरोध गर्दछौँ।
हाम्रो समुदाय, हाम्रो एकता, हाम्रो साझा जिम्मेवारी।
धन्यवाद!
भवदीय,
अजय ढकाल
महासचिव
ग्रेटर बोस्टन नेपाली कम्युनिटी (GBNC)
