Lakbayan

16/05/2026

Nabuo ang samahang ito bunga ng aking karanasan at pangarap. Sa panayam na ito naibahagi ko kung paano nagsimula ang lahat. Salamat Josheva Gamboa: JOSH SHOW UP sa pagkakataon para muli kong maibahagi ang aking kuwento.

27/04/2026

Sa likod ng bawat awit ay may kuwento, at sa likod ng bawat tinig ay may layunin.
Mikko Gusi
Sa makabuluhang panayam na ito kay Mikko Gusi, mas nakilala natin hindi lamang ang kanyang paglalakbay bilang isang artist, kundi pati ang kanyang malasakit sa paglilingkod, adbokasiya, at hangaring makagawa ng positibong pagbabago sa buhay ng iba.

Higit pa ito sa musika...ito ay puso, pag-asa, at misyon.

Panoorin ang buo kong panayam sa kanya:
https://youtu.be/qP1bxRa4J1M

10/02/2026

Kami’y naglalakbay sa bundok at dagat,
Bitbit ang pag-asang sa puso’y nag-aalab,
Lapis at papel, simpleng kagamitan,
Ngunit hatid sa kanila'y lubos na kaligayahan.

LAKBAYAN para sa kabataan,
Sila ang pag-asa ng ating bayan.
LAKBAYAN para sa kabataan,
Pangarap nila'y ating alalayan.

Hindi hadlang, layo at bagyong darating,
Ni ang daang liko na puno ng panganib,
Pagkat sa layunin kami’y nagkakaisa rin,
Na edukasyon ay susi na dapat nilang kamitin.

LAKBAYAN para sa kabataan,
Sila ang tunay na kinabukasan
LAKBAYAN para sa kabataan,
Pangarap nila'y ating paniwalaan.

Salamat sa mga taong sumusuporta
Sa adhikaing pusong wagas ang dala
Sa bawat lakbay, hatid ay pag-asa
Tayo ang bayan, kung nagkakaisa.

09/02/2026

Kilalanin natin si Josheva Supnet Gamboa, mula sa pagiging isang Cabin Crew ngayon ay isang may-ari ng restaurant sa Qatar. Ang kwento ng kanyang buhay ay isang inspirasyon upang tahakin din natin ang ating mga pangarap sa kabila ng pagsubok.

Follow her page and be more inspired:
https://www.facebook.com/share/17p9Gr11RP/

Panuorin ang kanyang buong kuwento:
https://youtu.be/OY_i_rg-gik?si=M9Usr2rrzmy3XyDN

FROM RUNWAY TO REAL WORLD : There’s Life After Flying! | The OFW Business Authority | CONTENT CREATOR | AI EMPOWERED

29/12/2025

Sa bawat regalong ibinahagi, maraming kabataan tayong napasaya. Lubos ang aming pasasalamat sa lahat ng naghandog, sumuporta, at nakilahok sa aming Bigay Puso sa Pasko ngayong taon. Patunay kayo na ang tunay na diwa ng Pasko ay ang pagbibigay. 💓🎄🎁

25/12/2025

Maligayang Pasko sa lahat!
Inaanyayahan namin kayo na makibahagi sa aming Bigay-Puso sa Pasko.
Tumatanggap po kami ng mga donasyong laruan at regalo upang maghatid ng saya sa mga bata ngayong Pasko. Ang inyong munting handog ay malaking ngiti para sa kanila.

Maari po ninyo kaming i-chat para sa karagdagang detalye. Maraming salamat! 💓🎄🎁

22/07/2025

❤️❤️❤️

20/07/2025

Matagumpay na isinagawa ang LAKBAY DUNONG 2025 nitong ika-19 ng Hulyo sa Mararaot Integrated School ng Brgy. Lumutan, Gen. Nakar, Quezon. Ito ay bunga ng pagtutulungan ng iba't ibang mga organisasyon na naglalayong mas patatagin pa ang edukasyon sa pamamagitan ng pagbibigay ng mga gamit pampaaralan sa mga liblib na lugar.

Nagkaisa ang aming samahan LAKBAYAN kasama ang FSMM (Friends of St. Mary Mackillop, Inc.), Dalisay Foundation, Bayan ni Juan Movement, at SMJWC para sa adbokasiyang ito, para sa kabataan.

Maraming maraming salamat sa lahat ng mga sponsor:

📚National Bookstore
📚Colorata
📚Human Nature
📚 L. A. Papier Printing Services
📚Manila Absolute Lions Club
📚S.A. Trading
📚 Kapitan Gerry Teves

Higit sa lahat, ang mga indibidwal na walang sawang sumusuporta sa ganitong proyekto. Nawa'y mas pagpalain pa po kayo! 💓

14/07/2025

Maraming salamat po sa mga nagkaloob na ng kanilang mga donasyon sa aming organisasyong Lakbayan. Kami po ay nangangailangan pa ng kagamitang pampaaralan at bukas pa para sa inyong mga tulong. 🙏💓

01/07/2025

Sa pagtutulungan ng LAKBAYAN at FSMM kasama ang Dalisay Foundation at Colorata Digital Printing Service, magkakaroon tayo ng Outreach Program ngayong darating na ika-19 ng Hulyo 2025 sa Mararaot Integrated School (Brgy. Lumutan, Gen. Nakar, Quezon Province).

Layunin natin na suportahan ang mga mag-aaral mula sa Tribo ng Dumagat sa pamamagitan ng pagbibigay ng gamit-pampaaralan.

Sa mga nais mag-abot ng inyong tulong at suporta sa ating adhikain, maaari lamang po na mag-message dito sa ating page o tumawag sa 09189420101.

Maraming Salamat. 🫶

01/07/2025

Maligayang kaarawan sa isa sa mga unang tagapagtatag ng ating samahan! Kahit malayo ka man, hindi ka tumitigil sa pagbabahagi at pagtulong para sa ating kabataan. 💓