27/09/2026
मिति २०८३ साल असोज ८ गते तदानुसार 24th September 2026 का दिन क्षेत्रीय होटल संघ नेपाल चितवन र Asian-African Chamber of Commerce & Industry तथा World Trade Center Mumbai (WTC Mumbai) बीच व्यापारिक तथा आर्थिक सहकार्यका लागि Memorandum of Understanding (MoU) मा हस्ताक्षर भएको छ।
एक विशेष समारोहमा क्षेत्रीय होटल संघ नेपाल, चितवनका अध्यक्ष श्री ओमप्रकाश पाण्डेले नेपालमा पर्यटन, जलविद्युत्, पूर्वाधार तथा अन्य क्षेत्रमा लगानीका प्रशस्त अवसरहरू रहेको उल्लेख गर्दै अन्तर्राष्ट्रिय लगानीकर्ताहरूलाई नेपालमा लगानी गर्न आह्वान गर्नुभयो।
अध्यक्ष पाण्डेले BRICS International, दक्षिण अफ्रिकाका व्यावसायिक प्रतिनिधिहरू तथा World Trade Center Mumbai का अध्यक्षलगायत प्रतिनिधिहरूलाई नेपाल भ्रमण गरी लगानीका अवसरहरूको अध्ययन गर्न विशेष निमन्त्रणा गर्नुभयो।
यस समझदारीले नेपाल र भारतबीच व्यापार, लगानी, पर्यटन तथा व्यवसायिक सम्पर्क विस्तारका लागि नयाँ अवसर सिर्जना गर्ने अपेक्षा गरिएको छ। विशेषगरी चितवन तथा नेपालको पर्यटन प्रवर्द्धनलाई अन्तर्राष्ट्रिय बजारसम्म पुर्याउन, भारतीय तथा अन्य विदेशी पर्यटकलाई नेपाल भ्रमणका लागि आकर्षित गर्न, पर्यटन व्यवसायीबीच सहकार्य र व्यापारिक नेटवर्क विस्तार गर्न यस सम्झौताले महत्वपूर्ण भूमिका खेल्ने विश्वास गरिएको छ।
यस पहलमार्फत आगामी दिनमा भारतका विभिन्न शहर तथा अन्तर्राष्ट्रिय व्यापारिक सञ्जालमा चितवन, सौराहा र समग्र नेपालको पर्यटन गन्तव्यको प्रचार–प्रसार, पर्यटनसम्बन्धी व्यापारिक भेटघाट, B2B कार्यक्रम, पर्यटन प्याकेज प्रवर्द्धन तथा नेपाल र अन्तर्राष्ट्रिय व्यावसायिक समुदायबीच सहकार्य विस्तार, पर्यटन प्रवर्द्धन तथा विदेशी लगानी आकर्षित गर्ने दिशामा यो पहल महत्वपूर्ण हुने अपेक्षा गरिएको छ।
क्षेत्रीय होटल संघ नेपाल चितवनको यो पहलले चितवनको पर्यटनलाई अन्तर्राष्ट्रिय व्यापारिक तथा पर्यटन बजारसँग जोड्दै नेपालको पर्यटन प्रवर्द्धनमा नयाँ आयाम थप्ने विश्वास लिएका छौ ।