05/09/2023
नेपाल रेडक्रस सोसाइटीको ६१ औ स्थापना दिवसको अवसरमा नेरेसो नुवाकोट जिल्ला शाखाले एक कार्यक्रम गरि दिवस मनाएको छ । नेरेसो नुवाकोट जिल्ला शाखाबाट संचालित रक्त संचार सेवा केन्द्रको दिगो संचालन तथा ब्यबस्थापन सहित निशुल्क रगत उपलब्ध गराउनका लागि रु. एक करोडको कोष स्थापनार्थ सहयोग संकलन अभियान शुभारम्भ कार्यक्रमको आज औपचारीक रुपमा ब्यानर पढेर र पानसमा दिप प्रज्वलन गरी गरीएको छ । प्रमुख जिल्ला अधिकारी श्री सुरेन्द्र पौडेल ज्युको प्रमुख आतिथ्यतामा सम्पन्न कार्यक्रममा रेडक्रस दिवसको अवसरमा शुभकामना आदानप्रदान का साथै रु. एक करोडको संकलनका लागि तयार पारीएको योजना बारेमा प्रस्तुति गरिएको थियो। दिवसको अवसरमा जिल्ला त्रीशुली अस्पतालको लागि अक्सिजन कन्सन्टेटर लगायतको स्वास्थ सामाग्री समेत हस्तान्तरण गरिएको छ । उक्त कार्यक्रम मुलत: रक्त संचार सेवा केन्द्रको दिगो संचालन र ब्यबस्थापनमा केन्द्रित भएको थियो । जिल्ला शाखाका सभापति श्री हरि श्रेष्ठ ज्युको अध्यक्षतामा सप्पन्न भएको कार्यक्रममा जिल्ला शाखाले संचालन गरिरहेको गतिबिधीको बारेमा कार्यालय प्रमुख समुन्द्र अधिकारीले प्रस्तुती गर्नुभएको थियो । कार्यक्रममा जिल्ला प्रहरी कार्यलयका प्रहरी उपरीक्षक,पुर्व सभापति, म्यागङ गाउँपालिका उपाध्यक्ष,उध्योग बाणिज्य संघका बर्तमान एवं पुर्ब अध्यक्ष,जिल्ला अस्पताल ब्यबस्थापन समितीका अध्यक्ष,जिल्ला कार्यसमितीका पदाधिकारी तथा सदस्यहरु, उपशाखा सभापतिहरु, कर्मचारीहरु, जुरेस शिक्षक नायक तथा रेडक्रसकर्मीहरुको उपस्थिति रहेको थियो। कार्यक्रममा रेडक्रस अभियान तथा रक्तसंचारको लागि शुभारम्भ गरिएको रु. एक करोड संकलनको लागि प्रमुख जिल्ला अधिकारी लगायत बत्ताहरुले सकारात्मक उर्जा र शुभकामना ब्यक्त गर्नु भएको थियो । कार्यक्रम स्थलमा नेरेसो नुवाकोट जिल्ला शाखाबाट प्रकाशित विभिन्न पुस्तिका, सन्दर्भ सामाग्रीहरु साथै रक्तदानको लागि सन्देश एवं आवस्यक सामग्रीहरुको प्रदर्शन गरीएको थियो । जिल्ला शाखाका मन्त्री श्री उद्दव शर्मा रिजालले संचालन गर्नु भएको कार्यक्रममा उपसभापति शुशिला चित्रकार, कोषाध्यक्ष नवराज सुवेदी,सदस्य बिनोद पाठक,नागरिक समाज अध्यक्ष बद्री त्रिपाठी,उद्योग बाणिज्य संघका बर्तमान र पुर्व अध्यक्ष राजेन्द्र श्रेष्ठ एवं शरण उत्सुक सापकोटा, म्यागङ गाउँपलिका उपाध्यक्ष सीता तामाङ, Blood On Request In Nuwakot का संयोजक एवं सामाजिक अभियान्ता मछिन्द्र नरसिङ प्याकुरेल, पुर्व सभापति राम प्रसाद जोशी लगायतले आफ्नो मन्तब्य राख्नु भएको थियो ।
#मनैदेखिसेवा
ेडक्रस
मिति:२०८०.०५.१९
जय रेडक्रस ।
Hari Shrestha
Uddhav Sharma Rijal
Ramesh Giri
