Strandebarm Ungdomslag

26/12/2025

14/12/2025

Då me ynskjer å støtta opp om Strandebarm songlag,som skal ha jolakonasert i Strandebarm kyrkje den 21. Desember har me flytta bingoen denne månaden til idag.

07/12/2025

🍪 Pepperkakebygda treng fleire byggverk! 🏡✨

Me må berre seia det rett ut: Pepperkakebygda vår ser litt luftig ut akkurat no… 😅
Me blir SÅ glade om fleire vil bidra med byggverk!

Har du eit halvt ferdig hus på kjøkkenbordet? Ein båt som manglar pynt? Eit fjøs som står til tørk? Eller kanskje ein idé du kan svinga saman i full fart – alt er velkoment!

Du har framleis tid 👉 Innlevering i dag fram til kl. 15.45

🎄 Kl. 16 opnar me pepperkakebygda i Haugatun!
Kom og sjå alle bidraga – og kos deg med sal av julegraut 🍚✨

Håpar me ser både fleire byggverk og mange kjekke folk i ettermiddag! 🏡❤️

06/12/2025

Har du lyst å bidra med eit byggverk til pepperkakebygda vår? Kom til Haugatun med bidraget ditt imorgon søndag imellom kl 15 til 16.

Kl 16.00 opnar me pepperkakebygda vår og du er velkomen.
Me har sal av julagraut. 🎅🤶

06/12/2025

Huset er åpent fra 14-16 idag! Her er både store og små bidrag velkomne 🎄

23/11/2025

🏡 Haugatun er pynta og klart – i dag kjem Huset i Bygda!
Me gler oss til å ta imot både bygdefolk og besøkjande. Velkomen innom for ein kjekk og inspirerande dag!
Kom kom. Programme startar kl 13

20/11/2025

Ta turen til Haugatun på søndag! 🏡

No på søndag kjem fleire ungdomslag frå Hordaland til Strandebarm for Hussamling i Huset i Bygda, og me håpar verkeleg at mange frå bygda vil stikka innom òg!

Det blir ein innhaldsrik og triveleg dag med omvising, forteljingar om ungdomshuset vårt, besøk frå kommunen, nyttige tema om drift av hus og lag – og sjølvsagt mat og mingling i ekte bygdestil.

Har du lyst å vera med?
Du kan melda deg på med ein enkel SMS til 932 51 585 📩
(berre skriv namnet ditt og kor mange de er)

Velkomen til ein kjekk søndag på Haugatun – me gler oss til å sjå folk i huset! 🌟

18/11/2025

HUSET I BYGDA – SAMLING PÅ HAUGATUN
Søndag kl. 13.00

Strandebarm Ungdomslag får besøk av fleire ungdomslag frå Hordaland – og me opnar dørene for alle som vil vera med!

Det blir ein triveleg og lærerik dag med:
• Historier om ungdomshuset vårt
• Inspirasjon og gode tips for lag og hus
• Innspel frå kommune og Sparebankstiftinga
• Sal av kaffi og svele, mingling og god bygdastemning

Gratis og ope for alle
Velkomen innom – både bygdafolk, nysgjerrige sjeler og alle som bryr seg om dei gode møteplassane våre!

Gratis og ope for alle
Håpar me ser deg!

16/11/2025

🎄 Pepperkakebygd i Haugatun – bli med og lag julestemning i bygda! 🏡✨

No er me godt i gang med planlegginga av årets pepperkakebygd her i Haugatun, og me håpar mange har lyst å bidra med sitt eige pepperkakebygg!
Naust, tun, fjøs, båt eller eit heilt fantasiområde – alt er velkoment, og me gler oss til å sjå kva alle i bygda tryllar fram 😄

📌 Innlevering av pepperkakebidrag:
🍪 Fredag 5. des kl. 17–20
🍪 Laurdag 6. des kl. 14–16

---

🎅 Søndag 7. des kl. 16 – Opning av pepperkakebygda!

Denne ettermiddagen ynskjer me alle velkomne til Haugatun for ei skikkeleg koseleg førjulsstund.
Då tenner me lysa i pepperkakebygda, og du kan vandra rundt og sjå alle dei flotte, kreative – og kanskje litt skeive – bidraga frå folk i bygda.

Det blir sal av jolagraut, varm stemning, og god tid til å slå av ein prat, pusta ut frå julestria og berre nyta augneblinken.
Ta med familie, vener og naboar som elsker lukta av pepperkake – dette passar for både små og store 🎄❤️

---

👀 Onsdag 10. desember kl. 18–20
Fekk du ikkje anledning til å koma på opningsdagen?
Då har me ein ekstra visningskveld der du kan ta turen innom Haugatun og sjå pepperkakebygda i all si g***s.
Stikk innom for ein koseleg førjulspause – velkomen! ✨

05/11/2025

🎉 Pubquiz i kjellaren på Haugatun! 🍻

Er du full av unyttig kunnskap, raske svar og gode argument? Eller berre glad i ein kveld med god stemning og litt fjas? Då må du ta turen til Haugatun laurdag 15. november kl. 20.00!

Det blir 4 rundar med spørsmål, maks 6 på kvart lag, og sjølvsagt premie til vinnarane 🏆
Me har sal av øl, cider, vin, brus og litt lett mat – og musikken går på etter quizen 🎶

💸 Inngang: 150 kr
🔞 18-årsgrense

Samla venegjengen, naboen eller svigermor og bli med på ein kveld som garantert blir både kjekk og litt konkurranseprega 😅

Vel møtt i kjellaren på Haugatun – dette blir moro!
— Strandebarm Ungdomslag (S.U.L.)